16/09/2024
📣📣📣📣 سلسله نصائح تربويه 📣📣📣📣
🧠(٣) هل دور الأم والأب التربيه ام الرعايه؟؟؟؟🧠
هل تقديم الاحتياجات الاساسيه للأبناء هي التربيه، واقتصار دور الأب علي انه ماكينه صرف ألي عذر كافي لتبرير غياب دوره في توجيه وتربيه الابناء، وكذلك اقتصار دور الأم علي تقديم الرعايه لابنائها ( اكل، شرب ، نظافه، توصيل يومي لمدارس ودروس وتمارين.......فقط) مع نسيان دورها ايضا في التربيه والتوجيه وقضاء وقت ممتع مع أطفالها وبناء ذكريات تدوم معهم للأبد........
حوار بين أم جميلة و ابنها و بنتها اللى عندهم ٧ و ٩ سنوات
الأم لاحظت أن الأولاد اعتادوا غياب الأب عشان شغله و سفره . حبت تحسسهم بوجوده و بيعمل ايه .
حكت قصة عن أسرة فى مزرعة و ازاى الأب بيخرج كل يوم عشان يشتغل و يقدر يجيب للأولاد الحاجات اللى محتاجينها يوم بيوم.
بعد ما خلصت القصة، حبت تقيس فهمهم لدور كل حد فى القصة. لما سألتهم دور الأم ؛ قالوا تعمل الأكل و تربى الأولاد و تساعدهم فى المذاكرة.
قالوا زى ما بتعملى معانا .
و لما سألتهم عن دور الأب فى القصة البسيطة اللى أحداثها فى مزرعة بسيطة، قالوا دور الأب فى القصة، يجيب اللبن و الأكل لأولاده آخر اليوم و اللبس لهم فو الصيف و الشتا زى ما الأم حكت.
لما سألتهم عن دور والدهم .. قالوا
بابا بيشتغل عشان يجبلنا الآى باد اللى وعدنا بيه، و يجبلنا البلاى ستيشن الأجدد من اللى عندنا و يخرجنا الملاهى الكبيرة.
مفيش حد قال أكل و شرب و تعليم .
المستوى دا لم يعد فى وعى الأطفال من أول يوم.
و كأن الحاجات دى مضمون وجودها بلا تعب و لا شغل.
إجابتهم نبهت الأم الجميلة و لازم تنبهنا احنا كمان لأمر خطير جدًا و خطأ كبير فى تربية الجيل الحالى.
اللى مش فاهم الفرق بين " الاحتياجات Needs" و " الرغبات Wants"
اللى تفكيره حول الرفاهيات لأساسيات فى الحياة، و بيفضل هذا المفهوم يكبر عنده .
هو مش محتاج موبيل للاتصال و التواصل ، هو محتاج
يكون عنده i phone. و مش موديل قديم .
هو مش محتاج عربية توصله من مكان لمكان … هو محتاج عربية ماركة بمواصفات متطورة.
عقله اتبرمج على انه محتاج دا حتى لو ميقدرش عليه.
ربينا جيل حافظ مش فاهم .
خطأنا فى التربية مع أولادنا اننا مش بنفهمهم أن دورنا الأساسى توفير الاساسيات لتربيتهم مش الرفاهية.
و أن دورهم عشان يعيشوا صح يركزوا فى الأول على الاحتياجات الاساسية و كل ما يكون عندنا مجال لتحقيق الرغبات ، خير و ماله نعمل كده.
لكن مش دورنا نقضل نجرى و ننافس و نيعددعن بعض عشان نحقق لبعض رغباتنا. عشان كده خلقنا جيل بيجري وراء المظاهر الفارغه ومهما قدمنا له شايف انه لسه اقل من سقف توقعاته، وانه مش كفايه .
ظهر لنا جيل من الشباب غير مدرك لدور اهله والي بذلوه عشان يوصل أو يتعلم وغير ممتن لهم، جيل لايعرف معني الحمد والشكر علي النعم أو الاكتفاء بما لديه.
✅الخلاصة:
محتاجين نعلم الأولاد
أن ماما دورها تربينا و تعلمنا و تكون معانا و تشاركنا مش تقضل طول الوقت توصلنا من مكان لمكان و تفكر فى حاجات تسعدنا طول الوقت.
و دور بابا يشتغل معظم الوقت و يكون معانا بعض الوقت ، مش يختفى من الصورة.
دوره يوفر الأكل و اللبس و مصاريف المدرسة. مش يجيب sweets و موبيلات و يلفننا العالم عشان يكون أب مثالى.
دا الدور الأساسى ، وكل ما يتيسر زيادة خير و نعمة
ممكن وقتها نحقق بعض الرغبات.
لأن سقف الطلبات لا ينتهى و من يسعى له كهدف كل ما يوصل لحاجة هيلاقيه بقى أعلى عليه.
.
