Dr. Ayat Negm خالة العيال د.آيات نجم

شنطة طفل فى ابتدائي رايح المدرسة اليومين دول
حصل 😭😭

شايفين شكل اللسان ده احفظوه بقه

الشكل ده بيظهر في حالات الحمي القرمزيه scarlet fever
وهي عباره عن عدوي بكتيريه بتعمل التهاب والم بالحلق وطفح جلدي بالجسم واللسان بيكون شكله مميز ذي الفراوله
اول ما تشوفي الشكل ده اعرفي انه مش دور فيروسي
لا بكتيري وابنك محتاج مضاد حيوي بس طبعا متديش مضاد من نفسك لازم تستشيري الدكتور بتاعك الاول
متقلقيش دور بسيط بياخد اسبوع وبيتحسن جدا مع اول جرعه من المضاد الحيوي
خليكي واعيه واعرفي اذاي تفرقي ما بين دور البرد العادي الفيروسي والعدوي البكتيريه
#صحة #مناعة
#فيروسات #بكتيريا #اطفال

يا مامي… بتسألي: "أدي ابني تطعيم الخُميّة الشوكية في المدرسة ولا لأ؟"

📢 أقولك بصوت عالي كده:
ايون ياخده يا ست الكل 👌
ده مش كحة ولا برد، ده تطعيم بيحمي العيال من مرض خطير اسمه التهاب السحايا… ولو الطفل ماخدش التطعيم وجاله عدوي منه مضاعفاته ترعب..

💉 التطعيم آمن، معمول في المدارس تحت إشراف وزارة الصحة، ومش بيتاخد غير لو الطغل ماخدوش في آخر ٣ سنين.

يعني الخلاصة:
اسمعي كلامي وخلي عيالك يتطعموا… عشان ده الأفضل ليهم
لو عندك اي سؤال خاص بالتطعيمات اسالي وانا اجاوبك ❤️

#تطعيمات

#صحة #مناعة #اكبسلور ゚viralシ #خالة _العيال

"تخيلي يا ست الكل… ابنك صاحي من النوم لاقياه جسمه طالع فيه حبوب حمراء صغيرة… ولسانه مليان تقرحات… وحرارته مولعة 🔥
إوعي تفتكري دي حساسية عابرة… لأ دي حاجة اسمها متلازمة اليد والفم والقدم 🖐️👣👄"

🧨 دي عدوى فيروسية بتنتقل بسرعة بين الأطفال خصوصًا في الحضانات والمدارس…ومنتشرة جدا الايام دي
يعني لو طفل واحد اتعّدَى، تاني يوم ممكن نص الفصل يبقى عنده نفس الأعراض!

⚠️ الأعراض:

حرارة عالية.

تقرحات في الفم بتخلي العيل مش عايز ياكل ولا يشرب.

طفح جلدي على الكفوف والقدمين وأحيانًا على منطقة الحفاظ.

💡 وخلّي بالك… مالهاش علاج محدد! كل اللي نقدر نعمله هو نسيطر على الحرارة ونرطّب العيل ونديله مسكن بسيط لو تعبان.
لكن 👆👆 أهم حاجة العزل والنظافة: ممنوع يروح حضانة أو مدرسة لحد ما يخف، وغسيل إيدين طول الوقت.

متتخضيش لو لاقيتي ابنك أو بنتك كده دي عدوي فيروسيه بسيطه وهتعدي
متقلقيش
لو عندك اي سؤال عن صحة طفلك اسأليني وانا اجاوبك
#مناعه ゚viralシfypシ゚viralシalシ #نظافه #فيروس

صوره بالف معني ...ربنا يعين كل ام معاها بيبي رضيع وبتذاكر لاطفالها ❤️❤️❤️

خلي بالك يا مامي من الهربس الفموي منتشر جدا الايام دي لو لاقيتي شكل القرح دي بالفم اوعي تدي ابنك مضاد حيوي ..الأعراض هتطول جدا والسخونيه هتفضل موجوده
طب ايه العلاج ..بندي مضاد فيروسات ومضاد للالتهاب لعلاج القرح الفمويه والطفل هبتحسن ان شاء الله
#هربس #مناعه #تغذية #صحةومعلومة

اي أم بعد الولاده محتاجه تشفط لبنها بلاش الشفاط ده ارجوكي سئ جدا ومؤلم واللبن اللي بيتجمع فيه مش مناسب ان طفلك ياخده
امال تستخدمي ايه تستخدمي الشفاط اللي بدراع او الكهربائي أفضلهم
#رضاعه #مناعه #صحة
゚viralシfypシ゚viralシalシ #حديثي #ولاده #تغذية

🤭اتخضيتي من الصوره
لا متقلقيش ومتتخضيش ده شكل طبيعي خالص بيحصل في الاطفال حديثي الولاده
اسمه (transient pustular melanosis)
او ما يسمي بالتصبغ البثري العابر ..دي حاجه طبيعيه وحميده ..بتحصل في حديثي الولاده بنسبه ٨٠%
وهي عباره عن زياده افراز الغدد الدهنيه بتظهر في أماكن كتير ذي الوجه والرجل والرقبه
🤔طب علاجها ايه
١. تهويه جيده
٢.الاستحمام اليومي
٣.اوقات بنحتاج نتدخل بمضااد فطريات او مضاد حيوي
لو المكان مش متهوي كويس أوحصل مضاعفات
المهم ياست الكل
متتخضيش
دي حاجه بسيطه خالص وبتروح لوحدها
لو عندك اي سوال خاص بطفلك حديثي الولاده
اساليني وانا اجاوبك

#أطفال #حديثي #ولاده #مناعة #تغذية
#رضاعه