Learn English with Mrs Amany

🌱 رحلة تعلُّم لا تتوقف

«مَن سَلَكَ طريقًا يَلتمسُ فيه علمًا، سهَّلَ اللهُ له به طريقًا إلى الجنةِ».
— رواه مسلم

من ذكريات التعلم التى لا تنسى مشاركتي في ورشة عمل مميزة حول استخدام الذكاء الاصطناعي في تعليم اللغات، والتي قدمها British Council، مع الخبير البريطاني Joe Dale.

لم تكن الورشة مجرد فرصة للتعرف على أدوات وتقنيات جديدة، بل كانت خطوة جديدة في رحلة أحبها كثيرًا… رحلة التعلُّم واكتشاف آفاق جديدة في التعليم. ✨

أؤمن أن المعلم الذي يتعلم باستمرار، يستطيع أن يمنح طلابه المزيد من الأفكار، والمزيد من الشغف، وتجارب تعلم أكثر ثراءً.

وكل ما أتعلمه اليوم، أتمنى أن يعود غدًا بالنفع على طلابي الأعزاء… لأنهم دائمًا الدافع وراء رغبتي في التطور والاستمرار. ❤️

كل الشكر والتقدير لـ British Council، وللخبير Joe Dale على هذه التجربة الملهمة والمثرية.

ما أجمل أن يظل الإنسان متعلمًا… وما أجمل أن يكون تعلّمه من أجل من يحب أن يعلّمهم. 🌷📚🤖

ازاى تحل قطعة فهم ثانوية عامة حتى لو مستواك متوسط
أسهل طريقة حل لقطعة ثانوية عامة دور اول ٢٠٢٦

ازاى تحل قطعة فهم ثانوية عامة حتى لو مستواك متوسط / حل قطعة فهم ثانوية عامة دور اول 2026 ازاى تحل قطعة فهم ثانوية عامة حتى لو مستواك متوسط / حل قطعة فهم ثان...

لو مش عارف امتى تستخدم
المضارع التام وامتى تستخدم الماضى البسيط اتفرج على الفيديو ده

present perfect اسهل طريقة لفهم زمن المضارع التام ابسط طريقة تفهمك ليه وامتى تستخدم المضارع التام والفرق بينه وبين ال...

بعض الذكريات تذكرنا بأن رحلة التعلّم لا تنتهي. 🩵

ممتنة لكوني كنت جزءًا من برنامج **Pathway to TOEFL Teaching Excellence**
المقدم من كلية التعليم المستمر بالجامعة الأمريكية
**The American University in Cairo – School of Continuing Education (AUC SCE)** بالتعاون مع
**U.S. Embassy Cairo**.
كل الشكر والتقدير لدكتورة أميرة🩵 ودكتورة هبة الله 💚 ولكل من ساهم فى إنجاح هذا البرنامج على كل ماقدموه من دعم وخبرة والهام

قد تمر الأيام، لكن أثر كل تجربة تعلم يبقى.

Learning never stops. 📚✨

📢 لكل طالب ثانوية عامة عايز يعرف مهارات حل القطعة
💥كتير من الطلاب متخيل إنه لازم يفهم كل كلمة فى القطعة علشان يعرف يحلها،
وطبعا بيكون فى كلمات جديدة وبالتالى الطالب يقف عند اول كلمتين جداد وفاكر نفسه مش هيعرف يحل القطعة دى😟 ومفيش امل 🙁ويبدأ يتوتر😱 خاصة لان القطعتين فى امتحان الثانوية العامة عليهم درجات كتير وبياخدوا وقت طويل فى الحل
وعلشان كده دايما بنخليهم فى الساعة التانية فى الامتحان
✳️لكن الحقيقة غير كده وأسهل من كده

⬅️قطعة الفهم مش بتختبر قدرتك على الترجمة ⛔️
هى اختبار لمهارتك فى الفهم ️☑️

أنت مش لازم تفهم كل كلمة، ولا حتى تقرأ القطعة كلها من أولها لآخرها علشان تحلها.وده أصلًا من أهم المهارات اللي بيقيسها الامتحان

❌ أول غلطة انك تبدأ تقرأ القطعة من أول كلمة لآخر كلمة، وتحاول تترجم كل سطر.

👣 أول خطوة صحيحة هى

1️⃣اقرأ السؤال الأول.

2️⃣حدد الكلمات المفتاحية (Keywords).

3️⃣ارجع للمكان المناسب في القطعة.

