Relationship coach - Heba Bahaa

🌷 مرحلة منتصف العمر

‏الاتجاه في المرحلة دي بيبقى رايح ناحية الانبساط والاستمتاع ليا أنا …عايز او عايزة افكر في نفسي و احقق اللي فاتني لأن المراحل اللي فاتت كانت لأي حد غيري زي اولادي بيتي شغلي جيرانى …

و ‏هتلاقي الراجل فجأه يبقى عايز يشتري العربية الغالية او الموبايلات او البراندات او موتوسيكل 😉، عايز يحس انة شباب و يعوض السنين اللي فاتتة و هو مشغول في الشغل و الجواز و الاولاد و يحن لأيام المراهقة و شقاوتها أو يبدأ ينزل يقعد على القهوة مع أصحابه بتوع زمان ، عايز يتعلم هواية جديدة او يرجع لهواية قديمة نسيها .
الزوجة هنا ساعات بتتخض و تحس ان في حاجة غلط او ان جوزها شايفلة شوفة او هيبيع القضية و الحقيقية انها اعراض او افكار طبيبعية للمرحلة دي بس هي مختلفة عن افكارها كست و متخوفش ولا حاجة ولكن بالعكس هي هنا محتاجة تفهم لو لية بيفكر كدة و ازاي تتعامل مع المرحلة دي صح و تدعمة عشان يعدوا بسلام و تكون المرحلة دي سبب لنضج علاقتهم و تقويتها .
‏
وتلاقي بقى الست بتقول لنفسها خلاص كفاية كده أنا عايزة أعيش لنفسي لأن طول عمري عايشة لغيري 🥺
‏ أو تبدأ تخس وتروح الجيم أو ترجع لأصحابها بتوع زمان او تأخذ كورسات او تعمل ليزر وصبغة .

كل دي اعراض طبيعية للمرحلة دي ، المهم اننا نفهم نفسنا و ازواجنا في المرحلة دي و نعرف احتيجاتنا و مشاعرنا و افكارنا و نتعامل معاها صح .

لو حابة تعرفي اكتر عن نفسك و عن جوزك لو متجوزة في المرحلة دي و ازاي تمروا بيها بسلام و تكون سبب في تقوية علاقتكم ببعض و انضمي لورشة
" منتصف العمر و حلاوتة "

هيقدمها هبة بهاء و اسراء عبد الرحمن

الورشة يوم الاتنين ١٢ فبراير او السبت ٢٤ فبراير

للاستفسار و الحجز التواصل علي رقم +201066732137

🌷 منتصف العمر و حلاوتة

بنعدي في حياتنا بمراحل سنية و حياتية مختلفة، كل مرحلة ليها افكارها و مشاعرها و طموحاتها و اهدافها و ملامح مختلفة .
مرحلة العشرينات و التلاتينات هي مرحلة تكون اسرة، زوجة و اولاد ، ثروة و اثبات كفاءة في العمل .

مرحلة الاربعينات و الخمسينات ، شوية أحلام اتحققت و الولاد كبروا و الوضع المادي و الاجتماعي غالبا بقي احسن فطبيعي الاهداف و الطموحات تتغير .

المرحلة دي بيصاحبها افكار كدة اللهم عافينا و احفظنا 🫣اننا بقينا في نص عمرنا و ان اللي باقي في العمر مش اكتر من اللي راح و العداد هيقلب يا جدعااان .

قوم اية بقة نحس ان مفيش وقت يضيع علي الفاضي و لازم نلحق نتبسط و نعمل الحاجات اللي كان نفسنا فيها و محققنهاش لحد دلوقتي .
لحد كدة الموضوع شكلة حلو و جميل 👌
مهو و مالوا لما ننبسط و نفرح اية المشكلة ؟؟🤔
المشكلة ان المرحلة دي بيصاحبها افكار و مشاعر و احلام و رغبات جديدة علينا مع شوية تغيرات في الصحة و تغيرات في الهرمونات كمان .. يا ليلة بيضا 🙄
اضرب كل دة في الخلاط تطلع مرحلة جديدة غريبة علينا مش فاهمين عايزا مننا اية .

و طبعا الراجل و الست في المرحلة دي بيكونوا مختلفين في المشاعر و الافكار و الاحتياجات .

