مركز تواصل للتخاطب وتنمية المهارات

08/10/2022

ان شاء الله هنتكلم النهاردة عن موضوع مهم جدا وعنوان حلقة النهاردة هو ( التسنين عند الأطفال)
💭 اولا لازم نعرف ان الأسنان مهمة جدا ويجب الحفاظ والاهتمام بيها جيدا هى مش بس مفيده فى الاكل وكمان مفيده أيضا فى النطق والكلام وفى بعض العوائق التى تظهر فى النطق بيكون سببها الأسنان وبنحتاج الأسنان فى علاج بعض انواع اللدغات فيجب الاهتمام بها جيدا
وان شاء الله هتكلم على اللدغة فى حلقة تانية خاصة
وفى كثير من الأمهات كانوا قلقنين من التسنين وبتسالنى نعمل ايه يلا نعرف نعمل ايه 👇
💢 الكثير من الأمهات بتخاف وتقلق من اللى بيظهر على أطفالهم أثناء مرحله التسنين للطفل وهل هذا بسببه ام لا
وفى ناس كتير بتسأل ايه الى يعملوه للطفل بالظبط
ان شاء الله النهاردة هنعرف وهقولكم نعمل ايه بالضبط
لما الطفل يبدأ يسنن وامتى وفى اى سن الطفل بيسنن
وايه هى الأعراض التى تظهر على الطفل فنعرف انه بيسنن ونتصرف ازاى وهنعرف ازاى نحافظ على الأسنان التى تظهر
👈 فلا داعى للقلق ولا الخوف نهائيا ☺️
💥 اولا (التسنين) هو بدأ ظهور الأسنان اللبنية عند الطفل
والسن المتوقع لظهور الأسنان عند الطفل يختلف من
طفل لآخر لكن المتوسط هو عمر ( ٦شهور) وفى اطفال
التسنين لديهم مبكرا فى عمر( ٤او ٥ شهور) تظهر اولا من الأسنان السفليه( القاطعان السفلية) ثم من الأسنان الامامية ( القاطعان الامامية) امتى نقلق 🤔
اذا وصل الطفل إلى عمر (١٣ شهر) دون ظهور اى سنة فلا نقلق ابدا فيجب علينا الذهاب إلى دكتور الأسنان الذى يطلب إجراء أشعة على الفكين للتأكد من عدم وجود مشكلات تعيق ظهور الأسنان فى عظام الفك
💫 من أسباب تأخره :
نقص فيتامين د ونقص الكالسيوم
ونقص الكالسيوم يجعل الأسنان تبدو رخوة لان طبقة المينا
بتكون مشبعة بأكثر من ٧٨٪ من الكالسيوم والماغنسيوم
فيجب على كل الأمهات الاهتمام بتغذية أطفالهم جيدا والاهتمام بالرضاعة الطبيعية للطفل التى تحتوى على نسبة عالية من الكالسيوم وجميع العناصر الغذائية لتكوين العظام والأسنان والاهتمام بوجبات صحية واخذ أطعمة الغنية بالكسيوم مثل ( اللبن - الذبادى - والجبن) بالنسبة الأطفال الأكبر سنا ( فى مرحله مبكرة من السن)
💥 ما هى الأعراض التى تظهر على الطفل أثناء التسنين🤔:
الأعراض التى تظهر على الطفل أثناء ظهور الأسنان فلا نخاف ولا نقلق يلا نعرفها 👇
_ تضخم حجم اللثة
_ احمرار اللثة وأحيانا تورمها
_ كثرة البكاء وعدم الراحة
_ شعور الطفل بتاكل اللثة ويقوم الطفل بوضع اى شئ فى فمه للعض عليه
_ احيانا التهابات فى الحلق
_ ارتفاع درجة الحرارة 🤒
_ عدم قدرة الطفل على النوم
_ احيانا يظهر احمرار بسيط فى خد الطفل
_ سيلان اللعاب
وتختلف هذه الأعراض من طفل إلى طفل اخر
💢 التغلب على مشاكل التسنين نعمل ايه 🤔 يلا نعرف 👇
_ نعطى الطفل عضاضة نظيفة لكى يعض عليها وترك هذه العضاضة فى الثلاجة لتبرد قليلا لتخفيف من آلام التسنين
💫تحذير 👈 لا يجب جعل العضاضة مجمدة لأنها اذا كانت مجمدة هتسبب ضرر إلى اللثة
ولو كان الطفل اكبر سنا وياكل نعطيه قطعة من الاكل اللينة
_ يجب على الأم فرك لثة الطفل بلطف بشئ نظيف او بقطعة شاش نظيفة مبللة
_ يجب على الأم تنظيف اللثة على الاقل مرتين فى اليوم
👈 تجنبوا استخدام المراهم بدون استشارة الطبيب والمراهم التى تحتوى على مادة البنزوكاين لأنها بتقلل الأكسجين فى الدم
💭 بعد ظهور الأسنان اللبنية يلا نعرف بسرعة ازاى نحافظ عليها من التسوس 😺
يعتبر تسوس أسنان الأطفال اللبنية التى يجب على الأمهات الانتباه لها من بعض المشكلات التى تواجه الطفل فى سن صغير
💥 تسوس الأسنان اللبنية للطفل بيظهر بتغير لون السنة وهشاشتها بعد فترة من ظهورها
وظهور اشياء بسطح السنة
وظهور ألم مصاحب بارتفاع الحرارة
👈 أسبابه : _ عدم تنظيف أسنان الأطفال
_ الإفراط فى تناول العصائر والحلويات
_ اضافر السكر للحليب
_ التغذية الغير سليمة
👈 نعمل ايه للتخلص منه 🤔
- تنظيف الأسنان دائما مرتين فى اليوم بعد الإفطار وقبل النوم
- عند اخذ الرضاعة الاصطناعية يمنع إضافة السكر وإعطاء الطفل الحليب الذى يكفيه قبل النوم 😴
- تقليل الماكولات التى تحتوى على سكريات 🍭🍫🥧
👈 وعند الشعور بألم فى الأسنان بسبب التسوس يجب الذهاب إلى دكتور الأسنان
💬 هذه حاجة بسيطة عن التسنين لاطمئنان الأمهات وعدم الخوف ☺️
💥 يارب اكون قدرت أفيدكم
👈 الله المستعان 🤲🏻
👈 الله ولى التوفيق 🤲🏻
💬 وانا تحت أمركم فى اى استفسار او أسئلة 😊

