Atomic Copies - اتوميك كوبيز

مجتمع يوم ما بيدخل الابليكيشن من وقت للتاني، بيبقى السؤال الأساسي: "حد لسة هنا؟" "حد لسة بيستخدم الابليكيشن؟!"

هو طبعاً الابليكيشن كان تريند وراح لحاله.
ومع محاولات ضعيفة من مارك انه يغير في الابليكيشن مؤخراً، ده كان آخر update نزل عشان يفكر الناس بالابليكيشن ويشجعهم يفتحوه- بما انهم مايقدروش يلغوا حساباتهم لأنها مرتبطة بحساب انستجرام.😃

لسة بتفتحوا threads صحيح؟

زي ما اتفقنا البوست اللي فات إن الطاقة الإبداعية في الكاتب اللي فينا هي مجموع الأفكار والمؤثرات اللي عدت عليه في حياته كلها.
لو ماشوفتش البوست اللي فات، خد بصة عليه من هنا عشان تعرف بنتكلم عن ايه: https://bit.ly/40dtw8V

لو ركزنا في البصمات، هنلاقي انها كلها خطوط متشابهة في تمايلاتها، ومع ذلك مفيش بصمة في العالم مطابقة للتانية! ده بالظبط نفس الوضع مع الContent Creators.

ايه اللي بيميز كاتب عن التاني؟
ايه اللي بيخلي الناس تحب تقرا لحد بالتحديد؟

شوية عوامل مهمة:
💡القدرة على التعبير بشكل يعكس شخصية الكاتب نفسه من خلال استخدامه للكلمات بسلاسة تتسق مع شخصيته.

💡الكتابة المستمرة والتعلم من النقد. لاحظ كل الكتاب الكبار المعروفين أولى كتاباتهم مكانتش بنفس بلاغة وانسيابية أعمالهم الأخيرة.

💡القراءة المستمرة: هتحتاج محصلة لغوية متجددة ومتنوعة، من ثقافات مختلفة، وألسنة مختلفة عشان تقدر تقدم محتوى يلمس الجمهور اللي بتكتبله.

💡المتابعة المستمرة: عشان ماتبقاش Outdated ومتوحد في عالم لوحدك، محتاج تتابع أخبار العالم حواليك واهتمامات الناس اللي بتتغير مع تغير ظروفهم.

💡التعبير الصادق: وده بيكون صعب لو كتاباتك كلها Commercial. عارفين إن العادة بتقتل مشاعر كتير قبل ما توصل. بس الحل هنا؛ إنك قبل ما تكتب المحتوى بتاعك، فكر دقايق انت بتخاطب جمهورك ليه في الأساس؟ ايه كان الدافع بتاعك. احيي دوافعك تحيي مشاعرك.

💡مصادر الإلهام: كلنا عندنا مجموعة حاجات بتلهمنا من وقت للتاني، سواءا كتّاب معينين، نوع مزيكا معين، مكان معين، مؤثرات بصرية معينة، مواقع إلكترونية معينة، وهكذا. وأكيد مصادرنا مستحيل تبقى هي هي لينا كلنا. وده بيعزز فكرة إن حتى مصادرك المختلفة اللي بتلهمك بتميزك بشكل ما عن بقية ال Content Creators التانيين المميزين بردو بس بطريقتهم.

💡وأخيراً وليس آخراً، الرؤية: رؤيتك ككاتب. حلمك الأسمى أو هدفك البعيد. انت عايز توصل لايه من كل ده.

لما تدخل معملك وتجمع كل دول مع بعض كدة، وتعمل الFormula الخاصة بيك🧬، هتلاقي في ناس بتطلب تقرا محتوى منك بالاسم مع الوقت. هتلاقيك بقيت معروف بستايل معين خاص بيك، جايز كمان تبقى Benchmark وتلاقي الناس بتستخدم ألفاظك وأسلوبك.

على ذكر مصادر الإلهام، لو في كاتب معين بيلهمك، دي فرصة تعمله منشن وتعرفه 🙏🏻
ولو عندك مصادر إلهام تانية، مفيهاش حاجة لو غششتنا معاك 😃
--------------------

تخيل تعيد اختراع العجلة اللي كلنا عارفينها في ٢٠٢٣!