هنا بقة ممكن تحصل ما يسمي بازمة منتصف العمر لما منفهمش الافكار دي و بالتالي مش هنعرف نتعامل معاها صح 🙃

لو عايزا تعرفي عن المرحلة دي عشان تعدي بسلام و تكون من احلي مراحل الحياة و تكون انطلاقة ...احضري معانا ورشة اليوم الواحد " منتصف العمر و حلاوتة "
في الورشة دي هتعرفي :

▪︎يعني اية مرحلة منتصف العمر .
▪︎هتعرفي لية المرحلة دي معروفة بازمة منتصف العمر .
▪︎المشاعر و الأفكار اللي بتجيلك في المرحلة دي .
▪︎الرغبات اللي بتسيطر عليكي فيها .
▪︎إختلاف الأعراض و الأفكار و المشاعر في المرحلة دي بين الراجل و الست و طبعا إختلاف الرغبات و الميول.
▪︎ازاي تقدري تتعاملي مع مشاعرك و افكارك و تديريهم صح .
▪︎هتفهمي جوزك في المرحلة دي بيفكر و بيحس بأية و ازاي تحتوية و تحققيلوا احتياجاتة .
▪︎هتعرفي ازاي تعملي وقاية لو لسة مدخلتيش في المرحلة دي
▪︎هتعرفي إزاي ممكن تطلعي من المرحلة دي بأمان و تكون اكتشاف ليكي و لقدراتك
▪︎هتعرفي رأي القرآن في المرحلة دي و إزاي تتعاملي معاها صح .

هيقدم الورشة :
اسراء عبد الرحمن
هبة بهاء

مين هبة و اسراء ؟

اسراء عبدالرحمن

زوجة وأم

🩸Certified Relationship coach international coaching federation
🩸Certified ICF Positive Phychology
🩸Certified Trainer
🩸Life-Path Coach
🩸Cognitive Behaviour Therapy Practitioner

https://www.facebook.com/profile.php?id=100076551335559

هبة بهاء

🩸زوجة و أم
🩸كوتش علاقات معتمدة من ال ICF
🩸حاصلة علي بكالريوس تجارة انجليزي -جامعة عين شمس
🩸حاصلة علي دبلومة صحة نفسية -جامعة عين شمس
🩸حاصلة علي دبلومة ارشاد اسري - جامعة عين شمس
🩸دورات وورش في علم النفس الايجابي
🩸دارسة للعلوم الشرعية
🩸بدرس حاليا Art of empowerment coaching

لسة بتعلم و هتعلم بإذن الله

https://www.facebook.com/profile.php?id=100087555782568&mibextid=JRoKGi

🌷مواعيد الورشة :

الاتنين ١٢ فبراير
أو
السبت ٢٤ فبراير

من الساعة ١٠صباحا حتي ٢ مساء

🌷 الورشة للسيدات فقط

🌷مكان الورشة :

Art of life
النرجس ٨ فيلا ٢٨ الدور الاول شقة ٢ التجمع الخامس .

لو حابة تحضري الزووم المجاني الخاص بالكورس انضمي لجروب الواتس اب

https://chat.whatsapp.com/Hm7uJ4EOOhuKujzKVd48ss

للحجز و الاستفسار التواصل علي رقم :
+201066732137

ازاي نتعامل مع الناس اللي بتسبب لنا ضغط او أذية ؟؟ 🤔

ورقة و قلم و اكتبي ورايا يا ست الكل 😊

في ٣ طرق ممكن نتعامل بيهم بنختار الطريقة حسب نوع الضغط او الأذية و حسب جاية من مين و احنا نقدر نعمل اية

طبعا لو في ناس في حياتنا بتضغط علينا أو بتأذيني و ينفع نبعد عنهم أو نخرجهم من حياتنا يبقي فل الفل و اجرى يا مجدي 🏃🏃‍♀️

انما لو الناس دي موجودة في حياتنا و مش هنعرف نخرجهم يبقي حل من ٣ :

١- التجنب
نتجنب الاشخاص ، المواقف ، الاماكن او التجمعات اللي بيكون إحتمال الضغط او الأذية تحصل فيها قدر المستطاع

٢- التغيير
تغيير في شكل العلاقة بوضع حدود جديدة مثل طلب تغيير طريقة الكلام او المعاملة بطريقة حازمة و اظهار الرفض
تغيير رد الفعل المعتاد لرد فعل هادئ و حكيم ( و دا بيكون محتاج تحضير مسبق للموقف )
تغيير نظرتنا للأمور يعني نتاكد اننا مش شايفن الموضوع غلط او ان الطريقة دي معايا لوحدي و لا مع الكل لان ممكن انا اكون شايفة غلط

٣- التقبل
الطريقة دي غالبا مع الناس القريبة اللي مقدرش أبعد عنهم او اتجنبهم ولا حتي أغير طريقتي معاهم او احط حدود

