DMIHUB Academy

كل سنة وأنتم بخير بمناسبة السنة الجديدة ✨🎉
2025 هتبدأ، ومعاها فرص جديدة وأحلام أكبر 🚀❤️
من فريق DMIHUB Academy، نتمنى لكم سنة مليانة بالنجاح والإبداع والتطور

ايه رايكم في فكرة الاعلان دي
هل وصلت الفكرة ؟!

شخصية العاشق..
دا نوع بيكون -من إسمه- رومانسي جدا ولغته مع الجمهور عاطفية جدا
مبيبطلش يقول انه بيحبك وعشان كدا بينصحك تشتري المنتج دا
تفتكر دا يليق مع ايه؟
-أدوات التجميل (أنا بحبك و أحب أشوفك جميل)
- بعض براندات الحلويات (عشان بحبك، هنخليك تتجمع مع حبايبك)
- الكومباوند (اللي بيخليك أقرب وعايش فيه منتهى الرفاهية والراحة)

قولنا بقي في التعليقات اية البراند اللي بتشوفه Lover؟

شخصية الملاك الحارس أو The Giver
و من اسمه كدة هو ملاكك الحارس اللي بيهتم بيك ودايما رسالته ليك إيجابية..
و دا بينفع مع ايه؟
- منتجات العناية بالصحة(خد بالك من صحتك)
- مستلزمات الأطفال(بنوفر الراحة لطفلك)
- شركات التأمين
و غيرهم من المنتجات اللي بتحرص علي جعل حياتك أكثر أمان و راحة

قولنا في التعليقات ايه البراند اللي بتشوفه Caregiver؟

النوع اللي معانا هو The Creator بالنسباله الريادة هي العنوان، و لو ذكرنا الريادة و الإبداع، أكيد هنذكر شركة Apple
السبق و الريادة و الإبداع..كلها صفات لل Creator
و عشان كدا بتنفع مع:
-الألعاب
-الإلكترونيات
-أي سوفت وير جديد
-المنصات اللي بتقدم تقنية جديدة و بتتميز بيها.
قولنا في التعليقات ايه البراند اللي بتشوفه Creator؟

و تابعنا عشان تعرف باقي شخصيات البراندات ❤️

شخصية البراند المهرج هو النوع الأكثر انتشارا في مصر، حتي لو مش بيليق علي البراند أصلا..
طب ايه سر انتشاره و استمراريته؟ ببساطة هو ناجح لإننا شعب لما بنشوف إعلان دمه خفيف، بنحبه ❤️
و لما نحبه هنشوفه أكتر فهنعرف المنتج اكتر وكمان هنشتريه!
طب ال Jester في الأصل بيليق علي ايه أكتر؟
الترفية والألعاب، يعني مثلا:
- بعض براندات الحلويات(شوف بلبن مثلا)
ومن البراندات اللي نجحت في دا جدا جدا.. كانت TODD..
قولنا في التعليقات ايه البراند اللي بتشوف انه Jester؟

النوع ده من شخصيات البراند هو "The Ruler" بيرسم الطريق و بيضع القوانين..هو القوة ذاتها..💪
بتعتمده براندات مختلفة بيجمعهم التميز والثقة زي لما تشوف حد راكب مرسيدس او لابس من BOSS بتشوفه ازاي؟
قولنا في التعليقات ايه البراند القوي اللي بتشوف إنه Ruler؟

طبعا من اسمه دا براند جاي يحرر العالم 😅 مش بس يسيب علامة ودي شخصية قايمة علي صفات زي الثقة، الشجاعة، دايما مُلهم و قوي..
كل الصفات دي بيبيعهالك مع المنتج..
و لإن الأمثلة هنا مهمة..
انت مش بتشتري بس عربية مميزة لما بتشتري عربية BMW..انت بتشتري صفات زي الشجاعة و القوة و كمان التميز.
أو زي ما شركة بيريل. ربطت منتجها بالرجولة لدرجة ان الشعار بتاعها بقي جملة دارجة في حياتنا اليومية..و دا بيليق علي منتجات الرياضة زي مثلا ثقتك هتزيد لما تكون لابس Nike أومثلا ثقتك في شكل أسنانك تتقاس بإستخدامك لمعجون أسنان معين.

قولنا بقي في التعليقات ايه البراند اللي بتشوفه Hero؟

النوع التالت معانا من نماذج شخصية البراند هو المستكشف 🧐
دا البراند اللي بيقدم نفسه علي إنه بيصنع تجربة واقع أفضل.
بيحل مشاكل بس. عشان يصنع واقع أفضل.
عشان كدا بيستخدمه مثلا:
- بعض شركات السيارات
- شركات السياحة
قولولنا ايه البراند اللي انت شايفه Explorer؟

تاني نوع معانا، و اللي برضو بيقدم نفسه انه Seek-paradise 🤔 هو شخصية الحكيم
و دا المناسب دايما لأي براند بيقدم خدمة تعليمية أو معلوماتية 👌🏻
يعني مثلا:
- القنوات الإخبارية
- المنصات التعليمية
- شركات محركات البحث زي جوجل
قولنا ايه البراند اللي نقدر نقول عليه انه Sage؟
و ماتنسوش تتابعونا عشان تعرفوا باقي الشخصيات 😉

أول type معانا لشخصية البراند بتاعك 🤓 شخصية البرئ
النوع ده بيستخدمه البراند اللي بيقدم نفسه علي إنه حريص على جعل حياتك أفضل
فمثلا بيستخدمه براند بيقدم منتج:
- عناية بالبشرة
- أغلب منتجات العناية بالأطفال
و هو واحد من 3 archetype بيقدموا نفسهم انهم Seek-paradise يعني بيطمحوا دايما لحياة أفضل ليك 💯
استنوا البوست الجاي عشان تعرفوا باقي الشخصيات 😉
و قولولنا ايه البراند اللي بتشوفه innocent؟

كتير لما بنيجي نحط إستراتيجية محتوى، بنتجاهل خطوة مهمة جدا، وهي اننا نحدد شخصية البراند بتاعنا
ودا بتحدده علي حسب نوع المنتج/الخدمة اللي بتقدمها

فيه 12 Archetype مبيخرجش عنهم أي براند وكل type منهم ليه خصائص مختلفة باللي يناسب البراند أو لا.. 👌🏻

خلونا نشرح كل واحدة فيهم في بوست منفصل..و ماتنسوش تتابعونا عشان تعرفوهم 😉..