26/09/2022

عادة ( مص الأصابع)
عرفنا فى الحلقات السابقة ان هى عادة وليست مشكله
وعرفنا ايه هى وامتى تكون امر طبيعى جدا وامتى نقلق من هذه العادة
وامتى بتتحول إلى مشكله وعرفنا أسبابها وعرفنا مدى تأثيرها على الأسنان
وان شاء الله النهاردة هنعرف ازاى نتعامل مع الأطفال
ونعمل ايه للتخلص من هذه العادة وايه حل مشكله الأسنان 🤔
يكتسب الأطفال في سن مبكر الكثير من العادات السيئة مثل عادة مص الأصابع وفى بعض الأطفال بتتحول معه إلى عض الأظافر
💫 تعالوا نعرف نتعامل ازاى مع الأطفال
نعمل ايه 🤔
لازم نعرف حاجة مهمة جدا 👈 وهى لازم نعرف اولا ايه السبب الذى يجعل الطفل يلجا إلى هذه العادة ازاى 🤔
يعنى فى اطفال يلجاون لهذه العادة تعبيرا عن الجوع اذا كان فى سن سنة او التعب او الانزعاج او محاولة للنوم اذا كان فى سن ٤ سنوات 👈 والحل 🤔
الطفل فى سن سنة وسنتين مادام لم يصل إلى سن ٤ سنوات
يجب تجاهل هذه العادة تماما فهى امر طبيعي عند شعور الطفل بالتعب وان كان يلجأ إليها احساسا بالملل فحاولى ان تصرفى انتباه عنها واعطيه شيئا يشغله (مثل التلوين - الرسم - لصق الأوراق الملونة)
ويجب على الاهل ان يمدحوا طفلهم دائما على عدم مصه لاصبعه ولا تقول له (جمله شيل صبعك🤭) لانه من السهل للطفل ان( يتخذها عندا😯) لكى عندما يسمع مثل هذه الجمله
💫 التجاهل 👈 ازاى 🤔
يجب أن يكون تجاهلا من نوع خاص فعندما تجدين طفلك يضع أصبعه فى فمه ( لا تقولى له شيل صبعك) ولكن اخرجى انت يديه من فمه برفق واشغليه بشئ مثل قوليلى يلا تعالى نلون ونرسم سوى
💫 ثالثا : تشتيت الانتباه 👈 ازاى 🤔
اذا وجدت طفلك يضع أصبعه فى فمه اشغليه بلعبه
(مثال) قوليله يلا نلعب سوي او يلا ساعدنى فى ترتيب غرفتك وبعدها كافئيه
💥 ويجب على الاهل ملاحظة مشاعر طفلهم عند وضع أصبعه فى فمه اذا كان يلجأ إليها لشعوره بالغضب يجب على الاهل تهدئته وتجعله يطمئن ولا يشعر بالخوف واذا كان يلجأ إليها نتيجة الملل يجب على الاهل تشجيعه على أشياء تكسر الملل مثل الرسم والتلوين واللعب بالكرة
💬 كلما زاد شعور الطفل بالامان كلما قلت الحاجة ان يلجأ للراحة بوضع أصبعه وان كان يشعر بالقلق حاولى تخفيف قلقه واجعلى جو البيت هادئ ويجب أن يوجد علاقة ود وصداقة بين الأبوين والطفل
💫 او استخدام غطاء الإبهام 👈 وهو عبارة عن غطاء بلاستيك بيتركب فوق الإصبع وبيمنع الطفل ان يضع أصبعه فى فمه 👈 (هاضع لكم صورته تحت) 👇
💬 ويجب على الاهل ان تتكلم مع طفلهم بكل هدوء وتبين له مدى الضرر الذى يمكن أن ينتج عنه هذه العادة مثلا تقوليله شوف سنانك عامله ازاى وأصحابك كلها سنانهم حلوة وشكلها حلو عشان مش بيضعوا اصابعهم فى فمهم
👈 حل بقى مشكله الاسنان 🤔
اذا حدث ضرر على الأسنان وخرجت إلى الأمام بيحتاج إلى تقويم اسنان من خلال دكتور أسنان
👈 واخر شئ خالص ممكن نلجأ له هو الذهاب لدكتور أسنان فهو يقوم بوضع جهاز خلف الأسنان العلوية 👈 فهو بيقوم بتثبيت قطعه بلاستيك توضع فى الفم حول الأسنان خلال اليوم او فى الليل
👈 وانا من رأى ان جهاز الأسنان هذا لا نلجأ له إلى للضرورة القصوى ما دام لم يحدث ضرر على الأسنان اما اذا أثرت على الأسنان نعمل للطفل تقويم اسنان من خلال دكتور الأسنان وان شاء الله اذا عملتم الخطوات إلى قولتلكم عليها ☝️مع التعود والصبر ان شاء الله الطفل هيمنع هذه العادة تماما

