Dentor- Dental Education

طب الأسنان هو ال seal
السلام عليكم ورحمه الله وبركاته 👋
رجعنا تاني بعد فترة انقطاع للخدمة العسكرية 💂
وحابب نبدأ بموضوع قوي 💪💪 وكان نفسي أتكلم عنه من زمان ....
والموضوع القوي ده هو ال seal في طب الأسنان
والحقيقة الموضوع ده مهم لأسباب كتيرة أهمهم حاجتين:

١.الحاجة الأولى هي إن السنة الطبيعية اللي ربنا خلقها بتتكون من ٣ طبقات الenamel بيحمي ال dentine والإتنين بيحمو ال pulp اللي هو بدوره بيوفرلهم الغذا فهم بيحموه وهو بيغذيهم سبحان الله.والحقيقة المهمة جدا هنا هي إن هما بيحمو ال pulp عن طريق إنهم بكل بساطة بيعملوا seal كويس 😎😎 يمنع وصول أي مصدر للالتهاب زي الميكروبات 🔬أو المواد الحمضية أو الحرارة 🌡️ والبرودة ❄️الشديدة وبالتالي العامل الأساسي في حماية ال pulp هو ال seal الكويس وده معناه إن أي شئ هيسبب خلل في ال seal ده (زي التسوس 😬 )هيسبب مشكلة في السنة كلها وممكن لو متعالجش هتتفاقم المشكلة لحد مانفقد السنة بالكامل وسنة ورا ضرس تبقى الحالة بؤس (وطبعاً أكيد أصبح مفهوم قوي إن العلاج الصح هو اللي هيرجع ويحقق ال seal ) وده هياخدنا للحاجة التانية وهي....

٢. إن الغاية من معظم إن لم يكن كل إجراءات طب الأسنان هو عمل seal لل structures الحساسة اللي ممكن تتأثر بالبيئة الخارجية زي ال pulp لما بأعمل أوبريتيف أو فيكسيد لازم أنأكد إني عملت seal كويس يعني مينفعش أعمل كرون ب open margen 😨😨 وأقول بسيطة
(وركزوا في كلمة margen لأنها مهمة جداً في موضوع ال seal وإن شاء الله لينا معاها صولات وجولات ... فيما هو آت) 😎

الحقيقة من أهم الأهداف اللي أنا محتاج أحققها في حشو العصب هو إني أعمل seal كويس عند الايبكس عشا أتأكد إن القناة العصبية اتحضرت بالكامل وأمنع عودة الالتهاب من جديد أو أن يتكون خراج تحت السنة لا قدر الله 🤔

لما المريض بيفقد كل أسنانه وتكون الخطة العلاجية إننا نعمله طقم كامل complete denture فلازم الطقم يعمل seal كويس all around علي ال mucosa علشان يحقق أقوى retention ممكن 😁

لازم واحنا بنعمل كرون أو حشوة كمبوزيت أو أملجم في class 2 نتأكد من حاجتين :
أ. الحاجة الأولى هي inter dental contact closed يعني أتأكد إني عامل seal كويس في interdental contact عشان ميتحشرش أكل ويسبب مصايب 😱 .... يبوظ الحشوة اللي حضرتك عملتها ويرجع التسوس تاني والأسوأ من كل ده يكون dental pocket لو متعالجش بسرعة واتعمل seal صح وال contact area اتقفلت بالشكل الصحيح ممكن الشغل بتاعك يبوظ بالكامل 😔
ب. الحاجة التانية هي في ال apical margen في ال class 2 cavity لازم تعمل seal كويس جداً في ال margen دي وتتأكد إن لا يوجد (🚨🚨 over hange 🚨🚨) وإن فيه seal كويس جداً في ال margen دي وإن فيه adaptation كامل بين الحشوة ونسيج السنة كأنهم جسم واحد .

