Mohamed Gaber - physics

* ثانيا لاولياء الامور

١. مفيش حاجه اسمها اولي وتانيه نريح وتالته نبقي نشد. ده مبدا منتشر بين الاولاد جدا ياريت تقعدوا معاهم وتشيلوا الفكره الخطيره دي من دماغهم. لان المخ زي العضلات بالظبط مينفعش ادخل بطوله رياضيه وانا عضلاتي مش مستعده. وعضلاتي مش بتستعد لنهائي البطوله في يوم وليله لا ده تجهيز السنين اللي قبلها.
٢. تنظيم الوقت هو سر تفوق و نجاح الطالب ولو ابنك او بنتك مش متعود انت لازم تكون في ضهره تعلمه وتعوده لحد ما يكتسب منك ده. وده ممكن بانك كل شويه تعمله جدول للمذاكرة والراحه وتفضل كل شويه تتابع معاه وتغير لحد ما توصل لجدول يقدر يلتزم بيه.
٣. النفس الطويل من اهم الصفات اللي هتساعد ابنك والنفس الطويل لحضرتك ولابنك او بنتك. يعني لازم ابنك يشوفك انت مش زهقان لان السنه ١٠ شهور طويله وممله في اوقات كتير مينفعش يحس منك انك زهقت خصوصا لو غيرتوا في بيتكم روتين معين علشان توفروله ظروف مناسبه ليه
٤. لازم يكون في وقت للترفيه خصوصا في بدايه السنه علشان ميزهقش بسرعه وشويه شويه نقلل الترفيه ده كل ما بنقرب من الامتحانات.
٥. الرياضه جميله ومفيده وبتخرج طاقته بس من غير ما تكون بتاكل من وقته خصوصا في اوقات المراجعات.
نيجي للمهم
اونلاين ولا سنتر ولا بيت
كل حاله وليها المناسب ليها
اولا: امتي نختار الاونلاين؟
ده مع الطالب الشاطر اللي عارف مصلحته وعمره ما بيحتاج منك زقه لان فيه توفير وقت كويس جدا ومرونه في انه ياخد حصته وقت ما يحب.
بس تعمل حسابك انك علي شهر ٣ لازم هتجيب مدرس يقعد معاه يحل ويلم الاجزاء اللي تايهة منه
ثانيا: السنتر
افضل شويه من الاونلاين لانه بيسمع مباشر ويتفاعل مع المستر والمساعدين بس برضه مش هجيب نتيجه لو ابنك من صغره متعودش يسمع في الفصل ويركز ويجتهد .
ومن عيوبه الكبيره تضييع الوقت والاعداد الكبيره متنفعش الا مع الطالب الشاطر.
ثالثا: البيت وده اقلهم مخاطرة واكترهم فاعليه مع كل نوعيات الطلبه سواء شاطر او متوسط المهم انك تجيب حد خبره وامين علي الاولاد.
مش شرط تمشي بطريقه واحده في كل المواد يعني ممكن اونلاين في ماده وسنتر او بيت في غيرها.
المهم لو استقريت علي حاجه جرب بقا مع مدرس معجبش ابنك جرب مع غيره لحد ما تستقر علي مدرس ابنك يقدر يكمل معاه للاخر
وفي النهايه ادعوا ربنا واستخيروه يوفقكم دايما للي يناسب ولادكم ان شاءالله
وفي النهايه لازم تعمل لكل ماده جدول تسجل فيه تقدم ابنك او بنتك في كل ماده في الامتحانات الدوريه علشان تفضل عارف هو كان واقع في انهي جزيئات في المنهج ودي اللي هتركز معاه عليها في المراجعات ان شاء الله
مع تمنياتي للجميع بالتوفيق
مستر محمد جابر

