EnasRauof - Life Coach

‏"أول خطوات النجاح هي أن توقف الدراما في حياتك اليومية
تبتعد بقدر المستطاع عن الحساسية تجاه الآخرين، اخلق لهم أعذار، تجاهل، تغاضى طنش وهمش كل شيء لا تأثير له على نفسيتك ومسيرتك

ثم كرّم نفسك واختر لها من الصحبة أرقاها، ومن العشرة أحنّها، ومن صدور المجالس أوسعها، ومن الفعل أطيبه."

كن لنفسك كل شئ ❤️

‏الحل الوحيد عشان تقدر تكمل (هو إنك تعفو عن نفسك) .
تستوعب إن مفيش حاجة بإيدك مهما سعيت وحاولت تخلي كل حاجة مظبوطة.
مفيش حاجة هتمشي صح غير لما ربك يأذن، مهما تعبت وصدقت نيتك وعملك في النهاية الأمر كله لله، مفيش حاجة متأخرة ولا حاجة حصلت كان مفروض ماتحصلش ولا في حاجة فاتتك، ومفيش حاجة لو كنت جريت أسرع كنت هتاخدها وهى مش بتاعتك ولا حد مشي كان مفروض يكمل واللي مكتوب له يكمل معاك مش هيمشي .

الاستمرار ف السعى و الحياه بقى مهمه صعبه ، و مش دايما بنقدر ناخد كل الخطوات لوحدنا اوقات كتير بنحتاج حد يساعدنا و ياخد بأيدنا و مايكونش من القرايب او حتى الصحاب و لا يهاجم ارائنا او افكارنا حتى لو كانت مش احلى حاجه بالعكس بنحتاج الى يساعدنا نرتب افكارنا و نقدر نحقق طموحتنا من غير مجهود كبير و ده دور الكوتش 💛

أي حد تحس ناحيته انه بيأثر عليك بالسلب أو ناقد ليك ديما أو بيحطك تحت ضغط بأى شكل من الأشكال نصيحة لوجه الله ابعده عن حياتك وانت مرتاح الضمير،

فى شغل او صحوبيه او علاقه او فى الحياة عموما والله ماحد هينفعك مش مضطر انك تستحمل أذية اى حد لأى سبب من الاسباب مهما كان.

انسحب واشتري راحتك النفسيه ومهما اتقال عنك ماتسمعش انت واثق ف نفسك وف قدراتك ولا تحط اعتبار لأى حد متعته تدمير نفسيتك.

صدقني لازم تتأكد ان "لنفسك عليك حق" ف واجب عليك تحميها وزي مابتحاول تهتم بجسمك وتبعد عنه المرض لازم تهتم بنفسيتك عشان هي كمان هيطولها الأذي وهتخسرها وتخسر نفسك لو سبتها ل أذي وشر الناس.

راحتك النفسيه أهم 😊


#صحتك #النفسية

كتير مننا بيتكسف يقول لأ
طب امتي نقول لأ ؟!
- اما نكون في قعدة مش مرتاحين فيها ومش عارفه اعبر عن نفسي براحتي
- اما حد يطلب مني اروح معاه مشوار وانا تعبانه او مرهقة
- اما حد طول الوقت بيحكي عن مشاكله في وقت انا محتاجة فيه دعم نفسي
- اما حد يصدرلي طاقه سلبيه ديما

وغيرها كتير من المواقف ..

كلمة لأ مش عيب المهم نعرف نقولها امتي وإزاي .
#صحتك النفسية اهم.

في أهالي بتستثمر في أولادها وتقدم ليهم أحسن أكل وشرب وتعليم على اد ما تقدر ،
وفي أهالي تانيه بتحرمهم علشان تشيل ليهم قرش لما يكبروا الاولاني هيفضل عمره يديك حب وهيعيش معاك حلوك ومرك لانه فهمك
والتاني بيحبك بردو بس هيستناك تموت علشان يبدأ هو يعيش

كل واحد حر ف تربيته وتفكيره بس حاول تفكر كويس اولادك هيحتاجو ايه بظبط منك العطاء دلوقتي ولا بعد ما تموت.

واحدة من الحاجات اللي أثرت بالايجاب على صحتي النفسية هي فكرة تصنيف المواقف اللي بتحصلي.
يعني مثلًا،
مرتبك لسه نازل من يومين وعربيتك عطلت قدامك تصنيفين تحط فيهم المشكله دي
1- إنك حظك وحش وبمجرد ما بتمسك فلوس مبتلحقش تتهنى بيها واشمعنى أنا اللي بيحصلي كده وافضل أصيح

2- إنك تقول الحمد لله وانت حاسس بمعناها إن ربنا جعل عطل العربيه يجي في وقت انت معاك فلوس تصلحها، وإنها كده كده مكتوب ليها إنها تعطل بس لطف ربنا ورحمته إن ده حصل وانت معاك فلوس بدل ما كنت تتبهدل والمرتب لسه منزلش

وهكذا قيس على الموقف ده باقي المواقف والسخافات اللي ممكن تتعرض ليها في حياتك، بص للأمور من زاوية مختلفة هتلاقي إحساس الرضا بيغمرك من فوقك لتحتك.

من وقتها قرّرت التعايش مع أي وضع ومع كل أمور حياتي حتى لو كانت الأمور تسير عكس ما أتمنى، أمر الله نافذ سواء صبرت أو اعترضت.

هترتاح جدا لما تتصالح مع فكره انك انسان عادي وموظف عادي وصديق عادي وأم وزوجه عاديه !
مش لازم تكون شخص مثالي ومش لازم تكون الافضل ولا الاجمل ولا الاهم
المهم انك تبقي مرتاح وراضي عن نفسك تماما ف كل حاجه بتعملها ❤️

👌🏻

لغه الحب بتختلف من شخص لشخص ..
لو عايز تحافظ ع اي علاقه ف حياتك سواء شريك حياه او صاحب او اخ ف مفروض عليك تعامل الطرف التاني بلغه الحب بتاعته مش بتاعتك انت بمعني لو انا شخص بحب اعبر عن مشاعري بالكلام ممكن الطرف التاني يكون بيحب تعبرله بالأفعال اكتر
ممكن طرف يكون بيحب الهدايه ، بيحب الاهتمام بتفاصيله ، بيحب الحنيه ، في شخص بيحب انك تديلو مساحته وفي شخص بردو مبيحبش يتساب لوحده كتير ،
دور كويس الشخص دا لغته ايه وعامله بيها لانه وارد تلاقيه مبيحبش لغه الحب بتاعتك هتلاقي علاقتكو كل مدي بتتحسن اكتر وبتنجح 🌸

لما بتجيلي عميله لجلسه تعافي من موقف او حدث ما مأثر فيها وموقفلها حياتها غالبا بكتشف ان ورا الموقف دا صدمات تانيه خالص قديمه هي الي مشقلبه حالها ومن ضمن الحجات دي ( جرح الأب )

تخيل انك تكون حاسس بخذلان من أول شخص مفروض يديك الأمان ويبقي اكبر داعم ليك ، بتفضل مكمل حياتك وانت موجوع من جواك بس بره انت بتحاول بكل جهدك تثبت العكس بتحاول تنجح وتكبر وتعافر بس مع أي موقف صغير يحصلك احباط وتقع..

- انتي ملكيش ذنب ف الماضي آه لكن مسؤليتك تتعافي من جروح الماضي ، ومن حقك تعيش حياتك من غير جروح وألم نفسي

التعافي قرار وانتي صاحبه القرار ❤️