BF-Sci

تيم BF-Sci بيشكر كل المدربين اللي شاركوا في كامب الصحه النفسيه ونشكرهم على مجهودهم عشان يقدموا العظمه دي❤️

ونحب نشكر كل اللي حضروا الكامب ونتمنى لهم كل التوفيق❤️

لينك الشهادات👇

https://drive.google.com/drive/folders/1VZbA7__slBXq_Ujja48_RufxoTTmj9Jk

للأسف معظم الآباء والأمهات بيواجهوا مشكله مع ابنهم إنه عنيد ومش بيعرفوا يتعاملوا معاه النهارده جايبينلك علامات العند وكمان العلاج....

-علامات العند:-
١- الرفض التام لتنفيذ الأوامر.
٢- الاصرار على فعل السلوك الغلط.
٣- الطفل العنيد بيشوف نفسه على حق وبيرفض التنازل عن رأيه.

-أسبابه:-
١- الاستجابه السريعه والفوريه لبكاء الطفل وتنفيذ مطالبه.
٢- التساهل والتدليل الزائد للطفل.
٣- كثره تكرار انت عنيد علي مسمع الطفل علشان كل ما تردد كلمات معينه بترسخ في الذهن.
٤- الاحساس بالغيرة وده بسبب التفرقة في المعاملة بينه وبين اخواته.
٥- الصراعات والمشاكل الأسرية.

-العلاج:-
١- نبطل نؤمر الطفل ونتكلم معاه بليونه.
٢- منهددش بالأب.
٣- منزعقش في وش الطفل.
٤- الحوار والمناقشه مع الطفل.
٥- القدوه الحسنه للأطفال.
٦- منظهرش الخلافات الزوجية أمام الطفل.
٧- المدح والتشجيع والمكافأة وتعزيز السلوكيات الإيجابية.
٨- نتجاوز ونعدي الأخطاء البسيطه.
٩- نقلل من استخدام الموبيل والتلفزيون ومن الاحسن نشجعه على ممارسة الرياضة أو اللعب بالالعاب اللي بيحبها ونشاركه في اللعب.
١٠- تدريب الطفل على ثقافه الإعتذار لما يغلط.

وفي النهاية عايزين رأيك يا صديقي في أول بوست من سلسله الإرشاد الأسري
وطبعًا متنساش تتأكد انك متابعنا على منصه التيك توك عشان الفتره الجايه هيكون في فيديوهات كتير للسلسله دي هناك👇
https://www.tiktok.com/?_t=8en3uA2HACU&_r=1

أوقات كتير بيبقى في قرارات ممكن ناخدها تغير حياتنا بس بنخاف تحت مسمى خايف أخاطر، طب لي؟
هتقولي لأن لو خدت قرار غلط هيأثر عليا.
طب ما هو في نفس الوقت ممكن يفيدك ويطلع القرار صح؟
هقولك الحل، هات قهوتك أو شايك وحصلني.....

في الأول لازم تعرف إن في أشخاص مقدروش أنهم يكتشفوا نفسهم غير لما وقعوا في مخاطر وده عشان الشجاعة بتظهر ساعه المخاطر الكبرى.
المخاطرة مش حاجه وحشه زي ما ناس كتير فاكره، المخاطره ممكن تكون خطوة في قصة نجاح ممكن تغير حياتك مش مصدقني؟
- طب تعالي
لو هنتكلم مثلا على شخص حاليًا اسمه من اعظم الرجال في العالم وممكن في التاريخ وهو ايلون ماسك ايلون ماسك اتولد في مدينة بريتوريا واتعلم البرمجه ذاتيًا وهو في سن صغير وبدأ يخاطر وعمل شركات صغيره وعمل تاريخه وثروته بنفسه تخيل كده لو ايلون مخاطرش وفضل في منطقه الراحه مكنش عمل اي حاجه من اللي وصلها دلوقتي.

