Talent pool- كورسات ودورات تدريبية

  • Home
  • Egypt
  • Cairo
  • Talent pool- كورسات ودورات تدريبية

Talent pool- كورسات ودورات تدريبية Contact information, map and directions, contact form, opening hours, services, ratings, photos, videos and announcements from Talent pool- كورسات ودورات تدريبية, Education, Cairo.

أكاديمية معتمدة متخصصة في تدريب طلاب وخريجي (زراعة – علوم – بيطري) عشان يبدأوا في مجال جودة وسلامة الغذاء بشكل عملي بعيدًا عن الكورسات النظرية والشهادات اللي ملهاش لازمة

لو هتدخل مجال جودة وسلامة الغذاء لأول مرة هتبدأ إزاي؟ 1- كورس أساسيات شامل مع تطبيق عملي 2- تدريب أوفلاين في مصنع أو...
16/06/2026

لو هتدخل مجال جودة وسلامة الغذاء لأول مرة هتبدأ إزاي؟

1- كورس أساسيات شامل مع تطبيق عملي
2- تدريب أوفلاين في مصنع أو شركة
3- تكلم شخص متخصص يوجهك

سيب كومنت برقم الطريقة اللي هتختارها وهنقولك الصح!👇🏻

مشكلتك في مجال الجودة إنك بتجتهد! 🫣أيوة، زي ما قرأت كده بالظبط عارف ليه؟ لإنك بتسيب فرصة للي حواليك إنه يشتتك من غير ما ...
13/06/2026

مشكلتك في مجال الجودة إنك بتجتهد! 🫣

أيوة، زي ما قرأت كده بالظبط
عارف ليه؟

لإنك بتسيب فرصة للي حواليك إنه يشتتك من غير ما تحس

مرة PDF من هنا
ومرة تانية كورس من هناك
ومفيش ولا مرة تطبق عملي.

وتقعد تعيد وتزيد في محاضرات الكلية اللي كلها نظري، وأي فيديو تعليمي يقابلك في المجال تحفظه، أي كتاب تشوفه أيوة أنا محتاج ده وكإن سوق العمل زي ما الكتاب بيقول.

وتفضل مكمل في نفس الدايرة، وتمشي ورا أي شخص تعرفه لمجرد إنه أكبر منك، مع إن الخبرة عمرها ما تتقاس بالسن.

والمشكلة أصلا إن كل واحد هيقابلك هيقولك رأي مختلف، ويحكيلك عن تجربته هو، اللي بالمناسبة مش شرط خالص تنفع معاك.

والأسوأ؟ إنك بتسمع منهم كلهم وبتبقى فاكر إنك كده بتتعلم، أو إنك بتكتسب خبرات مختلفة من غير ما تجرب بنفسك.

وتفضل تجمع في مصادر وكورسات لحد ما تحس إن مفيش منك اتنين وخلاص شوية ويطلعلك جناحات وتطير، وكإننا في سباق بنوزع فيه فلوس على اللي يجمع مصادر أكتر. 💸

مع إنك في الحقيقة كده بتتوه أكتر من إنك تفهم.

وبعد شهور تعب ومذاكرة ترجع لنفس السؤال "أبدأ منين؟"

إيه اتصدمت؟
ما هو للأسف ده الواقع!
واللي كنت عايش فيه ده هو الوهم.

واللي مع الوقت بيرجَّعك لنقطة الصفر رغم المجهود اللي عملته، وبيخليك واقف مكانك من غير أي خطوة لقدام.

وتكتشف متأخر إن الوقت بس اللي عدّى لكن إنت ثابت
وبدل ما تكون قربت من سوق العمل فللأسف بعدت أكتر.

كل ده كان سببه حاجة واحدة بس
وإنت شوفتها في بداية البوست بس مكنتش فاهمها كويس.

وهي إنك بتجتهد.. لكن في الاتجاه الغلط.

بس بنتمنى دلوقت إن رسالتنا ليك تكون وصلت، وهنغششك الحل للمشكلة دي في كلمة واحدة بس وهي "Roadmap".

دي كلمة السر اللي من هنا ورايح لازم تدور عليها. 🧐

ولا أقولك؟ ليه تدور أصلاً؟
مش هنسيبك تتعب وتدوخ أكتر من كده كفاية.

