Mai Fouad-Harmony healing

#coachmaifouad #healwithharmony #positivepsychology #positivethinking #selfawareness

ايه الاسباب اللى بتسبب كثره وجود الشخصيه النرجسيه
هو بيكون ٣ عوامل
١- العامل الوراثى او البيولوجى
٢-العامل النفسى و نمط الشخصية
٣- العامل الاجتماعى ( الاسره والبيئة المحيطه )
وجود اضطراب الشخصية النرجسيه فى الذكور اكثر من الإناث
بيكون واحد من اهم اسبابها الرئيسيه الطفل اتربى ازاى ؟
يعنى مثلاً الام خلفت بنت اثنين ثلاثه
هتتجنن على ولد والاب قاعد يقولها لأ
انا عاوز ولد فالأم ربنا يكرمها بالولد
بس بقى هنا تبدء المأساة دلع وتدليل غير مقبول
ده الولد هو انا جبت غيره
هو انا عندى غيره
ده جه بعد شقى
اوووبا الولد ما بيغلطش تفضل تزرع فيه
حب الذات وحب الأنا
لحد ما يكبر هو مش شايف غير نفسه
مش حاسس باللى حواليه
مش عارف يفكر اصلا غير فى نفسه واللى يسعده
والنمط ده كرثه كبيره لما بيتجوز مش بس بيسئ لزوجته لأ كمان مش بيعرف يحب ولاده حب طبيعى
لأن الأنا عنده عاليه بشكل كبير فمش بيعرف يتعاطف حتى مع اولاده مش بيعرف يديهم حنان واهتمام
هو اتربى انه بس ياخد ما بيعرفش يديه
بيكون أنانى لأبعد الحدود والنمط ده مش بنشوفه كتير فى السيدات
ومع ذلك فى سيدات نرجسيين بدرجه عاليه
بس نسبهم فى المجتمع مش زى نسبه الذكور

يه اضطراب الشخصية النرجسية انتشر
بصورة كبيرة؟




الشخصية_النرجسية #

عارفين لما تبقه عاوزين تخرجه من جلدكم
نصرخ / نعيط / ننهار
الوقت اللى بنحتاج فيه نوعاً ما من الوحده
وقت بنحتاج نلجأ ونتقرب أكتر لربنا

حياتنا عباره عن مراحل وكل مرحله وليها وقتها وكمان طريقه المعامله مع المرحلة اللى بنعدى بها
انا قسمت الحياه لمراحل من وجهه نظرى من خلال اكتسابنا للألم
١1️⃣مرحله الطفوله والبكاء اول ما بنتوجد على الارض ونبدء ناخد اول نفس ( احنا بنعيط لمجرد خروجنا من دايره امنا وبنتخض بالحياه اللى فجاءه لقينا نفسنا انها مفروضه علينا )
2️⃣المرحله اللى بعدها هى الطفوله والتعلم اللى كلنا عارفينها و فى المرحله ديه بنلاقى نفسنا بندخل فى مرحله اننا بنبكى على حاجه ضاعت او اتكسرت زى العابنا اللى بنكون بنحبهم اوى ومرتبطين بهم فبنبدء نشعر بنوع جديد من الألم ما كناش مستوعبينه وهو ألم الفراق 🥲🥲
وديه ثانى مره نشعر بالفراق بس بشكل مختلف ( الفراق هنا فراق الفقد اللى احنا واعيين اننا فقدنا حاجه بس مش عارفين نعبر عن معنى الفقد جوانا
وده نفس شعورنا وقت الرضاعه لما بنفقد الأم بسبب غيابها لسبب او لأخر وده على فكره اللى بيتسبب لينا بعد كده بحاجه اسمها ( attachement style )
وهو التعلق اللى كتير مننا بيعانى منه