الأمثلة دى وأكتر تفهمنا كطلبة لطب الأسنان أو حتى أطباء على مستوى من الخبرة إيه هو سبب معظم مشاكل الأسنان ( وهو حدوث خلل في ال seal الطبيعي اللي ربنا سبحانه وتعالى خلقه )
وإيه هو هدف طبيب الأسنان من الحشو أو التركيب 🤔
علشان لما ألاقي نفسي عامل حشوة جميلة أو تركيبة عظيمة وبعدين نلاقي عندي مشكلة في ال margen seal نعرف إن أنا كدة مش عندي مشكلة في ال margen ... لا ده أنا عندي مشكلة في تحديد الهدف 🤫🤫

موضوع ال seal وال margen موضوع مهم لكل طالب في طب الأسنان وأنا واحد من الناس استفدت كتير من نصيحة أحد الأطباء واللي نصحني كتير إن من أهم الأمور اللي أركز عليها دائما في شغلي هي ال margen و ال seal وإن طب الأسنان يكاد يكون كله عبارة عن seal والحقيقة دائما بأدعيله وأرجو إن حضراتكم لو استفدتم أي حاجة تدعولي ...
ودمتم سالمين....

Fixed prosthodontics


السلام عليكم👋👋

في البوست ده هنتكلم عن المادة اللي هي Crown (تاج) على رأس طب الأسنان وهي مادة التيجان والجسور (Crown & bridg) ✌️✌️

والاسم الأدق والأكثر تعبيرا عنها هو "التركيبات الثابتة" fixed prosthodontics👌

في الحقيقة لما بتجيلي سنة فيها مشكلة أول شيء بأفكر فيه هو سبب المشكلة واللي بيكون عادة واحد من تلاتة:

١- اما تسوس في السنة بسبب عدم غسل الأسنان.
٢-أو مشاكل في اللثة والأنسجة المحيطة لنفس السبب فبيكون فيه جير عند منطقة اللثه بدل التسوس.
٣- أو trauma يعني حادثة أو خبطة أو كدمة في السنة.

وللدقة 👌👌👌
ممكن أحيانا تكون فيه أسباب تانية لتآكل الأسنان زي ان المريض بيجز على أسنانه فتتآكل أو بيمسك بأسنانه شئ حاد زي النجار اللي بيمسك المسامير بأسنانه فتتآكل أسنانه الأمامية.

لكن 🤚🤚🤚
خلينا متفقين ان أكتر مشاكل الأسنان من السبب الأول (التسوس واسمه caries) ☝️
وكمان التسوس ممكن يكون سبب في مشاكل اللثة. 🫣

وتاني أكتر سبب ولكن أقل منه شوية (طبقا لخبرتي الشخصية المتواضعة 😅) هو مشاكل اللثة والأنسجة المحيطة.

فالمهم أنا جاتلي سنة فيها مشكلة واللي غالبا تسوس فبأبدأ أول شئ أقيم السنة واللي فاضل منها وأشوف لو ينفع يتحشي 🧐

تاني شئ لو مبدأيا كدة تنفع تتحشي بأبدأ أشيل التسوس كله وأعيد تقييم السنة تاني🧐🧐

فلو تتحشي بأحشيها وده اختصاص ال أوبرتيف 👌

لكن في الحقيقة مش كل الأسنان ينفع تتحشي وفيه أوقات السنان بتكون مفقود فيها الأمل😓😓

وكمااان!!
أنا ممكن أحشي السنة لو موجودة لكن السنة اللي اتخلعت وخلاص هأعمل فيها ايه؟؟!! 🤔🤔🤔

وهنا يجي دور مجال التركيبات الثابتة 😇

واللي ممكن يحللنا كتير من المشاكل دي وحتى مشكلة السنة المخلوعة أو المفقودة كمان ممكن يحلها المجال ده هو في بعض الأوقات بيكون الفارس النبيل اللي بينقذ الموقف😎😎

من أمثلة المشاكل اللي بيحلها مجال التركيبات الثابتة
ما يلي:

١- الأسنان اللي معمولها حشو عصب (نسميه إندو endo) ومتآكل منها جزء كبير 😮😨 ممكن نعملها دعامه مثبتة في الجدر ونبني السنة بالكامل حتى لو مش فاضل منها الا حوالي ٢ أو ٣ مم فوق مستوى اللثة.👑

