Eman Mohamed - Feminine Thearapist

05/09/2026

لحد دلوقتى وفى كل الجلسات والشغل لقيت ان فى حاجه واحده هى اساس كل العلاقات المؤذيه والفاشله
ودايما الطرف التانى بيبدأ بيها
وهى تكسير حدودك
دى بقى البدايه
وعمرى ما شوفت علاقه ناجحه بتبتدى كده
يا إما الشخص هيسيبك لو مش مناسب ليه من الاول ويريح نفسه ويختار الاريح ليه وده شخص سوى غالبا
يا إما هيفضل وراكى يقنعك انك غلط وواحده واحده
يكسرلك كل حدودك ويغيرك على مزاجه
ودى البدايه لكل حاجه
راجعى نفسك وجهازك العصبى
واسألى نفسك
انتى مرتاحه بجد ولا لا
والطرف التانى بيغيرك عشانه هو ولا عشان بيساعدك ؟

04/09/2026

يوم ما تتعافى مش هتدورى على اجابه
ولا هتفكرى فيهم
التعافى هيحصل لما تلاقى نفسك خفيفه وحره من الاذى واصحابه هتهتمى تداوى جرحك وألمك وبس

04/09/2026

لو هو رومانسي وطاير بيكى اول العلاقه قوى
احترسى لان ده احلى ريد فلاج فى المجره كلها🙃

صباح الفل والياسمين 😍
لو شايفه ان الكلام اللى فوق ده حلم حياتك ومستنياه
فا بهدوء كده استعدى عشان هتطلعى للسما فوق وتنزلى نازله محترمه هتفتكريها العمر كله ويمكن ما تفكريش تتجوزى بسببها اصلا

اول حاجه كده بسم الله ✨️
الراجل اللى مش بيبطل رومانسيه وطاير بيكى ده واحد فاضى بيقدم السبت عشان ياخد فلوسك وتصرفى عليه
وما حيلتوش حاجه واحتمال سالف تمن الطلوعه والورد والعزومه وده هيكون اول مره عشان تصرفى انتى بعدين

تانى حاجه الراجل المسؤول مش هيبهرك اصلا ويمكن تلاقيه ممل كمان كل الحكايه ان طالع عينه بيحوش او بيحافظ على مستواه فى ظل ظروف بقت صعبه جدا
بالعكس الحقيقه بقى ان الراجل الحقيقى غالبا مش رومانسي اصلا تفكيره عملى كل تفكيره ازاى يفتح بيت
ويريحك ماديا وهيكون عاطفى معاكى وسند وراجل
بمعنى الكلمه مش هيبهرك فى الاول اصلا

تالت وأهم حاجه 👌
مش هيطلب منك فلوس ولا يعتمد عليكى اصلا ماديا
وهتعيشى معاه آمنه ومرتاحه لان معاكى راجل بجد
مسؤول وكل تفكيره ازاى يكفى بيته ويريحك ورومانسيته دى هتلاقيها بشكل عملى لان حبه حقيقى
هو كراجل عامل زى الدهب معدنه حقيقى
ظاهريا عادى جدا وممل كمان
لكن فى الحقيقه مش هيتحمل تعبك ولا دموعك وقت تعبك
او وقت حزنك واحتياجك ليه

آخر حاجه 🙏✨️
ماحدش كامل وكلنا باكيدج
زواجك من راجل مش رومانسي وعادى ممكن يبقى نقص فيه بس الحقيقه هتتحملى عشان هتلاقيه راجل بجد حقيقى وفاهم يعنى ايه قوامه
لكن عمرك ما هتتحملى تعيشى مع واحد انتى ارجل منه
هتتعبى وتمرضى وتمرى بكل ظرف صعب وهو عمره ما هيتغير اصلا لانه معدنه نحاس

وآخيرا كل ما كنتى حقيقيه عمر ما هيعجبك راجل بيلمع من بره بس ولا هتختاريه اصلا وهتبقى فاهمه ان مشاعر الواوو
والانبهار دى ريد فلاج وصيده مش اكتر 😉

الراجل اللى بجد عمرك ما هتشرحيله يعنى ايه مسؤوليه والتزام هو فاهم لانه راجل ويوم ما يختارك هيبقى جد لا فى ظروف ولا أعذار
مافيش راجل عنده ظروف اصلا 😉
ولا هيخوفك من السن والعمر وانه منقذ ليكى
ولا هيعاملك وحش عشان رفضتيه او يروح يختار واحده أغنى منه اصلا ويطلب منها تتنازل وفاكر نفسه جايزه
وهو ماحيلتوش حاجه وعنده استحقاق مزيف ومصدق نفسه

