Madonna Milad مادونا ميلاد

🔺دة جزء من اسئلة اطفال فى مرحلة ٣ ، ٤ ابتدائى
حقيقى فخورة بأسئلتهم ووعيهم وطريقة تفكيرهم 👏🏻

1️⃣هو فى تحرش بالنظرات ؟
2️⃣لو واحد صاحبى قالى كلمة مش مقبولة اتصرف معاة ازاى ؟
3️⃣ينفع اروح مع صاحب بابا بيتة او المحل بتاعة ؟
4️⃣لو صاحبتى بتصمم وتكرر الحاجة اللى بتضايقنى اعمل اية معاها ؟
5️⃣ ينفع يبقى فى سر بينى وبين حد ومكيش علية ل بابا وماما ؟
6️⃣طيب لو صاحبتى قالتلى حاجة وقالتلى متقوليش لمامتك وانا شايفة انة عادى .. اعمل اية احكى ولا محكيش ؟
7️⃣ينفع اروح عند جيراننا والعب واكل مع ولادهم ؟

📍ولادنا دايما محتاجين المرجع
ويا سلام لو كنا احنا المرجع دة اللى يديهم المعلومات بشكل علمى ومقدس
كدة هنكون مطمنين انهم هيعرفوا يردوا ويتصرفوا ويرفضوا اى حاجة هما مرتاحين ليها 🌱

محاضرة بعنوان جسمى غالى وملكى لوحدى📍
(جسدى هيكل اللة)




(ماجستير فى الارشاد التربوى)

📍الشر مش بيجى دايما بوش مكشوف .. اوقات بيجى بضحكة .. بكلام موزون ومترتب ..وبيمشى يوزع آمان مزيف .. لدرجة ان الضحية تصدق انها قدام شخص طبيعى جدا .. لكن الحقيقة بتكون ابعد ما يكون عن الآمان

📍النهاردة الخطر مبقاش موجود برا البيت بس
تليفون صغير بين ايد ولادنا بقى كافى يحصل بسببة حاجات كتير (استدراج ، استغلال ، تهديد ، تحرش .....)
كلمات فى ظاهرها حلوة ممكن تتقال لولادنا لكن فى الحقيقة هى استغلال وابتزاز
ولادنا مش بيعرفوا يميزوا الفخ وبيفتكروا بتفكيرهم البسيط انى فى آمان ومحدش يقدر يأذينى

لكن فى عقول مريضة بتخطط وتكتك علشان تصطاد ضحاياها بحرفة وفن
دة كمان مبقوش محتاجين يلاحقوا الضحية
دى الضحية هى اللى احيانا بتكون فاتحة الباب من غير ما تحس
(بيتخدعوا بسنان الاسد وبيفتكروة بيضحك)

دور الاهل مش بس رقابة وعقاب وترهيب
لكن لازم ثقة وحب وآمان واحتواء واحترام

افتكر دايما انك انتم كأهل اللى اخدتوا قرار الانجاب فدوركم تكملوا رحلتكم بأحتواء واحترام وحب كتيررررر
الوعى ضرورة دلوقتى .. مينفعش تتهرب من دورك فى التربية وتسيب المجتمع والشارع يقوموا بدورك كمربى
.. خلوا بالكم من ولادكم (اسمعوهم وحبوهم)
وخلوا دايما باب الكلام والآمان مفتوح 🙂



's in Educational Guidance

🔴تسليم شهادات كامب الشتاء داخل مركز كوكب مارمرقس🔴
Winter Camp (كوكب المرح) 🎉

الاطفال الجميلة اللى مفيش زى قلبها
احلى الاوقات بتكون معاهم 🤍
الحقيقة انا اللى بتعلم منهم
كل رد فعل منهم بيفاجئنى
كل فكرة بيخترعوها
كل حضن من غير سبب
بيقدموا محبة غير مشروطة
ضحكة بريئة
بوسة طايرة فى الهوا فجأة
I love u يا ميس مادونا
خفة دم رهيبة وضحك من القلب
صعب جدا اقول باى .. بس اكيد هنتقابل تانى قريب 🥲❤️🌹🥰😘
اتعلمنا ولعبنا وفرحنا ودخلنا منعرفش بعض خرجنا احلى اصحاب 🤍

من خلال الكامب ناقشنا موضوعات كتير منها ادارة الغضب ، الحدود ، الثقة بالنفس ، قبول الاخر ، قيمة الوقت ، موضوعات فى التربية الجنسية ، لوننا وعملنا صلصال
واعمال فنية قضينا وقت مرح × مرح
ومغامرات تانى كتييييير واتبسطنا على الاخر 🥰
هتوحشونى جدا ❤️🌹 وبحبكم اوى



(حاصلة على ماجستير فى الارشاد التربوى)