بوصله_Posla

🛳️قناة الشريان الجديدة 🛳️The new Suez Canal
✍️مقدمة :
لماذا دائماً نقلل من إنجازات مصر❗❗ علي الرغم وان دول العالم تعترف بتلك الإنجازات العالمية ⤵️
إن قناة السويس قديما ظلت وستظل جزء من تاريخ عظماء مصر الذين بنوا علي أكتافهم اعمال نأخذ ثمارها الان إن التجديد والتحديث والابتكار لا بد ان يعلوا ويدرس 👌
وإنما أعجبني في مناهج الصف الرابع الابتدائي لما ذكرت قناة السويس الجديدة ذكر معها قيم ينبغي ان يتعلمها الطالب وهي لا تتوقف عند ما وصلت إلية قديما حاول ان تنمي وتبتكر وتجدد فالتجديد مطلوب ⤵️ هيا بنا في جولة ط
✍️ ارقام وحقائق:​
💫​​​الكميات الفعلية طبقا لسير العمل بالمشروع 258.8 مليون متر مكعب
💫​مدة التنفيذ 12 شهر شاملة تجهيز الكراكات
💫​​أولى كراكات التحالفات العاملة بالمشروع ​الكراكة المرفأ في 5/11/2014
💫​كميات الحفر الجاف ​250 مليون متر مكعب
💫​أكبر معدل تكريك لكراكة في اليوم بواسطة الكراكة ابن بطوطة يوم 6/4/2015 230 الف متر مكعب
💫​أكبر معدل إنتاج يومي لأعمال التكريك يوم 31/5/201 ​1.73 مليون متر مكعب
💫​عدد الكراكات التي شاركت في المشروع ​45 كراكة
💫​عدد أحواض الترسيب 20 حوض​
​
✍️​​​المشروع :​
💫إنشاء قناة السويس الجديدة من الكيلوا 60 إلى الكيلوا 95 ( ترقيم القناة )بالإضافة إلي
💫توسيع وتعميق تفريعات البحيرات الكبرى والبلاح بطول إجمالى 37 كم (إجمالى أطوال المشروع 72 كم)
✍️فكرة المشروع :
💫إنشاء قناة جديدة موازية و تعظيم الإستفادة من القناة وتفريعاتها الحالية بهدف تحقيق أكبر نسبه من الأزدواجيه لتسيير السفن فى الاتجاهين بدون توقف فى مناطق انتظار داخل القناة و يقلل من زمن عبور السفن الماره ، و يزيد من قدرتها الأستيعابيه لمرور السفن فى ظل النمو المتوقع لحجم التجارة العالمية فى المستقبل و ارتباطا بمشروع التنمية بمنطقة قناة السويس و يرفع درجة الثقة فى القناه كأفضل ممر ملاحى عالمى و يقلل من قيمة الفكر فى قنوات بديلة تنافسية بالعالم و المنطقة كما يرفع أيضا درجة الثقة فى إستعداد مصر لإنجاح مشروع التنمية بمنطقة قناة السويس و ينعكس كل ما سبق على زيادة الدخل القومى المصرى من العملة الصعبة و يصب فى خزينة الدولة مباشرة و إتاحة أكبر عدد من فرص العمل للشباب المصري و خلق مجتمعات عمرانية جديدة.
✍️أهداف المشروع :
💫زيادة الدخل القومى المصرى من العملة الصعبة.تحقيق أكبر نسبة من الإزدواجية فى قناة السويس وزيادتها لنسبة 50% من طول المجرى الملاحي.تقليل زمن العبور ليكون 11 ساعة بدلا من 18 ساعة لقافلة الشمال.تقليل زمن الإنتظار للسفن ليكون 3 ساعات في أسوء الظروف بدلاً من ( 8 إلى 11 ساعة ) مما ينعكس على تقليل تكلفة الرحلة البحرية لملاك السفن و يرفع من درجة تثمين قناة السويس.الإسهام فى زيادة الطلب على استخدام القناة كممر ملاحى رئيسى عالمى ويرفع من درجة تصنيفها.زيادة القدرة الأستيعابية لمرور السفن فى القناة لمجابهة النمو المتوقع لحجم التجارة العالمية فى المستقبل.خطوة هامة على الطريق لإنجاح مشروع محور التنميه بمنطقة قناة السويس ودفع عجلة الإقتصاد القومى المصرى لتحويل مصر إلى مركز تجارى ولوجيستى عالمى.
الانجازات التى تحققت من انشاء قناة السويس الجديدة:

💫• زيادة القدرة التصريفية للقناة لتصل إلى 97 سفينة معيارية/يوم مقارنة بحوالى 77 سفينة معيارية/يوم قبل افتتاح القناة الجديدة.
💫• تحقيق العبور المباشر لعدد 45 سفينة في كلا الاتجاهين مع تقليل زمن العبور ليكون 11 ساعة بدلا من 18 ساعة لقافلة الشمال وضم قافلة الشمال الثانية الى قافلة الشمال الأولى ليكون العبور قافلة شمال واحدة وقافلة جنوب واحده فقط.
💫• السماح بعبور السفن حتى غاطس 66 قدم في كلا الاتجاهين ، خاصة فى ظل التزايد المستمر للسفن ذات الغاطس 45 قدم فأكثر، و هو ما ساهم فى جذب السفن العملاقة فى اسطول التجارة العالمى لعبور القناة.
💫• تحقيق الأمان الملاحي لوجود قناة بديله تضمن عدم توقف الملاحة عند حدوث أي حادث طارئ.
💫• تقليل عدد الانحناءات بالمجرى الملاحى للقناة بما أدى الى زيادة معدلات الامان الملاحى للسفن العابرة للقناة.
💫• الحفاظ على المركز التنافسى لقناة السويس عن طريق الاستمرار فى تطوير المجرى الملاحى للقناة فى ظل مشاريع التطوير التى تتم فى الطرق المنافسة و البديلة سواء البحرية منها أو البريه.
✍️مدة تنفيذ المشروع :
تبلغ مدة تنفيذ المشروع 12 شهر ( سنة واحدة) .
✍️أعمال الحفر على الناشف : :
💫تبلغ كمية أعمال الحفر على الناشف 258 مليون متر مكعب بتكلفه تقديرية 4 مليار جنيه.
✍️أعمــال التكســـيات : :
💫تبلغ أطوال التكسيات 100 كيلومتر طولي بتكلفه تقديرية 500 مليون جنيه.
✍️أعمال التكريك : :
💫تبلغ إجمالي كميات أعمال التكريك 242 مليون متر مكعب بتكلفه تقديرية 15 مليار جنيه.
✍️بيانات الأعمال التي سيتم تنفيذها : :
💫1- توسيع وتعميق التفريعات الغربية الحالية لعمق 24 متر ليسمح لعبور سفن حتى غاطس 66 قدم وتشمل:⬅️
✨التفريعات الغربية للبحيرات الكبرى حوالي 27 كيلو متر
✨التفريعة الغربية للبلاح حوالي 10 كيلو متر
💫2- حفر المجرى الملاحي الموازي بطول حوالي 35 كيلومتر بالمواصفات التالية :
✨عرض صفحة الماء 317 متر
✨عمق التكريك 24 متر ( ليسمح بعبور سفن حتى غاطس 66 قدم )
ولا زال للحديث بقية عن نقطة هامة جدا وهي
ماهو الوضع في مصر قبل انشاء قناة السويس الجديدة وما هو الوضع الاقتصادي والاستراتيجي بعدها انتظرونا

بقلم ✍️ أحمد الراعي

هل نظرية التطور عند داروين صحيحة؟ 🤔
إن الإنسان كان في الأصل قرد و بدأ مع مرور الوقت يتطور و يحلو و يبقى مسمسم 😉😁
و في برده إلي بيقول ان الانسان كان أصله زاحف زي الثعبان كده 😂 و بعد كده تطور بقى زي التمساح 😂 و بعد كده تطور شويه بقى زي القرد و بعد كده وصل للي هو عليه دلوقتي 😂
انا بكتب المقال و ميت على نفسي من الضحك 😂
المهم
نظرية التطور برده بتقول ان الانسان كان عريان و ميعرفش الكلام و بيتواصل بالإشارة و كان على الله حكايته خالص و تطور مع الوقت 😂
بس لحظة هل في حد مُسلم موحد بالله تبارك و تعالى مصدق الكلام العبيط ده
النظرية دي بتنفي وجود إله و رب للكون و إن الإنسان تطور مع نفسه كده و ده غلط جدا جدا جدا كمان واحدة جدا 😌
طبعا إحنا عرفين مين هو أول إنسان 🤔؟
ايوه صح هو سيدنا آدم شطور 😉
و سيدنا آدم كان إنسان كامل سوي، و مفهوش عيب و كان عالم (و علم آدم الأسماء كلها ) ربنا علم آدم ، و آدم علم أولاده و كَون مجتمع نوعا ما و كان في مهن و أعمال للبشر في عصر آدم 🤷‍♂️
امال فين بقى التطور و الكلام الفاضي ده 😂
و بعد سيدنا آدم جاء سيدنا شيث و بعده سيدنا إدريس و كان مهنته خياط ده معناه انه كان في هدوم 🙆‍♂️ و بيخيطوا و الدنيا حلوه 😂
و الإنسان مكنش بلبوص 😂😂
و كل ده هبل على الجبل ده في حالة التعميم 😊
لكن ده ما يمنعش ان في بشر في العصور الأولى تركوا التجمع و التحضر بما يتناسب مع الوقت ده، و عاشوا في مناطق طبيعتها أجبرتهم يكونوا بالشكل ده 🤷‍♂️ زي دلوقتي بالظبط في بشر عايشين في أفريقيا على الله حكايتهم 🙆‍♂️ في ظروف قاسية.
فهل نقدر نقول دلوقتي ان كل البشر زي إلي في أفريقيا لا طبعا 😊
ففكرة التطور في حد ذاتها مقبولة في إطار إن الإنسان يطور من نفسه و حياته الإجتماعية و الحضارية، مش انه يتطور جسديا بفكر داروين
قال قرد قال 😂😂

انتظرونا و مناقشة لذيذة عن السلالات و تطورها 😋

A. H

الموقع (الرزق و الأمان)

دعونا نتفق أن أشرف بقاع الأرض هي الكعبة، و أن أشرف إنسان أتى على الأرض هو محمد عليه السلام.
حلو، حلو
قريش بقى اشتركوا في الشرفين دول، انهم بجوار الكعبة و ان محمد منهم.
احنا كده اتفقنا، يلا بينا نختلف.

تعالى نرجع بالتاريخ شوية.
قريش كانوا عايشين بالمبدأ القائل (الله جاب الله خد الله عليه العوض)، مكنوش بيمتلكوا مصدر ثابت للدخل، غير خدمة الكعبة و الاص*نام، و ده دخل موسمي، يعني رزقهم يعتمد على القبائل التانية؛ إلي بتجلهم في مواسم الحج، و كتير كان الموسم مابيجبش همه.
و لأنهم أشراف (بشرف الكعبة اوعى تنسى ) كانوا يفضلوا الموت على السؤال، في الوقت ده قريش مكنش ليها في حاجه، لا زراعة ولا تجارة و لا صناعة و لا اي حاجه، على قد الرعي بس و خلاص، وكانت بتيجي عليهم أيامه قاسية قاحلة (ما بيلقوش يأكلوا).

