Haydi Ahmed. Life Coach

20/09/2026

🤍

11/09/2026

كلنا لما عملنا تريند التمنينات فرحنا
واتمنينا لو نرجع نعيش فى الزمن دة من تانى
زمن كان دافى ويطمن
مكانش فيه مقارنات
كنا بنعيش كل المشاعر على الطبيعة بجد
مش علشان نصورها
مش هنعرف نرجع الزمن اه
بس نعرف نتغير نطمن نهدى
ندى كل حاجه حقها
ونعيش كل لحظه بقلوبنا
محتاجين نبعد عن الموبايل شوية
ونرجع نتجمع ونجمع حبايبنا
محتاجين منجريش ونرجع ناخد نفسنا من تانى
محتاجين منقارنش حياتنا بحد
كل عمر وكل زمن وكل وقت وليه حلاوته
لو عرفت تستغله صح
ابدأ من دلوقتى متضيعش وقت

#التمنينات

09/09/2026

اوقات كتير
بتكون النجاه ليك ولمصلحتك
ان حاجات تفوتك ومتلحقهاش
ربنا بيدبر الاحسن دايما

02/09/2026

30/08/2026

كل واحد انعكاس للى جوا قلبه بالظبط

الجميل بيمدح
والناجح بيدعم
والمتصالح مع نفسه مش بيقلل من غيره
واللى الناس مش فى باله مش بيراقبهم
والشبعان مش بيتباهى

فمهما عملت اصلك بيبان

28/08/2026

🤍

14/08/2026

🤍🙏🏻 الحمدلله

12/08/2026

سبحان الله هتفضل مشاعر الإنسان من أغرب الحاجات اللي محدش يقدر يفهمها.

يوم تلاقي نفسك هادي، متفائل، مطمّن، قادر تشيل مسؤوليتك ومسؤولية اللي حواليك، تسند وتدعم وتطمن غيرك

ويوم تاني تلاقي نفسك مش قادر حتى تفتح عينك، ولا مستحمل الهوا، ولا عندك طاقة تعمل أبسط حاجة.

وده مش تناقض دي طبيعة الإنسان.
إحنا مش آلات، ومش لازم نكون أقوياء طول الوقت.

يمكن أكتر حاجة محتاجين نفتكرها إن مشاعرنا مش دايمًا بإيدينا
لكن ربنا هو الأعلم بقلوبنا، والأرحم بضعفنا، والأعرف بقدرتنا

"رَبَّنَا وَلَا تُحَمِّلْنَا مَا لَا طَاقَةَ لَنَا بِهِ"
خليك معانا يا رب…
في قوتنا وضعفنا، في طمأنينتنا وتعبنا،
وفي كل وقت مش عارفين نفسنا محتاجين إيه

ولو أنت النهارده مش قادر
افتكر إن ده مش معناه إنك ضعيف، ده معناه إنك إنسان

03/08/2026

هزة أرضية مكملتش دقيقه
خليتنا كلنا نحس أد ايه احنا ضعاف اوى
وأد ايه كل اللى بنعتبره ثابت ممكن يتغير فى لحظة
لحظة وحده خلت كل الناس تفتكر إن مافيش حد يملك لنفسه نفعا ولا ضرا إلا بإذن الله
احنا بنخطط ونجرى ونزعل ونتخانق ونشيل هم بكرة
لكن الحقيقه إن حياتنا كلها بإيد ربنا
الزلزال تذكير إن الدنيا مش دار بقاء
وإن أى لحظة ممكن تغير كل حاجه
لو بينك وبين ربنا مسافه.. قربها
لو مخاصم حد حاول.. تسامحه
اشكر ربنا على النعم اللى عندك
ولو جالك فرصه تعمل خير ..متأجلهاش
اللهم اجعل قلوبنا معلقه بك
ولا تجعل الدنيا اكبر همنا
واحسن خاتمتنا
﴿يَا أَيُّهَا النَّاسُ اتَّقُوا رَبَّكُمْ ۚ إِنَّ زَلْزَلَةَ السَّاعَةِ شَيْءٌ عَظِيمٌ﴾

27/07/2026

اوقات كتير ربنا بيبعد عنك ناس
هتلاقى نفسك فعلا مكونتش شبهم
مكونتش مرتاح معاهم بس مكمل متعرفش ليه
هتلاقى قلبك كان دايما حاسس بحاجه
بس بتحاول تكذبه
هتلاقى مواقف كتير بتقول الصح انك تبعد
بس انت كنت متمسك
يمكن كنت بتشبع رغبه من رغباتك
أو بتلبى احتياج من احتياجاتك
بس لما ربنا خلاهم يمشوا
وانت مبذلتش اى مجهود علشان يمشوا
ساعتها بس هتحمد ربنا الف مرة أن دة حصل
وهتلاقى ناس تانيه غيرهم خالص قربولك
وهتلاقى جبر خاطر من ربنا لقلبك
وكإن ربنا بيبعتلك مسدج صريحه وواضحه
(انت تستحق الاحسن)
يارب ابعد عننا ناس عاملين بيحبونا
وقرب لينا ناس نضيفه وصافيه وعشرتها جميلة