بما ان الاولاد هيبدأو في ثانويه عامه الدروس اليومين دول عندي نصيحه للاولاد اولا
ثم نصيحه لأولياء الامور ثانيا يمكن ربنا يكتب لحد بسببهم النجاح
* اولا للطلبه اللي داخلين ثانويه عامه او ثانوي عموما
السلام عليكم
كل سنه وانتوا طيبين
من يومين ظهرت نتيجه الثانويه العامه
عقبال كده السنه الجايه ان شاءالله في نفس التوقيت وانا بباركلكم كلكم بمجاميع كويسه تفرحكم وتفرح اهاليكم.
كلمتين هقولهم يمكن يساعدو حد فيكم لو اخد بيهم ويفتكرني يوم ويدعيلي
١. اللي تفوق وجاب مجموع مكنش اشطر من زمايله ومخه عبقري. ابدا ده بس اجتهد من بدري شويه من اولي ثانوي واهتم يأسس دماغه ويرتب افكاره لان المخ زي ما كنت طول عمري بقولكم زي العضلات لازم يتعود من بدري عالتفكير والمجهود.
٢. طب اللي معملش كده يا مستر محمد يسقط يعني وليه عذره خلاص؟
لا طبعا هيقدر ينجح ويتفوق كمان بس هيحتاج مجهود ازيد شويه في البدايه لحد ما مخه يكتسب لياقته ويحصل زمايله. ومن خبرتي ال ٢٤ سنه تدريس الموضوع ده ياخد مع الطالب المتوسط حوالي ٣ شهور.
يعني سعادتك هتبذل مجهود مضاعف ٣ شهور هتعوض بيه النوم اللي نمته في السنتين اللي فاتوا. واظن ده عدل انك تتعب شويه
٣. التفوق في ٣ ث مش بيجي من ذكاءك. لو كده مكناش شوفنا ناس اذكياء جدا ويجيبوا مجموع متوسط او ضعيف.
٤. الفكره في الاصل بعد توفيق ربنا ليك ودعوات اهلك اللي بجد تفرق كتير وهتتاكدوا مع الوقت من اللي هتشوفوه معاكم ومع زمايلكم من موضوع رضا ربنا واهاليكم عنكم بيفرق قد ايه.
الاساس الحقيقي في المثابره والمجهود وتنظيم الوقت والنفس الطويل والسعي ورا تحقيق حلمك من غير يأس. ده مش كلام نظري
ده كلام هتشوفه في زمايلك السنه دي. هتشوف واحد بيجري وبيجتهد وبينظم وقته وبيضحي بالحاجات اللي مش مهمه واللي كان بيستمتع بيها علشان باصص للنهايه. وواحد تاني هيشد في الاول لمده شهر بالكتير ونفسه هيتقطع وهيقول جواه خلاص انا مش قادر اكمل وهيستسلم او بالكتير هيقول زي ماتيجي تيجي لانه مقدرش يسيب موبايله ولا يبطل يضيع وقته زي ما كان متعود في خروجات وفي هزار ولعب
هو ده الفرق الحقيقي.
اختار من دلوقتي وقرر هتعمل ايه وقول قرارك ده لحد بيحبك زي ابوك او امك اوحد من اخواتك او حد بيخاف عليك بجد وقوله كل ما انسي وعزيمتي تهبط فكرني بكلامي ده حتي لو هتسجل الكلام ده علي موبايلك وكل شويه تفكر نفسك بيه
واخيرا افكركم
ان لكل مجتهد نصيب وربنا يكتبلكم الخير

ان شاءالله من الخميس القادم هنبدأ حصص الاونلاين للصف الاول الثانوي
تواصل عالخاص للتفاصيل

اربطوا الأحزمة .. 🌐ترجمتي القادمة …

بسم الله. اول حصه تأسيس فيزيكس

الإعلان ده مش ليك..... الاعلان ده لطلاب الثانوي دفعه 2024.
لما بنتعب بندور علي الدكتور الخبره. الصحه مش لعبه.
ولما بنحتاج نبني ونصمم بندور علي مهندس خبره. علشان فلوسنا متترميش في الارض.
اما بقا لو مش فاهم فيزيكس... هتروح لمستر محمد جابر 🤩
لان خبرته اكتر من ٢٠ سنه في التدريس. اصل مينفعش تضحي بمستقبلك 😉

https://linktr.ee/mgphysics

مع مستر محمد جابر هتمشي علي نظام كامل من امتحانات، مراجعات، تصحيح و اساله و كمان بطريقه جديده علشان متبقاش مجرد ماده زي اي ماده.

جرب بنفسك، تواصل علي رقم الواتس علشان تعرف اكتر عن الحصص المجانيه و أماكنها.

1005369733

#ثانويةعامة #فيزياء #نجاح