07/06/2021
و إنتـم أسعدتونـا بكلماتكم ، شـكرًا "Pearla " علىٰ إهدائكم
و دعمـكم اللطيف 💜
Pearla ♥️♥️👏
وصلة_wasla
Share
عشان إحنا حاسين بيك ، و عدّينا باللي عدّيت بيه ، عملنا وصلة عشـان نساعدك توصل لجامعتك المناسبة .
07/06/2021
31/05/2021
عمرك شوفت الأجهزة دي قبل كده ؟؟
تعرف دي إيه ؟؟
دي الأجهزة و الالآت اللي بتمتص الطاقة ( الشمس _ الرياح)
علشان تولّدها و توفر علينا كميات هائلة من الكهرباء و الإهدار فيها ، المدن المصرية الجديدة حاليًا بقت تقوم على استغلال طاقة الرياح و الشمس و بدأت تدريجيًا بالإستغناء عن الكهرباء .. طب ده بيحصل إزاي ، و ازاي اشارك في مشاريع قوية زي دي ؟
افتتح عندنا في كلية الهندسة جامعة أسوان ، قسم هندسة الطاقة و اللي بتعلّمك ازاي تقدر تستغل طاقة الرياح و الشمس و تولّدها و صيانة و كل حاجة لها علاقة بالأجهزة دي ..
و بما إن كتير مننا بيحلم يكون مهندس بس خايف من مجاميعها المرتفعة جدا ، فأحب اقولك ان هندسة الطاقة مجموعها في سنة ٢٠١٩ كان ٩٤.٢ ..!
📌 مجالات العمل :
زي ما تم الذكر ، مجالات العمل مطلوبة جدا في شركات الهندسة و شركات الكهرباء و غيرهم .
#وصلة
💜
25/05/2021
كنا سعداء جدًا النهاردة و إحنا معاكـم في الندوة ، و حاولنا نفيدكم على قد ما نقدر و نتمنى نكون فعلًا افدناكم ووصلنا لهدفنا .. 😄💜
جزيل الشكر لمستر / عمّار عبدالرؤوف
على حُسن استقباله لينا وشكرًا لطلابه اللي سمعونا و تجاوبوا معانا ، وصلة بتتمنالكم التوفيق 💜
#وصلة
24/05/2021
تابعوا تفاصيل الـEvent بتاعنا بكرة في سنتر ميراج التعليمي هننزل لكم في اكتر الاماكن اللي بتكونوا فيها علشان وصلة دايمًا معاك 💜
شكر خاص لـمستر / عـمـار عبدالرؤوف 🧑🏫
على دعمه لحملة وصلة ..
#وصلة
22/05/2021
تعرف ريتشارد فاينمان ؟؟
ريتشارد هو اول عالم فيزياء اكتشف علم النانو تكنولوجي ، طب ايه هو علم النانو اصلًا ؟
النانو هي وحدة قياس صغيرة و دقيقة جدا لكن تخيل ان رغم صغرها هي ساهمت في تطور المجتمع ، لانها ممكن تحتفظ بكميات هائلة من الطاقة ومع ظهور التكنولوجيا في كل تفاصيل حياتنا ، فالنانو بدأ يدخل في صناعة الاطراف الصناعية و غيره من المجالات الطبية المهمة .
تخصص قوي زي علم النانو تكنولوجي بقا مطلوب جدا في سوق العمل المستقبلي و الحالي ، علشان كده التعليم العالي المصري افتتحه قريب في مصر و خصيصًا في
"جامعة القاهرة " ولكن هي حاليا مفتوحة للدراسات العليا فقط .. و لكن قريب جدا هيتم افتتاحها كتخصص .
تابعنا علشان تعرف اكتر عن كل تخصص .
#وصلة
21/05/2021
رأي الدكتور / محمد إسماعيل ..
عن مسمى كليات القمة و رأيه الشخصي عن التخصصات الجديدة .
شكر خاص لدكتور محمد على دعمه لحملة وصلة 💜
#وصلة
19/05/2021
الدورات التدريبية هي من اكتر اساليب توصيل المعلومة نجاحًا خصوصا لو كانت من شخص زي كـريم إسماعيل ..
كلنا بنحبه لإنه قريب من تفكيرنا و اسلوبنا ..
