17/06/2025
ماتيجي نبدل كلمة :
انت لسه صغير
انت مش هتعرف
انت مش بتفكر
بكلمة " انت تقدر فقط حاول "
وده مش معناه انك تطلب من ابنك مهام تعجيزية أو مش مناسبة للمرحلة العمرية بتاعته .
عارفة يامامي انك بتحبي ابنك وبتحاولي تريحيه طول الوقت عشان لسه صغنن وعاوز يتدلع وده من حقه طبعا 🥰
لكن وانتي بتدلعي لازم يكون بحساب عشان النتيجة بتكون تكوين شخصية اعتمادية أو شخصية ضعيفة مترددة
خليكي داعم لابنك دايما حتي لو قال صعبة قوليله طب ساعدني نحاول نعملها
ساعديه دايما يفكر في حلول مناسبة لعمره مش كل حاجة تتقدمله جاهزة يشارك ولو في جزء صغير معاكي
يعني حتحضري الاكل اطلبي منه المساعدة وياخد المعلقة أو يعدل الكرسي بتاعه بمعني اصح يساعدك بجزء صغير حتي لو يشيل منديل لازم يشارك ❤️❤️