لحد ما هاشم بن عبد مناف (الجد الثاني للرسول)، لام قريش على استسلامهم ده، و إن الناس ليهم تبعا، و حثهم على الخروج في رحلات تجارية؛ عشان يزودوا الدخل و كده.
واحد روش يقولي ايه علاقة قريش بالموقع و بالجغرافيا.

سئل وانا كنت مستيه يسئل 😎
بص يا روش الرحلات التجارية إلي قريش خرجت بها تعرف باسم رحلات الشتاء و الصيف.
طبعا انت ككائن حي مفكرتش مرة كانوا بيرحوا فين في الصيف (مش المصيف لاا 😅) و كانوا بيرحوا فين في الشتاء، عادي كلنا ما بنفكرش أحياناً.

و سعلي بقى عاش انزل بالجغرافيا
قريش في فصل الشتاء، كانوا بيرحوا اليمن، و الصيف كانوا بيروحوا الشام، و إلي بيجبوه من الشام يوده اليمن و إلي يجبوه من اليمن يودوه الشام، و البليه لعبت و الحياة احلوة💵

يجي واحد روش غير الروش الاولاني و يسئلني طب ليه كانوا بيروحوا الأماكن دي في الأوقات دي.

ده سؤال لولبي و عايز إجابة لولبية🤔
هبدأ بالشتاء عشان بحبه.
رحلة الشتاء كانت لليمن لأسباب :
١. اليمن في العروض الاستوائية جنوب الجزيرة العربية.
٢. أمطار اليمن أمطار صيفية، يعني أهل اليمن بتنزل الأمطار عليهم في الصيف، فبيزرعوا في الصيف و بيحصدوا في الشتاء، عشان كده قريش كانوا بيرحولهم في الشتاء وقت الحصاد، عشان يشتروا الحبوب منهم.

خلي بالك 🤠
اليمن قريبة من الحبشة و متصلة اتصال بحري بالهند، و كان عندهم صناعات و منتجات من البلدان دي، و اهي صناعه بتشيل محصول و ربك بيكرم.
بمجرد ما يرجعوا مكه يوازعوا الأرباح يقال انهم ما كانوش بيفرقوا بين الغني و الفقير في التوزيع.

⬇️
و بمجرد ما يهل الصيف( إلي أنا ما بحبوش ده) ، ياخدوا جِمالهم و عبيدهم و فلوسهم و ياخدوا الشمال في وشهم لحد الشام.
كانوا بيروحوا الشام في الصيف لأسباب، 🙄🙄 محدش سئل المرادي.
١. الشام تقع في العروض المعتدلة .
٢. الأمطار هناك شتوية يعني هما بيزرعوا في الشتاء، و يحصدوا في الصيف، فكانوا بيرحولهم وقت الحصاد. (دماغ شغاله مش بتنام)
الشام كنت قريبة من الروم و الفرس يعني منتجات دلع الدلع و متنساش كمان انهم بيبيعوا منتجات اليمن هناك و دي عليها الطلب.

فاكر الشرف إلي قريش اخذوه بسبب الكعبة، احب اقولك انهم أخذوا الشرف ده معاهم اليمن و الشام، و في عز ما كانت السرقة شغاله، و إلي بيطلع بقافلة ما بيرجعش بها، محدش كان بيقرب من قوافل قويش، و إلي نفسوا توزوا انه يهجم على قوافل قريش، يلاقي ألف واحد يمنعه اولهم نفسه، العرب أيامها كانوا بيعِزوا الكعبة شويتين 😅.

⬅️موقع قريش جمب الكعبة (الشرف) وفرلهم الأمان من قطاع الطرق.
⬅️و موقعهم المتوسط بين الشام و اليمن وفرلهم باب رزق.

عرفت بقى إن الموقع مهم من قديم الايام و هيفضل مهم حتى قادم الأيام.
في سورة قريش، الله تبارك و تعالى ذَكر قريش بالنعمتين دول الرزق و الأمان إلي هما في الأصل فضل من الله و موقع متميز
قال تعالى: لِإِيلَافِ قُرَيْشٍ ١ إِيلَافِهِمْ رِحْلَةَ الشِّتَاءِ وَالصَّيْفِ ٢ فَلْيَعْبُدُوا رَبَّ هَذَا الْبَيْتِ ٣ الَّذِي أَطْعَمَهُمْ مِنْ جُوعٍ وَآَمَنَهُمْ مِنْ خَوْفٍ ٤(سورة قريش).

