Heba korayem, The emotionalist

اللهم ارزقنا حسن الدعاء و حسن العمل
اللهم ارزقنا أدب الحديث معك و حسن اللجوء اليك .
يارب علمنا كيف نطلب الرزق بما يرضيك عنا .. و علمنا كيف نستقبله بما يرضيك عنا .. و كيف نستثمره بما يرضيك عنا ..
نعوذ بك يارب من إسراف يحرمنا البركه و من وفرة تلهينا و تطغينا.
اللهم امين 💌
رسالتي لنفسي و لعقولٍ تحسن التأمل و قلوبٍ تحسن التدبر

انهاء بعض العلاقات يكون بمثابة البتر ...

ألمها بيكون كأنك بتفقد حته من كيانك و تكوينك ... بتفقده و انت عارف كويس جدا انك لما تفقده مش حترجع زي ما كنت ولا حتفضل انت نفس البني ادم ...
لكن وانت عارف كويس جدا ... أن بقائك في العلاقه دي ... حايقضي على اللي باقي منك
زي العضو اللي من كثرة سوء إصابته و تغلل الجراح و الخلايا التالفه فيه ... أصبح لازم يتعمله استئصال

ألم الفقد و إنهاء العلاقه في الحاله دي بيكون معاه مجموعه من المشاعر المختلطه المتناقضه و اللي فيها شد و جذب جوه الإنسان ..

ده أكثر وقت بنحتاج فيه للدعم و اللي يسندنا لحد ما نقف على رجلنا من جديد و نتعود على شكل حياتنا الجديد بعد الاستئصال ده
و يمكن كمان محتاجين وقت نتعرف على نفسنا الجديده بعد الخروج من التجربه .

الخروج من التجربه نفسه بياخد وقت زي كأن كائن بيغير جلده و بينسلخ من جلد قديم تقديما لمرحلة جديدة في حياة الكائن ده ...

في الوقت ده ... ارحم نفسك من اللوم و جلد الذات و خليك شجاع في الخطوات اللي بعدها .

ارحم قلبك المفطور ... ايوه .. مفطور

و ما تضغطش عليه بأنه لازم يبقى كويس بسرعه ولا إنه مش من حقه يحزن و يغضب و يثور عليك و انت بتجره جر بسلاسل العقل و المنطق و الحكمه و المصلحه ...

اقبل فترة خصامكم .. اه
ما هو ممكن قلبك يقرر يخاصمك و يعاقبك كمان و تلاقي نفسك داخل في فترة ... تبلد مشاعر أو العكس ... حساسية شديده لكل موقف و كلمه و إشاره لدرجه تذهلك عن نفسك .

افهم أن فترة التعافي من بتر بعض أنواع العلاقات محتاجه وقت و خطوات عشان تمر بأقل قدر من الخسائر ... اقف جنمب نفسك و طبطب عليها
Heba korayem, The emotionalist

آخر حاجه ممكن تعملها مع صاحب المعاناه النفسيه انك تعامله على أنه شخص معطوب و محتاج يصلح من نفسه أو أنك تقدم له الدعم على شكل شفقه و عطف .
Heba korayem, The emotionalist

يحدث الان
دماغنا و اللي عملاه فينا 🙈
الحديث الذاتي و التعامل معه
وبينار مجاني على زووم
الرابط في أول تعليق 👇

لما تخلصت من الإتباع المثالي للدايت و الطرق المثاليه لتطبيق الاكل الصحي و بدأت اتعلم التعامل بمرونه و واقعيه مع مشاعري تجاه الاكل ... لاقيت اني قادرة التزم أكثر بنظام حياه صحي و اقدر استمر عليه بدون ما احس بالحرمان
تعالوا اديكم مثال و لو اني خايفه البوست يقلب CBC sofra 😅

دلوقتي أنا في العادي بحب السلاطه جدا و بحبها بكل أشكالها ... لكن مع طول فترة العشرة بينا و وجودها و الاعتماد عليها مع البروتين ممكن تيجي عليا ايام و تبقى علاقتنا ببعض مش الطف حاجه و بقيت ازهق و ما اكلهاش و بعد شويه ما ابقاش مقبله على اني اعملها و طبعا بعد أقل من ساعتين ثلاثه من وجبه بدون سلاطه بجوع و الاقي نفسي رايحه للنشويات و خاصة المخبوزات ( العلاقات السابقه المدمرة 😅 )