في كل مرة تبدأ كتابة لبروجيكت وتنوي تخرج بره الصندوق، افتكر إن ياما في الجراب يحاوي.
الصندوق مليان كتير جوه!

في كل مرة بتضيع وقت في انتظار الإلهام والفكرة الجديدة اللي المفروض تبهر بيها العالم، تذكر يا صديقي إن كان زمانك أنتجت عشرات الQuality POCs المحققة، واللي كلهم ممكن يكونوا كرييتف وباينين للعميل والجمهور انهم بره الصندوق فعلاً 😃

الشاطر اللي يـ Work smart, not hard.
ومفيش فكرة في العالم مهما كانت تبدو فريدة من نوعها 100% Genuine. كل أفكار الإنسان مبنية على مخزون كل اللي استقبله في حياته. بالتالي توارد الخواطر وتشابه الأفكار أكيد أساسي في أي محتوى هتنتجه.

التريكة هنا لما تكون الفكرة مصبوغة بعوامل كتير تعيد تشكيلها، زي:
🧬 الهدف من الفكرة
🧬 وجهة المحتوى
🧬 دمج أفكار كتير مع بعض
🧬 أسلوبك المميز في الكتابة
🧬 دمج أساليب تنفيذ مختلفة
🧬 تغيير توزيع المحتوى على محطات مختلفة

كل دي عوامل تقدر تخلي المحتوى بتاعك أصلي عشان أصله بقى مليان من قناعاتك وخططك انت، مش من أصل أفكار صاحب المحتوى الأساسي.

العميل اللي له إنه يلاقي محتوى هادف بيخاطب جمهوره بشكل شيّق، ويحققله النتايج اللي نفسه فيها.
والجمهور اللي له أنه يلاقيك بتخاطبه من خلال محتوى متفصل على احتياجاته وتخليه دايمًا مشدود انه يتفاعل معاك.

غير كدة، محدش مستنيك تخترع العجلة يا صديقي.

لو عجبك البوست ده، ادعم معملنا بكومنت قولنا فيه بتميّز المحتوى بتاعك ازاي؟
عشان ده موضوعنا المرة الجاية 😃
خد وادّي معانا كدة😄
-------------------------------

نقاش استيلاء الAi على الساحة داير في كذا مجال، من ضمنهم مجال كتابة المحتوى طبعًا. انك تدخل انت عايز الPOC بتاعتك بتتكلم عن ايه والغرض منها ايه وبضغطة زرار يطلعلك اوبشنز لا حصر لها، تحفة!
ايه اللي يخلي أصحاب البيزنس يسيبوا الفرصة دي ويجولك انت؟ ويتكلفوا فلوس ووقت ومجهود في طلب التعديلات أكتر من مرة، ويا يوصلوا للنتيجة اللي كانوا متوقعينها يا لأ.

🖇 عنصرين مهمين اوي:
📎 الإبداع
📎 فهم طبيعة البيزنس وأهدافه

🔍 التعامل مع الـ Ai tools زي ChatGPT، وكاتب، أو Jasper أو Copy.ai أو غيره، محتاج حد مدرك كويس اوي المدخلات اللي بيديها للأداة عشان تطلعله المحتوى اللي هو طالبه.
🔍 محتاج حد يكون مدرك بالظبط مستوى المحتوى اللي بيخرج ده هو اللي هيحقق النتيجة المرجوه منه، ولا مجرد درافتات شكلها حلو.
🔍 محتاج حد شاطر يراجع على المحتوى ده ويعمله optimization عشان يليق بالBrand Voice ويناسب ال Buyer Persona.
🔍 محتاج خطوات كتير، وبعض الوقت عشان نتمم على المحتوى ده أنه يكون مناسب للنشر خلاص.