وبنوعدك إننا نرتبلك كل حاجة في مجال جودة وسلامة الغذاء من غير ما تحتار، مش مطلوب منك غير إنك تكمل معانا وتركز في كل كلمة بنقولها لو عايز فعلاً إنك تبقى مؤهل لسوق العمل، معانا هتلاقي كل المعلومات اللي تحتاجها ومعاها كمان التطبيق العملي اللي كان عاملك كل القلق.

خليك ورانا وتابعنا في الجاي كويس، ولو وصلت لحد هنا عرفنا بكومنت فيه قلوب زرقاء عشان بطوطة تتبسط! 💙

#زراعة

10/06/2026

لو أنت طالب في كلية زراعة أو علوم أو طب بيطري... وحابب تبدأ في مجال جودة وسلامة الغذاء...

فبلاش تضيع وقتك في كورسات اليوتيوب أو تجمع شهادات من غير هدف واضح.

ابدأ بالحاجات اللي فعلًا هتقربك من الشغل:
✔️ اتعلم أساسيات الجودة بشكل صحيح.
✔️ خُد تدريب عملي على GMP و HACCP.
✔️ جهز CV محترم.
✔️ اعمل حساب LinkedIn وابدأ تبني شبكة علاقات في المجال.
✔️ تابع فرص التدريب والوظائف باستمرار.

ولو حاسس إنك مش عارف تبدأ منين... أو تعمل الحاجات دي إزاي...
فإحنا جهزنا برنامج تدريبي يساعدك خطوة بخطوة في كل نقطة منهم.

هتلاقي التفاصيل في اللينك تحت 👇💙
https://foodquality.site/landing-page/
https://foodquality.site/landing-page/

10/06/2026

لو إنت طالب أو خريج زراعة، علوم، أو بيطري…
ولسه تايه ومش عارف تبدأ منين،
بتدوّر على كورسات مجانية… وبتأجل كل حاجة لبعدين،

فخليني أقولك حاجة:
اللي مش بيتحرك… بيتساب ورا.
والشغل مش هيستناك.

مجال جودة وسلامة الغذاء
هو أذكى بداية دلوقتي:
✅ مطلوب جدًا في الفنادق ومصانع الأغذية
✅ تقدر تبدأ فيه بخبرة بسيطة
✅ مش محتاج دبلومة ولا ماجستير
✅ ومرتباته أحسن من مجالات تانية كتير

لو عايز تبدأ صح…
ادخل على اللينك وشوف تفاصيل البرنامج العملي اللي هيجهزك للشغل خطوة بخطوة👇
https://foodquality.site/landing-page/
https://foodquality.site/landing-page/

شايفاك ياللي بتسأل نفسك مين بطوطة؟ 👀وليه لما خروف العيد أخد مكانها يوم واحد أخدِت موقف كبير كده وزعلِت من الكل، معقول تط...
08/06/2026

شايفاك ياللي بتسأل نفسك مين بطوطة؟ 👀

وليه لما خروف العيد أخد مكانها يوم واحد أخدِت موقف كبير كده وزعلِت من الكل، معقول تطلع حد مهم ودوره كبير؟

إنت صح..

وأخيراً جه الوقت المناسب اللي لازم أعرّفك فيه بنفسي بالتفصيل، بعد ما شوفتني في بوستات كتير أثارت فضولك، وكانت سبب في أسئلة كتير جوه دماغك، إنّي آسف 🤭

أنا مين؟ أنا بطوطة
أيوة عرفنا! مين بقى بطوطة؟

في الحقيقة أنا مش مجرد شخصية وهمية اترسمت زي ما إنت فاكر، أنا موجودة حقيقي وإنت عارفني كويس جداً!

يووه! متأكدة إنك جاية تجاوبيني مش تحيريني؟
يعني إنتي شخص بجد بشوفه في الواقع؟

طبعاً، بس فيه حقيقة خبيتها عليك ولازم تعرفها!

أنا مش شخص واحد!
أنا أشخاص كتير في بعض، وليا كذا صوت!

استنى استنى، هربان على فين؟
متخافش خلاص أنا هفهمك كل حاجة.