٢- في حالات عدم انتظام الأسنان البسيط واللي محتاج حل سريع وفوري ومش مستعد يستنى التقويم أو هيكون
مكلف عليه من حيث الوقت أو الجهد أو المال🙃
وكمان لو الأسنان دي أصلا فيها تسوس
ممكن يتعمل تركيبات للأسنان دي ويتظبط معاها ترتيب وأماكن الأسنان ونحصل على ابتسامة جميلة في مجرد أسبوع أو أقل ولو كان المريض عنده وقت واستعداد كان ممكن يستنى شهور مع التقويم علشان يوصلها😴

ملحوظة:
الحالة اللي فاتت فقط في ظروف معينة وإلا فإن جرد الأسنان غير محبظ إذا أمكن تجنبه. 👌👌

٣- في حالة وجود صبغات داخلية في السنة 😨
والصبغات الداخلي دي مبتكونش على جسم السنة من برا
‏ لا!!! دي بتكون في تركيب السنة الداخلي والأنسجة الداخلية.
‏يا خبر؟؟!!! 😰
‏طيب والحل؟؟ 🤔🤔
الحل عند مجال التركيبات الثابتة نعمل تركيبة على السنة شكلها جمييييل 🤩🤩
ونرجع للمريض ابتسامته وثقته بنفسه😍😏

٤- وطبعا لما يكون فيه سنه مفقودة أصلا فالطريقة المعتادة والتقليدية (لو مش هنقدر نعمل زراعة للسنة)
هتكون عمل كوبري وتعويض السنة المفقودة.

وبكدة يتضح جماال وفايدة مجال التركيبات الثابتة والحالات اللي هو بيكون فيها حل مثالي وفعال 👌👌

فعلاً مجال التيجان والجسور أحيانا بيكون تاج على رأس طب الأسنان👑👑

في البوستات الجاية ان شاء الله هنتكلم باستفاضة أكبر عن أنواع التركيبات المختلفة واستخدامها.
خليكو معانا😘

.

.

من أول وأهم مواد وعلوم طب أسنان علم ال operative

والحقيقة بالرغم من أن البوست ده موجه أكتر للفرقة الأولى ولكن في نفس الوقت هو (من وجهة نظري😉) تلخيص لقصة الأوبرتف و طب الأسنان عموما.

خلينا دلوقتي مع ال operative dentistry
واللي هو مشتق من operation يعني عملية جراحية!! 🤨

طيب هي فين العملية الجراحية دي؟!! 🤔🤔

الحقيقة هي عملية جراحية بس في السنة 😇

السنة بيتعمل فيها عملية جراحية وكمان بنطبق مبادئ كتيرة من مبادئ الجراحة

لكن هنا السنة مش هي الجزء من الجسم اللي بنعمل عملية فيه (وان كانت هي دي الحقيقة)🫣🤫

دي كمان (من منظور تاني) هي الجسم نفسه اللي بنعمل عملية في جزء منه👌 ولاااااازم نطبق عليه عدد من مبادئ الجراحة!!
واللي هي ايه يا بييه؟؟؟

١- لازم أكون conservative يعني محافظ أو تحفظي (وده اسم المادة أصلا بالعربي) 😉
فأكون محافظ قدر الإمكان ومأقطعش أي نسيج ملوش داعي يتقطع.

٢- أستخدم أدوات حادة وجديدة ومعقمة وكمااااااااان كووووووولااااانت (يعني تبريد) علشان عملية القطع بتسبب حرارة والحرارة بتسبب تلف الأنسجة الحية في السنة والتهابها واللي اسمها pulp (يعني لُب السنة).

فأنا بأستخدم أدوات حادة وجديدة وبأقطع بشكل غير مستمر وبأستخدم أعلى سرعة ممكنة(لكن بحرص) كل ده علشان أولد أقل قدر من الحرارة وكمان الحرارة البسيطة اللي هتتولد بأبردها بكووووولاااانت يبقا أنا كده تمام.

٣- بعد ما أقطع وأشيل النسيج المريض (واللي هو هنا التسوس) لازم أقفل وأعمل seal كويس وأحط الحشوة بتاعتي بقااا. 😉

وكل الحاجات دي هنتكلم عنها وعن طريقة تطبيقها بالتفصيل👌 واحنا بنشرح تصنيفات الحشوات واللي بتنقسم لخمس تصنيفات وفي بعض المصادر بيضيفو واحد سادس.

