Dr. Amira ELAraby

هنتكلم النهارده عن البطاطا 🍠🍠🍠و انها تعتبر سناك مفيد جدا و صحي و تقدري تقدميه باكتر من طريقه.
ينفع سناك أثناء المذاكره و قبل و بعد التمارين.💪💪
و تقدري تقدميه لطفلك من عمر ٦ شهور.👶👶
تعالوا نشوف فوائدها :
١- مصدر للطاقه و السعرات الحراريه.
٢- غنيه بفيتامين سي و فيتامين أ و البيتاكاروتين و بالتالي ليها دور مهم في تقويه المناعه و مكافحه أدوار التعب المتكرره خصوصا في الشتاء.
٣- مصدر غني بالحديد و الفوليك اسيد عشان كده مهمه في الوقايه من انيميا نقص الحديد .
٤- تحتوي علي عنصر البوتاسيوم، الزنك ، الكالسيوم و الفسفور المهمين في نمو العظام .🦴🦴🦷🦷
٥- مصدر للالياف الغذائيه المهمه في تحسين كفاءه الجهاز الهضمي و الوقايه من الامساك.
دمتم بخير و احسن حال ❤️
# د اميره العربي

حمله تطعيم ضد شلل الأطفال 📢📢📢📢

لا تحمل هم تربية أولادك وسط هذا العبث والقبح وإنعدام القيَم.. سيربيهم لك الله.. نعم... هو من سيربيهم ...❤️

فقط أَطِب مطعمك ولا تُدخِل جوفهم حرام... إسعى في الخير وقضاء الحوائج فالدعوات منجيات... قل قولاً سديداً ولا تُنافق ولا تَظلم ولا تستغل ولا تُطَفف…

تَصَدق وإجعلها لهم... إمشي بين الناس جابراً للخواطر... إتقي الله في أبناء الناس وفي كل طفل فكن كما كان رسول الله صلى الله عليه وسلم يواسي طفلاً في فقد عصفوره.. يطيب خاطر يتيم..👏👏
فالأطفال يحبهم الله فلا تجعل حبك قاصراً علي أولادك فقط حتي يُحبب الله خلقه في أولادك.

وأخيراً كن قدوة لهم ما إستطعت.. دعهم يرون منك ولايسمعون منك... دعهم يرون تقواك وعملك الصالح... 👍👍👍

الله عليم لن يضييع أولادك وقد سعيت له.. لاتخاف.. توكل عليه وكن علي يقين إنه يربيهم لك.

اللهم تولى أولادنا وإصنعهم على عينك وإحفظهم من كل شر و سوء.🤲🤲🤲

منقول من صفحه التربيه الايجابيه لابنائنا

🔔🔔🔔بلاش بلاش تقبيل الاطفال الرضع
لازم نكون حازمين في منع تقبيل أطفالنا
و اي حد عنده اعراض برد لازم يتجنب التعامل معاهم ولو مضطر يتعامل يبقي لازم يلبس ماسك😷😷😷
الفيروسات التنفسيه بتكون اكثر شراسه في الأطفال خصوصا اللي عمرهم اقل من سنه
لان ممكن التعب يوصل معاهم لالتهاب بالشعيبات الهوائيه او كمان التهاب رئوي و ساعتها الطفل بيحتاج حجز في مستشفي.

إحترم ولادك.

من المشاعر اللي لازم نرسخها في في علاقتنا بولادنا من وهما صغيرين... هو اننا فعلا بنحترمهم .

أي نعم..... إحنا كآباء مسئولين عن التوجيه والتربية.... لكن ده مش معناه إن عيالنا دول ملك لينا ونعمل فيهم اللي إحنا عاوزينه.

إبنك كائن مستقل.... له مشاعر ورغبات وأفكار ووجهة نظر .

وهو صغير وعنده شهور بيبقي عاوز يكتشف العالم ويلمس كل حاجة ويدوق كل حاجة .... لازم نحترم رغبته ونسيبه يكتشف... ونشيل من قصاده أي حاجة ممكن تأذيه... حتى لو ده هيعمل شوية كركبة.

إبنك أحيانا بيبقي عاوز يفهم .... فبيسأل .... جاوب على أسألته بإهتمام وبالراحة.

إبنك أحيانا بيزهق من المذاكرة.... زي ما احنا أحيانا بنزهق م الشغل.

إبنك بيتضايق من الشتيمة والضرب والإهانة...مش معنى إنك أبوه إنك تهينه زي ما انت عاوز.

