حلويات السعادة �
مصنوعة بكل الحب ��
30/12/2023
I have reached 17K followers! Thank you for your continued support. I could not have done it without each of you. 🙏🤗🎉
مش عارفة أشكركم إزاي بجد رغم إني موقفة نشاط الصفحة بقالي فترة بس النهاردة أكتمل عدد منابعينا لـ 17 ألف 🫶🥰🥰
25/10/2023
أهلا أهلا
بما إن دا موسم التين وموسم مدارس وساندويتشات ف تعالوا نعمل مربى تين ونستغل أن سعره مش غالي الفترة دي وعلى فكرة ممكن نحفظه في القريزر بالطريقة دي ووقت ماتحبي تعمليه مربى طلعيه مش بياخد وقت .
الطريقة تحت الصور 👇
🍯👌
11/10/2023
اسرار المحاشي
١_مقدار الشوربه لمحشي الكرنب تكون الشوربه مغطيه كل طبقات المحشي ماعدا الطبقه الاخيره بس
٢_مقدار الشوربه لمحشي البدنجان تكون الشوربه واصله لتلتين البتنجانه بس
٣_مقدار الشوربه لمحشي الفلفل او الكوسه تكون الشوربه واصله لنص الكوسه بس.
٤_محشي ورق العنب لو خايفه يفك منك بتحط عليه طبق عشان الرز ميخرجش منه
٥_تسويه المحاشي عامة احنا بنسوي الرز مش الخضار
يعني لو محشى باذنجان بتاخدي واحده تفتحها لو الرز استوا يبقا تمام تطفي النار متستنيش جلد الباذنجان نفسه يستوي لأن الرز هيكون عجن منك وده في حاله لو الباذنجان مش طازه ومركون بقاله كام يوم
٦_المحشي بنسيبه علي نار عاليه وبعد كدا بنهدي النار تسويته زي الرز بالظبط مع مراعاه ان المحشي بياخد وقت أطول حسب كل نوع
٧_التلاته كيلو باذنجان ونص فلفل بياخدو كيلو رز مصري عشان ميبقاش مليان
المحشي لو مليان رز جامد مش هيستوي
٨_خضره المحشي بتكون شبت وكسبره
٩_توابل المحشي ملح فلفل كسبره شطه
١٠_بنضيف معلقه صلصه عشان بتعزز اللون ومعلقه صغيره من السكر عشان الحموضه
١١_تخديعه المحشي ممكن ببصل أو توم أو الاتنين مع بعض
بحب اوي بعد ما الصلصة تتسبك انزل بالرز واشوحه فيها لمده خمس دقائق على نار عاليه وبعدين أطفئ واضيف الخلطه دي توم مدقوق في الهون مع قرن فلفل حامي وكسبر وقطعه زبده بلدي كبيره كل الحجات هتسخن من حراره الرز والزبده تسيح والتوم يسخنو وريحتهم هتكون خرافيه
لما بحب اغير ببشر بصلايه وادعكها بملح وفلفل واضيفها بدل خلطه التوم
وبالهنا والشفا 🥰
منقول.. صفحة الشيف أحمد الشناوي
اعمليه في البيت اأمن وأنضف وأرخص من الكمبوت المعلب واحفظي أطفالك من الأمراض اللي بيسببها الخوخ بالذات في الصيف
10/05/2023
انا لقيت دا 😳
يا وجعة مربربة
لو جربتيه مرة هتدمنيه ومافيش أسهل منه 🥰
30/04/2023
#تعديل
وأنتي بتعملي عجينة السنابون وعلشان يطلع هش ومش مكتوم معاكي وسهل في الفرد واسفنجية بعد السوا ضيفي ربع كوب حليب محلى مكثف على العجينة وأنتي بتعجنيها قبل التخمير وشوفي بقى حلاوة وطعم السينابون بعد الإضافة دي 👌
يلا دعوة حلوة وشير للبوست
*******🦋*******
خلص العيد وخلصنا الكحك والبسكوت نرجع بقى للسينابون وحركاته وهقولك على إضافة وسر من أسرار جمال العجينة نفسها بس ارفعوا البوست وهعمل تعديل علشان يظهر لأكبر عدد ممكن 🍯
21/04/2023
14/04/2023
البتيفور علشان ينجح معاكي لازم بعد التشكيل ندخله الثلاجة ونطلعه منها على الفرن علاطول
مش بنضيف بيكنج بودر للبتيفور خالص هي بس ذرة ملح وفانيليا والتكة بتاعتي بضيف بشر لمونه علشان نعلى من الريحة وبتدي لون حلو
والتسوية على 160 انا بفتح فوق وتحت في الفرن
نصائح مهمه لنواعم العيد 🎈🎉
13/04/2023
الغريبة مش بتتعمل بالزبدة نهائي ومش بتتعجن و احفظي الطريقة دي هتريحك جداً في عمل الغريبة طريقة 3/2/1 الدقيق ضعف السمنة ، السمنة ضعف السكر بمعنى لو كوبايتين دقيق نضيف ليهم كوب سمنة ونص كوب سكر بودر والفرن يكون هادي ومش بتاخد لون خالص
نصائح مهمه لنواعم العيد 🎈🎉
13/04/2023
علشان تحافظي على النقشة في الكحك بتاعك ماتزوديش خميرة بنضيف للكيلو معلقة صغيرة خميرة 5جرام ومعلقة كبيرة بيكنج بودر 10جرام
والكحك مش بيتخمر تنقشي وتخبزي علاطول
معلومات تهمك لنواعم العيد 🎈🎉