فلاقيت أن الحل في الأوقات دي ... التفكير بشكل مرن و الاستعانه بصديق ( الفاكهه )
ايوه
هاتحطي فاكهه على السلاطه ؟
ايوه
بدأت استبدل الطماطم بتفاح أو برتقال او رمان أو فراوله مع الخضروات الورقيه

و ده خلاني احب السلاطه أكثر في أوقات الزهق و الملل و في نفس الوقت وجود خضروات ورقيه مع الفاكهه بيمنع ارتفاع الأنسولين مع دخول سكر الفاكهه الجسم
يعني ضربت عصفورين بحجر

التفكير بواقعيه و مرونه و البعد عن المثاليه خلاني:_
_ احترم مشاعري و اعترف بيها .
_و خلاني أوجد حلول يمكن تطبيقها على المدى البعيد .
_ و خلاني استمر على اني اعيش بطريقة تتسق مع قيمي و تتسق مع الهدف اللي أنا عايزه أوصله

لو بتعاني من التفكير بمثاليه في فقدان الوزن و محاولات السيطرة على الشهيه و ده بيخليكي ما تكمليش لحد ما توصلي للوزن أو الشكل اللي انت عايزاه أو بيخليكي بعد كده ترجعي تزيدي تاني
يبقى منتظراكي في برنامج المثاليه السنه دي

علاج
للحجز. و الاستفسار
اكتبي انك مهمته و هابعتلك طرق التواصل خاص

و لو مهتمين اني اكتب أكثر عن أمثلة لاكلات اتعلمتها لما تخلصت من المثاليه
برده قوليلي في التعليقات و اللي عندها أمثلة مشابهه لنفس الفكرة ياريت تشاركنا في التعليقات عشان نتعلم من بعض 😍

Heba Korayem

عكس النجاح مش الفشل .... الاثنين معاهم انك بتحاول و بتتحرك و تنتقل من خطوة بخطوة و انك بتعافر ... النجاح لو معناه إنجاز ف الفشل معناه انك بتتعلم... و ده مطلوب .. مطلوب تتعلم عشان تنجح .. يعني عشان تنجح محتاج تفشل و تتقبل مراحل الفشل و الإخفاق ...
عكس النجاح و الفشل ... هو انك قاعد محلك سر... مش بتتحرك منتظر الظروف المثاليه ، منتظر توصل للمعايير المثاليه ، منتظر توصل للكفاءة الكامله قبل ما تنزل ارض الملعب ..... خايف و مرعوب من الفشل أو الإخفاق أو الأخطاء .. و خوفك اللي مكلبشك ده ... هو في الحقيقه أحد اعراض مشكلة المثاليه ...

يعني باختصار ... عكس الانجاز و الانتاجيه و التقدم و التطور ... السعي للمثاليه

لو متعطل في حياتك و لسه منتظر تبقى جاهز 100% و بتعاني من تسويف خطوة البداية و جاهز انك تمشي خطوات عشان تتخلص من كلابشات و أغلال المثاليه المعطله
ف اهلا بيك في برنامج
لعلاج المثاليه و البدء بخطوات ثابته نحو الشعور بالكفاية و الانتاجيه

لو مهتم تعرف اكثر
اكتب مهتم في التعليقات و هابعتلك تفاصيل اكثر على الخاص
Heba Korayem

في الوقت اللي أصبحت فيه المعرفه و المعلومات على كثرتها و تنوع مصادرها متاحه عن طريق الانترنت و المكتبات الرقميه و المواقع المختلفه واللي منها كثير مصادر موثوقه و غير موثوقه اصبح الوصول للمعلومات المجانيه سهل و ده برغم أنه ميزه رائعه الا أن له وجه آخر مؤلم و محبط في مجال العلاج النفسي و تطوير الذات ... إن الشخص اللي بيعاني من مشكله .. لما بيقعد يجمع معلومات عشان يفهم مشكلته و يجمع معلومات عن طرق الحل و يجمع معلومات و يجمع معلومات و ... هكذا ... بدون تطبيق بيصاب بالاحباط ... و قد يتطور الإحباط أو بمعنى أصح يتدهور إلى شك في الذات
إنه ازاي بعد كل اللي عرفته و فهمته ده لسه بعاني... لسه اخطائي بتتكرر ... لسه حياتي مش بتتحسن بنفس القدر اللي معلوماتي فيه بتزيد ... فيصاب بالغضب و الإحباط و الشك في نفسه و يمكن يدخل في يأس أنه مافيش فايده
و دي كارثه ... فقدان الأمل