وهقولك إني بمثل كل دول في رحلتنا سوا:

✓ زميلك اللي كان تايه في الكلية.
✓ وصاحبك اللي اتخرج وملقاش شغل.
✓ وقريبتِك اللي نفسها تبقى مهندسة جودة ومعرفتش تبدأ.

ويمكن حالياً أكون بمثلك إنت شخصيًا. 💙

ومن خلالي هنا هتعرف إزاي بنقدر نحل كل المشاكل دي عادي، وهتلاقيني بتكلم بصوت الطالب والخريج سواء من كلية زراعة أو علوم أو بيطري، وهتلاحظ إني شوية بسأل، وشوية أحكي، شوية أحتار، وشوية أحتفل بنجاحنا سوا.

وخليك عارف في كل مرة تشوفني بسأل فيها سؤال إني اتسألته من مئات الطلبة والخريجين قبل ما أجاوبك عليه، وكل موقف بحكيه هنا شوفت ناس كتير فعلاً عايشينه، ومن كل تجربة مرينا بيها هنطلع بدروس تفيدك ونصايح تطبقها.

مفيش داعي إنك تقلق أو تحس إنك متأخر، ولا إنك تقعد تجمع في شهادات وكورسات من غير ما تعرف ليه بتعمل ده أو تتأكد إنها هتفيدك، ولا حتى إنك تفضل مكمل في الرحلة وحيد وتايه وتكتشف إنك ضيعت وقت كبير على الفاضي.

عشان كده بطوطة دايما معاك
وهتلاقيني في كل خطوة من رحلتك مع Talent Pool. 🔥

وهدفي هنا إني أوفر عليك أي حيرة عشناها قبل كده، وأساعدك تاخد خطوات أسرع وأوضح في رحلتك لمجال جودة وسلامة الغذاء، عرفت أنا ليه موجودة؟

وبما إنك عرفتني كويس، جه دورك إنك تكتبلي نبذة تعريفية بسيطة عنك وتقولي مستني إيه من بطوطة الفترة الجاية.

يلا اكتب كومنت حالاً وهوفرلك الأنسب ليك طول الرحلة!

#زراعة

بعد مفاوضات استمرت لساعات، العيدية وصلت أخيراً! 🥳أنا بطوطة، كان عندي إصرار رهيب على موقفي الأخير ومكنش هيبقى فيه عيدية ب...
30/05/2026

بعد مفاوضات استمرت لساعات، العيدية وصلت أخيراً! 🥳

أنا بطوطة، كان عندي إصرار رهيب على موقفي الأخير ومكنش هيبقى فيه عيدية بعد زعلي، ولكن اتفاجئت لما لقيت تيم Talent Pool كله داخل يقنعني، وقتها بدأت أفكر من تاني قبل ما العيد يخلص.

ولكن في حاجة واحدة بسببها اقتنعت بنسبة 100%
عارفين إيه هي؟

ببساطة إني شوفت كومنتاتكم على البوست الأخير وعرفت أد إيه إنتوا مهتمين فعلاً بتعلم مجال جودة وسلامة الغذاء، ومحتاجين Roadmap واضحة تمشوا عليها من البداية.

وده كان طلب ناس كتير بتعاني عشان تدخل مجال الجودة، ولما ركزنا معاهم لقينا إن أغلبهم حاسس بتوهان زيك ومش عارف يبدأ منين أو المفروض يتعلم إيه، ولإن هدفنا الأساسي هنا إن المشكلة دي ميبقاش ليها أي أثر، قررنا إن أي حاجة هنقدمها عشانك تكون بتفيدك في مستقبلك المهني، حتى العيدية اللي هتفرحك النهارده هتحطك على أول الطريق.

