Mentorship Obour STEM Program

Mentorship Obour STEM Program Contact information, map and directions, contact form, opening hours, services, ratings, photos, videos and announcements from Mentorship Obour STEM Program, Education, Cairo.

we are non profit organization have both mission and vision, which can be represented by helping those who want to join STEM schools by recording sessions that explain simply the system of the schools and how to pass the acceptance exams.

For Arabic scroll downWe're back with a fresh start to a new season with more experience and the same passion ✨Do you kn...
27/07/2025

For Arabic scroll down

We're back with a fresh start to a new season with more experience and the same passion ✨
Do you know us?
We're Mentorship Obour STEM Program, a non-profit initiative led by Obour STEM students, created to support anyone aiming to join STEM schools.

We guide you throughout the entire admission process by answering your questions, providing reliable resources, and offering real help during the preparation phase.
But our work doesn’t stop there…

Once you’re accepted, a new phase begins:
Ongoing support, continuous follow-ups, and everything you need to adapt to the school system and face the challenges starting from day one at STEM Obour.

Last season, we helped many students get through the tough beginning, prove themselves, and discover their goals within the system.
And now, we're back with a brand new season with clearer goals, deeper work, and even greater impact.

This year, we’re focusing on:
🔹 Stronger support for newly accepted students
🔹 Sessions covering all the essential skills you'll need at school
🔹 Follow-ups for capstones and projects
🔹 A team that will always be by your side when you need help

We're here to make your start easier, answer your questions, and walk this journey with you until you unlock your true potential and realize how far you can go.

We’re back, and we’re waiting for you to join us in a season full of passion, progress, and real achievements! 💪

👉 Join us:
https://chat.whatsapp.com/BOT9AEtgkmR5uXlu83oMZ1

رجعنــا ببداية جديدة لموسم جديد، بخبرة أكتر ونفس الشغف ✨
عارفنا؟
احنا Mentorship Obour STEM Program، برنامج غير ربحي من طلاب ستيم العبور معمول مخصوص علشان يساعد أي حد حابب يدخل مدارس STEM.

بنقدملك مساعدة طول الفترة اللي قبل امتحان القبول، بنجاوب على أي سؤال، ونوفرلك مصادر ومساعدة حقيقية طول فترة التقديم.
بس شغلنا مش بيقف هنا...

بعد القبول، بنبدأ معاك مرحلة جديدة:
متابعة، دعم مستمر، وكل حاجة تساعدك تتأقلم مع نظام المدرسة وتواجه التحديات اللي هتقابلك من أول يوم في STEM العبور.

الموسم اللي فات ساعدنا طلاب كتير يعدوا البداية الصعبة، يثبتوا نفسهم، ويلاقوا هدفهم جوه النظام.
ودلوقتي، احنا راجعين بموسم جديد... بأهداف أوضح، شغل أعمق، وتأثير أكبر.

السنة دي هنشتغل على:
🔹 دعم أكتر للطلاب الجدد
🔹 سيشنز عن كل المهارات اللي هتحتاجها في المدرسة
🔹 متابعات للكابستون والمشاريع
🔹 وناس هتكون جنبك دايمًا لو احتجت أي مساعدة

احنا موجودين علشان نسهّل عليك البداية، نرد على أسئلتك، ونمشي الطريق سوا ...
لحد ما تكتشف قدراتك، وتعرف فعلًا ممكن توصل لإيه.

رجعنـــا ومستنيينك معانا في موسم مليان شغف، شغل، وإنجازات حقيقية 💪
👉Join us:
https://chat.whatsapp.com/BOT9AEtgkmR5uXlu83oMZ1

26/07/2025

👀👀

12/09/2024

تفاصيل القبول في واحدة من أكبر الجامعات في أمريكا، مع بلال بهاء، طالب في جامعة Pennsylvania، واللي هي من أفضل 10 جامعات في العالم! وخريج ستيم اكتوبر 2024.

بيشرح ازاي تتقبل في أكبر الجامعات الأمريكية بمنح كاملة، و ايه اللي المفروض تعمله عشان تتقبل في جامعة أحلامك🤩

04/09/2024

ازاي تدخل كلية طب القصر العيني بجامعة القاهرة من مدارس ستيم؟
في حلقة انهردا معانا إبرام أيمن الأول علي مدرسة ستيم العبور علمي علوم والسابع عالجمهورية 🤩

بيحكي عن تجربته في ستيم وازاي كان بيذاكر و كمان نصايحه للمهتمين بمجال الطب في مدارس ستيم.

