Mohamed Mostafa _ بتاع الإنجليزي

خليني أقول لحضراتكم نقطة مهمة جدًا يمكن تكون أهم من الواجبات، وأهم من حل الأسئلة، وأهم من أي لعبة أو فيديو.

أقوى نظام متابعة في الدنيا بيبدأ من الأم.

الأم هي أكتر شخص قادر يغيّر مستوى الطفل، مش لأنها مدرسة، لكن لأنها موجودة معاه يوميًا، شايفة ضعفه، شايفة تقصيره، شايفة خوفه، وشايفة كمان قدراته الحقيقية اللي ممكن ما تظهرش في الحصة.

المدرس مهما كان شاطر، هو في النهاية بيرسم خطة، بيحدد الطريق، بيشخص المشكلة، ويدي علاج وتمارين وتدريب.
لكن اللي بيخلي الخطة دي تنجح فعلًا هي متابعة الأم في البيت.

الأم لو مشت على نظام واضح، حتى لو بسيط جدًا، هتشوف نتيجة مبهرة في ابنها بإذن الله.
مش مطلوب منها تشرح مكان المدرس، ولا مطلوب منها تضغط على الطفل طول اليوم، لكن المطلوب إنها تتابع بهدوء وانتظام:

هل سمع؟
هل كرر؟
هل كتب؟
هل لعب اللعبة؟
هل صحح غلطه؟
هل بعت المطلوب؟

قوة الطفل وشطارته مش من المدرس لوحده، قوة الطفل الحقيقية بتظهر لما يكون وراه أم واعية، ثابتة، ومهتمة.

المدرس ما هو إلا شخص بيرسم خطة علاجية وتعليمية ويمشي الطالب عليها، لكن الأم هي البطل الحقيقي وراء النجاح.

صدقوني، الطفل اللي وراه أم متابعة بنظام، حتى لو مستواه ضعيف في البداية، بيتحسن بسرعة جدًا.
والطفل الشاطر لو مفيش وراه متابعة، مستواه ممكن يثبت أو ينزل.

عشان كده أنا دايمًا بقول:
نجاح الطفل مش مسؤولية المدرس فقط، دي شراكة بين المدرس والبيت.
وأهم طرف في الشراكة دي هي الأم.

إحنا بنبذل كل اللي نقدر عليه في الشرح، التصحيح، الألعاب، الفيديوهات، والمتابعة، لكن النتيجة الأقوى هتظهر لما البيت يمشي معانا على نفس الخطة.

الأم هي خط الدفاع الأول، وهي سبب كبير جدًا بعد ربنا في إن الطفل يحب المذاكرة، يلتزم، ويثق في نفسه.

فخلينا نشتغل سوا، خطوة بخطوة، وبنظام بسيط وثابت، وهتشوفوا فرق كبير جدًا في أولادكم بإذن الله. ❤️