من خلال "دليلك العملي لسلامة الغذاء"

الفايل اللي هيزود وعيك بالمجال وأهميته، ويخليك تفهم:

📌 الفرق بين الجودة وسلامة الغذاء
📌 إيه هي المعايير والأنظمة العالمية
📌 ممارسات التصنيع الجيد (GMP)
📌 ممارسات النظافة الجيدة (GHP)
📌 تحليل المخاطر ونقاط التحكم الحرجة (HACCP)

وفي الدليل ده هتدرس كل حاجة بخطوات عملية وبشكل مجاني 100%، وهتعرف ليه بنعمل كل خطوة وإزاي بتتم جوه المصنع ودي من أهم مميزاته، ده غير إن المعلومات اللي فيه كلها مدعومة بأمثلة من قلب الواقع، وفيها تنوع ما بين:

مصانع لحوم أو دواجن - مخبوزات أو حلويات - منتجات ألبان، وهكذا عشان نضمن استفادتك.

عارف ليه سميناه دليلك العملي؟

لإننا بنوعدك فيه بتجربة مختلفة عن أي فايل شوفته، وهتلاقي فيه:

✓ تجارب حقيقية جوه المصنع
✓ أخطاء بتتكرر لناس في المجال
✓ حلول لمشاكل وتحديات هتواجهك

بالإضافة لأجزاء مهمة هنسيبك تكتشفها بنفسك في الفايل، وفي نهاية الدليل هنساعدك بترشيحات تكمل بيها بعد كده.

سيب كومنت "عيدية" حالاً والدليل العملي هيكون عندك. 💙

#المصنع #زراعة

واضح إن خروف العيد كان مستني الفرصة دي من زمان! 😔يعني أغيب يوم واحد أرجع ألاقي الخروف قاعد مكاني؟ وإنتوا عادي كده؟ محدش ...
29/05/2026

واضح إن خروف العيد كان مستني الفرصة دي من زمان! 😔

يعني أغيب يوم واحد أرجع ألاقي الخروف قاعد مكاني؟
وإنتوا عادي كده؟ محدش فيكم سأل عني ولا لاحظ غيابي!

أنا بجد زعلانة منكم، كان نفسي أحس بالفرحة في أول عيد أضحى ليا معاكم، بس خلاص بقى يومي اتقفل.

عارفين إيه اللي يزعل أكتر؟

إني لسه راجعة حالاً من خناق ومعركة كبيرة مع خروف العيد عشان حقي في الظهور يرجع من تاني، المشكلة إنه مكنش شايف نفسه غلطان أصلاً فيستاهل بقى اللي يحصله.

أنا رجعت، وهو غالباً هيتاكل بعد شوية. 🐑

واضح إني محتاجة أبذل مجهود أكبر عشان تفتكروني، عشان كده الفترة الجاية هعرفكم بنفسي أكتر وليه أنا هنا.

وبما إنكم نسيتوني بسرعة كده
فهشوف حد تاني بقى يستاهل العيدية اللي جهزتها عشانكم.

اثبتولي بكومنتاتكم إنكم فعلاً بتحبوا وجودي وافتقدتوني في البوست اللي فات يمكن نتصالح، ولو طلعت فاهمة غلط أكيد هعيد تفكيري من تاني بخصوص العيدية للي متابع. 👀

#عيدالاضحي #بطوطه

عيد أضحى مبارك 🐑كل سنة وعيلة Talent Pool كلها بخير 💙🎉والسنة الجاية زي دلوقت تكونوا حققتوا كل أمنياتكم. #عيدالاضحي
26/05/2026

عيد أضحى مبارك 🐑
كل سنة وعيلة Talent Pool كلها بخير 💙🎉
والسنة الجاية زي دلوقت تكونوا حققتوا كل أمنياتكم.

#عيدالاضحي

عايز تبقى مهندس جودة عادي ولا مهندس جودة شاطر؟ 🫣وقبل ما ترد على السؤال بسؤال وتقولنا هو إيه أصلاً الفرق، خليك عارف إن ال...
21/05/2026

عايز تبقى مهندس جودة عادي ولا مهندس جودة شاطر؟ 🫣

وقبل ما ترد على السؤال بسؤال وتقولنا هو إيه أصلاً الفرق، خليك عارف إن البوست ده هيكون مليان أسرار، كل سر منهم أخطر من اللي قبله، ومش هتلاقيه غير عندنا وبس، متقولش لحد بقى. 🤫

ويلا بينا نكشفلك أول سر منهم ونصدمك، وهو إن مش كل اللي دخل الجودة كان فاهم معناها صح زي ما إنت فاكر..