3️⃣وبعد كده بنتنقل للمرحله الثالثه مرحله
انى بسيب اهلى ولعبتى والوجع اللى بيحصلى منهم واروح لمرحله اصحابى
اللى منهم اللى بيحبنى ومنهم اللى بيتنمر عليه وادخل فى نوع مختلف من المشاعر
هى مشاعر القهر ( اه بنتقهر على نفسنا )
بس برده مش بنعرف نعبر عن الشعور ده اللى بيفضل ملزمنا فتره طويله من حياتنا لو ما قدرناش نتخطى القهر والتنمر ده واهلنا ما ساعدوناش اننا نستوعبه ونتخطاه

4️⃣وهنا بندخل على اصعب مرحله فى وجهه نظرى المرحله الرابعه : ( وهى مرحله الأدراك لمعنى الألم )
ببقى فاهم فيها كل حاجه
بتألم وبتوجع وبيداس عليه وتبدء الحياه تدينى بالأقلام على وشى
ووقت ما اقول انى تعبت او انهارت او عاوزه اخد بريك الاقى مليون حد يقولى لأ ازاى
قوم وكمل رغم اوجاعك اصل الدنيا ما بتقفش على حد 🥲

゚viral
#كلام من القلب #

يا أيها البلاء !
أءنت مصاحبى حتى الهلاك ؟
فالنفس أشتكت والجوارح استنهكت 💔
و كلما أردت الفرار وجدتك أشد أستمرار
تتلاعب معى بجميع الاقدار و تجعلنى دائمه الأوجاع
فأنت تأتى لتزيد ألامى وتكثر أشجانى
فالقلب استهلك من كثره الإبتلاء
فالو كان يجهل عدم وجود الرحمن
لأزداد حاله سوء وانهيار
ولكن ثقته فى رب العباد
تخفف ألالام الإبتلاء
فالبلاء إرادة من الرحمن
والعفو والنجاه رحمه من رب العباد
فاللهم خفف قلوب قد ملئت بالأشجان
وكلمات قد حبست فى الأجواف
وأيادى قد رفعت تتوسل بالنجاه
فأجعلنا ممن استجبت دعاءهم
وخففت أوجاعهم
وأبدلت أحوالهم إلى خير حال 🤲

゚viral

#كلام من القلب #

٣ علامات عن childhood trauma
1- اولا التجنب : يعنى مثلا لو حصلتلك مشكله مع شريك حياتك واول حاجه بتعمليها انك تبعدى وتتجنبى وقت الخناقه ده بيبقى جاى من الطفوله ازاى ؟
بتبقى من الطفوله لأنك كنت بتشوف حد من أهلك وقت الخناقه بيبعد ويسيب البيت فده خلاك بدون ادراك وقت الخناقه انت كمان تفضل البعد و التجنب
٢- التخلى ؛ دايماً خايف انى اكون لوحدى بخاف اتساب وده برده من الطفوله لأنى ممكن جدا اكون ما اخدتش الاهتمام الكافى من اهلى وقت الطفوله حد فيهم اتخلى عنى
ممكن لو كان عندى اصحاب واحنا صغيرين خذلونى وسابونى وده خلانى عندى دايماً خوف ورفض لفكره التخلى
٣- التوتر : وده لما بكون قاعده مع حد جديد مثلاً بحس انى مش مرتاحه مش مبسوطه فى الأول دايما عندى قلق من كل حاجه دايماً عندى شعور بعدم الراحه خصوصاً فى اى علاقه جديده او قاعده اصحاب فيهم ناس مش متعوده عليهم
وده برده نابع من الطفوله ان التوتر بيكبر معايا لأنى كنت دايما خايف وانا طفل من اهلى ورد فعلهم اتجاهى فده بيكبرنى عندى شعور قوى بالتوتر وبكون مش مدرك اصلا انى عايش بتوتر او ان ده حاجه مش طبيعيه