31/08/2024

الأول علي الجمهورية علمي رياضة في مدارس STEM، مصطفي اسامة، بيحكي عن تجربته مع نظام ستيم، وازاي قدر يتعامل معاه من أول سنة، ازاي كان بيذاكر، وكمان نصيحته للدفعة الجديدة 🤩

20/08/2024

من مدارس ستيم لكلية طب القصر العيني🤩
رحلة دكتور محمود يسري اللي بدأت في مدرسة المتفوقين بالعبور ووصلت لحد القبول بجامعة Minerva في امريكا ( الجامعة صاحبة اقل نسبة قبول في العالم ! ) ، والحصول علي المركز الاول علي الجمهورية في اشهر مسابقة بحث علمي في العالم !
دكتور يسري هيحكيلنا قصته مع مدارس ستيم و رحلته لدراسة الطب في القصر العيني، وليه اختار مجال الطب اساسا؟

16/08/2024

بما ان اختبار القبول بكرة ، دلوقتي عندنا شوية نصايح كدا ليكم عشان يوم الامتحان.🤩
بنقولكم النصايح دي لسبب واحد هو ان احنا كنا قبلكم مش اكتر، دا مش بيدينا ميزة ولكن بيدينا شوية خبرة 🤏 حاولوا تستفيدوا منها علي قد ماتقدروا و ان شاء الله تتقبلوا في المكان الاحسن ليكم❤️

1 - نام كويس ( اهم حاجة والله )
انت ممكن تكون ذاكرت طول الأجازة وحضرت احسن تحضير، بس عشان منمتش كويس ليلة اختبار القبول، متركزش، ومتحلش كويس. علي النقيض انت ممكن حرفيا متذاكرش، بس تنام كويس وتدخل الامتحان فايق وتحل كويس. اختبار القبول في الاول والاخر هو اختبار ذكاء بيقيس قدراتك، مش مذاكرتك، انت ايوا لازم تذاكر وتعمل اللي عليك، ولكن انت اهم حاجة عندك هي انك تدخل بكامل قدراتك العقلية وتركيزك، هو دا المهم في اختبار القبول.
نعرف ناس كتير اتقبلوا منغير تحضير كتير، بس كانو مركزين يوم الاختبار.
عارف فكرة انك مش هتعرف تنام من التوتر / عشان عارف ان بكرا يوم مهم في حياتك، بس هتكلم عن دا بعدين، حاول تنام كويس بس.

2 - متغيرش روتين يومك انهردا بالذات، مضاقتش بيك الدنيا انك تقرر في اليوم دا تضيف حاجة جديدة لحياتك، زي انك تشرب قهوة الصبح لو مكنتش متعود علي دا مثلا، او انك تغير حاجة متعود عليها، اتعامل مع اليوم دا بشكل عادي تماما، خليه زيه زي اي يوم، بلاش المعاملة ال Special دي هتخليك مش مرتاح يوم الامتحان. + متشربش قهوة علي معدة فاضية، افطر يسطا عادي، الا اذا كنت مش متعود تفطر اول لما تصحي، وفي اليوم دا امتحانك كان بدري، ف تعامل مع اليوم عادي ومتفطرش بردو ( انا عملت كدا وعادي )، اهم حاجة متغيرش حاجة في نظام يومك.
+ خد معاك ازازة مية، هتحتاج تشرب كتير وقت الامتحان.

3 - متذاكرش يوم اختبار القبول، صدقني مش دول الكام ساعة اللي هيخلوك تتقبل، هيزودوا توترك وخلاص لو لقيت كام سؤال مش عارف تحلهم، انت ذاكرت وتعبت طول الاجازة او حتي طول الاسبوعين اللي فاتو، خلاص بقا يوم اختبار القبول متحلش حاجة غير الاختبار نفسه.

4 - بلاش توتر، انا عارف ان دي نصيحة غريبة وعارف ان التوتر شئ مش بمزاجك، بس تقدر تتحكم فيه، طول ما انت تفكيرك انك خايف وان اختبار القبول صعب وقاعد تفكر في انت هتتقبل ولا لا والكلام دا، مش هتعرف تحل، مش هتعرف تنام، ومش هتعرف تعمل حاجة.
اهدا كدا وادخل الامتحان ببرود عادي، مش دا اللي هيحدد مستقبلك يعني، ولا اي حاجة هتحدده اساسا غير شغلك طول حياتك، مش اختبار قبول مدرسة يعني.
بمناسبة التوتر والنوم وكدا، طبيعي انك متنامش كويس بسبب التوتر، انا اتذكر اني نمت بتاع 4 ساعات ولا حاجة، بس عالاقل نمت يعني، اوعي تروح الامتحان منغير نوم.

5 - ملكش دعوة بحد في اختبار القبول، اي حاجة عشوائية تحصل في اللجنة سواء بقا كانت واحد بيصيح واحد بيغش الناس كلها بتغش، ملكش دعوة.
كل دوللل مش هينفعوك بحاجة، انت الوحيد اللي هتنفع نفسك هنا، انت مذاكرتش كل دا عشان تروح تضيع وقت او تغش
ادخل اتقبل بعدها اخرج، مش رايح تعمل اكتر من كدا.

6 - متسيبش سؤال فاضي، متكسلش تحل سؤال ( بجد في ناس بتكسل )، صدقني كل سؤال هيفرق اوي معاك، سؤال واحد ممكن يفرق بين انت هتتقبل او لا، و ممكن لو انت هتتقبل يخليك تتقبل رغبة اولي او تانية.
حل كل سؤال، ولو في سؤال مش عارفه خالص يعني، استبعد الاجابات الغلط، ولو مش عارف اي حاجة، اختار اي اجابة.