ده حتى لبنى الحو في كتابها تبدأ الحياة خارج منطقه راحتك اتكلمت فيه عن ان مفيش حد ممكن يوصل لنجاح من غير ما يخاطر ويتعب لان ببساطه المخاطره هي اللي بتصنع النجاح وجودك في حالة ضغط وتوتر بيطلع أفضل ما فيك وبيخليك تعمل حاجات مكنتش هتعرف تعملها لو مخاطرتش

- طب معنى كده إني دايما اخاطر؟
اكيد لا، في أوقات متقدرش تخاطر مثلا لو في صحتك، وهنا لازم تعمل اداره لمخاطرتك كويس جدا.
- طب ازاي؟
إنك تخطط كويس جدا للقرار وتحاول تقلل الخطر بتاعه على قد ما تقدر وتستعد لو فعلا مش هيأثر عليك تأثير قوي، عشان تعرف تديرها صح ولازم تتأكد إنك جاهز للمخاطر دي.
حتى ربنا قالك:- (ولا تلقوا بأيديكم إلى التهلكة)

ولازم تعرف ازاي تحلل المخاطر طب ازاي؟
بص ياصديقي لازم تدرس الأثر والإطار الزمني اللي هيكون موجود في التأثير ده ونشوف هتقدر تستحمل المده دي ولا لا.
والمخاطره ياصديقي أنواع:- في مخاطره إنك تخاطر في قرار لحياتك، وفي مخاطره في مشروع ليك أو مشروع انت وأشخاص تانيين وده هنا اصعب لأن القرار مش ليك لوحدك واتاكد أن المجموعه اللي معاك عندهم خبره لقرار مهم في مشروع، وفي مخاطره إنك ك شخص تخاطر ك مغامره مثلا حابب تجرب تروح مكان بس عارف إنه هيأذيك حابب تلعب مع حيوان معين وهيأذيك بس لازم تتأكد أن المخاطر قليله.

طب لي برضو اخاطر؟
بص يا صديقي انت بيبقى قدامك قرار لو وافقت عليه هيفيدك وينقل حياتك لحياه احسن بكتير وفي نفس الوقت ممكن يأثر عليك بس في جانب تاني تعالى نشوف الاختيارين هيأدوا ل اي؟
أول اختيار لو انت خدت القرار ومخوفتش وطلع مفيد ليك وحياتك اتغيرت اكيد هتبقى مبسوط جدًا بالخطوه دي وإنك خدت القرار

تاني اختيار لو مقدرتش تاخد القرار وخوفت تخاطر هتبقى ندمان طول الوقت وطول حياتك إنك مخدتش القرار اللي كان ممكن ينقل حياتك ويحولها لأحسن بكتير.

تالت اختيار لو خدت القرار وأثر عليك هنا هيختلف لأنك هتبقى دارس التأثير اللي هيحصل من القرار من هتكون قده ولا لا لو قد التأثير ده ف تمام مش قده يبقى ابعد بس ساعتها مش هتندم لأنك درست ومتأكد أنه هيأثر عليك واكيد مش هتحب حاجه انها تأثر عليك وتأذيك، لازم تخطط كويس جدا للقرار وتدرس حجم الخطر عليك.

وكمان حابب اختم بمقوله قالها الملاكم الرياضي محمد علي كلاي (الذي لا يملك الشجاعه الكافية لتحمل المخاطر لن يحقق أي إنجاز في الحياة).

وفي النهاية قولنا هل أنت من النوع اللي بيخاطر ولا اللي بيخاف؟🤔

من فعاليات سيشن العدوان عند الأطفال والكبار سيشن رقم 15 من كامب ال Mental Health ❤️

وطبعًا لو حابب تحضر العظمه دي ابعتلنا على رسائل الصفحه ومتفوتش الفرصه🤩

من فعاليات سيشن ليه ممكن نلجأ لأخصائي نفسي أو طبيب نفسي سيشن رقم 14 من كامب ال Mental Health ❤️

وطبعًا لو حابب تحضر العظمه دي ابعتلنا على رسائل الصفحه ومتفوتش الفرصه🤩

- إزيك يا صديقي، يارب تكون بخير، هكلمك النهارده عن موضوع مختلف شوية، موضوع مهم ومفيد جدًا وأتمنى إنه يفيدك، هكلمك عن حَماسنا إتجاه هدفنا و أزاي نزود الحماس ده.