26/09/2022

موضوعنا النهاردة عن عادة (مص الأصابع)
💫 الكثير من الأمهات والاباء يشتكون كثيرا ان طفلهم عنده عاده مص الأصابع وان هو كل شوية يضع أصبعه فى فمه
نعمل اه 🤔
ان شاء الله هقولكم تعملوا اه ونعرف نتعامل ازاى ونعمل اه مع الطفل 🤩
💥 اولا هذه عادة وليست مشكله
💬 اول حاجة لازم نعرف العادة ديه اه هى 🤔
ان عادة مص الأصابع بتبدا عند الطفل وهو فى سن صغير جدا يعنى فى سن ٦ شهور 👈 ازاى 🤔
يعنى الطفل فى سن ٦ شهور بيضع أصبعه فى فمه وهذا من الطبيعى جدا لانه وهو فى رحم الام كان بيفعل ذالك وهو فى الاشهر الأولى بيضع أصبعه تلقائى وليس عاده فلا داعى للقلق وهو فى هذا السن بيلجا إلى وضع أصبعه تعبيرا عن جوعه اما بعد هذا السن فيلجا لهذه العادة تعبيرا عن التعب او الازعاج ومحاوله النوم
وبيكون هذه العادة سببها بالنسبة للطفل الرضيع بيلجا إليها اذا شعر بالجوع والأطفال تلجأ احيانا إليها رغبه فى النوم والتوقف عن البكاء والأطفال فى سن ٣ سنوات يلجاؤن إليها للفت الانتباه او الشعور باالملل ويجب على الاهل ان تهتم بطفلهم وتعويضهم بالمشاعر التى يفتقدوها
👈 فلا داعى للقلق فى سن (١-٢) بيكون هذا من الطبيعى للطفل لانه بيتخذها وسيلة لتهدئة نفسه او النوم وبعدها بتختفى هذه العادة من تلقاء نفسه
ولكن تصبح مشكله بالنسبة للأطفال الأكبر سنا يعنى سن (٤ سنوات) فيما فوق ويوجد بعض الأطفال الأكبر سنا قد يعوضها بعادات أخرى مثل عض الاظافر ولو استمر هذا السلوك الى سن خمس سنوات بيؤدى إلى مشاكل فى النمو والفهم والكلام
👈 وهذه العادة اذا استمرت بعد ظهور الأسنان الدائمة بعد سن (٥سنوات) بتاثر بشدة على الأسنان 👈 ازاى 🤔
بيؤثر مص الاصابع والابهام على فم الطفل وفكه وبيسبب ضغط على الأنسجة لسقف الفم ومن الممكن أن يضيق الفك العلوى ويؤثر على تطابق الأسنان العلوية والسفليه وبيجعل الأسنان العلوية بارزة إلى الأمام وبيكون شكل الأسنان غير منظم وبيسبب أيضا تأخر فى الكلام
💢 ان شاء الله نستكمل فى الحلقة القادمة هنعرف العلاج ونعمل اه بالضبط مع الطفل ونعرف أيضا اه الحل الأسنان ان شاء الله
👈 الله المستعان
👈 الله ولى التوفيق

