PharmLator : International Accredited Training Simulation

دايما بنقول إن المسكنات
مش مجرد حبوب بتسكن الألم وخلاص دي أدوية ليها قوانين
وصيدلي شاطر زيك لازم يوجه المريض
للنوع اللي يناسب حالته الصحية من غير ما يضره

عشان كده دول أشهر 3 أسئلة تخص المسكنات..

🔴 مين آمن لمرضى الضغط؟
الإجابة هي الباراسيتامول Paracetamol
المسكنات التانية زي الإيبوبروفين والديكلوفيناك بتعمل احتباس للملح والمية في الجسم
وبتقلل كفاءة أدوية الضغط وممكن ترفعه لمستويات خطر
#️⃣ نصيحة لو المريض مريض ضغط خليك دايما في زون الأمان مع الباراسيتامول
إلا لو فيه ضرورة قصوى وتحت إشراف طبي

🟢 مين خطر على المعدة؟
الإجابة هي الديكلوفيناك Diclofenac وبعده الإيبوبروفين
الأنواع دي بتنتمي لعيلة (NSAIDs) اللي بتقلل الطبقة الحامية لجدار المعدة
وممكن تسبب قرحة أو نزيف لو اتأخدت بجرعات كبيرة أو على معدة فاضية
#️⃣ الباراسيتامول هو صديق المعدة الأول لأنه ملوش تأثير مباشر على جدارها
عشان كده هو الخيار الأول لمرضى القرحة

🟠 مين مناسب للأطفال؟
الإجابة هي الباراسيتامول والإيبوبروفين
الباراسيتامول (سيتال أو بيرال) آمن من أول يوم ولادة وبالجرعة المحددة حسب الوزن
أما الإيبوبروفين (بروفين) فبيبدأ استخدامه غالباً بعد سن 6 شهور
#️⃣ تحذير ابعد تماماً عن الديكلوفيناك (لبوس دولفين وغيره) للأطفال الصغيرين جداً
إلا للضرورة وبجرعات دقيقة جداً لأنه تقيل على كليتهم

خليك أمين وتأنَّ فى عملك.

رسالة هامة لكل أصدقاء Pharmlator..

لو كنت استلمت مننا إيميل أو رسالة خلال الفترة اللي فاتت..
فخليك مركز جداً في التاريخ ده: 1 مايو2026

يوم 1 مايو، هنعلن عن مفاجأة رد الجميل لعملائنا المشتركين..
هيتم اختيار 3 من المشتركين ليحصلوا على Cashback
(استرداد كامل لقيمة الاشتراك) وهنعلن عن أسمائهم رسمياً هنا على صفحتنا!

🗓️ الاشتراك لازال مفتوح حتي يوم ٣٠ ابريل.
🔴 ابعتلنا على الرابط اللى فى التعليقات⬇️

ده من حُبّنا وتشجيعنا لكل صيدلي طموح استثمر في نفسه وقرر يطور مهاراته باستخدام أحدث تكنولوجيا المحاكاة الـ 3D.

استعدوا..🚀

لما مريض يدخل عليك الصيدلية وماسك صدره ووشه مخطوف
لازم هدوءك يكون هو اللي بيسير الموقف
لأن ألم الصدر درجات ومحتاج تركيز دقيق

عشان تفرق بين الحالات شرحنالك الفرق بين
أشهر 6 حالات بسببوا Chest Pain:

#️⃣ الذبحة المستقرة Stable Angina
#️⃣ الذبحة غير المستقرة Unstable Angina
#️⃣ النوبة القلبية Myocardial Infarction
#️⃣ ارتجاع المريء GERD
#️⃣ الألم العضلي Muscular Chest Pain
#️⃣ نوبة الهلع Panic Attack

عايز تعيش تجربة استقبال الحالات دي
وتدرب عينك على لغة جسد المريض
ادخل دلوقتي على Pharmlator
وشوف المحاكاة 3D عشان تطور مهاراتك التشخيصية

في Pharmlator مكملين المشوار..

*️⃣ في Pharmlator.. قدرنا نثبت إن فكرة المحاكاة الافتراضية نموذج عمل قوي وشغال فعلاً على أرض الواقع، والنهاردة كسرنا حاجز الـ 100 ألف مستخدم حول العالم.