مثلا في الامتحان ⬅️

When the narrator first saw the sparrow…

Key words الكلمات المفتاحية هنا هي:
• first saw
• sparrow
• felt

⛔️لا تقرأ القطعة كلها…
✅️دور على أول مكان فيه الكلمات المفتاحية.
ومش لازم تلاقى الكلام بالنص فى القطعة زى ما هو فى السؤال ،♻️غالبا بيكون بصيغة مختلفة بس نفس المعنى

تبقى الإجابة هي:⏪️

a sense of pity and a quiet impulse to help.

🔆 أسئلة الـ Main Idea (العنوان)

في السؤال:

The suitable title…

معظم الطلاب بيدوروا فى أول سطر فقط وده غلط❎️

لكن الصح هو إنك تسأل نفسك:

✅️القطعة كلها بتتكلم عن إيه؟

هل عن شجرة زيتون؟

ولا عن انسان؟
ولا عن فكرة معينة؟

لا…⬅️هي بتتكلم عن إن تصرفًا بسيطًا من الرحمة صنع أثرًا كبيرًا.
لذلك كان أفضل عنوان:

The Fruit of Kindness.

✅ أسئلة الـ Inference (الاستنتاج)

من أكثر الأسئلة اللي بتحتاج تفكير.

لأن الإجابة مش مكتوبة بالنص.

زي السؤال:

If it weren’t for the narrator’s first action…

الكاتب ما قالش بشكل مباشر:

“لو لم يساعد العصفور، كانت الشجرة ستظل جرداء.”

لكنه أعطاك الأدلة:

• ساعد العصفور.

• بدأت الطيور تأتي.

• عادت الحياة للمكان.

• ثم أثمرت الشجرة.

إذن تستنتج أن:

the olive tree might remain barren…

الإجابة هنا مبنية على الاستنتاج المنطقي، وليس النقل من القطعة.

✅ أسئلة الـ Critical Thinking

ده بيقيس طريقة التفكير.

مثال في الامتحان مثلا

The narrator’s argument that kindness revived the tree is supported when…

لاحظ كلمة:
supported
يعني:

“إيه الدليل اللي يثبت كلام الكاتب؟”

فى النوع ده من الأسئلة الإجابة مش بتكون مكتوبة بالنص فى القطعة

لكن توجد عليها أدلة ان الكاتب :

• اعتنى بالشجرة كل يوم.

• ثم ظهرت ثمار الزيتون.

إذن أفضل دليل يدعم فكرته هو:

olives appeared on branches after seasons of daily care.

✅ أسئلة الـ Reference Words

لو شفت ضميرًا مثل:

it - they - them - this - these - here

❌ لا تجاوب من ذاكرتك.

✅ ارجع للجملة اللي فيها الضمير.

ثم⬅️ اقرأ الجملة السابقة مباشرة.

⬅️ هتلاقي الاسم إلى الضمير بيعود عليه فى الجملة السابقة
وعلشان تتأكد احذف الضمير وضع الاسم مكانه وشوف المعنى مضبوط ولا لا

✅ طريقة Elimination (الاستبعاد)

علشان تعرف تشيل الإجابات الغلط.

اسأل نفسك:

* هل الاختيار عليه دليل من النص ولا هو مجرد معلومة فرعية لا تجيب على السؤال؟

كل اختيار تقدر تستبعده… بيقربك خطوة من الإجابة الصحيحة
يبقى خلاصة الكلام 📥
لازم تتدرب على استراتيجيات الحل ، مش على الترجمة.
وافتكر دايما
practice makes perfect 👌
المران يؤدى إلى الإتقان

أسهل طريقة لحل القطعة
النموذج الاسترشادى الثامن
ثانوية عامة ٢٠٢٦

اسهل طريقة لحل القطعة النموذج الاسترشادى الثامن ثانوية عامة لغة انجليزية 2026 اسهل طريقة لحل القطعة النموذج الاسترشادى الثامن ثانوية عامة لغة انج...

حل النموذج الاسترشادى الثامن

حل النموذج الاسترشادى الثامن لغة اجليزية ثانوية عامة 2026 حل النموذج الاسترشادى الثامن لغة اجليزية ثانوية عامة 2026

حل النموذج الاسترشادى التاسع
الجزء الاول

حل النموذج الاسترشادى التاسع ثانوية عامة لغة انجليزية 2026 حل النموذج الاسترشادى التاسع ثانوية عامة لغة انجليزية 2026