والنتيجة؟ كانت حاجة من تلاتة:

١- مكملش في المجال
٢- عمل كوارث في المصنع
٣- قدر يكمل بس كان عادي

وبصراحة بقى رقم ٣ ده هو موضوعنا النهارده، والمقصود بيه إنه مقدرش يتميز في المجال كمهندس جودة ناجح، وبالتالي النوع ده بيكون مهدد في سوق العمل، سهل إن أي شركة أو مصنع يستغنوا عنه وسط الزحمة والمنافسة الكبيرة.

ولإننا هدفنا في Talent Pool مش بس نخليك مهندس جودة ونحطك على أول الطريق، إحنا كمان بنهتم بعوامل تانية تساعدك عشان تبقى مهندس جودة فاهم، ناجح في شغلك، وكمان بتحبه.

والتلاتة مفاتيح لتميزك فعلاً وسر تاني من أسرارنا
بس عشان تقدر تستغل كل مفتاح منهم محتاجين نرجع لسؤالك اللي كنت عايز تسألنا فيه الأول، فاكره؟.. نفكرك إحنا:

هو إيه الفرق بين مهندس الجودة العادي والشاطر؟

مهندس الجودة العادي بيحاول يكتشف الغلط، لكن مهندس الجودة الشاطر بيحاول يكتشف السبب ورا أي غلطة قبل ما تحصل، بياخد باله من كل حركة وكل تفصيلة، بيفكر بشكل مختلف وبيلاحظ حاجات محدش غيره بيشوفها ويهتم بيها.

وشِدّلي بقى كده مليون خط تحت كلمة "بيلاحظ" دي
لإنها تالت وأخطر سر معانا النهاردة ووراها أي نجاح هتحققه.

عارف ليه؟

لإنها أصلا الأساس، والمهارة اللي المهنة دي كلها قايمة عليها، من غيرها هتتعود على الغلط وتشوفه عادي لدرجة إنك تبطّل تلاحظه، ودي من أصعب المشاكل اللي ممكن تواجهها في شغلك كمهندس جودة، هتخليك وقت النتيجة متبقاش راضي عن المنتج لما تشوفه، هتعرف إن الخطوات مكنتش مظبوطة وهتندم لما تلاقي نفسك بتتعب عشان تحدد المشكلة بالظبط.

تفتكر جملة إن اللي اتكسر مش بيتصلح دي صح في مجالنا؟

طيب إيه رأيك لو قولنالك على سر رابع من أسرارنا هيلغي السيناريو اللي فات ده ويمنع إحساسك بالندم بعده؟

واللي يعتبر في حد ذاته مهارة جديدة هتساعدك تكتسب مهارة قوة الملاحظة اللي فاتت لو مش عندك من الأساس، مش إحنا وعدناك من بدايتنا إننا نساعدك تلاقي حلول لكل مشاكلك؟ وإن كل وعودنا ليك عمرها ما تبقى كلام وخلاص؟ 💙

المهارة دي هي مهارة التحليل، أو إنك تفكر بعقلية مهندس الجودة الشاطر، اللي عقله دايما بيحلل كل حاجة عينه بتشوفها ومش بيعديها كده، مستحيل تركز ومتبقاش بتلاحظ.

وده هيخلينا نروح مع بعض لسر خامس لكنه مش الأخير، لإننا طول الرحلة هناخدك معانا لعالم مليان أسرار عن المهنة ومش هيشوفها غير اللي يتابع ويكمل معانا في الجاي كله.

وهو إننا نفكرك قبل ما ننهي فقرتنا معاك النهاردة إن مهندس الجودة الشاطر مش بيمل أبدًا، ومهما تعدي شهور وسنين في شغله بيفضل مهتم زي الأول، بيتعامل مع كل خطوة بنفس التركيز والإنتباه مهما تتكرر، لإنه مدرك إن الحاجة الصغيرة اللي بتحصل النهاردة بيكون تأثيرها بكره أكبر بكتير. 🤩

قولنا بقى يا هندسة
عملت Follow و Save للبوست ولا لسه؟ 👀

هنعملك اختبار بسيط في أول كومنت نعرف من خلاله إنت فعلاً هتبقى مهندس جودة شاطر ولا مهندس جودة عادي، ادخل يلا بص عليه دلوقت وهنستناك تبهرنا بإجاباتك. 👇🏻

