Rehab M. El-Barkouki - Life Coach

مهما كان قلبك "أبيض" وبتحب الخير؛ فأنت شخص شرير عند بعض "الناس".. مهما كانت تصرفاتك تلقائية وبسيطة؛ فهي تصرفات مقصودة ومدروسة عند بعض الناس.. مهما كانت نيتك سليمة؛ فأنت نيتك سودا عند بعض الناس.. مهما كانت "جدعنتك"؛ فهي حُب للظهور عند بعض الناس!

أنت محتاج تتقبل إن مش كل الناس هتحب تشوفك على حقيقتك زي ما أنت مهما حاولت تبيّنها، فهدّي نفسك كده وإرتاح وخليك على طبيعتك وتأكد إن "كُلٌ يرى الناس بعين طبعه"، وعين حاله الذي هو عليه ❤️

#الدحيح

* خمسون فكرة لأجل التعايش الإيجابي أو فن قبول الاختلاف:

1- أنا لستُ أنت
2- ليس شرطاً أن تقتنع بما أقتنع به
3- ليس من الضرورة أن ترى ما أرى
4- الاختلاف شيء طبيعي في الحياة
5- يستحيل أن ترى بزاوية 360°
6- معرفة الناس للتعايش معهم لا لتغييرهم
7- إختلاف أنماط الناس إيجابي وتكاملي
8- ما تصلح له أنت قد لا أصلح له أنا
9- الموقف والحدث يُغيّر نمط الناس
10- فهمي لك لا يعني القناعة بما تقول
11- ما يُزعجك ممكن ألا يزعجني
12- الحوار لتسليط الضوء على الفكرة وليس بالضرورة لاقناع المقابل بها وقطعا ليس للإلزام
13- ساعدني على توضيح رأيي
14- لا تقف عند ألفاظي وافهم مقصدي
15- لا تحكم علي من لفظ أو سلوك عابر
16- لا تتصيد عثراتي
17- لا تمارس علي دور الأستاذ
18- ساعدني أن أفهم وجهة نظرك
19- اقبلني كما أنا حتى أقبلك كما أنت
20- لايتفاعل الإنسان إلامع المختلف عنه
21- إختلاف الألوان يُعطي جمالاً للّوحة
22- عاملني بما تحب أن أعاملك به
23- فاعلية يديك تكمن باختلافهما وتقابلهما
24- الحياة تقوم على الثنائية والزوجية
25- أنت جزء من كُلّ في منظومة الحياة
26- لعبة كرة القدم تكون بفريقين مختلفين
27- الاختلاف استقلال ضمن المنظومة
28- ابنك ليس أنت وزمانه ليس زمانك
29- زوجتك أو زوجك وجه مقابل وليس مطابقا" لك كاليدين
30- لو أن الناس بفكر واحد لقتل الإبداع
31- إن كثرة الضوابط تشل حركة الإنسان
32- الناس بحاجة للتقدير والتحفيز والشكر
33- لا تُبخس عمل الآخرين
34- إبحث عن صوابي فالخطأ مني طبيعي
35- انظر للجانب الإيجابي في شخصيتي
36- ليكن شعارك وقناعتك في الحياة : يغلب على الناس الخير والحب والطيبة
37- ابتسم وانظر للناس باحترام وتقدير
38- أنا عاجز من دونك
39- لولا أنك مختلف لما كنت أنا مختلفا"
40- لا يخلو إنسان من حاجة وضعف
41- لولا حاجتي وضعفي لما نجحت أنت
42- أنا لا أرى وجهي لكنك أنت تراه
43- إن حميت ظهري أنا أحمي ظهرك
44- أنا وأنت ننجز العمل بسرعة وبأقل جهد
45- الحياة تتسع لي أنا وأنت وغيرنا
46- ما يوجد يكفي الجميع
47- لا تستطيع أن تأكل أكثر من ملء معدتك
48- كما لك حق فلغيرك حق
49- يمكنك أن تغير نفسك ولايمكنك أن تغيرني.
50- تقبل اختلاف الآخر وطور نفسك💞

#افهم
#منقول

لابد للإنسان أن يستسلم من وقت لآخر..
أن يستريح..
أن يشاهد الحياة وهي تمر من أمامه كأنها شيءٌ لا يخصه."

أحمد خالد توفيق
#العراب

كلام يتبروز من واقع #حياة 👌
واحده من حالات #الطلاق اللي حضرتها كان سببها جملة قالتها : "بطني بتوجعني في ميعاد رجوعه "
واحدة تانية قالت لى من سنين " كنت أتمنى ولادى يعرفوا التمن اللى بدفعه كل يوم علشان يسمعوا صوت تكة مفتاح أبوهم فى الباب وأحساسهم بالأمان أنه وصل"..
توقفت أمام المعنى كثيرا !

غريب الاحساس اللى بيوصل كل ست مع تكة مفتاح جوزها فى الباب 🍂

فى ست قالتلى : أول ما كنت بسمع مفتاحه كنت بحس أنى مخنوقة، وصل الشخص اللى بيسحب مساحة حريتى واحترامى الآدمى، كنت بحس أنى من غيره انسانة ولما الباب بيتفتح بتمنى الموت ولا أنى أعيش معاه، خطواته كانت بتفكرنى بعشماوى
😞
فى راجل وجوده فى البيت نكد وهم ، مخبر عايش معاهم بيراقب كل حاجة وبيتخانق على أتفه حاجة وحتى لو العيال بتحبه فالأم بتدفع تمن الحب ده من نفسيتها كتير.