و انت كجغرافيا أو مش جغرافي عادي
من وجهت نظرك ايه المواقع إلي اثرة على أهلها؟

"جوله خفيفه في صحراء كلهاري "
في بدايه الأمر عايزين نعرف مع بعض ايه أصل كلمه كلهاري وايه اصل التسميه؟
ياتي اسم كلهاري في اللغه التسوانية المحلية لبوتسوانا من كلمه "Keir" وهي تعني العطش العظيم
فالكثير من المساحات الواسعه داخل الصحراء تمتد فيها الرمال الحمراء دون وجود اى مصدر اساسي للماء.
يا ترى ايه هو السبب في ان البعض لا يعتبر كلهاري صحراء حقيقيه؟
وذلك بسبب سقوط الأمطار في بعض اجزائها بكثافه تصل الى250 مليمتر سنوياً ولكنها بالفعل تكون جافه في جنوبها الغربي حيث لا تزيد نسبه الامطار عن 175ملليمتر سنوياً
يلا بينا نعرف صحراء كلهاري بتقع فين 🤔
تغطي اغلب أراضي بتسوانا بالأضافه
لأجزاء من ناميبيا وجنوب افريقيا وتقع بين اثنين من اكبر انهار إفريقيا الجنوبيه وهم زامبيزي وينبع من زامبيا واورانج وينبع من جنوب افريقيا.
طبعا كلنا عارفين أن الحياه في الصحاري تتطلب الصبر وتحمل الكثير من الصعاب الا انه يعيش في صحراء كلهاري مجموعه من القبائل البدائيه.
نقطه و من اول السطر نعرف مين القبائل دي👀
يعيش بداخلها مجموعه من قبائل البوشمن وهم لا يسمون أنفسهم اسمي ثابت فقد يطلق البعض عليهم لفظ" باساروا" ولفظ" سان" واللغه الخاصه بهم تسمي "الخوسيان" وهي تعتمد على الطرقعات بالفم مثل صوت كلمة "توء" بالفم عندنا.
*الجغرافيا الطبيعيه للصحراء كلهاري
تشغل صحراء كلهاري هضبه شبه حوضيه مرتفعه نسبياً.
يبلغ متوسط ارتفاعها بين 1000-1500 ويحتل اخفض منطقه بها منخفض ما كاديكادي الملحي فهو ينخفض إلى 950مليمترفوق مستوى سطح البحر .
على الرغم من ان الجبال تحيط بصحراء كلهاري من ثلاث جهات الغرب والشرق والجنوب إلى؛ أن الجبال التي تقع من ناحيه الغرب والتي تفصل بين صحراء ناميبيا الساحليه وصحراء كلهاري الداخليه القاريه ذات صفات صحراويه.
بينا نعرف الثروات المعدنيه الغنيه بها صحراء كلهاري..
يوجد بها العديد من المناجم الكبيره للنحاس والنيكل و اليورانيوم بالاضافه الى وجود احد اغنى مناجم الألماس بالعالم العربي في منطقه اوروابا شمال شرق الصحراء.
مخطرش على بالك مره تعرف ايه هو سر احتفاظ صحراء كلهاري بالرطوبه! ؟
احنا خطر على بالنا بقا نعرف ونعرفك صحراء كلهاري بتتوافر على برك مائيه ويمتد بها العديد من الأوديه والعديد من الأنهار وهو دا سر احتفاظها بالرطوبه.

"من روسيا لأمريكا... صد رد"
◀️عندما تسمع أن أمريكا في أقصى الغرب، وروسيا في أقصى الشرق،اي اول حاجه بتيجي ف ذهنك؟! 🤔
اول شيء يتبادر إلى ذهنك هو أن المسافة التي تفصل بينهما في أقرب الأحوال آلاف الكيلومترات. لكن في الحقيقة قد تكون المسافة بين بيتك وعملك أطول بكثير من المسافة الفاصلة بين الولايات المتحدة الأمريكية وروسيا والتي لا تزيد عن (4 كم).
◀️ وبما أن الأرض كروية الشكل فهاتان الدولتان تلتقي حدودهما في القطب الشمالي حيث رأس الأرض، وتحديداً بين جزيرتي ديوميد الكبرى التابعة لروسيا الاتحادية وبين جزيرة ديوميد الصغرى التابعة للولايات المتحدة في مضيق بيرينغ. فعندما اشترت الولايات المتحدة ألاسكا من روسيا في عام 1867، شملت الصفقة جزيرة ديوميد الصغرى. وبالتالي تم رسم الحدود الجديدة بين البلدين وتركت ديوميد الكبرى لروسيا.
◀️وعلى الرغم من أن المسافة التي تفرق بين هاتين الجزيرتين لا تتجاوز 4 كم، ورغم وقوعهما في منطقة واحدة إلا أنهما مستقلتان إذ يفصل بينهما خط التوقيت الدولي الذي يمر أيضا على الحدود الدولية بين روسيا والولايات المتحدة. والأغرب من ذلك أن جزيرة ديوميد الكبرى التابعة لروسيا تسبق جارتها بـ 23 ساعة بسبب خط التوقيت الدولي الذي يمر بينهما، والذي يفصل اليوم عن الأمس، فعندما يكون الوقت عصراً في الجزيرة الروسية يكون أيضاً الوقت عصراً في الجزيرة الأمريكية، لكن في الجزيرة الأولى عصر اليوم، وفي الجزيرة الثانية عصر الأمس، بشكل أوضح يكون التاريخ مختلف فإذا كان في الجزيرة الروسية عصر اليوم 30 إبريل، يكون في الجزيرة الأمريكية عصر الأمس 29 أبريل، رغم أنهم يشاهدون بعضهم ولا يفصل بينهم سوى 3.8 كم. لذلك يطلق على هاتين الجزيرتين جزيرتي الغدوالامس.

السفر عبر الزمن - الزمان في المكان- (ساعة اختلف فيها كل الناس)

ما خطرش في بالك ليه في فروق توقيت بين الدول🤔.
انا خطر في بالي فقولت اما اقولك.

بص يا سيدي زمان الدنيا كانت ماشيا بالحب، الإنسان يصحى لما الشمس تظهر، و ينام لما تغيب ولا فرقه معاه حاجه😎.

لحد مالشعوب و الأمم بدأوا يحسوا على دمهم و يتقدموا و يدرسوا حركة الشمس والفلك، في تطور كان من الطبيعي انه يحصل، زي المصرين القدماء و العراقيين و اليونانيين و المسلمين، طبعا كل أمه كانت بتدرس حسب إمكانياتها و معتقداتها و ليلة طويلة كده.

في العصر الحديث العلماء اتفقوا ده بعد ما اختلفوا، على تقسيم الكوكب ل ٣٦٠ خط طول (منطقة زمنية) و بصراحة ما اختلفوش علي النقطة دي، هما اختلفوا لأن كل دولة عايزة خط الصفر (الخط إلي على أساسه هنحدد التوقيت في العالم كله) يمر بارضها، كشبحنه و كده.

