Mr.Mohamed Elazab - محمد العزب

#يوم

♦أيها المعلم إذا كثرت الأيدي للإجابة عن سؤال ..
اختر طالبًا ..
وبعد أن ينتهي قل فوراً :
من يؤيد هذه الإجابة؟
سترتفع الأيدي من جديد فيشعر الجميع أنهم شاركوا.
_______
♦أيها المعلم ...
لماذا نعزز الإجابات ..ولا نعزز الأسئلة؟
إذا سمعت سؤالاً جيدا ..
قل : سؤال ذكي من طالب ذكي ..
قل : كنت أنتظر هذا السؤال طول الحصة .
_______
♦أيها المعلم
في حالة وجدت الطلاب لا ينصتون جيداً أعلن أن الحصة ستنتهي باختبار قصير
وطبق هذا فعلاً ..
_______
♦أيها المعلم
في جزء من الحصة وفي لحظة صمت من الطلاب
توقف انظر للوجوه
قل: أنا سأقول لكم شيئًا مهمًا ..أنا أحبكم
وعد للشرح ..
هذه الكلمة ثمنها احترامك .
_______
♦أيها المعلم
من ذكاء التدريس ..
أنه إذا دخل طالب متأخراً لسبب ما؛ أدخله في جو الحصة وهو لا يشعر، وأعد بإختصار ما فاته
قل: نحن نتحدث عن ..
ثم عد وتابع درسك
_______
♦أيها المعلم
في حوارك العنيف مع طالب في غرفة الصف ..
لتؤجل الصراع ..
لأن الطالب بين جمهور ويشعر بالتحدي ..
تحدث معه لاحقا بانفراد ستجده مختلفا عما في الصف .
________
♦أخيرًا
تذكر بأن مهنة التعليم رسالة الأنبياء والرسل وأنت وارث لهم .. فكن خير وارث..
لا تظن أنك بلغت الذروة ولا تنظر لسنين الخدمة دون الخبره ..

◾بالتوفيق والازدهار والنجاح الدائم للجميع.

قرار رقم ١٦٧ لسنة ٢٠٢٢ - بشان نظام الدراسة والتقييم لطلاب الصفين الرابع والخامس الابتدائي .. القرار مشابه بشكل كبير لقرار رقم ١٣٣ لسنة ٢٠٢١ ... ابرز النقاط التي تهم اي ولي أمر :
المقررات الاساسية ٨ مقررات هي ( اللغة العربية - اللغة الانجليزية - الرياضيات - العلوم - الدراسات الاجتماعية - التربية الدينية - تكنولوجيا المعلومات والاتصالات - المهارات المهنية) ..
نظام التقييم لكل فصل دراسي من ١٠٠ درجة مقسمين كالتالي :
اختبار شهر اكتوبر ١٥ درجة - اختبار شهر نوفمبر ١٥ درجة - اختبار منتصف العام ٣٠ درجة - المهام الادائية ٣٥ درجة - ٥ درجات علي الانتظام في الحضور .
النقطة الأبرز فيما سبق .. ان التقييمات الشهرية ستشمل ما درسه الطالب خلال هذا الشهر فقط .. بمعني ان اختبار شهر اكتوبر سيكون علي ما تم دراسته خلال اكتوبر .. واختبار نوفمبر سيكون علي ما تم دراسته خلال نوفمبر .. اما اختبار نهاية الفصل الدراسي سيكون علي المقرر الدراسي بالكامل ..
الخلاصة : مفيش اي تعديل تم علي نظام الدراسة والتقييم من العام الماضي بخلاف الاختبارات الشهرية اللي كانت تم دمجها العام الماضي في اختبار واحد عادت هذا العام اختبارين شهريين .. ولكن الاختبار علي ما تم دراسته فقط ..
المقررات الاساسية ٨ كما هي لم يتم استبعاد اي مادة ..
هنعمل ايه لتخطي هذا الفصل الدراسي بأمان باذن الله :
اولا : كل عام وحضراتكم بخير ويارب عام دراسي سعيد علي الجميع .. ربنا يوفق اولادنا وييسر لهم كل أمر عسير .
ثانياً: مهم جداً نشتغل علي المقررات اللي تخص كل شهر بشكل منفرد ونتدرب عليها جيداً قبل كل اختبار شهر باذن الله لان درجات اختبار الشهر بالاضافة لدرجات اختبار المهام الادائية مع درجات الحضور حوالي ٧٠ درجة هيخففوا الضغط بشكل كبير علي اولادنا قبل اختبارات نهاية الفصل الدراسي ..
ثالثا : تعلمنا درس مما حدث خلال العام الماضي ملخصه .. ان المناهج الجديدة بالنظام الجديد تحتاج الي التدريب المستمر والمتابعة الدائمة .. لازم اي جزء نذاكرة نتدرب عليه جيداً وخصوصاً التدريب علي اسئلة نواتج التعلم ..
رابعاً: من وجهة نظري اننا ومن البداية نخصص جزء من وقتنا قراءة سريعة للمواد الصغيرة اللي زي ( تكنولوجيا المعلومات - المهارات المهنية) علشان متتراكمش علينا في النهاية ..
خامساً: بالنسبة لاولياء امور طلاب الصف الرابع الابتدائي هذا العام.. متقلقوش تجربة العام الماضي ستيسر الامور علي اولادنا هذا العام .. كل المطلوب ندرب اولادنا علي الاختبارات قدر الامكان لانهم لم يتعرضوا لها من قبل ..
سادساً: اخواني أولياء أمور طلاب الصف الخامس ؛ لا تحملوا انفسكم ولا اولادكم ما يفوق طاقتهم ، اولادنا ماشاءالله وبعد تجربة العام الماضي اكتسبوا خبرة كبيرة في التعامل مع المناهج الجديدة ونظام الاختبارات باشكاله المختلفة ، وبإذن الله هيقدروا يعدوا هذا العام بأمان ..
سابعاً: هنعمل لحضراتكم مراجعة شاملة ( اسئلة و اجابة ) علي كل سطر في المقرر بكافة اشكاله وانواعه .. وبترتيب الدروس .. علشان تناسب الاختبارات اللي هنمر بها علي مدار الفصل الدراسي .. هنحاول نوفرها لحضراتكم في اقرب وقت وقبل بداية الاختبارات بوقت كافي.. التجربة اثبتت ان مفيش سؤال صعب وسؤال سهل .. ولكن في سؤال اولادنا اتدربوا عليه و سؤال أخر لم يتدربوا عليه ... لذلك بكرر التدريب هااااام جداً.
أخيراً اتمني لاولادنا التوفيق والنجاح واتمني لأخوتي اولياء الامور جميعا دوام الصحة والعافية ... كان الله في عونكم جميعاً..