- في الأول لازم نعرف ازاي نحدد هدفنا أساسًا وإن لازم يكون عندنا هدف في الحياه، زي مثلاً، المؤمن هدفه في الحياه إنه يعمل عمل صالح علشان ربنا يرضى عنه ويدخله الجنه، وزي مثلاً وأنت صغير كان هدفك إنك تطلع زي بباك، كبرت شوية وبقى هدفك طب أو هندسة، كبرت كمان وهدفك إنك تاخد كورسات وتطور نفسك، وكبرت و هدفك تلاقي وظيفة محترمه، فالأهداف بتتغير ودي حاجه طبيعية، والقصد من كل ده إن أساس حياتنا مبنية وماشيه على الأهداف وإن لولا الأهداف اللي إحنا بنسعالها مكنش هيبقى للحياة معنى ولا كان هيبقى للإنسان قيمه ولا دافع إنه يعمل أي حاجه في حياته ولا كان حد هينجح ولا كان العالم هيبقى بالتقدم اللي فيه دلوقتي ده.

- ولازم نركز على أهدافنا ومنستسلمش مهما حصل، حتى لو وقعنا مرة، وإتنين، وتلاته، وإيه يعني هنقوم تاني ونكمل ونسعى إتجاه أهدافنا لأن ربنا طول ما شايفك بتسعى هيسعى معاك وهيلهمك القوة والصبر على صعوبات الحياه، ومش لازم مع أول فشل نقول مش قادرين نكمل ونتخلى عن هدفنا لا، الأنبياء والرسل معدوش بشوية، مسلموش من الإهانة وكل حاجه صعبة مرو بيها ورغم كل ده متخلوش عن هدف توصيل رسالتهم للناس، لو كانو إستسلمو من أول مشكله واجهتهم مكنش هيبقى في دين ولا حياة، بالمختصر (مش لازم كل ما نتخبط نقول أي).

- ولازم يكون عندنا حماس لأهدافنا متكنش مجرد أهداف أنت حطتها ويا إتحققت يا لا، لا لازم نكون متحمسين لأي حاجه بنعملها هتوصلنا لأهدافنا ونعمل إللي علينا بكل إخلاص وحماس وعزيمه، وعلشان نزود الحماس ده لازم نفضل فاكرين أهدافنا ومنستسلمش أبدًا، ونكون من جوانا نفسنا نحقق الأهداف دي، نفكر بإيجابية، نشجع نفسنا في كل مرة هنحس فيها إن حماسنا بدأ يروح، نجدد طاقتنا كل يوم، نقرب من ربنا ونخليه معانا على طول وفي أي حاجه، ونخرج الأفكار السلبية من دماغنا زي،(أنا مش هقدر أوصل للهدف ده، الهدف ده بعيد أوي عني، أنا ضعيف ومش هقدر أعمل أي حاجه مفيدة) كل دي أفكار سلبية لازم إنك تبعدها عن تفكيرك وعن حياتك كلها، وتزرع في دماغك فكرة إنك تقدر، تقدر تعمل أي حاجه بإرادتك وتفكيرك وحماسك وشغفك، إنت إنسان جميل وتقدر تعمل كل حاجه ومفيش حاجه تقدر تقف قصاد واحد عنده عزيمه وعنده يقين إنه هيحقق هدفه مهما كانت الظروف والمشاكل.

-وأخيرًا أتمنى إن الموضوع يكون عجبك يا صديقي وتكون إستفدت منه ولو شوية صغيرين، ومتنساش تقولنا اي هدفك في كومنت