عشان كده بنأكد أن الحلول مش مجرد خطوات مكتوبه في بوست على الفيس بوك او في مقاله أو في كتاب مساعده ذاتيه أو حتى اتقالت في محاضرة
ممكن تكون فعلا حلول فعاله تنفع بعض الناس ...
لكن البعض الآخر محتاج مساعده من معالج أو كوتش يساعده يفصلها و يفصل طريقة تطبيقها على مقاسه و مقاس حياته

المعلومات جزء من الرحله
لكن
الرحله فيها عوائق محتاج تستكشفها و
ترفق بنفسك لما تشوفها
و محتاج تزيلها
و محتاج تصبر على نفسك لحد ما تتخلص منها .

الرحله فيها منظومة تفكير جديده محتاج تكتسبها
و محتاج كمان مرونه عشان تكتسبها

الرحله فيها مهارات محتاج تتعلمه و محتاج خطوات عشان تتعلمها و حد يتابع مستوى تطبيقك ليها

ف فعلا فيه بعض المشكلات البسيطه اللي حلها ممكن يكمن في معلومه .. و فيه مشكلات ليها جذور من الطفولة أو حصلت نتيجة تراكمات في علاقات كثير غير صحيه او نتيجه صدمات
ما تجيش بقى تتخيل أن نصيحه أو بوست أو مقاله هايحلولك المشكله دي و يغيروا حياتك و يحولوها من قرع عسل لعربة ملكيه بيجرها الحصنه... احنا مش جوه حدوته خياليه ... احنا في حياة حقيقيه ...
ف لو انت فعلا عايز تساعد نفسك ... محتاج بجانب البحث عن الحلول على النت و في الكورسات و الفيديوهات .. محتاج تروح لمتخصص يمشي معاك الرحله و يفصلها على مقاسك انت

طيب لو مش قادر حاليا لاي سبب من الأسباب ؟

يبقى اولا ما ترفعش سقف توقعاتك من نفسك .. ابذل أقصى ما في وسعك و حط هدف أنه يكون فيه حد في حياتك بيدعمك نفسيا و يساعدك تطور من نفسك و تخل مشاكلك اولويه بقدر الإمكان

و أحد النتائج اللي بيساعدك البرنامج العلاجي المتعدد التدخلات برنامج في تحقيقها

للحجز والاستفسار
التواصل واتساب على رقم
01025867266
Heba Korayem

الفلوس مش كل حاجه

اللي بيحصل من سبعين يوم في واحده من اطول و اشرس الحروب في العالم إذا ما كانش اشرسها على الاطلاق منذ التتار لحد النهارده ( و ما تقوليش العالميه الاولى ولا الثانيه ... لان اللي بيحصل دلوقتي أعنف بالاخذ في الاعتبار مساحة الأرض و فرق القوة و العتاد بين الأطراف ) بيقولك كده

و اللي حصل من الاهلي في جده .. برده بيقولك كده

اومال ايه هو اللي كل حاجه !؟
١_ قلبك ... ايمانك .. دماغك ... عقيدتك .. و معتقداتك عن نفسك و عن ربك ... عن قدراتك و توكلك .

٢_انك مش متعلق بصورتك قدام الناس ولا النتائج اللي بتطلع .

٣_ انت بتبذل أقصى ما عندك لحد اخر نفس بكل حب و شغف و اخلاص و ايمان ... بس
بدون ما تنتظر النتائج اللي لازم تبقى مبهره و على مزاجك و بمعاييرك .

٤_ انك تبطل تفكر ازاي تسيطر على اللي مالكش عليه سيطره و تبدأ تبدع في الجزء اللي تقدر عليه ... بأقصى قدر عندك من:_
🔻 قوى ذهنيه و ذكاء و مهارات
و
🔻 قوى نفسيه من قدرة على التحمل و إدارة مشاعرك و الإنتباه لحديثك الداخلي لنفسك
🔻 و الاهتمام بانك. ما تدخلش لكيانك النفسي الا اللي يزقه لقدام و يشجعه أنه يكمل و بسسسسسسسس و ده يتضمن القران و السنه و العلم و الحقائق اللي تدعم استمرارك و سير الصالحين الناجحين في مجالك و اللي بيتفقوا مع قيمك
و ده يتطلب اصلا انك تكون واعي و منتبه للحديث الداخلي ده و أثره عليك

طبق بقى كل اللي فات ده على اصغر و ابسط حاجه .. زي ماتش كوره لحد أكبر و أعظم كفاح زي اللي داير دلوقتي .. متضمنا بقى
كفاحك و كفاحي كام أو أب في كسب لقمة العيش و تربية العيال و تربية نفسنا قبلهم

و ده أحد أهم المهارات اللي بنتدرب عليها في برنامج

برنامج علاجي لعلاج المثاليه و السعي المعطل للكمال و تحويله إلى سعي فعال للنجاح .. دنيا و آخرة .

