Nesma Kamel - Life Coach

Nesma Kamel - Life Coach Help you to have a better life

قبل ما تنام، خذ لحظة تصالح فيها نفسك واهدأ قليلًا…تذكر أن هناك ربّاً رحيماً يحبك، يرعاك، ويهتم ليس فقط بظروفك، بل بقلبك ...
02/01/2026

قبل ما تنام،
خذ لحظة تصالح فيها نفسك واهدأ قليلًا…
تذكر أن هناك ربّاً رحيماً يحبك، يرعاك، ويهتم ليس فقط بظروفك، بل بقلبك أيضًا 🤍
فكل يوم جديد هو فرصة لتبدأ من جديد، لكن هذه المرة وأنت مطمئن أنك لست وحدك،
لأن من يلجأ إلى ربه لا يخذل أبدًا

31/12/2025

في آخر السنة، بنفتكر الحاجات اللي ما حصلتش.
أبواب اتقفلت، خطط وقفت، صلوات لسه مستنيها.

مش كل حاجة نفهمها دلوقتي،
بس في يقين صغير جوا القلب إن ربنا ما ضيّعش حاجة.
يمكن مش الوقت، ويمكن الطريق كان محتاج يتغيّر.

ربنا ليه ترتيباته و توقيتاته اللي اكيد في صالحنا

29/12/2025

تعرف ان ممكن حد ينسحب من حياتك لمجرد انك كتير عليه؟
لو حد حس انك اعلي منه ومش عارف يتحكم فيك او يكسرك رغم انك متواضع … بينسحب من العلاقه

ليه ممكن حد يعمل كده ؟

لانه مش حاسس بقيمته …
وقيمته بياخدها من تحكمه في العلاقه …سيطرته
تقليل الشخص اللي معاه

لما الشخص ده يقابل حد واثق في نفسه من غير ما يستعرض / قوي نفسياً/ مستقل
العلاقه بتتحول لمرايه بتعكس نقص داخلي

بدل ما يتعلم ويتطور
بيتولد عنده شعور : بالعجز وعدم الكفايه
"انا مش كفايه … وأنا مش مسيطر "

وده بيخلق عنده قلق / غيره مكتومه / انسحاب غير مبرر من العلاقه

لان المواجهه = اعتراف بنقص داخلي
لكن الانسحاب = حمايه لصوره الذات
فالانسحاب في الحاله ديه : آليه دفاع نفسي مش قرار ناضج

اللي بينسحب مش قادر يعيش قدام شخص مش محتاجه علشان يحس بقيمته

لو حد انسحب لانك ثابت وقيمتك عاليه من غير ما تقلل منه
ده مش فشل علاقه ده علامه وإشاره بتقولك ما تنزلش مستواك عشان تطمن حد

العلاقه الصحيه = شراكه وتفاهم
مش سيطره وتحكم

27/12/2025

قالولي راضي نفسك
انت مكبر الموضوع … ما الوقت عدي خلاص

اعمل ايه ؟

تروح تراضي نفسك وتقولها معلش لما يكون اللي زعلك خرج من حياتك …
او مات…
ومفيش وسيله للإعتذار
وتدي ليه اعذار كمان عشان تقدر تسامح مع الوقت

لكن يجي يكلمك كأن محصلش حاجه …
وعدي الوقت وراضي نفسك بقا وخلاص …

لأ … معلش

في روح اتألمت
في قلب حزن
في نفس اتوجعت

معلش انت ابذل مجهود وزود رصيدك عند اللي وجعته
عشان يعرف يحطك في مكانه عنده في حياته من تاني

لكن رصيدك خلص وشوهت صورتك قدامه
وصغرت في نظره
و شوهت الذكريات والمواقف ….
و بهدلت الحلو اللي كان موجود
وجاي تقول معلش

هقولك علي معلومه
الانسان وقت الوجع بيبقا مش عارف اذا كان الذكريات حقيقه ولا تمثيل
وعقله بيشكك في كل الحلو اللي كان موجود…

و لان العقل بيبني علي اخر خبره

انت مطالب ببذل مجهود عشان يقدر اللي قدامك يشوف صورتك من تاني بوضوح ويسامحك
ويقرر إذا كان هيسمح ليك تدخل حياته من تاني
ولا هيقبل الاعتذار ويقلب الصفحه 👌

A thoughtful reminder that the true spirit of Christmas comes from within, not just material gifts.Merry Christmas 🎄ever...
25/12/2025

A thoughtful reminder that the true spirit of Christmas comes from within, not just material gifts.
Merry Christmas 🎄everyone

23/12/2025

لما تلاقي حد على غير عادته معاك
أعصابه مشدودة
مش مستحمل جدال
ما بيشرحش موقفه
شديد في كلامه وأفعاله وعلى غير طبيعته؛

فاعلم أن الكوب قد امتلأ عن آخره حتى سُكِبَ

فإما أن ترحمه بحسن الظن به
والتلطف معه
والصبر على جفوته

وإما ألا تتعامل معه هذه الفترة على الأقل حفاظًا على الود بينكما..

فكلاهما من الحكمة، وكلٌ على حسب طاقته.

21/12/2025

قد تبدو الحياة عشوائية. والأحداث غير متوقّعة. ولكن ثق أن كلّ الأشياء ستتخّذ طريقاً واحداً، وهي أن تعمل لأجل صالح وخير الذين يحبّون الله.🌹

19/12/2025

وفرة المشاعر ..