#زراعة #أسرار

إيه اللي يخلي شركة تقبلك وسط مئات الخريجين زيك؟ 👀زمان الشركات كانت بتدور على الخريج الشاطر، لكن دلوقت بقينا نشوف أحيانًا...
20/05/2026

إيه اللي يخلي شركة تقبلك وسط مئات الخريجين زيك؟ 👀

زمان الشركات كانت بتدور على الخريج الشاطر، لكن دلوقت بقينا نشوف أحيانًا أوائل دفعة ومش لاقيين شغل، نستغرب جدًا ونقول إيه الظلم ده، أكيد فيه حاجة غلط.

لكن ولا مرة سألنا نفسنا إيه المواصفات اللي أي شركة بتدور عليها في الخريج، إيه منها عندنا وإيه لسه محتاجين نطوره؟

ولو إنت فاكر إن السر في التقدير أو الكورسات بس فاللي قالك كده ضحك عليك، هو ميقصدش يضللك بس كان لازم يديلك المعلومة كاملة، لإنهم لوحدهم مش كفاية.

وهنا بقى يجي دورنا في Talent Pool وهو إننا ننقلك الصورة كاملة، ونقولك حاجات مهمة إنت مش واخد بالك منها وهتحتاجها في سوق العمل، ويمكن بسببها إنت دلوقت مش لاقي شغل في مجال جودة وسلامة الغذاء.

دلوقت شركات الأغذية والمصانع لما بتيجي تعيّن بتدور على حد يستحمل معاها أطول فترة ممكنة، حد يُعتمد عليه ويشيل مسئولية من غير ما يعمل مشاكل. 💙

وبكده إنت لازم تفهم إن أي شركة عشان تشغلك معاها هي هتقيم شخصيتك قبل ما تقيم مستوى خبرتك، أوقات ممكن تشوف إنه مش فارق معاها إنت أد إيه شاطر ومعاك كورسات وتقديرك كويس أد ما فارق معاها إنت مين وإيه المهارات اللي عندك، وإزاي بتقدر توظفها صح في شغلك وتعاملاتك.

حاجة مثلا زي مهارات التواصل 💭

تخيل معايا كده إنك مقدم على شغل في شركة كمهندس جودة، والـ HR لاحظ في الإنترفيو إنك عندك مشكلة في التواصل، إزاي هيعينك وده لسه نقطة في بحر من اللي ممكن يحصل بعد ما تتقبل، إزاي هتقدر تتعامل مع المدير والعمال وتشتغل وسط تيم كبير موجود في الشركة وناس هتقابلك؟

طيب بلاش دي..

كلنا في الإنترفيو بنتسأل عن تصرفاتنا في موقف معين لو حصل في الشغل، إيه اللي ممكن يخلي الـ HR يختارك سواء كنت بتنهار مع أول مشكلة ممكن تقابلك، أو مثلاً بتتهور في تصرفاتك وقت الضغط والمشاكل، أو حتى مبتعرفش تحل؟

كل دي أمثلة على مهارات سوق العمل بيحتاجها وملهاش علاقة بشطارتك أو كمية المعلومات اللي تعرفها عن مجال الجودة، واللي لو اكتسبتها مش بس هتخليك تشتغل، دي كمان هتخليك تترقى بعد فترة لما تثبت كفاءتك. 💪🏻

وده يعلمك إنك تهتم دايما بتطوير مهاراتك الشخصية زي ما بتهتم بخبرتك في مجال جودة وسلامة الغذاء لو عايز تزود فرصك في الشغل أو تضاعف مرتبك بعدين كمهندس جودة.

لو حابب نكلمك أكتر عن أهم المهارات اللي بيحتاجها سوق العمل في 2026 خليك متابعنا وعرفنا بكومنت مهتم. 👇🏻

Address

Cairo

Telephone

+201013141964

Website

, ,

Alerts

Be the first to know and let us send you an email when Talent pool- كورسات ودورات تدريبية posts news and promotions. Your email address will not be used for any other purpose, and you can unsubscribe at any time.

Shortcuts

Share

Category