المهم ربنا هداهم، و اتفقوا أن خط الصفر يكون عند قرية جرينتش في انجلترا و اتسمى باسمها.

بص هما ملقوش مسطرة كبيرة، يسطروا الخطوط دي على الكوكب كله، فقال يلا نمشوها خطوط و همية و امرنا لله.
يا رب ما تكون نسيت ان الارض متقسمة ل ٣٦٠ خط طول، ١٨٠ شرق جرينتش و ١٨٠ غرب جرينتش.

حركة الشمس اليومية بتكون ناحية الشرق، ده معناه اني لو مشيت شرقاً هسبق حركة الشمس فالوقت هيزيد، و لو مشيت غرباً فأنا هتأخر عن حركة الشمس فالوقت هينقص، و هنا فائدة خط جرينتش لانه كان لازم يكون في نقطة فاصلة نحدد على أساسها كل حاجه (فبكده شرق خط جرينتش الوقت هيزيد و غرب خط جرينتش الوقت هينقص)، يعني انت لو في مصر الساعة ١ صباحا يوم الجمعة، لو اتحركت باتجاه الغرب و روحت للجزائر مثلا، فالوقت هينقص و هتلاقي نفسك الساعة ١١ مساء يوم الخميس، ده طبعا لو انت خارق و اتحركت في نفس اللحظة.

الفرق بين كل خط طول و خط طول ٤ دقائق، ده معناه ان بحسبة معينة مش ضروري تعرفها أن ال ٢٤ ساعه موزعين على الكوكب كله، يعني احنا كده كل ٤ دقائق لينا توقيت ااه حضرتك.

لحد ما شوية علماء قالوا : ولاااا لعب في الزمن مش عايز، لأن كده الدنيا هتدخل على بعضها و محدش هيفهم حاجه، انت متخيل أن دولة زي مصر، هيبقى فيها ١٢ توقيت لأن فيها ١٢ خط طول.

العلماء ربنا هداهم تاني، و قالوا أن اختلاف التوقيت بالزيادة أو النقصان هيكون كل ١٥ خط طول (احنا قولنا أن بين كل خط و خط ٤ دقائق ٤ دقائق × ١٥ خط = ٦٠ دقيقة) يعني كل ساعة، و بكده الأرض يكون فيها ٢٤ منطق زمنية تماشيا مع ال ٢٤ ساعة على مدار اليوم.

بصوا انا جيلكم و رقبتي قد السمسمه، في مشكلة كمان 🙈، أن ممكن دوله يقطعها اكتر من ١٥ خط طول ده معناه انها هيكون فيها توقيتين، فالعلماء قالوا لأجل عيون الدولة، إحنا هنمشوها بالحب بس الحب ده داخل حدود الدولة ما يطلعش منها حفاظاً على وحدة الدولة زمنيا (يعني كل دولة تمشي بتوقيت واحد متامشي مع خطوط الطول إلي فيها سواء كانت أقل أو اكتر من ١٥ خط) و ده طبعا بيختلف من دولة للتانية مع مراعات سلامة التوقيت العالمي إلي العالم كله بيمشي به (توقيت خط جرينتش).
و دي بقي قصة الزمان في المكان.

تعالوا نسافروا في الزمن مره أخيرة و المرادي انت إلي هتسوق مش احنا، جاهز، يلاااا بينا
لو الساعة ١٠ مساءاً عند خط جرينتش فالساعة هتكون كام عند
خط ٣٠ شرقاً
خط ٧٤ شرقاً
خط ١٠٩ شرقاً
خط ١٦٨ شرقاً
خط ١٩ غربأ
خط ٦٦ غرباً
خط ١٥٤ غرباً
خط ١٧٩ غرباً
أصحاب الايجابات الصحيحة هننزلوا بوست بأسمائهم.