*️⃣ إحنا كيان رسمي ليه مقرات في بريطانيا (VSTEP Limited) ومصر والإمارات، وبنقدم حلول تعليمية معتمدة دولياً من جهة الـ CPD.

*️⃣ خلال 2023 و2024 عملنا شراكات استراتيجية ومنصتنا بقت جزء من المناهج التدريبية في جامعات كبيرة زي (دراية، المصرية الروسية، الأهرام الكندية، وفاروس بالإسكندرية)، واتوسعنا إقليمياً في جامعة العرب بليبيا وجامعة سنترال بنجاب في باكستان.

*️⃣ انتشارنا دليل قاطع إن التدريب الصيدلي التفاعلي بقى هو المعيار الجديد اللي الجامعات بتدور عليه عشان توفر تكاليف المعامل، وترفع كفاءة الخريجين، وتقلل أخطاء الصيدلي في الواقع اللي ممكن تنهي حياة إنسان، وده عن طريق توفير مساحة آمنة للغلط والتعلم على حالات افتراضية.

*️⃣ إحنا النهاردة في طريقنا للريادة في قطاع التعليم الصيدلي الرقمي.

*️⃣ خطوتنا الجاية هي التوسع بنفس القوة عشان نكون المنصة المرجعية الشاملة للتعليم الطبي (Health-EdTech) في المنطقة العربية والعالم كله.

*️⃣ بنشجع المستثمرين اللي فاهمين قيمة الاستثمار في تكنولوجيا التعليم الطبي القابلة للتوسع إنهم ينضموا لينا، عشان نرسم مستقبل التدريب الطبي بمعايير عالمية في كل التخصصات مش بس الصيدلة.

في الكلية بتدرس العلم
وفي الصيدلية بتواجه الواقع
والفجوة اللي بينهم هي اللي بتقلل ثقتك في نفسك قدام المريض.

ريفيوهات الطلبة على الاستور
هي أكبر دليل إن Pharmlator مش مجرد تطبيق
ده المكان الآمن اللي بتغلط فيه وتتعلم
من غير ما تضحي بصحة حد وتصرف روشتة غلط.

صيدلية 3D تفاعلية
بتستلم الروشتة
بتراجع ملف المريض
وبتاخد قرارك السريري
بناءً على Case حقيقية
وكل ده من موبايلك.

ثقة أكتر من 100 ألف مستخدم حول العالم
ومئات التقييمات الإيجابية.

متضيعش وقتك في الحفظ النظري بس
وانضم لزمايلك اللي بدأوا يطوروا مهاراتهم.

نزل التطبيق دلوقتي.

بوث Pharmlator كان فوق التوقعات في Pharmacy Youth Summit!

الحقيقة فرحتنا مكنتش بس في زحمة الطلبة اللى حابين يتعرفوا على التطبيق بس..
لكن في مقابلة الطلبة اللي أوريدي بيستخدموا التطبيق وعارفينه
وكانوا جايين يشاركونا نجاحهم وتطور مستواهم بسببه.

اليوم ده مكنش هيخرج بالشكل المبهر ده..
لولا فريق طموح ومجتهد وهو المحرك الرئيسي لـ Pharmlator..
وبذل مجهود حقيقي عشان يوصل رسالة المنصة لكل طالب وصيدلي طموح:
د. روان Rawan Mahmoud
د. نادين Nadine Mahmoud
د. علياء Alyaa Harby
ود. أحمد Ahmed Ghonim

كنتم خير واجهة مشرفة بتمثل Pharmlator في الإيفنت.

🌟 وقفة شكر وتقدير واجب مميز لدكتور أماني بدوي DrAmany Badawy:
صاحبة المجهود الجبار.. من أول ثانية لأخر ثانية.

د. أماني كانت صاحبة البصمة الأقوى في توجيه الطلاب
ومساعدتهم يستكشفوا تطبيقنا ومنصتنا بكل شغف وإقبال منها تجاه الطلبة.
شكراً دكتورة على كل لحظة تعب ومجهود قدمتيه لـ Pharmlator.

وكل ده تم برؤية ودعم مستمر من المؤسس دكتور ريهام حنفي Reham Hanafy Mohamed
رغم تواجدها في بريطانيا إلا أنه تابعت معانا كل تفصيلة
وكانت حريصة إن Pharmlator يقدم تجربة تليق بصيادلة مصر المستقبليين.

بجد فخورين بكل واحد شرفنا
ومكملين معاكم عشان نغير مفهوم التدريب الصيدلي في المنطقة كلها.