بس والله ياشباب عشان مطولش عليكم يعني، دي شوية نصايح مهمة اوي ان شاء الله تساعدكم تحلوا بأحسن شكل ممكن في اختبار القبول، ومتنسوش طبعا ان الموضوع كله توفيق ربنا، و ان ربنا هيحطك في المكان الافضل ليك، سواء ستيم او غيره، مش المكان هو اللي بيديلك قيمة، انت اللي بتدي قيمة للمكان.
وربنا معاكم🤩

07/08/2024

بما إن اختبار القبول قرب واحنا دخلنا في مرحلة المراجعة، دول شوية نصايح عشان ترجع تركز تاني ،و تتقبل بأذن الله 🤩

حل ملازم سفير التفوق:
ركز على ملازم السفير كل يوم وراجعها كويس.

1. الرياضيات :
ركز على الهندسة وقوانين الدوائر و بردو راجع علي الدوال (functions) و النسب (ratios) و ال pattern او الانماط
طب اعمل اي اهم حاجة ؟
حل مسائل كتيير وراجع الأساسيات من مناهج اعدادي و تابع اخطاءك و ركز علي الحل بوقت.

2. الإنجليزي:
حل القطع الموجودة فملازم سفير.
و ابحث عن قطع english على الإنترنت.
اهم حاجة تتعود علي طريقة حل مناسبة ليك للقطع و اقرأ كتير عشان تتعود علي الكلمات و ركز في ال phrasal verbs و بردو راجع punctuation و grammar عشان متغلطش فيهم وتكون اسئلة مضمونة.

3. العلوم:
اهم اجزاء بيركز عليها بتكون الاحياء و الكيمياء
تعمل اي بقي ؟
راجع ملاحظاتك اللي خدتها وانت بتراجع وحل امتحانات وأسئلة كتير واتعود تحل بوقت و بردو ركز علي قوانين الفيزياء بتاعة اعدادي.

4. اختبارات الذكاء IQ:
ابدأ بـحل ملازم السفير بتاعة المراجعة، بعد كدة الدليل الكامل و بردو حل IQ TESTS من علي النت
-- حل أسئلة متنوعة وسجل القواعد في كراسة و طرق الحل المختلفة للأسئلة زي اسئلة الساعة، الخ. سجل الأخطاء عشان تراجع عليها قبل الامتحان

نصايح أخيرة:
- حط روتين يغطي كل الحاجات دي وفي نفس الوقت يكون عندك وقت في يومك للراحة

- خلي عندك وقت لجلسات مراجعة قبل الامتحان علي غلطاتك متراكمش علي نفسك.

- وزع وقت المذاكرة بين كل المواد و ركز علي اللي انت اضعف فيه عشان لازم تنجح في كل المواد عشان تتقبل

اخر حاجة لازم تبقى عارف ان ستيم طريق بيوصلك مش نقطة الوصول و ان ربنا بيختارلك اللي فيه الخير و ما عليك الا السعي والنتيجة بتاعة ربنا ❤️‍🩹❤️‍🩹

وبالتوفيق للجميع 🤩🫶

30/07/2024

اي المختلف بين ستيم و ثانوي عام ؟ اكيد سمعت كتير مصطلح ال Capstone. طب عارف اي هو ؟؟

كل ما تريد ان تعرفه عن ال Capstone project في الفيديو ده مع Mohamed Maher طالب في ستيم عبور سنة تالتة حاصل علي تالت عالم في اشهر مسابقة بحث علمي في العالم (ISEF)

هيتكلم عن الكابستون و ازاي استفاد منه في مسابقات البحث العلمي اللي خد فيها مراكز علي مستوى العالم

27/07/2024

ازاي تتقبل في ستيم و تجيب ترتيب عالي في اختبار القبول؟
نصايح ومعلومات من طلاب في ستيم العبور اتقبلوا في الرغبة الاولي وكان ترتيبهم عالي، من ال Top 50 في اختبار القبول🤩
محمد وليد - المركز التاني في اختبار قبول ستيم 2023
محمد حاتم - المركز السابع في اختبار قبول ستيم 2023
لوجينا أشرف - المركز ال 39 في اختبار قبول ستيم 2023

لو عندك أي سؤال بخصوص ستيم او اختبار القبول تقدر تسأله علي community ال WhatsApp بتاعنا من هنا:

https://chat.whatsapp.com/GWJOHbGyuWoIGKtAAI98tB

22/07/2024

Introduction to STEM schools

اي هي مدارس ستيم ؟؟ اي المختلف فيها ؟؟ و اي اهم الحاجات اللي بتميزها ؟؟

Address

Cairo

Website

Alerts

Be the first to know and let us send you an email when Mentorship Obour STEM Program posts news and promotions. Your email address will not be used for any other purpose, and you can unsubscribe at any time.

Contact The School

Send a message to Mentorship Obour STEM Program:

Shortcuts

Share

Category