⏪الجبل بين الظاهر والباطن ⏩
( الجبل شبية نجاح الانسان )
.. البشر ينظرون الي النجاح فحسب ولكن ماخفي هو اعظم فشل وانكسار ومعاناة وحرمان وقهر والذي يظهر هو النجاح فالوصول الية ليس سهلا لذلك التفريط في هذا الجزء الظاهر وهو النجاح صعب لانة يمتد لة جزور المعاناة في الباطن ❗
⬅️ انظر معي الي الجبل هو نفس النظرية معاناة وتكوينات وبراكين وفوهات الي ان يظهر منة جزء اصغر بكثير من الذي يخفي باطن الارض .❗
⬅️ماهو الجبل ؟؟
هو تضرس أرضي يرتفع عمّا حوله من الأرض في منطقة محددة. وتتميز بقمم صخرية حادة وسفوح شديدة الانحدار وبها أيضاً قمم مرتفعة العلو. ❗
⬅️المنسوب الدولي له ؟؟
هناك اختلاف حول تحديد الارتفاع الكافي للجبل لاعتباره جبلاً فالموسوعة البريطانية تستعمل ارتفاع 610 متر عن سطح الأرض لإطلاق مصطلح الجبل على المرتفع.❗
⬅️وظيفة الجبل ؟؟
✔️(التأثير على المناخ والأحوال الجوية)
تؤثر الجبال على مناخ المناطق المحيطة بها، حيث تنعم المناطق المحادية لجانب الجبل الذي يستقبل الرياح بالأمطار الوفيرة، بينما يحظى الجانب الآخر بفرص أقل لهطول الأمطار كما يغلب عليه المناخ الجاف، كما تشكل الجبال خط حماية للوديان من الظروف الجوية القاسية، كما تعتبر الجبال المصدر الرئيسي لكافة الأنهار الموجودة على سطح الأرض، أما الغابات الجبلية فتلعب دوراً رئيسياً في عملية النحت والترسيب .
✔️(مصدر وفير للموارد)
تعتبر الجبال مصدر وفير للموارد التي يحتاجها البشر للبقاء على قيد الحياة، مثل مياه الشرب، والغذاء، ومصادر الطاقة المختلفة، والتنوع البيولوجي، وغير ذلك من الموارد اللازمة في مجال الطب، إلا أن هذه الموارد تتعرض للخطر والتهديد بسبب التغييرات المناخية التي تطرأ على الجبال، وتدهور الغابات، والكوارث الطبيعية التي تحدث هناك، حيث يعتمد حوالي نصف سكان الكرة الأرضية على المياه الجبلية في نواحي معيشتهم المختلفة وتعتبر مصدر مهم للطاقة الكهرومائية، كما تستخدم الأخشاب الجبلية في العديد من الصناعات الخشبية ومنتجات الأخشاب وصناعة سكك الحديد وغيرها الكثير،
ومن منظور الإعجاز العلمي في القرآن الكريم
يستخدم الجبل كأوتاد للارض حيث قال الحق (والجبال اوتادا )
علماء اللغة قالوا ان الوتد يكون ثلثة ظاهر والثلثان في الارض وبعضهم قال الربع والثلاث ارباع وهذا لة بقية ان شاء الله تعالي في باقي المقال سيكون عن الاعجاز العلمي في القران الكريم وشرف الجبل بذكرة في القران .❗
⬅️انواع الجبال ؟؟
يوجد ثلاثة أنواع رئيسية للجبال وهي: ❕البركانية ❕والالتوائية❕ والكتلية. وهو تصنيف أكثر تفصيلًا يعتبر نافعًا في النطاق المحلي ويؤرخ للصفائح التكتونية ويضيف إلى الفئات المذكورة أعلاه.❗
⬅️اعلي قمة جبلية في العالم ؟؟
(🧐جبل إيفْرِستْ )
وهو أعلى جبل على وجه الأرض، حيث يرتفع إلى حوالي 9كم عن سطح البحر. وهو أحد الجبال التي تتكوّن منها سلاسل جبال الهملايا، على حدود الصين (التبت) ونيبال (ساجارماثا) وشمالي الهند.❗
⬅️اعظم امتداد للجبال تحت الارض؟؟
تخيل عزيزي ان اعلي جبل في العالم يوجد تحت سطح الارض العلماء اكتشفوا ما يعتقد أنه أعلى جبل في الكوكب الأزرق، لكنه هذه المرة ليس على سطح الأرض وإنما تحتها، بحسب صحيفة "ذي صن" البريطانية.

ووفقا للعلماء، فإن الجبل الصخري، الأعلى من إيفرست، يوجد على عمق 400 ميل تحت سطح الأرض، وتحديدا تحت الطبقة المعروفة بـ"قشرة الأرض"، وفي منطقة غامضة تعرف باسم الوشاح.❗

💯يا عزيزي اعلم ان النجاح يحارب من عدة عوامل اهمها عوامل اعداء النجاح لكنة يظل صامد لانة لة امتداد يقوية
كذلك الحال في الجبل يتأثر بعدة عوامل وهي عوامل التعرية الهوائية والتعرية الميكانيكية والتعرية المائية بفعل المطر ولكنة يظل صامد بسبب امتدادة .👇
🧐‼️انتظرونا في باقي المقال وجزء شيق جدا
(الاعجاز العلمي في القران الكريم ومفهوم الجبل واعجازة )

كيف بدأت البداية 🙄‼️

عند البدايات خلق الله آدم، بابعاد مختلفه عما نحن عليه الآن، بعد مدة، بدأ آدم يشعر بالوحده، فخلق الله له حواء، بدأت اتسائل لماذا حواء، لماذا لم يخلق الله رجل يشارك آدم حياته و يذهب عنه وحدته، أو حتى حيوان أليف، لماذا إمرأة بالذات، هل المرأة بهذة الأهمية بالنسبة للرجل.
نتكلم بقى في التقيل، 😎 لما بدأت الحياة على الأرض، البشر كانوا عايشين مع بعض و الدنيا حلوه، ساعدهم على ده عددهم القليل (آدم و حواء و أبنائهم)، و مع مرور الوقت بدأت الأرض تضيق عليهم، و المشكله مش في أنها تضيق، المشكلة في أن الموارد تقل، وحصل.
بدأ البشر في الترحال و الانتشار في الأرض، طبعا مش محتاج اقولك ان كل مجموعة بتروح مكان معين بتكون أقرب لبعضها من المجموعات التانية (اخوات أو اولاد عم).
المهم
البشر بدأوا يتوزعوا على الكوكب و وصلوا لمناطق بعيدة جدا، و طبعا مش محتاج اقولك برده ان المناطق إلي وصلولها مختلفه عن المنطقة إلي كانوا عايشين فيها، فكان قدمهم حلين ثالثهم الموت، الأول انهم يتأقلموا و يعيشوا و أمرهم لله هيعملوا ايه يعني، والتاني انهم يرجعوا مكانهم تاني، زي الناس إلي بتتجوز بالضبط، اما انهم يتأقلموا مع حياتهم الجديدة و يعيشوا، وأما يفشلوا أو يخافوا فيتطلقوا، والله التاريخ يعيد نفسه في أبسط الأمور بس احنا إلي عايشين كده و خلاص.

