06/05/2026
نصيحة مهمة لتانية ثانوى
الحمد لله ربنا كرمنا من وسع فى امتحان شهر ابريل وعقبال الفاينال باذن الله ♥️👑
ولكن فيه كلمتين مهمين عاوز اقولهم لاخواتى الصغيرين لاهتمامى بمصلحتهم وخوفى على مستقبلهم
احنا بكره ان شاء الله هننزل اخر محاضرة فى المنهج اللى هنختم بيها شابتر 3 وبعدها على طول هنبدأ المراجعات النهائية وهننزل أقوى ريفيجن ممكن تشوفها على شابتر 2 شرح مع تجميعات مع اكبر ورشة حل واللى هتخليك باذن الله قوى جدا فيه☝🏻
ولكن فيه نصيحة مهمه:
أولويتك فى تانيه ثانوي مش مجرد انك تقفل وتجيب درجة كويسه عشان عارف اسئلة التقييمات او غيره وانت مش محقق اقصى استفادة من منهجك بالعكس ابدا
شابتر 2 هو أهم شابتر فى منهجك وعاوزك تبصله وتتعامل معاه انه الكورس التأسيسى لتالته ثانوى فلو انت مكنتش مذاكره كويس او فيه حاجه مراكمها منه وربنا مرمك فى التقييمات فى امتحان الشهر متعتمدش على نفس الحاده فى امتحان اخر السنه.
لو انت مراكم حاجه ارجع ذاكرها من فديوهات الشرح واتفرج على فديوهات الحل النهارده وبكره وبعده والحمدلله احنا من أقوى الناس اللى شرحت شابتر 2 بأدق التفاصيل والوقوف على كل المعلومات اللى تفيدك سواء فى منهجك او فى تالته ثانوى بشهادة الكل بفضل الله.
فاستغل الكنوز دى وحط فى دماغك انك بتبنى لمستقبلك لان الكيمسترى مادة تراكمية بحته واللى بيكون مذاكر فى تانيه كويس مبيواجهش اى مشكلة فى تالته
مش عاوز اى حد منكم فى تالته يبقى بيواجه اى مشكلة او صعوبه بسبب ان محدش نصحه بالكلام اللى بقولهولك ده او بسبب انه كان مع مدرس مبيراعيش ضميره وربنا معاك
واوعى تسمع لحد يقولك ابقى شوف الكورس التأسيسى قبل تالته اللى هيخليك تبقى اينشتاين فى الكيمسترى حتى لو مكنتش بتعرف تقرا وتكتب قبل كده والكلام الغريب ده
فيه فرق بين واحد عاوز يقفل فى تالته وواحد عاوز يعدى السنه وخلاص
وبما ان كل رجالتى اللى معايا انا عارفهم كويس وكلهم من المتفوقين اللى عندهم ضمير فانا بقولهم الكلام ده من قلبى لحبى ليهم وخوفى عليهم
منهجك اهم كورس تأسيسى ليك وانا عارف انك حد مسؤول وواعى وعارف مصلحتك واحنا مجرد سبب بنساعدك فى طريقك♥️
فديوهات شرح وحل شابتر تو ازبطهم النهارده وبكره وبعده وهترتاح جدا فى الكيمسترى عموما سواء منهج السنادى او السنه الجايه، ربنا يوفقكم وييسر عليكم يا أبطال♥️🫶🏻
وزى ما متعودين👇
☝🏻🥇♥️
02/02/2026
29/01/2026
29/12/2025
24/10/2025
03/10/2025