Samir-On-Cloud

Samir-On-Cloud Contact information, map and directions, contact form, opening hours, services, ratings, photos, videos and announcements from Samir-On-Cloud, Education, Cairo.

06/08/2026

Day 5 من سلسلة 30 Days Azure Fundamentals.

النهاردة اتكلمنا عن Azure Regions و Availability Zones.

أي service بتشغلها على Azure لازم تكون موجودة في Region معينة، يعني مكان جغرافي فيه data centers حقيقية.

اختيار الـ Region مهم عشان السرعة، القوانين، والـ compliance.

أما Availability Zones فهي أكتر من data center جوه نفس الـ Region، منفصلين عن بعض في الكهرباء، الشبكة، والتبريد، عشان تقلل فرصة توقف الخدمة لو حصلت مشكلة.

باختصار:

Region = المكان الجغرافي
Availability Zone = اعتمادية أعلى جوه نفس المكان

Day 6 هنتكلم عن Resource Groups، ودي من أهم الحاجات اللي لازم تفهمها في Azure.

04/08/2026

الـAI هيغيّر سوق العمل، والمنافسة هتزيد. لكن الحل مش إننا نخاف منه؛ الحل إننا نتعلم نستخدمه ونتأقلم معاه. التكنولوجيا ممكن تساعد في اتخاذ القرار، لكن المسؤولية تفضل على الإنسان

03/08/2026

فاكر إن موبايلك آمن؟ راجع الحاجات دي قبل ما يفوت الأوان

31/07/2026

⁨ إزاي ممكن كاميرا الويب بتاعتك تتخترق؟

معظم الناس فاكرة إن كاميرات الويب آمنة، لكن الحقيقة إن أجهزة كتير ممكن يتم الوصول ليها لو كانت حمايتها ضعيفة أو الجهاز نفسه اتعرض للاختراق.

في الفيديو ده، هوريك إزاي ده ممكن يحصل، وإيه الأجهزة الأكثر عرضة للخطر، وإيه الخطوات اللي تقدر تعملها علشان تحمي خصوصيتك بشكل أفضل⁩

29/07/2026

Microsoft 365 مش Word وExcel وTeams بس.

دي منظومة متكاملة بتدير المستخدمين، والهويات، والأجهزة، والأمان، والتواصل، والبيانات من خلال أدوات زي Entra ID وIntune وDefender XDR وPurview.

أما Azure فهو الـCloud Platform اللي تقدر تبني وتشغّل عليه Virtual Machines، وتطبيقات، وقواعد بيانات، وشبكات، وحلول Backup وDisaster Recovery.

الفرق ببساطة:

Microsoft 365 بيدير بيئة العمل الرقمية داخل الشركة.

وAzure بيوفر البنية التحتية والخدمات اللي الشركة بتبني عليها أنظمتها

21/07/2026

لو إنت شغال في الـ IT ولسه مش بتتعلم Microsoft 365 وEntra ID وIntune وDefender XDR وAzure، فأنت كده بتضيّع فرص كتير.

السوق دلوقتي محتاج ناس تفهم الـ Microsoft Cloud ecosystem بالكامل، مش خدمة واحدة بس.

ابدأ بالأساسيات، اعمل Labs بإيدك، وما تعتمدش على الشهادات لوحدها.

السوق مش هيستناك.

20/07/2026

Take your time whilst learning cloud, It , Security and technology overall
1% of knowledge a day is better than 0
Take your learning journey step by step and don’t overthink the end result.

15/07/2026

تسريحات Microsoft الأخيرة أثارت قلق ناس كتير، لكن الموضوع مش معناه إن الشركة بتنهار أو إن الـAI هيلغي كل الوظائف.

اللي بيحصل هو تغيير في أولويات الشركات، وضخ استثمارات أكبر في الـAI والـCloud والمجالات الأسرع نموًا.

الخلاصة: اسم الشركة وسنين الخبرة مش ضمان. لازم تفضل تطور مهاراتك وتتعلم تستخدم الـAI جوه تخصصك، لأن سوق العمل بيتغير بسرعة

08/07/2026

مش لازم تكون خريج CS عشان تدخل مجال الـ Cloud أو الـ Tech.

الشهادة ممكن تساعدك، لكن اللي بيفرق فعلًا هو المهارات، الفهم العملي، طريقة تفكيرك، وشخصيتك في المقابلة.

أنا شخصيًا شفت وعيّنت ناس دخلوا المجال من خلفيات مختلفة تمامًا، ونجحوا لأنهم اشتغلوا على نفسهم صح.

ابدأ، اتعلم، طبّق، واعرف تعرض نفسك كويس.
الخلفية مش نهاية الطريق

05/07/2026

Day 4 من سلسلة 30 Days Azure Fundamentals with SamirOnCloud

النهاردة اتكلمنا عن الفرق بين Public Cloud و Private Cloud و Hybrid Cloud.

Public Cloud مناسب لو عايز تستخدم خدمات زي Azure أو AWS بسرعة ومن غير ما تشتري hardware بنفسك.

Private Cloud بيكون مخصص لشركة واحدة، وبيستخدم غالبًا لما يكون في requirements قوية جدًا في security أو data residency أو compliance.

Hybrid Cloud هو خليط بين الاتنين: جزء من الـ systems عندك on-premises، وجزء تاني على الـ Cloud.

المهم مش تحفظ التعريفات. المهم تعرف كل موديل يناسب أنهي نوع من الشركات والـ workloads.

Day 5 هنتكلم عن Azure Regions و Availability Zones، وليه مكان الـ data بتاعتك مهم جدًا.

Address

Cairo

Website

Alerts

Be the first to know and let us send you an email when Samir-On-Cloud posts news and promotions. Your email address will not be used for any other purpose, and you can unsubscribe at any time.

Shortcuts

Share

Category