بنحاول نوجد معني سامي او حكمة لوجودهم في حياتنا يعني مثلا ممكن نتقبل وجودهم في حياتنا علي انة ابتلاء و اختبار من ربنا لو صبرنا علية نثاب و نؤجر
ممكن نتقبل ان وجودهم هيخلينا نشوف عيوبنا او أخطائنا و نحسن من نفسنا
نتقبل ان مش كل الناس لازم تحبنا و تشوفنا كويسين و ترضي عننا
نتقبل اننا لازم نتعلم نحط حدود لنفسنا و ننقي الناس اللي هندخلها حياتنا
و بيساعد اوي في الخطوة دي اننا نتكلم مع حد حكيم عاقل ونحكيلة كمحاولة لتفريغ مشاعرنا السيئة و بأكد علي حد حكيم و عاقل عشان يهدينا فعلا .

" الحدود منهج اللهي "

ربنا حط حدود لأقرب الناس لينا اولادنا و الناس اللي عايشة معانا و بيساعدونا .
الحدود منهج حياة ،وسيلة لعلاقات صحية و مريحة .
دليل علي الحرية و حب النفس و احترامها و تقديرها .

سؤال بتسألة كتير اوي
هو لية انا بجذب ناس مش كويس ؟
لية انا مغنطيس لناس غريبة لية ؟

تعالوا نتفق علي حاجتين الاول :

*اولا : كل واحد بيجذب ناس كويسة و ناس مش كويسة ، بنرفض ناس و بنقبل ناس ، احنا اللى بنفتح الباب و ندخل الناس دي حياتنا
يعني الموضوع باختيارنا مش قدر ولا مغنطيس و لا حاجة و بالتالي احنا بنختار غلط
فالحقيقة ان اختياراتنا هي اللي ملخبطة حياتنا .

*تاتي حاجة : اسمها حد مناسب و حد مش مناسب مش وحش او حلو ، مناسب لافكاري ،لقيمي ، لديني ، اخلاقي ، عاداتي ، تقاليدي ، عائلتي ، اعتقداتي و اسلوب حياتي ، الوحش ليا هو حلو اوي لغيري .

تعالوا بقة نشوف احنا لية ممكن نفتح الباب و نقبل الناس الغلط في حياتنا :

١- ساعات بنختار الناس اللي بيكون فيها شبة في صفاتهم من صورة ذهنية في عقلنا عن الناس اللي كانوا بيدونا الاهتمام و الحب و الرعاية و احنا صغيريين زي ماما ، بابا ،تيتة ،جدو و الصورة دي مش بتكون لشخص معين هي خلطة من الناس دي و كل ما الشبهة يكون اقوي كل ما بيعجبونا اكتر ، و هنا اللي بيختار عقلنا اللاواعي .

٢- عارفين الفرق لما ننزل نشتري عربية عشوائي و مش محددين طلبات او مواصفات معينة فنختار اي عربية يكون شكلها حلو او بيقولوا حلوة فنشتريها و يا تطلع مناسبة ليا و مريحاني او لاء و الفرق لما اروح اشتري عربية و انا محدد مواصفاتها ، لونها .....
اكيد هتفرق
نفس الكلام لما اكون عارف نفسي كويس و عارف اية المناسب ليا و اللي محتاجة في الشريك عيني مش هتلقط غير اللي فية المواصفات دي ......هنا بقي العقل الواعي هو اللي هيختار

٣-معرفتي هو انا استحق اية ، لو متاح ليا كل حاجة هختار لنفسي اية ، اي حاجة و السلام و ارضي بقليلي ولا انا استحق احسن حاجة و دي ساعات بتجي من التربية واحنا صغيرين كان بيتقال لنا اية علي نفسنا ، هتقعد في ارابيزنا و مش هنلاقي حد يتجوزها ولا بيتقال انتي تستاهلي احسن واحد في الدنيا .
يا ريت اللي عندهم اطفال صغيرين يخلوا بالهم من الحتة دي.

٤- نظرية بقة ان الgood boy المحترم دة ممل ومش لطيف و هيبقي مقفل و مش ملحلح ( بتقولوا كدة والله ) ، انما ال bad boy دة حلو و لطيف و الموضوع في اثارة و challange كدة حلو .

و طبعا دي مش كل الاسباب

بس حقيقي اكتر حاجة بتفرق هي اننا نكون عارفين نفسنا كويس و عارفين المناسب لنا و حاطين معايير مظبوطة ،كدة عنينا مش هتلقط غير المناسب و مش هنسمح بدخول اي حد في حياتنا .