حالة طوارئ في الصيدلية.. هتتصرف إزاي؟

مريض شاب دخل الصيدلية بيشتكي من كحة ناشفة مزعجة جداً ومستمرة بقالها أسبوع
المريض مش بيعاني من أي أعراض برد أو سخونية ولا فيه بلغم تماماً
طلب منك أقوى شراب للكحة عشان يقدر ينام لأنه جرب حاجات كتير ومفيش فايدة

من مراجعة التاريخ المرضي لقطت معلومة إنه مريض ضغط وبدأ بانتظام على دواء جديد من أسبوع اسمه Capoten أو أي دواء آخره مقطع (PRIL)

هل الكحة دي محتاجة دواء كحة فعلاً؟
وإيه العلاقة بين بداية الدواء الجديد (ACE Inhibitor) وظهور الكحة الناشفة في نفس التوقيت؟
وهل صرف دواء كحة في الحالة دي يعتبر حل للمشكلة ولا مسكن كاذب؟

⚠️ لو أنت الصيدلي اللي واقف هتنصح المريض بإيه؟
وإيه هو التفسير العلمي (الـ Mechanism) اللي خلى دواء الضغط ده يسبب كحة ناشفة؟

🔴 مستنيين إجاباتكم في الكومنتات..
والشاطر هو اللي هيقول البديل الآمن لمريض الضغط في الحالة دي.

مستقبل الصيدلة..

​لأننا في Pharmlator بنهتم بتقديم أفضل تجربة تعليمية، كان لازم يكون معانا شخصية بتجمع بين العلم، الخبرة.

​فخورون جداً بالإعلان عن تواجد د. أماني بدوي غداً في بوث فارمليتور بقلب Pharmacy Youth Summit!

​د. أماني DrAmany Badawy مش بس وجه مألوف ومحبوب بين الطلاب والدكاترة، هي كمان هتكون الدليل المهني ليكم في رحلتكم داخل التدريب الافتراضي في Pharmlator وهتجاوب على كل أسئلتكم سواء عن المنصة، أو عن إزاي تطوروا مهاراتكم الإكلينيكية والمهنية.
​تعرفوا أكتر عن الـ CPD. هتوضحلكم أهمية الساعات المعتمدة دولياً (100 ساعة) اللي بتقدمها Pharmlator لملفكم المهني.

​📍 المكان: The Greek Campus - Pharmlator Booth
​📍دكتورة أماني هتكون موجودة الخميس فقط ١٦ إبريل.
​فرصة متتعوضش عشان تقابلوا د. أماني وتستفيدوا من خبرتها.. مستنيينكم!

​

مستقبل الصيدلي..

في الوقت اللي العالم كله بيتكلم فيه عن التحول الرقمي، كان لازم نسأل: إزاي الصيدلي المصري يواكب التطور ده ويحول دراسته لخبرة عملية حقيقية؟

فخورون جداً بمشاركة د. روان محمود كمتحدثة رسمية في Pharmacy Youth Summit، لتنقل لنا خبرتها الواسعة كـ:
🔹 مدير التعاقدات (COO) لشركة VSTEP MED TEC.
🔹 الممثل الإقليمي لمنصة Pharmlator في مصر.
🔹 خبيرة في إدارة الشركات الناشئة والاستشارات بخبرة تزيد عن 7 سنوات.

د. روان هتشاركنا جلسة ملهمة بعنوان:

"Digitalizing the Future Pharmacist" وهتجاوب على أهم الأسئلة عن مستقبل المهنة.

🎁المفاجأة الكبرى..
د. روان هتعلن خلال الحدث عن تحديث ضخم Pharmlator بقاله فترة طويلة بيجهز لها..
حاجة هتغير شكل تدريب الصيدلة في مصر تماماً!

🎁 ومفاجآت Pharmlator اللي نعرفها لسه مستمرة:

زوروا البوث بتاعنا عشان تقابلوا د. روان وفريق الخبراء.

احصلوا على خصومات حصرية وكود خصم فوري للتدريب بمجرد التسجيل في البوث.

شاركوا في حل الـ Levels داخل البوث وادخلوا السحب على أكونتات تدريب مجانية تماماً معتمدة بـ 100 ساعة CPD.

📍 المكان: The Greek Campus
🗓️ الموعد: 16-17 أبريل.