التصنيفات دي بتبدأ من class one لحد class five

علشان الموضوع ميبقاش طويل هنقف هنا ونكمل البوست الجاي مع class one.✌️✌️

.
.

Overhanging dental restoration

من أكتر المواضيع اللي بتأثر على نجاح أي حشوة من عدمة هو الmargin seal👌.

اني أعمل adaptation الحشوة علي الtooth structure وميكنش فيه أي step أو فصل بين cavity margin وبين filling margin.

الكلام ده مهم اني أركز عليه وسهل أحققه في ال occlusal surface ولكن أصعب في ال proxmal surface وفي class II فلو مهتمتش بيه هيسببلي ما يسمى بال overhanging dental restoration😬.

ممكن تتخيل دلوقتي يا زميلي ان دي مشكلة بسيطة ومبتحصلش كتير وتقولي انت مكبر الموضوع ليه؟! والموضوع مش مستاهل وكدة!! 🤨

لكن الموضوع فعلا كبييير، والحقيقة انه كمان بيحصل كتيييير.
وبلاقي كتيير الحالات اللي بتيجي بمشاكل وألم في سنة محشية قبل كدة غالبا السبب بيكون overhanging
واللي بيسبب مشاكل هنتكلم عنها دلوقتي. 👇

في الحقيقة مشكلة ال overhanging هي انه بيشكل مكان تتجمع فيه فضلات الأكل وبالتالي تلزق عليه البكتريا
وطالما البكتريا لزقت بتقدر تتكاثر وساعتها تبدأ المشاكل.🫠

وهو ده السر تقريبا في كل مشاكل الفم والأسنان (إن البكتريا تلزق فتعرف تتكاثر وتسبب مشاكل).

فلما تلزق البكتريا وتتكاثر في منطقة الoverhang :
١- تبدأ تسبب التهاب لثة gingivitis.
٢- لو متعالجش يكمل ويبقا periodontitis وممكن يسبب pocket.
٣- لو متعالجش برضو يبدأ يسبب bone loss وممكن يوصل لان السنة تتخلع (وان كنت مشوفتش كدة كتير).

طيب ايه العلاج بقا علشان منوصلش لكدة؟!

الحقيقة أحسن علاج اني أصلا مأعملشي overhanging 😉😁
وده عن طريق اني أستخدم الباند والويدجات وأتأكد اني عامل seal كويس على المارجن وبعد ما أخلص حشو ممكن أعدي ال Dental floss (خيط الأسنان) بين السنتين فوق وتحت علشان أتأكد انه مفيش overhanging وغيرها وغيرها....

هنتكلم عنها كتيييير في بوستاتنا وفيديوهاتنا الجاية
خليك متابع😉

لكن لو السنة جاتلي فيها overhanging أصلا وفيه التهاب لثة وكدة فلازم أعالجها👌

في الحقيقة العلاج بيمر بمرحلتين أساسيتين وهما:

١- أشيل سبب المشاكل دي وهو ال overhanging وده أهم شئ وأحاول مأكتفيش بمجرد اني أدي مضمضة وأقول للمريض انه يستخدم الفرشة والمعجون😅😴

عارف ان بعض السنان بيكون صعب فيها أشيل ال overhanging أو حتى اني ألمس السنة بسبب ال accessability أو أن السنة ضعيفة وممكن لو حاولت أشيل ال overhanging ممكن أسبب مشاكل تانية

بس لازم أحاول الأول لو ممكن لأن هو ده سبب المشكلة أصلا😉😇

٢- بعد ما أشيل سبب المشكلة (لو ممكن) أبدأ بقا أدي مضمضة وتعليمات باستخدام فرشة الأسنان
(أو السواك واللي هو بالمناسبة أفيد من معجون الأسنان طبقا لعدد مش قليل من الأبحاث ولو حابب تعرف أكتر عرفنا في التعليقات).

لازم أأكد على حوار ال hygiene لان زي مانت فاهم أصل المشكلة ان الأكل اتجمع ف البكتريا لزقت فتكاثرت فحصلت المشاكل

فالعلاج اني أشيل المكان اللي البكتريا بتلزق عليه وكمان ان لو اتجمع أكل برضو أستخدم الفرشة والمعجون (أو السواك) علشان أشيله 👌

وبكدة مش هيبقا فيه فرصة لحصول أي مشاكل للأسنان المحشية أو غير المحشية أو اللثة.