و لإننا حاسين بيك و بالضغط اللي عليك ، دورنا و لقيناه عامل حملة بعنوان :
" يوميات طالب مضغوط "
تواصلنا معاه و جبنالكم خصم جميل جدا منه يصل ل20% .. و ده لما تستخدم البروموكود بتاعنا
" WaslaCIC "
متضيعش على نفسك الفرصة دي ، كلمة واحده ممكن تدُلك على طريق حياتك الصحيح
يوم ٢٧ _٢٨ _٢٩ مايو ..
للحجز و الاستفسارات تواصلوا مع الرقم التالي :
٠١٠٣٠٣٨٨٥٩٧
و متنسوش تسألوهم عن البروموكود بتاعنا 💜
وصلة هتسهّلك الاختيار ..
و هتكمل معاك المشوار
16/05/2021
فاكرين صاروخ الصين ؟
مجاش في بالك ازاي كان مسبب ارتباك و خوف لكل الدول العظمىٰ دي و ازاي مقدروش يسيطروا عليه بسهوله ؟
ده لإنه خرج عن سيطرتنا لعالم اكبر مننا بكتير ..وهو عالم الفضاء .
بتهتم بتفاصيل الكون وكل حاجه موجوده حوالينا في السماء من شمس وكواكب ونجوم؟
طب يلا نبدأ رحلتنا من البدايه خالص .. من اول ما البشريه ابتدت والانسان كان بيعتمد على علم الفلك تقريبا فكل حاجه من اول معرفة وتحديد الوقت ومواسم الزراعة و غيره .. بعدها بدأ العلم يتطور والناس بدأت تهتم بدراسة الكون ، علشان كده طلع عندنا تخصص" علم الفلك " و اللي تقدر فيه تكون :
١- خبير ارصاد جوية
٢- فني مختبرات
٣-مهندس متخصص بعلم الفضاء
٤- موظف في مجال التوقيت الفلكي
المجال ده موجود في :
١- جامعة القاهرة
٢- جامعة الأزهر
احنا متوقعين انك اول مره تسمع عن التخصص ده 😄 ..
خليك مع وصلة علشان تعرف اكتر💜
- شكر خاص ل Ayman Salah لمساعدتنا بتصويره💜
#وصلة
15/05/2021
الإجابة كانت ( تخصص علم الـفلـك )
نحب نقول لمحمود : " ألف مبروك " 🎊👏
لأنه توقع و حقق شروط المسابقة بطريقة صحيحة 👌👍
و نشكر كل اصدقائنا اللي شاركوا معانا و نقولهم حظ أوفر في المسابقات الجاية إن شاء الله 💜
#وصلة
13/05/2021
العيد هو الهدية اللي بتيجي دايـمًا في وقتها المناسب 🎊♥️
كـل سنة و إنـتم طيبيـن .. و دايمًا ناجـحيـن 💜
#وصلة
12/05/2021
" علشان العيد فرحـة " 🎈🎊
قررنا نفرّحك و نخلي عيديتك السنادي علينا ، و هنعمل مسابقة نختار منها فائـز واللي هتكون عديتُه ٥٠٠ جـ 👏
📌بشروط بسيطة جدًا و هي :
______________
١- خمّن هنتكلم عن ايّ تخصص من التخصصات التلاتة دي المره الجاية ؟
( تخصص علم الفلك ، تخصص علم النانو تكنولوجي ، تخصص هندسة الطاقة ) ؟
٢- منشن لأكبر عدد من صحابك 👬
٣- لايك و فولو للبيدج بتاعتنا
هيتم الإعلان عن النتيجة ثالث أيام عيد الفطر المبارك بإذن الله .. 💜
11/05/2021
كلنا عرفنا مشكلة سمير ..
و هدفنا إن احنا نساعده و نجمع له المعلومات و نرتب له الافكار ..
مش بس كده .. ده كمان في الأيام الجاية هنجيب طلاب من التخصصات دي عشان يجاوبوا بنفسهم على تساؤلاتك ..
شوف الڤيديو عشان تعرف جمّعنا لسمير معلومات عن تخصص إيه ؟
" وصلة هتسهّل عليك المشوار " 💜
Want your school to be the top-listed School/college in Cairo?
Click here to claim your Sponsored Listing.
Click here to claim your Sponsored Listing.
Location
Category
Website
Address
Canadian International Collge
Cairo