Civil F O E A S U - 2023

السلام عليكم يا شباب
يارب تكونوا جميعًا بأحسن حال🌹.

هنتكلم انهاردة عن ، فرص الكلية والفرص الخارجية.. وشوية معلومات اتغيرت عن السنة اللي فاتت..

أولًا: الفرص التدريبية المتاحة من الكلية:
• متاح ليك التقديم على أي من الفرص التدريبية اللي الكلية هتتيحها ليك في حال كنت مستوفي لشروطها، هتلاقيهم في
My Account ➡️ Training ➡️ Available Trainings
(في الوقت الحالي لسة مفيش تدريبات متاحة للتقديم)

• جدير بالذكر أنه ابتداءً من العام الأكاديمي الحالي الفرص التدريبية اللي الكلية هتوفرها -زي تدريب الهيئة الهندسية مثلا لو توفر السنة دي- لو اشتركت فيها هتتحاسب عليها كما اللائحة "بسعر ساعتين معتمدتين، كل دفعة على حسب سعر الساعة المعتمدة الخاص بها"، لكن محدش مجبر على التسجيل فيها، وتقدر توفر فرص تدريب خارجية بمعرفتك بدون أي رسوم.

ثانيًا: فرص التدريب الخارجية: (التي يوفرها الطالب لنفسه)
• متاح ليك إنك توفر لنفسك فرصة تدريب في أي شركة معتمدة لها سابقة أعمال ولها شغل موجود على الأرض (حسن علام - المقاولون العرب - ريدكون - رواد- .........إلخ)، أو أي وزارة أو هيئة حكومية تابعة لتخصصك، أو تشترك في تدريب معلن منهم، وتقدمه بتفاصيله على موقع الكلية والأدفيزور هيقبله إن شاء الله.

التقديم من:
My Account ➡️ Training ➡️ Available Trainings ➡️ Request Training (فوق أقصى اليمين لو فاتح الموقع من الكمبيوتر، غير متاحة من نسخة الموبايل)

• مش مسموح تكرر نفس التدريب بمحتواه أكثر من مرة، لو أخذت تدريب الصيف الماضي في مكان ما بمحتوى معين، وقدمت في نفس التدريب تاني بنفس المحتوى، ممكن يترفض، إنما ممكن تقدم في نفس المكان عادي لو التدريب مختلف.

• ملحوظة: لو حد دخل يقدم الآن على تدريب خارجي، مش هيلاقي متاح في اختيار الترم إنه يختار Summer 2022 لسة لأننا لسة مدخلناهوش، فيختار Spring 2022 عادي مفيش مشاكل، وكدة كدة الStart والEnd Date هيوضحهم في تفاصيل التدريب.

• هيكون مطلوب الCV، لو التدريب الخارجي طالب CV ارفعه على الموقع زي ما هو، ولو مش طالب اعمل أي CV على أي website أو تطبيق من Play Store ومحدش هيدقق معاك كدة كدة.

• حسب المعلومات المتاحة لينا الآن، الكورسات في مراكز التدريب الخاصة مثل (Cad Masters - Bench Mark -....... etc.) لن تحتسب ضمن أسابيع التدريب، لكن إذا حبيت إنك تحصل على هذه الكورسات للاستفادة هي كدة كدة هتفيدك جدا للمشروع والشغل بعد كدة، وممكن تحاول توفق أي تدريب خارجي تاني، ومازلنا بنحاول نعتمدها كتدريب خارجي.

ثالثًا: كورسيرا:
• كان في اتفاقية بين الكلية وكورسيرا لتوفير كورسات مجانية للطلاب في فترة الكورونا، وخلاص هذه الاتفاقية انتهت، فمعدش متاح الحصول على كورسات مجانية من كورسيرا للتدريب الصيفي.

• لو حد عايز يحصل على تدريب من كورسيرا، ممكن حل من حلين، يا إما تشتري الكورس بثمنه وتحصل عليه وتقدم الشهادة، أو تراسل كورسيرا منك ليهم وتطلب الحصول على كورس معين تحتاجه، وأنك مازلت تدرس ولن تستطيع سداد رسومه، أحيانا بيوافقوا على الإيميلات من هذا النوع، وأحيانًا لأ.

رابعًا: ملحوظات عامة:
• إجباري للتخرج الحصول على ١٢ أسبوع تدريبي على مدار سنين الدراسة، المعدل الطبيعي الحصول على ٤ أسابيع في كل عام أكاديمي، وبحد أقصى ٦ أسابيع في العام الأكاديمي الواحد (لمرة واحدة طوال سنين الدراسة)، حيث إن العام الأكاديمي الحالي -على سبيل المثال- يشمل على الترتيب:
Fall 2021 ➡️ Spring 2022 ➡️ Summer 2022

• الأسبوع التدريبي الواحد يعادل ٣ أيام في الأسبوع بمعدل ٤ ساعات في اليوم، أو ١٢ ساعة عمومًا.