طولت عليكم ؟ قولولي طولت

يمكن تفرق

"الخزان لازم يكون مليان "

وقت الابتلاءات بيكون صعب اوي و ردود افعالنا مش بتكون وليدة اللحظة دي نتيجة لاستعدادك للبتلاء او المحنة دي

ازاي يعني استعدادي دي ؟ 🤔

الاستعداد دة هو ان وقت الرخاء نكون بنملي خزان او تنك ربنا عشان يكون جاهز نستعملة لما المحنة تيجي زي خزان المية الاحتياطي اللي بنستعملة لما المية تقطع مثلا .
الخزان دة لازم يكون مليان تسليم و ايمان بربنا ، ايمان ان ربنا عليم بما يصلح احوالنا و حكيم بتدبيرة لامورنا و رحيم بنا لا يكلفنا الا وسعنا (يعني الابتلاء علي مقاسنا ) و لطيف بنا ، مع الابتلاء دايما في لطف و رحمة و منحة و عطية ، تسليم بقضاء الله و اقدارة و ان كلها خير .

كل دة بيساعدنا اننا نشوف الابتلاء دة نعمة و عطية من ربنا .

اية ؟ اشوف الابتلاء نعمة و عطية ؟؟!!
اة ممكن نشوف الابتلاء نعمة و عطية و طبعا دي حاجة مش سهلة بس ممكن تحصل لو الخزان مليان صح ، مليان و العقل مصدق و القلب معتقد و مترسخ فية المعاني دي بجد مش كلام بيتقال .

بتقولولي ازاي ؟

اقولكم بقة ازاي
١ - لما الخزان بيكون مليان اول ما يقع الابتلاء او المصيبة ،العقل و القلب مستعدين جاهزين حاضرين بالصبر و الرضا بقضاء الله و قدرة

٢- لما هترضي هتعرف تتكيف و تتأقلم مع الوضع ، هتشغل العقل المرن flexible mindset , هتطلع حلول و بدائل تساعدك ، و بالتالي هترتاح و هتتقبل اكتر .

٣- لما هتتقبل اكتر ممكن كمان تلاقي فرص جديدة او تتعلم مهارات جديدة او تكتشف في نفسك امكانيات و مهارات مكنتش عارفها عن نفسك .

لما دا يحصل هتحس ان الابتلاء دة نعمة و ان ربنا هداك بية عشان تتعلم حاجة جديدة او تكتسب مهارة او خبرة في الحياة تزيدك صلابة و حكمة و تعلي قدراتك و امكانياتك دا غير طبعا مكانتك عند ربنا بالصبر و الرضا و مكافأة الصبر اللي لا يعلمها الا الله .

بالبساطة و السهولة دي ؟؟
اكيد لاء
هي مش سهلة بس مستاهلة

قهوتك علي كيفك
لما بتروح ستار باكس او اي محل قهوة عشان تشرب قهوة علي مزاجك ☕️ الويتر بيسألك ٣٩ سؤال عشان تختار اللي بتحبة و المناسب لذوقك فتشربها و تخليك مبسوط .
كل دة عشان تختار فنجان قهوة واحد حلو 🤔
تخيل بقة وانتي بتختار شريك او شريكة حياتك الي هتتجوزة و يشاركك باقي حياتك .
لازم تسأل نفسك اسئلة كتير اوي عشان تعرف بيها اية المناسب ليك و اللي هيخلي حياتك أحلى و أحسن لان مش كل حلو و جميل من برة مناسب ليك .
مفيش حاجة اسمها عريس لقطة و عروسة لقطة لكل الناس ، اللقطة ليك هي اللي علي مقاسك اللي في بينكم تناغم و اتفاق في اسلوب الحياة و طريقة ادارة حياتكم و عنده استعداد يشاركك افكارك و اهدافك و احلامك و يكون في ضهرك و يساعدك و يقويك .
متختارش حد لقطة بمقاييس الناس ، ولا اي حد و خلاص من غير ما تتأكد انة يناسبك و انت و حظك يا صابت يا خابت .
مفيش حاجة اسمها الجواز زي البطيخة تطلع بيضة او حمرا وانت و نصيبك ، الجواز ناجح او فاشل نتيجة اختيارك .
الجواز حلو و فية حاجات حلوة كتير لو احسنت الاختيار .

احسنوا الاختيار

# من اجل زواج ناجح

هل يمكن للرجل والمرأة أن يكونوا أصدقاء؟ - كنوز - أ.حسام الغروري هل يمكن للرجل والمرأة أن يكونوا أصدقاء؟ #كنوز ◀اشترك في قناة مصطفى حسني على اليوتيوب || http://goo.gl/c01dEm◀ شارك برأ...