في واحدة قالتلى الأمان فى حياتى وقف عند تكة مفتاح أبويا الله يرحمه ودخلته علينا بالحضن

فى ست قالتلى ولا بيفرق معايا وجوده من عدمه، هو بيتعامل مع البيت على أنه أوتيل بيجى ياكل وينام ويغسل هدومه ويسلم على العيال ويجرى يخرج مع أصحابه ولا عارف كان يومنا ازاى ولا مين عيان ولا مين عنده تمرين، أعظم مشاركة ليه انه يسمعنا على العشاء واحنا بنتكلم مع بعض.
💔
ورغم كل معاناة الستات اللى فاتت الا أن فى ست بتستنى على نار تكة المفتاح

فى ست بتحس بأمان غريب مع صوت المفتاح، بتحس أن البيت كان من غير سقف، من غير حماية، بتحس أنها كانت وحيدة وبتستنى بفارغ الصبر اللحظة اللى بيوصل فيها الشخص اللى بيرسم ابتسامة على وشها،
بتفرح بتكة المفتاح وبتستقبله بحضن والعيال فرحانة أن أبوهم وصل ويمكن فى ايده كيس فيه حلويات أوهدية أوحاجة طلبوها منه، بتحس أن البيت ليه سقف أخيرا.

رجالة كتير بتدفعهم طبيعة شغلهم للسفر بالايام والاسابيع والشهورأحيانا،

الست اللى بتحب راجل بتفتقد أكتر حاجة صوت تكة مفتاحه فى الباب بتنام وهى أحيانا خايفة أن البيت مفيهوش راجل أو حتى لو مش خايفة لكن حاسة بوحدة وشايلة المسئولية لوحدها ومش محتاجة غير جوزها تحكيله وترغى معاه

الراجل اللى بيزرع فى قلب مراته حنية بترجعله أضعاف من الحب والحنان والاشتياق لصوته وريحته ودخلته عليها هى وعيالها💙

والراجل اللى بيرازى فى مراته وبيزرع قسوة بيتكسر وراه قلة وبيعيش وحيد حتى وهو فى وسط البيت والعيال والست،

بحس دايما أن الحياة عادلة جدا فى أنها ترجعلنا كل اللى زرعناه بالضبط.
منقول
اللهم لا تجعل الدنيا أكبر همنا ولا مبلغ علمنا ولا تسلط علينا بذنوبنا من لا يخافك فينا ولا يرحمنا وإجعل الجنة هي دارنا... اللهم ارزقنا رضاك والجنه
#منقول

‏✍🏼الصداقة هي تلك الروح التي تظهر في كلمة طيبة.. دعاء من القلب..وقفة وقت الشدة.. ابتسامة وقت الفرح دمعة وقت الوجع..
هي حياة بداخل حياة..
الصداقة مدينة مغلقة لا يدخلها إلا من يحمل جواز الوفاء والإخلاص ❤️

🌹🌹

#معني البيوت ❤️

يا اللي فاكر أن البيوت حبة حيطان
متزوقة بحبة فرش وعفش وألوان
فايتك كتير لازم تعرفه
البيت أكبر بكتير من أنه مكان

البيت مش باب مقفول وحبة عمدان
البيت يعني ناس بقربهم تغرق حنان
تتحمى فيهم من ظلم البشر
تعرف معنى الونس والسكن والأمان

ساعة ما يتقفل بابه تحس انك اتغطيت
لكل هموم الدنيا في لحظة رميت
بقيت شبعان حتى لو مكلتش زاد
ما خلاص وصلت لبر الأمان ورسيت

البيت لو جواه ناس حنينين
تنسى الوجع وعمرك ما تكون حزين
البيت بناسه باللي عايشين جواه
مش حيطان نكون جواهم مسجونين

هو ده معنى البيوت

#منقول
🌹🌹

" أن يتقدم بك العمر هذا حتمى
ولكن أن تشيخ روحك فهذا إختيارك "
و سلام ❤️

لا تَظن أن الذي ينصحك قد وصل... إنَّما قد ينصحك بما يُجاهد به نَفسه...

#حقيقة

يقول جلال الدين الرومي

"عندما يتراكم عليك كل شيء، وتصل إلى نقطة لا تتحملها، أحذر أن تستسلم ففي هذه النقطة يتم تغيير قدرك."

🌙🌹

الناس اللي بتخرج منك اسوأ صورة منك مش ناسك..
الناس اللي بتخليك دايما في حالة دفاع عن نفسك مع كل صغيرة وكبيرة مش ناسك..
الناس اللي تخليك تشك طول الوقت ف نفسك وف كل تصرفاتك مش ناسك..
الناس اللي تكره عفويتك وانت معاهم مش ناسك..
الناس اللي بتخليك طول الوقت عمال تفكر أنت غلطتك فين مش ناسك..
الناس اللي دايما مخلياك تايه تدور علي نفسك ف كل اللي حواليك مش ناسك..

ناسك هم اللي تلاقي نفسك وانت معاهم وتلاقي أجمل مافيك ينور من غير أي مجهود.
ناسك اللي تحب نفسك وانت معاهم..
ناسك اللي ساعة ماتقع يبقوا هم اليد اللي تتمد والضهر اللي يسند والستر اللي يخفي الذلات..
ناسك اللي ليك عندهم بدل العذر ألف قبل العتاب..

خليك وسط ناسك..ومكان ماتلاقي قلبك إبني حياتك ❤️

🌹🌹