Tannoonbooks طنون

الحمد لله ان فيه في كتبنا معاني حلوة بتعرفنا ان الحب هو الغالب
وان الخير باقي.
كل عيد وكلنا بنحب بعض.

ترشيحاتي لقراءة مشتركة للسيرة النبوية
٣٦٥ يوم مع خاتم الأنبياء (الدار العربية للعلوم ناشرون)
سيرة نبينا محمد (الدار العربية للعلوم ناشرون)
نبينا محمد (إيوان زهير- نهضة مصر للنشر)
شمائل محمدية للصغار
رسالة إلى سيدنا محمد (دار كليلة ودمنة)


#رمضان

يوم ٣١ يناير ٢٠٢٦ كان من أجمل أيام السنة بالنسبة لي 💛
في معرض القاهرة الدولي للكتاب – بلازا 1 – احتفلنا بصدور أول ثلاث أعداد من سلسلة «ليمون نعناع».

السلسلة من كتابة ثلاثة كاتبات جميلات😎 هن نرمين مجدي،و باسنت إبراهيم ورانيا بده، والرسوم للفنان مختار زين

خلال الندوة اتكلمنا عن:
ليه أطفال النهاردة محتاجين كتب تنزل بشكل دوري؟
وإزاي الكتاب لازم ينافس إيقاع العصر ويشد القارئ الصغير؟
وكمان عن دعم دار نهضة مصر لينا من البداية،
وتشجيع الأستاذة نشوى الحوفي للفكرة من أول يوم.

وحكينا عن مغامرة الكتابة المشتركة:
إزاي الأفكار بتتولد،
وبتتحول لملخصات،
وبعدها لفصول مكتوبة،
لحد ما النص يوصل لشكله النهائي.

أجمل حاجة كانت تفاعل الأطفال 🤍
اختاروا إن الأعداد تنزل كل شهرين علشان يفضلوا قريبين من الشخصيات والأحداث، واتكلمنا سوا عن تأثير الشاشات والترندات السريعة، وإن الكتاب دايما هو القيمة الباقية.

رجعت مبسوطة وفخورة، وأهلي وولادي كانوا أسعد ناس
شكرا لكل حد حضر ودعم وشجع… وجودكم كان أحلى جزء في اليوم.
.hofy .ibrahim.writer
وإن شاء الله «ليمون نعناع» تكون عند حسن ظنكم وتوصل لقلوب قراء كتير





#قراءة

من الحاجات المفيدة لألبومات الصور ان الواحد بيشوف نعم ربنا عليه وخصوصا اننا كبشر بطبعنا بننسى.
كانت ٢٠٢٥ بفضل الله وكرمه ومنه سنة كلها تعب واجتهاد وبعض الإنجازات التي لم تكن تتحقق إلا بمساعدة الإخوان والأصدقاء والمتابعين والقراء والمثير من المربين الشغوفين بالقراءة للمتعة لأطفالهم وتلاميذهم.
وفي الصور بعض اللحظات التي أود الاحتفاظ بها❤️

#طنون

⁨ ⁨ ودا ثاني شهر أنزل لكم ترشيحات لكتب بحبها أنا وأطفالي وأطفال وكبار غيرنا أجدد كتاب فيهم بقاله سنة عشان أنا بحب يتم اختبار الكتاب جيدا قبل ترشيحه من قراء متنوعين، وبالرغم من إقلالي من الترشيحات لقناعتي ان اختيار الكتاب نابع من ذات القارئ الا انه القليل من الترشيح ينفع ان شاء الله مع التأكيد على أن الذوق يختلف في الأدب ولابد من قراءة الكتاب المصور سريعا قبل شراءه وبالنسبة لكتب اليافعين والكبار أنصح دايما بالبحث عن ملخص الكتاب وقراءة صفحة منه وأهم شيء انه لو لم يعجب طفلي لا أرغمه عليه، وكالعادة كل هذه الكتب ممتازة للقراءة بصوت لأطفالنا .قراءة سعيدةو أحب أعرف استفساراتكم حول الكتب وآراءكم.
ملحوظة: ماتقولوش من فضلكم على منافقة عشان مرشحة أحد كتبي لأنه طبيعي أنا بحبه وإلا ماكنتش كتبته😎


⁩⁩

الفيديو المنتشر خلاني أفتكر حوار من سنة ونص بيني وبين ابني لما قرأ كتاب The Boy in the Dress.
وقتها حسّيت بنفس مشاعر الجار اللي في الفيديو: صدمة، حيرة، أسئلة كتير.
بس لما قرأت الكتاب بعد ابني، اكتشفت إن الرد مش الغضب… الرد هو الحوار.
الموضوع كامل كتبته بعنوان
“السيد باتريك والفتى الذي يرتدي الجونلة”
موجودة على موقعي .
Www.tannoonbooks.com

#طنون