الإنسان كان اقوه مما هو عليه دلوقتي (نظرية العقل و الجسد ممكن تشوفوا عنها مقال قريب) و قرر انه يتأقلم و يعيش و كان لازم عشان يعيش، انه يضحي بشوية صفات، و في المقابل الطبيعة الأم مش بخيلة هتديلوه شوية صفات بديلة، كمساعده منها و كده عشان يعيش، و الفقدان و الاكتساب دول استمروا فتره طوووويلة طوووويلة كمان وحدة طوووويلة، لحد ما بدأت تظهر اختلافات بين البشر في المناطق المختلفة (مناطق مختلفه مناخية).
ركز في الحته إلي جاية دي عشان ما تتهش، ارجع معايه شوية لأول المقال هتلاقي أن البشر مصدرهم واحد(آدم عليه السلام ) و التغيرات إلى طرأت عليهم دي تغيرات بيئية، بمعنى أدق في البداية بيئية، يعني البيئة هي إلي غيرت، و مع مرور الوقت، الفترات الطوووويلة إلي لسه قيلك عليها، بدأت تنتقل التغيرات من جيل لجيل فبقت وراثية، و مع كل انتقال بتكون التغيرات و الصفات الجديدة اقوه و اوضح و أكثر انسجام و أكثر تجانس مع بعضها، و بدأت الاختلافات بين البشر تظهر بوضوح، عشان تظهرلنا حاجه لطيفة، اسمها السلالات البشرية.
و طبعا في معايير للتميز بين السلالات دي مش متسابة كده، و الأهم أن المعايير لازم يكونوا مع بعض، مش كل واحد لوحده، بمعنى أن في بعض الصالحين إلي مش متعمقين في الموضوع بيأخذوا معيار اللون لوحده (هو أهم المعايير فعلا)، لكن في ظل الاختلاط الرهيب بين السلالات، هيكونوا عاملين، زي بنت بتختار طرحه بلون معين عشان تمشيها مع بلوزه و جيبه مش ماشين مع بعض، هيكون الأمر صعب و مش دقيق، فلازم تفهم ان معيار واحد مش كفايه للحكم على أي حاجه، و السلالات طبعا حاجه من ضمن الاي حاجه.
و المعايير الاساسية لتقسيم السلالات
- اللون
-شكل الرأس
-شكل الوجه
-شكل العين
-شكل الانف
و ان شاء الله لو لينا عمر هيكون فيه مقال لكل سلالاه، و إزاي صفاتها اتغيرت، و ايه هي صفاتها و ايه أوجه الاختلاف و التشابه مع السلالات التانية

⏪خافت الناس فضحك برمودا ⏩
مثلث برمودا المعروف أيضاً باسم "مثلث الشيطان"🧐9
⬅️الشكل والمساحة❗
هي منطقة جغرافية على شكل مثلث متساوي الأضلاع (نحو 1500 كيلومتر في كل ضلع) ومساحته حوالي مليون كم²
⬅️الموقع ❗
يقع في المحيط الأطلسي بين برمودا، وبورتوريكو، وفورت لودرديل (فلوريدا)، ويعتير شقيق مثلث التنين.
⬅️ماقيل فيها ❗
هي منطقة شهيرة بسبب عدة مقالات وأبحاث نشرها مؤلفون في منتصف القرن العشرين تتحدث عن مخاطر مزعومة في المنطقة. ولكن إحصاءات غفر السواحل للولايات المتحدة لا تشير إلى حدوث حالات اختفاء سفن وطائرات في هذه المنطقة أكثر من مناطق أخرى.
👈 العديد من الوثائقيات أكدت مؤخراً زيف الكثير مما قيل عنه وكذلك تراجع العديد من التقارير بحجة نشرها لأحداث بصورة خاطئة كما أن العديد من الوكالات الرسمية اعترفت بأن عدد وطبيعة الاختفاءات في مثلث برمودا كانت كغيرها في باقي المحيط لا أكثر.

⬅️النظريات المقترحة فيها ❗
إحدى النظريات العلمية المقترحة أن طبقة من ثلج الميثان التي تكاد تكسو كل قاع البحر في منطقة برمودا تصبح غير مستقرة، وبالتالي فإنها تُنشئ حالة من عدم الاستقرار في البحر. هذا بالإضافة إلى أن خليط الميثان والهواء يُؤدي إلى حدوث انفجار، الأمر الذي يجعل السفن والطائرات المارة بهذه المنطقة عرضة للغرق والاحتراق.
👈وإحدى النظريات تؤكد أنّ السبب في ذلك إما أعمال التدمير المتعمد أو أخطاء بشرية أو أخطاء في البوصلة. وهناك نظريات أخرى كثيرة، فحتى الآن لم يحل اللغز بعد.
👈رغم كل ما قدم من معلومات حول حقيقة هذا اللغز لم يكتشف احد الي الان الحقيقة الكامنة وراء هذا المثلث العجيب

وفي باقي المقال هناك عن ما قام برمودة بدفنة في قاعة ولا يعلم احد عنهم شيئ تحت عنوان المقبرة الخفية فما هي.... ‼️

رجعنا تانى نكمل اهم العوامل اللى بتاثر على الزياده الطبيعيه 😎

١..العامل الثقافي : الدول و المجتمعات و حتى الأسر إلى معدلات الثقافة و التعليم فيها مرتفعة بتلاقي نسبة المواليد فيها منخفضة ( علاقة عكسية ) ده بيرجع لسببين الأول: أن الام و الأب بيكونوا فاهمين و محددين خطة لحياتهم على عكس الأم و الأب إلى نسبة الثقافة عندهم متدنية ما بتكنش في خطة إطلاقا. ثانيا : سن الزواج فالمرأة في المجتمعات المتقدمة و المتعلمة بتتجوز على سن متوسط أو كبير و ده طبعا بيرجع للفتره الطويلة إلى بتستغرقها في التعليم.، واحد يقول و فين المشكلة، اقولك ي سيدي : كلنا عارفين ان خصوبة المرأة و استعدادها للإنجاب بيبدأ من سن ١٤ عام حتى ٤٠ ل٤٩ عام فلما المرأة تتجوز على سن متوسط أو كبير بتفوت فتره كبيره من عمر خصوبتها فبتقل فرص انجابها و بتنحصر في سنين معينه، على عكس المرأة إلى اتجوزت بدري فبتعيش مده كبيرة من عمر خصوبتها متزوجة فتزيد معدلات و نسب انجابها، و الكلام ده بيطبق على الغالبية و دي قاعدة ناس كتير ممكن تكسرها عادي مفيش مشكلة.😇