゚viral

البخل فى المشاعر
هو الإنسان مش بس بيكون بخيل فى الفلوس لأ بخل المشاعر أصعب
البخل فى المشاعر بتوجع
بخل الأم على ولادها مش بتعرف تحتضنهم تحبهم تديهم احتياجتهم
الأب اللى مش بيعرف يخليه ولاده مكتفيين بوجوده مش بيعرف يحبهم صح
مش بيعرف يديهم اللى محتاجينه مش بيعرف يضمهم فى حضنه ويديهم حب واهتمام
نقص المشاعر ديه من الطفوله بتسبب trauma
وبتخلينا عايشين ندور على احساس الحب والاهتمام والحنيه من أى حد
ممكن اوى يخلينا ندور على الحب ده فى اى حد مهما كان غير مناسب لينا بس لو حتى ادانا شعور ولو بسيط بالاهتمام وعوض احتياج عندنا فى مشاعرنا اللى ناقصها الشعور ده هنجرى عليه وبدون تفكير فى العواقب بعد كده

Toxic positivity
كتير بنخبى مشاعرنا علشان نحافظ على علاقاتنا
على شريك حياتنا
بزعل مش بتكلم
بضايق بتعصب بفضل انى اخبى مشاعرى جوايا علشان بعتقد انى كده بحافظ على العلاقه اللى بينا
ومش عاوزه يدخل بينا اى زعل وفى الحقيقه
ده بيخلى مشاعر جوايا تتملى بالوجع وتتأثر من ابسط المواقف
وبخلي اللى قدامى دايما مش حاسس ولا فارق معاه بحس بأيه
بمر بأيه بخاليه أنانى فى مشاعره وتصرفاته معايا

اليوم يوم الأمنيات
اليوم يوم البركات
يوم الغنيمه
يوم الحسم
يوم الكمال
يوم التمام
يوم الحج الأكبر
عن عائشه رضى الله عنها ان رسول الله صلى الله عليه وسلم :
(ما من يوم أكثر من أن يعتق الله فيه عبدا من النار، من يوم عرفة، إنه ليدنو، ثم يباهي بهم الملائكه ، فيقول ما أراد هؤلاء ؟
الله اقسم بيوم عرفه
اليوم المشهود هو يوم عرفه يشهد فيه جميع الخلق لربهم بالوحدانيه
ربى يقول اشهدوا ملائكتى قد غفرت لهم

اللهم بلغنا يوم عرفه 🤲🤲
اللهم لا تجعلنا ان نفرط فى هذا اليوم العظيم ..!
كم من دعاوات استجابت وكروب انكشفت وذالت ..!
وكم من بلاء صرف بكثره الدعاء والتوسل إلى الله ..!
وكم من الأحلام والأمنيات تحققت ..!
وكم من السعاده ملئت القلوب بكثره الصلاة على الحبيب المحبوب ..!
اللهم اجعل يوم الجمعة هذا تجهيز للقلوب وتحضير للدعوات وتنوير للأبصار
اللهم ارزقنا كثره الاستغفار ومدوامه الصلاه على الحبيب و التكبير والتهليل
الله اكبر الله اكبر الله اكبر …..

تفكيرى وتأثيره على علاقاتى
لما ببدء أتعامل مع أشخاص غير أسوياء
ببتدى أشك فى نفسى بيلعبوا معايا لعبه السيطره على عقلى ومشاعرى
وعلشان ما اسيبش نفسى تحت سيطرتهم
١- أفهم انهم مش كل كلامهم حقيقى ويمسنى فعلا
٢- اعرف انهم بيضغطوا عليك علشان انهار نفسيا قدامهم وهما يستمتعوا بوجعى
٣- تناقضهم فى كلامهم بيجننك ويتعبك هما اصلا عندهم تناقض داخلى ( ماتقلقش انت عاقل )
٤- انشغالك عنهم بيجننهم عاوزينك دايماً متفرغ ليهم وده بيأثر جدا على طموحك ونجاحك

عارفين نعمه العادى كله ماشى الحمد الله النعمه ديه عظيمه نعمه انه عادى مافيش جديد
الواحد بتيجى عليه أيام يتمنى نعمه انه مافيش جديد عادى
مافيش ابتلاءات واحداث توجع
مافيش امراض تهد وتدمر وتنهى حياه
اللهم ارزقنا نعمه اليوم العادى🤲 وبركه اليوم العادى وسعاده اليوم العادى اللى لما بيحصل اى ابتلاء بنتمنى اننا نبقى عادى