• بالنسبة لطلاب Senior-1 اللي المفروض يتخرجوا السنة الجاية إن شاء الله ومتأخر عليهم اكتر من ٦ أسابيع تدريب، ضروري يحاولوا الصيف ده يحصلوا على ٦ أسابيع، ومتاح ليهم يحصلوا على عدد الأسابيع اللي هيتبقى في Fall 2022 أو Spring 2023 إن شاء الله، عشان يسمحلهم بالتخرج في موعدهم.

• الكلية منزلة ملفين مهمين للإطلاع عليهم، ملف Tutorials عبارة عن Screen shots لكيفية التقديم وهكذا سواء للفرص اللي من الكلية أو الفرص الخارجية، وملف آخر Training Handbook في التفاصيل اللازمة والمحتوى اللي مفروض تحاول تحصل عليه عند اختيارك للتدريبات، الملفين موجودين في:
My Account ➡️ My Archive ➡️ Students Training Documents
وموجودين درايف للتسهيل، الرابط في أول تعليق.

وأخيرًا: لو استفدت من البوست شاركه مع زملاءك، واعمل متابعة للصفحة ليصلك كل جديد، مُرحب جدًا بجميع استفساراتكم وتساؤلاتكم في التعليقات أو رسائل الصفحة، واكتبولنا في التعليقات لو في موضوعات تاني مش واضحة وحابين نتكلم عنها🤓

بالتوفيق إن شاء الله 🌹❤️🤗

السلامُ عليكم ورحمةُ الله وبركاته ❤.

كلُ عامٍ ونحنُ علىٰ الخيرِ مُجتمعين، وللشر مجتنبين، وعلىٰ البِّر والتقوىٰ متعاونين، تقبَّلَ الله منَّا ومنكم الصيَامَ والقيَامَ وصالحَ الأعمالِ💕.

نسأل الله -تعالى- أن يُعيدَ علينا وعليكم رمَضانَ والعيدَ بالخيرِ واليُمنِ والبركاتِ أعوامًا عديدةً وأزمنةً مديدةً ونحنُ في أحسن حال وفي خيرِ صحةٍ وعافيةٍ، غيرَ فاقدينَ ولا مفقودينَ❤🥰.

جعله الله عيدًا سعيدًا عليكم وعلىٰ أُسَرِكُم وجميعَ أهلِكُم وأحبابِكُم، ونرجو من اللهِ -عزَّ وجلَّ- أن يَجعلَ جميعَ أيامِكم أعيادًا، وأن يصرفَ عنكم كُلَّ مكروهٍ وسوء 💛.

كلُّ عامٍ وأنتم بخَير 💖🥳.

السلام عليكم

👷🏻‍♂️ تابع/ الموضوع رقم ١ في سلسة 🤔

في الجزء الأول، اتكلمنا عن كونسبت الGPA وطريقة حسابه، هتلاقوا رابط البوست في أول كومنت..
-----------------------------------------------------

الجزء الثاني: محتاج GPA كام عشان تخرج من الهاف لود؟ ومتجبش GPA أقل من كام عشان متنزلش هاف لود؟

• أولًا: تجيب كام عشان تطلع من الهاف لود؟

- نفترض إن المعدل التراكمي عندك 1.92/86 (يعني 1.92، ومحسوب على 86 ساعة)، وفي الترم الحالي حضرتك مسجل ١٤ ساعة..

- الموضوع بسيط، ومنغير ما تحسب كل مادة مما سبق دراسته.. انت معدلك التراكمي 1.92 على 86 ساعة، ده معناه إنك لو ضربت 1.92 × ال86، هيطلعلك عدد النقط بتاعتك اللي انت جمعتها هتطلع في الحالة دي 165.12، تاخدهم تحطهم على جنب كدة وتعالى نحسب حاجة صغيرة..

- انت عندك ٨٦ ساعة قبل كدة، ومسجل الترم ده ١٤ ساعة زي ما اتفقنا.. يبقى كدة مجموعهم ١٠٠ ساعة، انت عايز تخرج من الهاف لود بنهاية الترم، معناه إنك عايز البسط على المقام (عدد النقط على عدد الساعات) يساوي 2.0، يعني عايز عدد النقط بتاعك يبقى 200 نقطة تقسمهم على 100 ساعة يجيبلك 2.0..