قرارات العام الدراسي الجديد ونظام الامتحانات.. من مرحلة رياض الأطفال إلى شهادة :
= من رياض الأطفال إلى 3 ابتدائي مفيش امتحانات.. مفيش واجبات منزلية.
= للطفل في رابعة وخامسة ابتدائي.. امتحان في منهج الشهر الأول عليه 15 درجة + امتحان في الشهر التاني عليه 15 درجة + امتحان في نص السنة عليه 30 درجة + مهام أدائية عليها 35 درجة + 5 درجات للمواظبة يساوي 100 درجة دي نتيجة الطالب في الترم الأول، وزيها بالظبط في الترم التاني.
= نتيجة الطالب في رابعة وخامسة بدون درجات.. هتكون بالألوان كالتالي: اللون الأزرق: من (85 درجة إلى 100)، واللون الأخضر (من 65 لأقل 85)، واللون الأصفر (50 لأقل 65)، اللون الأحمر من (1 لأقل من 50)، ويشترط لنجاح الطالب الحصول على 30% على الأقل من درجات امتحان الفصل الدراسي الثاني، في كل مادة من المواد.
= علشان ينجح الطالب في الصف الرابع أو الصف الخامس، لازم ياخد في كل المواد يا أصفر يا أزرق يا أخضر، أما لو جاب اللون الأحمر في مادة يبقى ساقط فيها، ولازم يدخل دور تاني، ولو جاب في الدور التاني أحمر برضة هيعيد السنة.
= امتحانات الطلاب في 6 ابتدائي، وأولى اعدادي وتانية اعدادي وأولى ثانوي وتانية ثانوي، هتكون كالتالي:
= امتحان في نهاية شهر 10 وامتحان في نهاية شهر 11، هيكون على كل امتحان 10 درجات، والامتحان هيكون من منهج نفس الشهر، والعشر درجات دول هينضافوا لدرجات الطالب في امتحان نص السنة.
= امتحانات نصف السنة هتكون من منهج الترم الأول كله، يعني مش معنى إن الطالب امتحن في شهر 10 أو شهر 11 إنه خلاص مش هيجي منهم حاجة في الامتحان. لأ.. الطالب هيمتحن في 10 و11 ونفس المنهج هيمتحن فيه في نهاية التيرم.
= وبكده هيحصل الآتي: الصف السادس الابتدائي والأول الإعدادي والثاني الإعدادي والأول الثانوي والثاني الثانوي، مجموع الطالب في كل الصفوف دي هيكون كالتالي: 5 درجات سلوك (هيحطهم المعلمين في الفصل) + 5 درجات حضور (هتحطهم إدارة المدرسة بناء على حضور أو غياب الطالب) + 10 درجات عن الامتحان الشهري + درجات الامتحان في كل مادة بنهاية الترم، ومجموع كل دول هيكون نتيجة الطالب في الترم الأول، ونفس الكلام في الترم التاني.
= بالنسبة للشهادة الإعدادية مفيش أي تغيير فيها.
= نسيت حاجة مهمة.. بالنسبة لامتحانات أولى وتانية ثانوي، هتكون: كلها على التابلت، والامتحانات هتكون على مستوى الإدارة التعليمية، واللي هيحط الامتحانات موجه المادة في الإدارة (مش المدرسة)، أما امتحانات الشهر بتاعت أولى وتانية ثانوي فهي هتكون قصيرة وبسيطة وكام سؤال كده مش امتحان امتحان يعني.. كام سؤال وخلاص.. ولو الطالب جاب 7 من 10 في أول شهر، وجاب 9 من 10 في تاني شهر، فهو هياخد التسعة مش السبعة، لأن الطالب هياخد الدرجة الأعلى في الامتحانين.