اختارى راجل عشان يا هتبقى احسن يا هتقضى عمرك كله بتدفعى تمن اختيار شويه حماس البدايات

29/07/2026

23/04/2026

تعالى اقولك يعنى ايه تكونى أنثى بتقدرى ظروف خطيبك او حبيبك لما يتقدملك 😘

📌 انك تكونى مرنه
📌 ما تطلبيش منه هدايا وعزومات غاليه وزيارات كتير
وهدايا لاصحابك
📌 تفرقى بين انك غريبه لسه ومش مسؤوله منه
📌 ما تدخليش فى ظروفه الماديه ابدا
وتسبيه يحلها لوحده وخدى بالك من حته نسيت المحفظه دى او تنصصى معاه
📌 اللى مش معاه فلوس يفتح بيت من جيبه
بتدعيله مش بتتجوزيه
📌 اللى تحصله مشكله ماديه ويغير اتفاقه وعاوزك تدفعى فلوس من ورى اهلك او تضمنيه فى قرض او غيره
او ياخد الشبكه عشان حصلت ظروف
تقوليله مع السلامه
📌 اللى يغير كلامه فجأه فى اى اتفاق ومش عاوز يلتزم
باللى المفروض عليه والطبيعى يبقى مع السلامه
📌 اللى عاوزك يجيب والدته فى شقتكم بأى حجه
ولازم تبقى الاصيله وتتنازلى وانتى مش هتقبلى ده
يبقى شكرا لان الإسلام حدد ان ليكى مكان منفصل
📌 اللى يستحل مالك او يسيب حد ياخده لاى سبب
يبقى شكرا برضو لان مافيش دين
📌 اللى مش عاوز قايمه ولا عاوز يجهز بما يرضى الله
ونظام حصيره ومرتبه ويديلك اى حاجه
وهو قادر يبقى شكرا

الإسلام ضمن حقك وربنا قال وعاشروهن بالمعروف
وعند كتب الكتاب بيقول وعد انه يعاملك معامله الإسلام
ورسولنا الكريم قال الزواج شرطه استطاعه أولها ماديا
لكن تروحى تتجوزى الراجل هو وليك وليه قوامه عليكى
يبقى قادر قادر قادر يفتح بيت من جيبه بالمعروف

البنت الاصيله هى اللى عارفه دينها وحق ربنا وحق نفسها وزوجها
فا ختاري اللى فاهم يعنى ايه رجوله وست وعيال قدام مسؤولين منه هو وبس انتى أنثى مش ذكر
مسؤوله من راجل تراعيه وتحبيه وتقرى عينه وتكونى نعم الزوجه والام اللى تسر قلبه وعينه وتحبه وتحترمه

ركزى فى انوثتك وبس 🎀🥰

02/04/2026

هو ليه كل ما بشتغل على نفسى بلاقى نفسى
رجعت لورى 🤧🙈

لو بتمرى بده فا ده صحى جدا ومن اهم علامات التشافى
فى عملاء كتير فاكرين ان خطوات التعافى واحده مع الكل
واول ما تحررى مشاعرك هتصحى تلاقى نفسك تمام
دى معلومه غير صحيحه مع الجميع ولا تعمم

خلينا متفقين لو انتى فى علاقه سا مه وقررت تشتغلي على نفسك هل طبيعى من جلسه واحده تلاقى نفسك طايره
اكيد لا

لان التعافى مراحل وادراك وقرار وريليز وممكن تلاقى نفسى بترجعي لورى وفى ملف محتاج معالج شاطر يحدد جذره فين بالظبط 😉

طيب يعنى هقعد قرن كده 🤧
اكيد لا
ودايما افتكرى ( ان الله لا يضيع اجر من احسن عملا )🌺
مش ممكن ربنا هيضيع سعيك ابدا
كل الحكايه انتى ممكن ترجعى لورى عشان فى حاجه تعديلها او الخلاص منها هتطلعك لحته تانيه
زى السهم كده بيرجع وبيوصل اسرع بكتير

احتسبى تعبك عند ربنا واطلبى الدعم والاجر منه لان فعلا مرحله صعبه ودايما بقول للناس فى الجلسات كده
ان طبيعى يزعلوا وحقهم بس المكافأه والجبر من الله
عوضهم فى حته تانيه

والاكيد برضو كل مره بتشتغلى على جزئيه انتى بتنوري جواكى فوق مما تتصوري كأنك عماله تدخلى شمع فى اوضه ضلمه ✨️

