Yasmine Gamal - ياسمين جمال

جزء من إظهار شخصيتك وإسلوبك
وبالتالي إنعكاسة هيكون قوي علي طريقك حكيك
هو الحدود، كل ما عرف توظف الحدود سواء في تعاملاتك او حتي مع نفسك
كتير من مخاوفك عن الحكي و التعبير هتروح لوحدها
وعلي عكس المتعارف
الحدود بتخلق حرية اكبر في التعاملات
مين يقولي وجه نظرة في الجملة ده معناها ايه؟!

مفيش حاجه هتعملها هتخليك بني أدم تاني، هي تغيرات بسيطة مستمرة قادرة تنقلك لمكان متحلمش بيه 😉

من فترة كنت حسه اللي بعمله ده ملوش قيمة 😔
و في النص عمال يتسلل احساس انا بنصب علي الناس

مع ان منطقيا وعقليا؛ لا يا ياسمين احنا بنعمل نتايج سواء مع نفسنا او الناس
بس كشعور مفيش احساس ولا دافع خالص ان اللي بعمله ده له لزمه او بيساعد حد من الاساس 🤦‍♀️

فقررت اقعد مع نفسي قاعدة صفا كده
و سئلت:
-هو ايه قيمة اللي بعملة؟
و اول اجابة طلعتلي
"إني بساعدهم يتعرفوا علي مهارة الحكي جواهم"

وانا نفسي اتخضيت من دقة الجملة اللي طالعت من جوايا، قد ايه هي دقيقة ومعبرة عن اللي بسعي له فعلا

انا مش بعرفك عن حاجة جامدة ملهاش إلا شكل واحد او لون واحد
لا ده فن بكل اشكالة، له قواعد اساسية منقدرش نستغني عنها،
ولك معاه جزء تاني وااااسع فيه كتيير من شخصيتك واسلوبك ولغتك ✨️

وإن مطلعش بالشكل اللي يشبهك انتي هيبقي ملوش نكهه تميزك عن غيرك

و هو ده اللي بسعي له مع كل صاحبة بزنس اشتغلت معاها،
انا لا اكتفي تمامًا بتعليمك المهارة، انا بسعي إننا نحط الشكل اللي يشبهك وتتعرفي علي اللون اللي يناسبك وتلعبي فيه بكل ارياحية بعد كده.

واحب اقولك اصوات الشك اللي جواكي ممكن تكون محفز لبدايةجديدة في مجالك؛
اسمعي ليها واتكلمي معاها واحتويها

وإستمتعي ببداية وانطلاقة مختلفة ليكي 💨

اللي تعرفي بيها نكهتك الخاصة في الحكي والتعبير عن البزنس بتاعك فن برنامج "احكي قصتك"

لو بتبيعي منتجات، اوعي تفتكري ان حكيك عن نفسك مش مهم
لان، انتي المصدر
حلو اني اشتري منتج حلو مدقن، بس مع كتر العارضيين
مهم جدا جدا تميزي نفسك
انا ببيع المنتج الفلاني
حلو، بس في غيرك بيبيعه كتير
انا ليه اجي اشتري منك
ايه الحكاية و الهدف اللي خلاكي تعملي المنتج ده بالتحديد
رحلتك معاه
متفتكريش ان ده مش مهم، ده اللي هيحسس الناس بالترابط معاكي
وده هيخلق ليكي جمهور بيتابعك بإستمرار
و الجمهور ده اللي هيوصلك لعميلك المناسب اللي انتي برده بتقدمي المنتج بالظبط ليه هو.

عمر ما كان ذنب العميل انه مش فاهم انتي بتقدمي ايه؟، او هتساعديه في ايه!!