من الآخر؛ الأدوات دي محتاجة العقل المدبر اللي يديرها.
أقرب مثال زي Google Translate. كلنا عارفين إن ترجمته مش دقيقة ١٠٠٪؜، بل وأوقات بتكون غلط. مستحيل طول الوقت يفهم قصدك ولا المغزى من ورا الفقرة اللي انت بتحاول تترجمها. كذلك مش دايمًا المصطلحات اللي بيحطها في الترجمة بتكون صح. واللي يقفش النقطة دي اللي بيكون معاه لغات ومستواه قوي بس بيساعد نفسه. فبيقدر ياخد الفقرة المترجمة اللي طلعت يعدل عليها هو أوقات.

فالشاهد؛ إن انتشار أدوات الذكاء الاصطناعي على الساحة المفروض نستغله لصالحنا.

الموضوع عامل زي كل التكنولوجيا اللي بتطور حوالينا منذ بدئ الخليقة. هل من الحكمة نخانقها ونرفضها؟ ولا نستغل انها بتسهل علينا وبتوفر كتييير من الوقت اللي كان بيضيع في التنفيذ ونتفرغ لل Tactics اللي هنطلع بيها المحتوى ده، وقياس مدى نجاحه في ال Conversion Funnel؟

هل الأدوات دي هتحل محل الانسان؟
اه هتحل محل الكاتب اللي مستواه ضعيف. لكن مستحيل تحل محل كاتب المحتوى الشاطر.

والتحدي ده كدة كدة موجود حتى لو مكنش الذكاء الاصطناعي ظهر. المجال بيدخله يوميًا العشرات. منهم كتير عنده الخبرة، ومنهم اللي عنده الموهبة، وغيرهم اللي عنده الظهور والعلاقات.

🧬 ففي الآخر عزيزنا الكاتب الدكترة الفنان، احنا اتفقنا خلاص من البوست اللي فات إن الكتابة الحلوة "كيميا" عايزة دقدقة وروقان وعلم وحاجات كتير فوق بعض.

🧬 نخش معملنا كدة .. مع فنجان القهوة الرايق بتاعك في ايدك، أدواتك اللي تريحك في ايدك التانية. نفنن في العناصر اللي بنطلع بيها المحتوى بتاعنا، ونطوّع الأدوات دي لصالحنا ونكسب وقت ونعمل أحلى شغل. 🧬

💡بالمرة إلقي نظرة كدة على البوست اللي فات عشان تعرف احنا ليه هنا:
https://bit.ly/3IFgBWI

وشاركنا رأيك أو قلقك في الموضوع ده في الكومنتات.
-----------------------

الكتابة بالنسبة لناس كتير وجهات نظر.
في اللي شايفها فن.
في اللي شايفها موهبة.
في اللي شايفها حرفة.
وفي اللي شايفها وسيلة تواصل.
مش هتفرق نشوف الكتابة ايه مادام بنستمتع بيها، كاتب أو قارئ. المهم إن الكتابة من كل الزوايا "كيميا" بمعادلات بسيطة، سهلة ممتنعة، لو اتعملت صح هنقدر ننتج Atomic copies تحقق نتايج على أرض الواقع و تخلق bond متينة ذهنيًا مع الجمهور تكمل للزمن.

🧬 اتوميك كوبيز هي منصة هتساعدك تتقن فنيات الـContent Creation بكل أنواعه وتداخلاته مع المجالات والعلوم التانية بـglobal standards.

🧬 هدفنا نثري مجتمع من الكتّاب من مختلف مجالات الكتابة، ونواكب عصر الـAi بثقة وتحكم.

🧬 هنشارك معاك أحدث insights ,tips & tricks، مجالات الشغل المتوفرة والـtrending في مجال الكتابة، وغيره كتير. وهتلاقي كل حاجة تخص كتابة المحتوى بشكل عام هنا، بالتفصيل الممل.

🔗🔗 البوست ده هيكون فهرس الصفحة فيما بعد. هنعمله edit بعد كل بوست بنكتبه عشان يسهل عليكوا الوصول لأي معلومة تحبوا ترجعولها في أي وقت.
هنا وعلى لينكدن: https://bit.ly/3W1wavc

فنداء عالي لكل الـContent Creators في كل حتة، ادعوا كل اللي تعرفوهم في المجال، وكل اللي نفسهم يدخلوا المجال. عندنا مواضيع تقيلة ورايقة كتير نتناقش فيها.

نورتوا المعمل 🧬🤝