الفنار

صباح الخير من الفنار 🥰

عيد مبارك سعيد على كل اسرة مصرية

عيد بطعم تراث مصري اصيل.......

كل عام وحضراتكم بخير 🥰

المفروض انه كان نشاط كتاكيت

بس قلب على نشاط غربان 🤔

هل ستمطر ؟

عملنا سجادة صلاة لشهر رمضان موديل ٢.٢٦ 😀

اسبوع مميز في بستان الطفولة 🥰

مش بس الانشطة خلال الاسبوع هتكون ليها علاقة بشهر رمضان المبارك

ولكن يوم الخميس هيكون معانا ضيف عزيز جدا هيشرفنا في مساحة الفنار

وهيتكلم في موضوع يهم امهات كتير

وكل عام وحضراتكم بخير

ايه اللي حصل لعمر بعد شهرين في بستان الطفولة؟ 🌱

عمر طفل جميل من اطفال بستان الطفولة
حضر شهرين كاملين في بستان الطفولة 🤍

شهر " أنا وحواسي"
والشهر الثاني " اصدقائي الحيوانات"

ماتيجي نشوف ايه اللي حصل لعمر على مدار الشهرين !! 👇

🧠 عمر بقى قادر يفكر ويحلل
لما عمر لمس، وشم، وتذوق.
هو مكنش بس بيلعب؛ هو كان بيبني وصلات عصبية في دماغه بتخليه يستوعب العالم أسرع وأعمق.

✋ عضلات ايده بقت اقوى
مسكة "الصلصال الطبيعي"
وتلوين "جذوع الشجر والزلط"
جهزت إيده لمهارات أكبر بكتير.

🤍 ثقته في نفسه زادت (لأن مامته كانت معاه)
وجود الأم جنبه وهو بيستكشف المزرعة خلاه يخرج من منطقة الخوف،
وبدأ يتعامل مع أطفال زيه بثقة وآمان.

🌿 علاقة حقيقية مع الطبيعة
عمر دلوقتي مبيشوفش البطة والأرنب في "شاشة"؛
هو شافهم، وأكلهم، وعرف ملمسهم،
وده نمى عنده الذكاء الفطري والرحمة بالحيوان.

🏃‍♂️ تفريغ طاقة وتطور حركي
المشي في الرمل والتسلق في المزرعة
ساعده يمشي أحسن، ويتحكم في توازن جسمه،
ويفرغ أي عصبية في ملعب الرمل ومطبخ الطين.

🐴 تأكيل الحمار.. دروس في الرحمة والمسؤولية
لما عمر مسك الأكل بإيده ويقرب من الحمار عشان يأكله،
هو مش بس بيكسر حاجز الخوف،
هو بيتعلم "الرفق" بشكل عملي.
بيعرف إن الكائن ده روح بتحس،
وبيتعلم إزاي يتعامل مع "الآخر" بهدوء وثبات،
وده قمة الذكاء العاطفي.

🍊 من الشجرة للكوباية (قطف البرتقال وعصره)
دي تجربة "حياة" متكاملة!
لما عمر قطف البرتقالة بإيده،
هو بيتعرف على مصدر أكله (مش مجرد حاجة بتطلع من التلاجة).
وعملية "العصر" هي أقوى تمرين لعضلات الإيد والتآزر الحركي،
بالإضافة لإحساس الإنجاز الرهيب لما يشرب عصير
هو اللي صنعه بنفسه من البداية للنهاية..
دي أول خطوات "الاستقلالية" اللي بنزرعها فيه.

في الاخر حابين نوجه كلمة شكر

....شكرا لكل الامهات اللي اللي شرفونا على مدار شهرين في بستان الطفولة.
انتي مكنتيش بس بتخرجيه،
انتي كنتِ "بتأسسيه" صح،
وبتستغلي أهم فترة في نمو عقلة وتنمية مهاراته.

💚 شكرا انك كنتي جزء مهم في رحلة تعلّم ابنك بشكل قوي وفعّال.

🌱 الشهر الحالي في بستان الطفولة بعنوان "المزارع الصغر"
وإن شاء الله مكملين معاكم في شهور جاية مليانة مفاجآت ومهارات ✨

ازاي اطور مهارات ابني قبل ما يدخل الحضانة؟
السؤال ده مهم جدا ❗

الاطفال من عمر سنة لسنتين او مرحلة ما قبل الحضانة
بيبقى عندهم استعداد قوي جدا لتنمية مهاراتهم

ولكن للاسف مش امهات كتير بيكونوا عارفين يقدموا ايه لاولادهم.

وطبعا لو دخلنا على اليوتيوب بنتوه وسط افكار كتير.

وفي منها صعب التنفيذ.......

الام والطفل بيكونوا محتاجين مساحة آمنة مليئة بالانشطة المتخصصة
اللي تساعد الطفل انه يطور من مهاراتة الحركية والعقلية والاجتماعية

وده اللي بيتقدم في برنامج بستان الطفولة للاطفال من عمر سنة الى سنتين ونصف
الاجمل ان بستان الطفولة بيكون بمصاحبة الام 👩‍👦

يعني مش هتضطري تسيبي ابنك..............
علشان تشوفي تطور ابنك قصاد عينك كل يوم في بستان الطفولة

حابين تعرفوا اكتر؟ 🤍

اكتبولنا في الكومنتات بستان الطفولة 💬
واحنا حنرسل التفاصيل فورا 🔗⚡

ايه الرعب ده يا ولاد
العبوا براحتكم مقولناش حاجة بس ماتلعبوش باعصابنا

هيستفيد ايه الطفل لما يكون قريب من اصدقاءه الحيوانات ؟

تخيلوا معانا طفل في خطوات عمره الاولى

طفل مكملش سنتين ونصف

بيشوف كائن حي

بيقرب منه ويلمسه

كم معلومات ومعرفة غير محدودة بيتلقاها الطفل في سنوات عمره الاولى

مهارات حسية

تعاطف مع الحيوان

كسر حاجز الرهبة

مهارات الملاحظة

والاجمل من ده كله ان رحلة التعلّم مع اقرب انسان ليه

الام

وده لاننا بنأكد دايما ان الام في المرحلة العمرية من سنة الى سنتين ونصف

هى العنصر الاساسي في تعلم الطفل

وعلشان كده احنا بنقدم لكل ام بستان الطفولة

المكان اللي بيقدر الطفل ينمي مهاراته بدون ضفط

في احضان الطبيعة المصرية

اهلا بيكم في بستان الطفولة ☺️