- فاكر ال165.12 اللي انا قلتلك حطهم على جنب؟ هتاخدهم تطرحهم من ال200، يتبقى لك 34.88 نقطة، تقسمهم عال١٤ ساعة اللي انت مسجلهم الترم ده، يطلعلك 2.49143.

- ده معناه إنك لو جبت الGPA ده، في الترم اللي انت فيه ده، هتخرج من الهاف لود بنهاية الترم.

• ثانيًا: ايه أسوأ GPA تجيبه في الترم من غير ما تنزل هاف لود؟

- بنفس الفكرة، انت جايب GPA تراكمي 2.11/86 مثلا، وهتسجل الترم ده 17 ساعة مثلًا..

- هتضرب ال2.11 × ال86
تجيب عدد النقط 181.46 وتحطهم على جنب.

- هتجمع ال86 ساعة مع ال17 اللي انت مسجلهم الترم ده يطلعوا 103 ساعة.

- هتضربهم ×2 يطلعوا 206 نقطة، يعني لو بعد الترم ده كان معاك إجمالي 206 نقطة فالGPA بتاعك هيكون 2.0 بالظبط...

- ترجع بقى لل181.46 نقطة اللي معاك على جنب، تطرحهم من ال206 نقطة.. يطلعلك 24.54 نقطة، يعني لو جبت الترم ده 24.54 نقطة من ال17 ساعة هيبقى التراكمي بتاعك 2.0..

- بقسمة ال24.54 ÷ ال17، هيطلعك GPA الترم 1.444، وفي الحالة دي، ده أسوأ GPA تجيبه منغير ما تنزل هاف لود.

- مُرحَّب باستفساراتكم في الكومنتات💬👇
بالتوفيق 🌹❤️

السلام عليكم

👷🏻‍♂️ الموضوع رقم ١ في سلسة 🤔

الGPA، وطريقة حسابه، تجيب كام عشان تطلع من الهاف لود؟، ومتجبش أقل من كام عشان متنزلش هاف لود؟.. كوباية شاي وتعالى 🥃👇
الجزء الأول: كونسبت الGPA، وطريقة حسابه.

• ابتداءً.. الموضوع مش محتاج برنامج آلة حاسبة مخصوص، محتاج بس تكون فاهم فكرة الGPA، وحتى لو هتسخدم آلة حاسبة ليه لازم تكون فاهم الكونسبت..

• الموضوع عبارة عن ناتج قسمة بسط ومقام.. عندنا في البسط: مجموع "النقط" اللي حصلنا عليها، طب النقط دي بتتجاب ازاي؟

- في جدول في اللايحة فيه الGrade قصاده النقط الموازية ليه (هتلاقوه في أول كومنت)، كل مادة خلصتها تاخد النقط المقابلة للجريد بتاعك فيها، وتضربهم في عدد ساعات المادة، نفترض مثلا إن مادة جبت فيها B+، الB+ ب3.3، والمادة دي ساعتين مثلا يبقى المادة دي جبت فيها 6.6 نقطة، وهكذا هتجمع بقى النقط دي مع بعضها، وتقسمها على المقام..

• المقام فيه ايه؟
فيه عدد ساعات المواد "اللي درستها" شامل المواد اللي جبت فيها F لا قدر الله، وغير شامل المواد اللي تقديرها W (الw ده اللي هو الانسحاب من المقرر Withdraw)

- عشان كدة المادة الF بتقلل الGpa جدا، لأنها بتبقى موجودة في المقام بعدد الساعات ولكن عدد نقطها في البسط ب0.

• من هنا ممكن نروح لنقطة تانية، لو دخلت على My Profile، هتلاقي تحت كل ترم درسته، قصاده GPA الترم، وقصاده المعدل التراكمي (عدد النقط وعدد الساعات)، ممكن تجمع النقط كل مادة وحدها، وتراجع على كل ترم وحده لو حابب، وممكن تجيب نقط الترم بطريقة أسهل كما الآتي:
- على سبيل المثال:
في ترم معين جبت فيه GPA 2.14/17 (كنت مسجل ١٧ ساعة)، تقدر تجيب عدد نقط الترم بإنك تضرب ال2.14 × ال17، وبعد كدة ممكن تجمع الترمات على بعضها كما سبق التوضيح، النقط في البسط والساعات في المقام.

انتظروا البوست القادم، محتاج GPA كام عشان تخرج من الهاف لود؟ ومحتاج GPA كام عشان متنزلش هاف لود؟
- مُرحَّب باستفساراتكم في الكومنتات💬👇
بالتوفيق 🌹❤️