من فضلك لو شايف/ه أن البوست مفيد و نور معاك/ي في حاجه ، نعمل شير في الخير

للحجز والاستفسار يرجى التواصل
على الواتس آب
01025867266
ما تنسيش تسالي عن خصم الحجز المبكر و الأقساط للتيسيير علينا كلنا إن شاءالله

Heba Korayem

Firsts thinks first and firstly
عايز تنجح ولا تكون من الاوائل ؟
عايز تكون من الاوائل ولا تكون من المتميزين ؟
عايز تكون متميز ولا فريد ليك بصمتك ؟
خطط ... رتب أولوياتك .. خليك مرن مع مطبات المشوار توصل في معادك و في أمان .
من أهم المهارات اللي بيمتلكها الناجحون المتميزون في الحياه
هي التخطيط ب مرونه

و ده أحد المهارات اللي بنتعلمها في برنامجنا لعلاج المثاليه أو السعي المعطل للكمال
متميز و لست مثالي

للحجز والاستفسار
التواصل واتس آب
على رقم
01025867266

Heba korayem, The emotionalist
Heba korayem

الاساطير بترسخ في العقول و تميل القلوب لتصديقها مش لانها حقائق... بل لأنها فقط مؤثرة .. تلعب على دغدغة مشاعرك و اللعب بهرمونات الإثارة و التشويق و المتعه و التعاطف ... لتحفر مكانا لها في وجدان الناس رغم أنها لا تمت للحقيقه بصلة ...
اصحاب الحقائق... و الحق ... عليهم واجب و مسؤولية في إيجاد سبل لجعل الحقائق أكثر وضوحا و تأثيرا من الأساطير و صناعها... و ده اللي بتعمله المجموعه اللي رفعت راس العزة و الكرامه في أمه متداس على رقابيها من الفرات إلى الأطلنطي... بتعمله بدراسة و حرفيه ..
و ده اللي يعلمنا أن اخد الحق صنعه و ايمان
Heba Korayem

_: لا يحادثني الا وهو في ضيق أو حزن أو أوقاته العصيبه ..
_: بل لا يحادثك إلا عندما يحتاج لأذن مهتمه و سعة صدر و حنان و احتواء
لتلك الجروح في تلافيف روحه ... يشعر أن بداخله وحش ضاري ولا يقلم أظافره الا أنت
الغضب بداخل قلبه يأكله احيانا ... ولا يطفئه سوى أصداء صوتك في جنبات قلبه ..

_: يحادثني حين يريد أن يفخر بانتصاراته و نجاحاته ..
_: بل يشاركك أفراحه ولحظات سعادته لأنك الأقرب إلى قلبه ..

_: لطالما حلمت أن اسكن قلبه
_: لا يسكن قلب مثله سوى النجاح و العمل و التفوق و الطموح ... انت من اخترته و قلتي هذا الذي هو كفؤٌ لي .
_: طوال الوقت يظل يؤكد إخلاصه لي ... كأنه يذكرني دائما بتاريخه الحافل بعشرات الأخريات ليثير غيرتي ..
_: بل ليشعرك بانك مميزه عنده و أنه يعلم قيمتك ... كالدرةِ وسط الرمال .

قوة تغيير القناعات
فقط بنكهة نسائيه .

الاسبوع الثاني من الدبلومه

بندرس القيم و نتدرب على استخراجها و التعرف عليها

القيم هي المعاني المهمه في حياتنا اللي لما بتتحقق بيحصلنا حالة الاشباع و الرضا
القيم لما بتتحقق في علاقه بنبقى مرتاحين فيها ... بتكون علاقه صحيه .

القيم لما بتتحقق في شغل بيبقى شغل بيشحني و يشبعني مش بيستنفذني

القيم بتمثل جذور شخصيتك
هويتك .. جوهرك الحقيقي