من فعاليات سيشن الثقه في النفس سيشن رقم 13 من كامب ال Mental Health ❤️

وطبعًا لو حابب تحضر العظمه دي ابعتلنا على رسائل الصفحه ومتفوتش الفرصه🤩

من فعاليات سيشن التوافق النفسي سيشن رقم 12 من كامب ال Mental Health ❤️

وطبعًا لو حابب تحضر العظمه دي ابعتلنا على رسائل الصفحه ومتفوتش الفرصه🤩

من فعاليات سيشن اعرف نفسك سيشن رقم 11 من كامب ال Mental Health ❤️

وطبعًا لو حابب تحضر العظمه دي ابعتلنا على رسائل الصفحه ومتفوتش الفرصه🤩

هنتكلم النهارده عن مجال من مجالات الفيزياء والمجال ده بيهتم بتطبيق النظريات والأساليب الفيزيائية عشان نفهم الأنظمة البيولوجية ازاي بتشتغل وازاي نحل مشاكلها، زي مثلًا ازاي نعمل الدماغ، والجهاز المناعي وازاي نعمل القلب وآلية الدورة الدموية فيه.....
كلامنا النهارده هيكون عن الفيزياء الحيوية، بيستخدمها العلماء في المعادلات الرياضية في الأبحاث المتعلقة بالخلايا والجزيئات الخلوية والكائنات الحية والنظم البيئية المعقدة.

- ودلوقتي تعالى نتكلم عن مجالات الفيزياء الحيوية:-
١- مجال دراسة الفيزياء الحيوية للأغشية:
وبيركز المجال ده على دراسة بنية ووظيفة الغشاء الخلوي (البلازمي)، وكمان القنوات الأيونية والبروتينات والمستقبلات المدمجة جواها.

٢- مجال الدراسات الفيزيائية الحيوية الحاسوبية/ النظرية:
بيشتغل المجال ده عن طريق استخدام النمذجة الرياضية لدراسة النظم البيولوجية.

٣- مجال هندسة البروتين:
بيشتغل العلماء في المجال ده على إنشاء وتعديل البروتينات وكمان على فهم آلية عمل الإنزيمات والبروتينات للنهوض بالبيولوجيا التركيبية.

٤- مجال الدراسات الحيوية الجزيئية:
بيشتغل المجال ده عن طريق دراسة الهياكل الجزيئية للجزيئات البيولوجية والبروتينات والأحماض النووية والدهون.

٥- مجال دراسة آليات العمل الحيوية:
بيستخدم المجال ده الآليات الفيزيائية عشان يشرح حدوث العمليات البيولوجية، وبتضمن شوية من الآليات الفيزيائية تحويل الطاقة في الأغشية، وتَني البروتين وهيكلته وده بيؤدي لوظائف معينة، وحركة الخلايا، والسلوك الكهربائي للخلايا زي الخلايا العصبية.

٦- مجال دراسة آلية حدوث الانقباضات العضلية:
بيشتغل المجال ده عن طريق تحديد الجزيئات ووصف التفاعلات الكيميائية في الألياف العضلية.

٧- مجالات دراسة وفهم آليات التواصل الحسي بين الخلايا:
بيشتغل هذا المجال عن طريق التحليل الكمي للاستجابة الحسية واللي بيُعتبر صعب جدًا،
عشان بيتضمن توليف عمل العديد من الخلايا.

ودلوقتي هنتكلم عن الفيزياء الحيوية في البيولوجيا والطب:-
العلماء استخدموا تقنيات الفيزياء الحيوية عشان يعملوا لقاحات وتطوير تقنيات التصوير زي: التصوير بالرنين المغناطيسي عشان يساعدوا الأطباء في تشخيص الأمراض وإنهم يعملوا طرق علاج جديدة زي غسيل الكلى والعلاج الإشعاعي وأجهزة تنظيم ضربات القلب، وكمان لازم تعرف أن تقنيات الفيزياء الحيوية ساعدت العالمين واتسون وكريك أنهم يكتشفوا جزيء ال DNA وشكله الحلزوني المزدوج عن طريق أبحاث علم البلورات والأشعة السينية.

وفي النهاية لازم تعرف إن حاليًا بدأت الفيزياء الحيوية التركيز على القضايا المتعلقة بتغير مناخ الأرض، يعني مثلًا: في شوية من علماء الفيزياء الحيوية بيشتغلوا على تطوير الوقود الحيوي من الكائنات الحية الدقيقة اللي يمكن تكون بديل البنزين كوقود.

وانتظرونا الأحد القادم مع مقال جديد، ودُمتم مُحبين للعلوم والتعلم.🤩

من فعاليات سيشن الدعم النفسي عاشر سيشن من كامب ال Mental Health ❤️

وطبعًا لو حابب تحضر العظمه دي ابعتلنا على رسائل الصفحه ومتفوتش الفرصه🤩