= بالنسبة بقى لشهادة الثانوية العامة (3 ثانوي عام)، دي محتاجة شرح شوية:
= الأسئلة هتكون (85% اختيار من متعدد + 15% أسئلة مقالية قصيرة).. الطالب هيجاوب أسئلة الاختيار من متعدد في البابل شيت زي كل سنة، وهيكون فيه ورقتين في الآخر كده يجاوب فيهم على الأسئلة المقالية.
= تصحيح أسئلة الاختيار من متعدد هيكون إلكتروني (بس التصحيح مش هيكون في مكان واحد زي ما كان بيحصل كل سنة، ده هيكون فيه مراكز تصحيح إلكتروني في المحافظات، وده هيكون من خلال أجهزة إلكترونية موجودة في كل مركز تصحيح).
= بالنسبة بقى للأسئلة المقالية، فهي هتصحح برضو إلكتروني، إزاي بقى؟.. إجابات كل طالب هتروح لاتنين معلمين متخصصين في المادة.. هتروح لهم على التابلت، وكل واحد يصحح الأسئلة ويدي درجة للطالب، لو المعلم الأول قال الطالب ده يستحق 5 درجات على الأسئلة المقالية، والمعلم التاني قال برضو الطالب يستحق 5 درجات (يعني الاتنين اتفقوا) يبقى خلاص الطالب ياخد الخمس درجات.. لكن لو معلم فيهم قال الطالب يستحق 5 درجات والتاني قال الطالب يستحق 7 درجات (يعني اختلفوا).. هنا الإجابة هتروح لمعلم تالت يفصل بينهم، ويا يقول الطالب يستحق خمس درجات، يا يقول الطالب يستحق سبع درجات.. وهو اللي هيحدد الطالب ياخد كام في الأسئلة المقالية للمادة دي، وهكذا هيحصل في باقي المواد.
= طب بالنسبة للتظلمات في الثانوية العامة؟.. لما النتيجة تظهر والطالب يتظلم على النتيجة، هيروح يستلم ورقة أسئلته اللي عليها اسمه، وورقة إجابته اللي عليها اسمه، ونموذج الإجابة اللي اتصحح منه.
= هيكون فيه تدريبات للطالب على شكل الأسئلة الجديدة، إما عن طريق التابلت (يعني هيكون فيه منصة يدخل عليها الطالب يشوف النماذج التدريبية)، أو يدخل على موقع الوزارة يشوف النماذج التدريبية.. والطالب هيدخل الامتحانات بمجلدات المفاهيم (ودي هيكون فيها ملخص المنهج في كل مادة).
= الوزارة قبل نهاية نص السنة، هتعلن للطلبة، مواصفات كل امتحان لكل مادة.. يعني العربي 50 سؤال منهم مثلا يعني 40 أسئلة اختيار من متعدد و10 أسئلة مقالية، وهكذا في كل المواد.. وهتعلن عن مخرجات التعلم في كل مادة الطالب يذاكرها ويدخل بيها الامتحان، يعني الامتحان هيكون معروف هيجي ازاي وعدد أسئلته، ومنين بالظبط.
==
= عذرا للإطالة.. أتمنى أكون قدرت أشرح اللي هيحصل بالظبط مع كل الصفوف الدراسية
احمد حافظ
صحفي بالاهرام