إبنك في سن المراهقه.... بيبقى عاوز يحس إنه مستقل.

ترسيخ مبدأ الاحترام .... بيدينا فرصة نتفهم مشاعرهم في مراحل عمرهم المختلفة .... بيوسع صدرنا أكتر للحوار والمناقشة.
الاحترام بيخلينا نتكلم مع ولادنا بشكل هادي وراقي بدل ما نضربهم او نشتمهم.

الاحترام بيخلينا نتفهم عثراتهم وأخطاءهم وبيعزز رغبتنا في تقويم سلوكهم حتى لو بالعقاب (بس وقتها هيكون عقابهم عقاب تقويمي مش إنتقامي)

الحب لوحده مش كفاية عشان نربي أولاد أسوياء... الاحترام والتفهم والتقدير مهمين زي الحب بالظبط.

نقلاً عن:

ي ريت نكون ادينا أولادنا:
- تطعيم الانفلونزا الموسمية من عمر 6 شهور.
- جرعات فيتامين أ من عمر 6 شهور لعمر 5 سنوات بمعدل جرعة كل 6شهور.
- وطبعا مننساش جرعة فيتامني د اليومية.

مش كل أنواع الكحة ينفع تتعالج بأدوية الكحة المعتادة وموسعات الشعب الهوائية لإن فيه أسباب للكحة ممكن تسوء باستخدام موسعات الشعب الهوائية.

زي الكحة المصحوبة بصوت عالي بيكون ليه رنة مختلفة وكأن الطفل بيتنخق أثناء الكحة نتيجة إلتهابات أو تورم في منطقة الحنجرة والقصبة الهوائية.

أساس العلاج في الحالات دي هي جلسات الأدرينالين وجلسات البيدوسونيد المعروفة باسم بالميكورت.

ومحددش يقول إن الجلسات غلط وإن الطفل بيتعود عليها لإن الكلام دا مش صحيح.


#كحة #كحه
#الكحة #الكحه
#جلسة #جلسه
#الجلسة #الجلسه
#جلسات #الجلسات
#ادرينالين #أدرينالين

#سؤال و #اجابه

هل ممكن يا دكتور وأنا برضع أشرب قهوة؟
الإجابة: طبعاً ممكن للأم اللي بترضع إنها تشرب قهوة بس بكمية محدودة:
- الأكاديمية الأمريكية للنساء والتوليد سمحت ب200 مجم كافيين يومياً
- مركز السيطرة ومنع الأمراض بالولايات المتحدة سمح ب 300 مجم كافييين يومياً.
بس عشان نتجنب أي آثار على الرضيع هنتفق على 3 شروط:
1- نشرب فنجان واحد يومياً عند الرغبة.
2- نرضع الطفل الأول قبل شرب القهوة.
3- يكون في فرق ساعتين أو أكثر بين وقت شرب القهوة وميعاد الرضعة اللي بعدها.

خلي بالك
- إن الكافيين مش بس في القهوة.
- الكافيين موجود أيضاً في الشوكولاتة ومشروبات الطاقة والمشروبات الغازية.
- فنجان القهوة يحتوي على 96 مجم كافيين.
- فنجان الشاي يحتوي على 47 مجم كافيين.
- فنجان الشاني الأخضر يحتوي على 28 مجم كافيين.

هو فيه آثار سلبية في حالة الإفراط في تناول الكافيين؟؟
بكل تأكيد بيكون فيه آثار جانبية زي:
1- إن الطفل يبقى مستيقظ لفترات أطول من الطبيعى وعنده فرط في النشاط وأكثر عصبية وإنفعالاً ودا بيختلف من طفل لآخر خاصة حديثي الولادة والخدج.
2- نقص كمية الحديد بلبن الأم.

#كافيين #الكافيين
#قهوه #قهوة
#القهوه #القهوة #بن #البن
#شاي #شاى
#الشاي #الشاى #لبن #اللبن
#رضاعه #رضاعة
#الرضاعه #الرضاعة

دا محمد، بطل زي أبطال كتير يدخل قلبك علطول وتتعلق بيه. محمد ووالدته بجد نموذج للصبر والرضا وحسن الظن بالله. أتمنى إنكم تدعوله.
اللهم اشفه شفاء لا يغادر سقما وألبسه ثوب الصحة والعافية عاجلاً غير آجل اللهم لا تدع فيه جرحاً إلا داويته ولا ألماً إلا سكَّنتَه فإنه لا ملجأ ولا منجا إلا إليك إنك على كل شئ قدير.