ده دليل واضح و صريح انك مش عارفه تشرحي وتحكي عن نفسك صح بما يميز ويوضح انتي بتقدمي ايه؟، ورحلتك ايه!، و تختلفي عن غيرك في ايه؟؟

-ايوه يا ياسمين يعني انا لازم اقول قصص وحكايات يعني عشان الناس تفهم شغلي 😒

- بص المهم الناس تفهم شغلك اصلا، و بعدين نبقي نشوف موضوع الحكايات ده😁

يبهرني طريقة تعبير كل شخص عن نفسه
يعني مثلا
-بقالي فترة متابعة مصور، حقيقي صورة كلها كأنها بتتكلم و بتقول مشاعر المشهد نفسه

-طريقة تعبير كل كوتش عن نفسه والطريقة اللي بيعبر بيها، ففي كوتش ممكن تكون بتتكلم بكل ثقة وتقول "مفيش حد بيقدم اللي انا بقدمة" ولكن من ارض صلبه جدا، او من كبر وغرور و تقدير اكبر من اللازم للبتقدمه

-حتي الممثلين، طريقة تعبير كل واحد عن نفسه تختلف
فمثلا كريم عبد العزيز قادر يعمل تناغم رهيب بين الشخصيات اللي بيقدمها، و شخصيته في اي لقاء تلفزيوني بيطلع فيه
في ممثلين كتييير بعييدين كل البعد عن التناغم ده

انتي كبني ادم ربنا خلقه علي الارض يقدم رسالة ما
مينفعش تكون شخصيتك في قعدات الود بين الناس بعيدة عن الطريقة اللي بتعرضي بيها شغلك في مجالك

هنا فين التناغم بينك و بين شغلك
هنا وقت ما تحكي عنه الناس هتحس بغربه و إنفصال
عشان انتي باطنياً حسه بكده
وعليه، ركزي ان ما في الداخل يشبه بابسط واقصي درجه ممكنه ما في الخارج

اسئليني عن برنامج "احكي قصتك" اللي هيقدر ينقلك في تعبيرك عن نفسك لاماكن مختلفه تماماً




#تناغم

تعرفي ان في أغنيه كانت قادرة انها تحدد مستقبل شباب كتير !! 🤔

من 6سنين نسكافية عملت اغاني للكليات، وبالرغم انهم غنوا لكليات كتيير بس الأغلبية إجتمعت علي حب أغنية فنون جميلة
ولحد انهرده في شباب من اللي رايحيين الجامعة اختاروا يدخلوها، وكان حلم طفولتهم انهم يغنوها ويصوروا عليها فيديوهات اول ما يتقبلوا في الكلية🤩

وهي ده قوة ال Story
الجزء ده في الاغنية مكتوب بشكل محترف؛
فهتلاقي ان الاغنية بتقولك قصتهم في الكلية وبتحكيلك فلوسهم بروح فين؟ ادواتهم ايه! الناس شيفاهم ازاي؟! تحدياتهم جوة التخصص

كل ده في اقل من دقيقة 🤯
انتي متخيلة !!

وبرده مفيش حد هيدخل تخصص فنون جميلة إلا وعنده كذا جانب في شخصيته زي؛ الحرية والعشوائية والدقة والتحدي كله مجتمع في شخص واحد

مكس غريب صح!!

طب خلينا نفهم اكتر ازاي يعني الأغنية خاطبتهم بس من غير ما تقول ده بشكل صريح 🫢

اولا الحرية: عبروا عنها باكتر من شكل
ففي الجانب البصري هتلاقي الشاب اللي شعرة طويل واللي شعرة عادي، والبنت اللي لبسها عادي والبنت اللي لبسها مطرقع
و الكلمات زي : بندعي الجنان

طب العشوائية ؟؟
بيروحوا الكلية بيجامات

والدقه !!
بيقضوا نص نهارهم بيحضروا درجة بينك 🩷

طب و التحدي بقي
لا النص الاخير كله تحدي، وقفلوها ب تعالي يا حبيبي اذاكرلك تشريح

عرفتي بقي قوة ال Story 😌

ولسه بتفكري تستخدمي ال Story في شغلك ولا لا!!😏

اسمعيها تاني كده بعد التحليل ده و قوليلي رأيك 😉




#فنون

نسكافيه 3in1: قهوة الطالب المصري - نشيد كلية فنون جميلة علشان كل واحد فخور بكليته، نسكافيه عملت نشيد لأبطال تجارة علشان يشجعوا كليتهم…شجع كليتك!! الدور عليك