حين تمنح بسخاء، يستبدلوك .. فالفيض كثيرا ما لا يُدهِش، بل يُستهان به ..

و حين تتواجد بكثرة ، يتركوك .. لأن القرب المفرط كثيرا ما يُربي الاستغناء ..

وحين تعتاد أن تكون أول من يمد يديه، يرفضوك .. فالتعود عليك قد يعنى الملل ..

الدرس : وفرة المشاعر جميلة ، لكن تعطى لمن يقدرها ..

17/12/2025

ليه بنتمسك بعلاقات بتأذينا؟ 🤔💔

عمرك فكرت ليه ساعات بنتمسك بأشخاص بيأذونا أو بعلاقات بتستنزفنا؟
الموضوع مش ضعف، بالعكس، ده مرتبط بحاجات أعمق في النفس البشرية!

🔹 ممكن يكون لأننا اتعودنا على فكرة "اللي نعرفه أحسن من اللي ما نعرفوش"، حتى لو اللي نعرفه مؤلم!
🔹 أو لأن العلاقة دي بتغذي عندنا احتياج معين، زي الخوف من الوحدة، أو الرغبة في القبول.
🔹 وأحيانًا، بنصدق إن "الحب تضحية"، فبنبرر لنفسنا كل اللي بيحصل!

لكن الحقيقة..
✅ الحب مش معاناة مستمرة.
✅ الأمان مش محتاج تضحيات فوق طاقتك.
✅ وأنت تستحق علاقة تبنيك مش تهدك.

لحجز الجلسات الرجاء التواصل علي رسايل البيدج 📩

17/12/2025

عمرك فكرت تعمل أي حاجه أو تاخد أي خطوة للتغيير وحسيت بالخوف؟

الخوف شعور بييجي لناس كتير جدا نفسها تحقق حاجه بس بتخاف تبدأ..
بتخاف حتى تتخيل الخروج من المألوف..
حتى لو كان المألوف ده متعب وقاسي بس برده يقولك اتعودت عليه عرفت آخره ايه خلاص وبعرف اتعامل مع أسوأ حاجه فيه...

ممكن شعور الخوف يوقفك سنين في مكانك متاخدش خطوه للتغيير..

رغم طموحك الكبير وذكائك العالي كمان!!

تلاقى ناس حواليك من وجهه نظرك قدراتهم محدوده بس وصلوا لأماكن كانت هي طموحك..وانت مكانك بقالك سنين

في الجلسات احنا بنشتغل على شعور الخوف بنشوف هو 🔸أصلا جالك منين؟
🔶ازاي هتتغلب عليه؟
🔶ازاي تحس بالأمان ناحية التغيير والخطوات؟
🔶ازاي نحط خطه عمل تنقلك من منطقة الخوف لمنطقة التجربة؟

15/12/2025

في العلاقات..
مش دايمًا المشكلة إن التاني "مش بيحبني كفاية"، ساعات بتكون المشكلة إني مش بعرف أطلب اللي محتاجه بوضوح.

لما أبدأ أعبر عن احتياجاتي من غير لوم او هجوم، ومن غير ما أستنى التاني يخمن، العلاقة بتبقى أنضج وأسهل.

✅ اسأل نفسك:

أنا محتاج إيه فعلًا من العلاقة دي؟

هل عبّرت عن احتياجاتي بوضوح وبهدوء؟

ولا لسه مستني التاني يحس من غير ما أقول؟

العلاقات الصحية مش مبنية على التخمين، لكنها مبنية على التواصل.🌸

📌 خليني أسألك:
إيه أصعب حاجة بالنسبالك إنك تعبر عنها في علاقتك؟

13/12/2025

فاكر لما حد يقولك "أنا كده ومش هتغير"؟

الحقيقه إن ده أكتر اعتقاد غلط ممكن نصدقه عن نفسنا!

من رحمه ربنا علينا هو أنه خلقنا عشان يكون عندنا قدره على التكيف فأدانا المخ وامكانياته عشان نقدر نواجه تحديات مختلفه مش نخليه نمطي..

🧠 المخ بتاعك بيتغير طول الوقت.. بيتعلم، وبيكوّن مسارات جديده كل ما بتجرب، أو تتعلم حاجه، أو حتى بتفكر بطريقه مختلفه.

يعني مفيش حاجه اسمها "أنا كده وخلاص"،
كل مره بتتعامل مع موقف بشكل أهدى، أو بتقرر تبطل عادة، أو تبدأ عادة صحية،
مخك فعلاً بيتشكّل من جديد!

💡 فبدل ما تحكم على نفسك إنك مش هتتغير،
افتكر إن التغيير مش حلم.. ده حقيقه علميه اسمها " Neuroplasticity" — قدرة المخ على إنه يعيد تشكيل نفسه.

كل يوم فرصه جديده إنك تبني طريق مختلف جوا دماغك..
حتى لو التغيير صغير، صدقني بيعمل فرق كبير ☘️🌸

Address

Cairo
Cairo

Website

Alerts

Be the first to know and let us send you an email when Nesma Kamel - Life Coach posts news and promotions. Your email address will not be used for any other purpose, and you can unsubscribe at any time.

Shortcuts

Share

Category