~الروابط في التعليقات. 👇

أسعد الله صباحكم ومساكم ومرضاكم ودمتم موفقين😇💚💚💚

سيكشن دينتشن ايه ياعمناااا!!!!!
هنتعلم فية ايه ولا هنستفاد منه ايه !!!🤔
زي اغلبنا ما كان بيقول....
لية وجع الدماغ ياسيدي 😇
وشمع اية ولمع بشراب حريمي ايه اي الكلام داااا😂
كلنا بنقول كدا واحنا رايحيين سكشن الدينتشن
هل فعلا الموضوع مش مستاهل ومش هنستفاد منه ؟!!

💢خلينا ناخد الموضوع من نظرة تانية
عارف انت حشوة composite او بالمصطلح الدارج حشو الليزر هو عبارة عن اية !! او احنا بنبنية ازااااي !!🤔
ايوة زي ما جة في دماغك كدا 👌
انت بتعمل كارفنج او بتبني الجزئ المفقود نتيجة caries سواء بحشوة composite او amalgam
وتقريبا شبة الخطوات اللي بتعملها في wax carving 😎

ثانية واحدة يا عمناااااا قصدك تقول ايه !!!
لو انا تعبت دلوقتي واتعلمت كارفينج كويس ودربت ايدي فية هيبقا شغلي جامد زحلويقة !!!🙃
ايوة ياسيدي بالظبط كداا😇

وخد الحتة دي تفتكرني بيها 😊
زمايلك اللي ايديها هتطلع شغل كويس في الكارفينج دلوقتي ،واللي انت هتكون واحد منهم ان شاء الله
هما نفسهم اللي هتلاقيهم بيطلعو شغل جامد في حشوات amalgam و composite اه والله 😍

✍️طيب اتعلمة ازاي وهل الكارفينج فن ولا عن عن 😂قصدي اجتهاد اجتهاد 💪

🎯لاشك ان الناس الموهوبة في الرسم او بتحبة هيكون ليقا قابلية يعملو كارفنج حلو ،بس صدقني الكارفنج محتاج اجتهاد وتجربة ،وانك تبوظ كذا بلوك لحد اما توصل للاناتومي والدايمنشن الجامد زووحليقة 🤗

🎯بيكون معاك مقاسات لكل خطوة وكل تفصيلة في الاناتومي mesial ,Distal ،هتبقا علي كام plane
الposition بتاع contact حتي الprimary anatomy وsecondary حتي tertiary كمان ...
فانت محتاج تمشي علي الsteps دي ومرة علي مرة هتظبط يابطل 😎💪

🎯متربطش الكارفينج بالسكشن بس اعمل كذا بلوك في البيت او السكن وشوف تقييم supervisor معاك في السيكشن ايه ...
علشان تعرف انت وصلت لحد فين 👍
🎯في الاول هتطلع شغل مش كويس وهتبقا ارخم ساعة في اليوم 🥲، ودي مرحلة كلنا عدينا بيها في الاول
وكله بيتنمر علي كلة 😂
صدقني مع المحاولة والمعافرة هتوصل لشغل جامد والموضوع هيبقا لذيذ ♥️
🎯دكتورنا الكبير Mahmoud Al Ankily في قناتة علي يوتيوب شارح فية كل تفصيلة عن الكارفينج 👌
👈خش اسمعة هيفيدك كتييييير
https://youtube.com/playlist?list=PLdOisvOmyuqk02KBYShIRuvQFxdEvzZqv

🎯اخر حاجة عزيزي دكتور الاسنان الجميل ♥️🦷🧑‍⚕️
حاول مرة واتنين وتلاتة بوظ ولا يهمك 🤗🤗
وحط في دماغك كارفينج الحشو التجميلي composite هو هدفك الكبير 😎💪
وانك تكون جامد في wax هتكون جامد في composite

💢اتمني نكون حلينا مشكلة اغلبنا كان بيواجها
اكتبولنا تعليقاتكم وتجربتكم مع carving
وحبين نتكلم عن اية في البوست الجاي
دمتم بخير ♥️♥️

Access cavity for all teeth.
Location for each canal.