٢..العامل الاقتصادي:
إعرف أن تدني المستوى الاقتصادي مرتبط بتدني المستوى التعليمي مع العلم ان القاعدة بتتكسر عادي، فالاسر و المجتمعات و الدول الفقيرة نسبة المواليد عندهم مرتفعة جدا( علاقة عكسية ) زي مثال دولة النيجر و يرجع ارتفاع نسبة المواليد لعدم التخطيط و إنعدام المتابعة الطبية عموما و تحديد النسل خصوصا و كمان توهمهم انهم لما يخلفوا اكتر فالاولاد هيساعدوهم لتحسين الوضع المعيشي و العكس هو إلي بيحصل انجابهم الكتير بيكون عبئ على الدولة و المجتمع و عليهم شخصيا.
جدير بالذكر أن المجتمعات الفقيرة نسبة الوفيات عندهم مرتفعة جدا برده بس نسبة المواليد أعلى فمغطيا عليها. 💸

٣..العامل الاجتماعي: يعني الريف و الحضر طبعا مش محتاج اقول ان الريف يعني تدني المستوى الاقتصادي و انخفاض مستوى و نسبة التعليم و جودته، على الأقل بالنسبة للحضر ( و القاعده عادي بتتكسر مفيش أدنى مشكله ) بيقل في الريف التخطيط للحياة الزوجية و بيزيد الزواج المبكر إلى بيتيح للمرأة انها تقضي عمرها الخصوبي كله و هي متجوزه (فكرين العمر الخصوبي) و كمان قلة الوعي و المتابعة الطبية ليها دور في زيادة المواليد و اهل الريف بيتعمدوا الإنجاب بكثرة عشان يكون عندهم عزوه و أيدي عاملة مجانية، و بكرر أن نسبة الوفيات بترتفع لنفس الأسباب بس نسبة المواليد بتغطي عليها وعلى العكس تماما في المجتمعات الحضرية. 📊

٤..الهيكل السكاني: بأختصار كده المجتمعات إلى نسبة الشباب فيها كبيرة نسبة المواليد فيها كبيرة سواء كانت غنية أو فقيرة متعلمة أو أمية ريف أو حضر و ده طبعا مقارنة بالمجتمعات المماثله إلى بتقل فيها نسبة الشباب زي المجتمعات الأوربية مثلا لان الشباب هم المنجبون. 📝

المره الجاية هنتكلموا عن الهجرة و إزاي بتأثر في عدد السكان و الزيادة الطبيعية

اتكلمنا المره اللي فاتت عن الصحراء البيضاء
وهنكمل كلامنا ف البوست دا عن الصحراء السوداء...
⁦⁉️⁩موقعها ؟؟؟
⁦⬅️⁩تقع هذة الصحراء الي الشمال قليلا من الصحراء البيضاء وهي تابعة للواحات البحرية ⁦✔️⁩
⁦⁉️⁩لماذا سميت بالسوداء ؟؟؟
⁦⬅️⁩سميت بالصحراء السوداء لوجود طبقة من المسحوق الأسود تغطي هذة الصحراء وجبالها ⁦✔️⁩
⁦⁉️⁩أشكال سطحها ؟؟؟
⁦⬅️⁩توجد بها تلال بركانية سوداء ثارت منذ عصور قديمة جدا واخرجت لافا وحمم بركانية شديدة جدا من شدتها أسودت وأخرجت مادة بركانية تسمي الجاسبر وهي المادة التي تتكون منها الصحراء السوداء ⁦ويعد الجبل الأنجليزي أعلي القمم الجبلية في الصحراء السوداء ⁦✔️⁩
وهذة الصحراء هي اقل أهمية من الصحراء البيضاء في كل شيئ لذلك لا يوجد بها ظواهر طبيعية كثيرة ⁦✔️⁩
وبعد كل هذا هناك سؤال يطرح نفسة هل استفادت مصر من هذة المواقع الخلابة ام لا وماهي مظاهر الإستفادة منها ؟؟؟
تعد الصحراء البيضاء والسوداء ولكن البيضاء أكثر محط انظار العديد من سياح دول العالم المختلفة ❕❕وخاصة الأجانب هواة السفاري والتخييم ⁦✔️⁩
⏪⁦🏞️⁩وفي دراسة لأحد رواد السفاري المصري أيمن محمد قال إن المصريين يقبلون علي الصحراء البيضاء والسوداء في فصل الصيف تزامناً مع العطلة الدراسية الصيفية ⁦⛱️⁩بينما الأجانب يفضلون فصل الشتاء⁦🏔️⁩⁦🏔️⁩ عن الصيف في زيارتهم لهذا المكان ⁦✔️⁩

🛫⁦🏕️⁩وبعد كل هذا هل فكرت في 🛫السفر الي هذة الأماكن الخلابة والتخييم هناك ⁦🏕️⁩ حتي تعلم قيمة بلدك مصر ⁦🇪🇬⁩
⁦⬅️⁩🧐إسئل الطبيعة المصرية تجيبك عن الجمال الوطني ⁦🇪🇬⁩⁦🇪🇬⁩⁦