وعشان انا عارفه صعوبه ادراك ده شرحت مراحل التعافى
والفرق بين الريليز والألم الحقيقى
ووضحت امتى تعرفى انك تشافيتى رغم وجود الشخص لسه والتأثير قل وامتى فعلا محتاجه شغل

ورشه #براح فيها شرح عميق لكل المراحل من اول خطوه للنهايه 💜

لحجز الورشه التواصل خاص
معادنا يوم ١٠ ابريل 😘

30/03/2026

قالتلى انا دايما مش بعرف انام كويس
حاسه ان اى حاجه هعملها هلاقى نقد واستخفاف وتريقه
دايما شك فى كلامى وتصرفاتى
ثقتى فى نفسى ضعيفه جدا
خايفه طول الوقت وتوتر وضغط نفسى عالى جدا
بسمع عن التسليم ومش قادره اعمل ده ابدا
مش ببطل تفكير شديد وقلق
صحتى فى النازل
مهما اعمل مافيش رضى من اللى قدامى
ولا بعرف اعبر وقادره اتكلم ولازم اسكت تجنب مشكله جديده

انا 🙏
قابلت كتير الأعراض دى فى جلساتى مع عملاء كتير
وكل ده مشترك عند الناس اللى جهازها العصبى فى كر وفر
واستعداد للهجو م

الفكره مش فى وجود العلاقات دى واستمراها بس
الفكره حتى لما الشخصيه بتيجى تتجوز او تشتغل أو تصاحب بتختار علاقات غير آمنه
من باب التعود وان ده الآمن ليها والمألوف
بجانب ان الشخص هنا مش بيقدر ابدا يعرف يتعامل بشكل مريح ولا بيعرف يعبر لان مش مطمن ابدا

عشان كده صممت ورشه #براح
اتكلمت عن علامات واضحه وريد فلاجز خاصه بالعلاقات
السا مه والمؤذيه ووضحت انماطها كويس
وازاى تبدأى تدركى بوعى انتى فين ومحتاجه ايه
وهل فعلا دى علاقه سا مه اصلا
ولا دى تروما قديمه

لحجز الورشه التواصل خاص
يوم ١٠ ابريل هتكون اونلاين ومسجله

29/03/2026

الامان هو أساس الاستحقاق

29/03/2026

طلاقك مش هيريحك 👌

كنت اعرف ست من كام سنه كانت متجوزه ودايما فى خلافات مع جوزها ومشاكل اغلبها مش حقيقى
سمعتها جدا بهدوء وتركيز وكنت متفهمه قوى حجم غضبها من جوزها واصرارها تطلق عشان ترتاح وده الحل
سكت خالص وركزت معاها لقيتها بتقولى عندى حق صح ؟

ردى 😌
قولتلها مشاعرك من حقك بس لو اتطلقتى مش هترتاحى
قالتلى رغم كل ده
انا تصدقى اه لان المشكله مش فى جوزك اصلا
لان حجم غضبك مش منه اصلا
انتى كل غضبك من امك ولما كل الغضب ده ما اتعالجش
واتجوزتى فى عز المشاكل دى
مشاعرك طلعت لما لقت المساحه بس مع حد مالوش دعوه
واول ما تطلقى زى ما انتى عاوزه هترجعى بسرعه تحسى بندم وتسرع

دى مشكله ستات كتير والسبب الاساسى فى كم كبت المشاعر من غضب وغيره وعدم علاج والاعتراف بالمشاعر
دى وده بيسبب اجهاد الجهاز العصبى

عشان كده فى فرق شاسع بين جهاز عصبى آمن وجهاز عصبى غير آمن

حل المشاكل مش فى جوازه سريعه لان الجواز مش مضاد حيوي وكبسوله هتحل القديم
لان مع الخلافات فى العلاقه الجديده الغضب وكبت المشاعر هيطلع بشكل عالى وحاد
وهنا اى تسرع بالانفصال هيزود المشاكل اكتر
وهيخليكى تخسرى راجل فعلا كويس
وحتى لو فعلا جوزك ملاك هتلاقى نفسك انتى بتخترعى قصص عشان تغضبي وتزعلى لان جهازك العصبى عاوز
مشاكل لانه مش متعود على الهدوء

لو ما بذلتيش مجهود كبير لتشافى جهازك العصبى هتفضل تعبانه حتى لو لوحدك

علاقات صحيه = جهاز عصبى آمن

عشان كده فى الدبلومه كنت بركز على علاج جروح الطفوله
جرح الام والاب تحديدا لانهم بيأثروا جدا فى الجهاز العصبى

لحجز الدبلومه التواصل خاص
الحجز اونلاين