15/10/2025
اول حاجه بنسال عليها لما نشتري حاجه فتره الضمان ...ياترى هايكون كام سنه
ياترى الصيانه هاتبقى كل قد ايه ..؟
وهل قطع الغيار هاتتوفر مجاني ولا هادفع تمنها ..؟
اسئله كتير بنفكر فيها قبل ما ندفع فلوسنا
نفرح اووووى لما ناخد فتره ضمان كافيه وصيانه مجانيه و كمان قطع غيار ببلاش 🤷♀️😅
احنا طلعنا اشطر كتكوت 👏💪
ومجرد ما نملك الحاجه في بيتنا وتروح زهوه امتلاكها ونضمن ان مهما جينا عليها و هلكناها شغل ضامنين انها في فتره الضمان
وكل حاجه بتبقى مجانيه وبلاش
الكااارثه بقى لما فتره الضمان تخلص ومش بس زهوه الامتلاك بتروح لا ده احناااا بنبدا ندور على منتج
جديد بدل الى باااض🤷♀️
لو طبقنا الكلام ده في حياتنا
في علاقتنا بينا وبين بعض 🤝🤝
هنلاقينا ضامنين بعض ....
مش قلقانين على زعل بعض
ماهووو مفتاحه معايا ☺️
في الى بكلمه حلوووه
وفي الى بهديه
تعددت المفاتيح والمقصد واحد
الضماااان ....
برجع نتفاجئ وقت ما فتره الضمان بتخلص
بس هنااا بقى الفرق 🤫🫣
بين الآلات والأشخاص
في الآلات بنلاقي الأحدث والأجمل
بس الأشخاص استحااااله نعوض بعض
لان ببساطه كل شخص له بصمته ، كيانه وحضوره
في العلاقات بين الأشخاص لا يوجد ضمان ☺️
فلسفه جوزائيه مالناش دعوه بيها ☺️🤷♀️