22/09/2022

بسم الله والحمد لله والصلاة والسلام على رسول الله سيدنا محمد ( صلى الله عليه وسلم)
🌼 ان شاء الله موضوعنا النهارده ازاى نعرف نفرق بين (الطفل الشقى وفرط
الحركة)
💫 الكثير من الأمهات والاباء يعتقدوا ان طفلهم عنده فرط حركة ويزعلوا ويغضبوا ويكبروا الموضوع على الفاضى ويطلع ابنهم شقى وبس وليس فرط حركة والعكس
والكثير من الأمهات تشتكى ان طفلها فرط حركة ومش عارفة تعمل معاه اه وتتعامل معاه ازاى
وتقول اعمل اه 👈 فلا داعى للقلق
💬 ان شاء الله النهاردة هقول لكم وهعرفكم بضبط ازاى تعرفوا طفلكم وتميزوه وامتى يكون شقى وامتى يكون فرط
حركة
وهقولكم ازاى تتعاملوا معاه وتعملوا اه بضبط ان شاء الله
💫 اولا : الطفل الشقى 👈 بيعمل اه
الطفل الشقى دايما بيتنطط ويجرى ويلعب فى البيت
ويطلع على الكرسى وينط من عليه ويطلع على الترابيزة وينط من عليها ويدخل المطبخ و يبهدله وينزل كل إلى فيه ويلعب بيهم وبيرمى هدومه ولا ينظمها ولا حتى بيضعها فى مكانها ودايما يجيب كل حاجة من مكانها وعاوز يلعب بيها
وبيبهدل البيت كله
وكل شويه يقول لأمه (مثلا) لو اخته اخذت لعبته هيقول يا ماما بصى خادت لعبتى انا عاوزها
وطول النهار زن ولعب وتنطيط فى البيت
ولو الطفل خرج خارج البيت بيكون هادئ جدا ومكسوف أمام الغرباء وحتى ولو فى البيت
ولو الام خرجت من البيت وأخذته معها كل شوية وعلى كل شئ هيقول انا عايز من ده وعايز من ده وعايز من ده
ولو الام خرجت من البيت ومعاها ابنها بتزور احد أقاربها وكان الطفل شقى جدا عندهم (ولو الام قالت له اسكت)
الطفل هيسكت وهيسمع كلامها
👈 فكل هذا وبعد التنطيط واللعب ده كله فهذا شقاوة وليس فرط حركة
ولو الام قالت للطفل لا تلعب بهذه اللعبه فهى خطر
والطفل استمر فى البكاء عشان عاوز يلعب بيها
ولو الام قالت له اسكت هيسكت
💬والطفل الشقى وبعد الشقاوة ديه كلها واللعب طول النهار بيجى بليل بينام فى هدوء
👈 مادام فى استقرار فى النوم والطفل بينام فى هدوء بتكون هذه شقاوة وليس فرط حركة
👈 ان شاء الله نستكمل الباقي وما يخص فرط الحركة الحلقة القادمة ان شاء الله انتظرونى 😊
👈 الله المستعان🤲🏻
👈 الله ولى التوفيق🤲🏻
👈 للاستفسار او أسئلة اتركوا تعليق وهتواصل معاكم ❤️

19/09/2022

بسم الله والحمد لله والصلاة والسلام على رسول الله سيدنا محمد ( صلى الله عليه وسلم)
🌼ازاى نعرف نفرق بين (الطفل الشقى وفرط
الحركة)
💫 الكثير من الأمهات والاباء يعتقدوا ان طفلهم عنده فرط حركة ويزعلوا ويغضبوا ويكبروا الموضوع على الفاضى ويطلع ابنهم شقى وبس وليس فرط حركة
والكثير من الأمهات تشتكى ان طفلها فرط حركة ومش عارفة تعمل معاه اه وتتعامل معاه ازاى
وتقول اعمل اه 👈 فلا داعى للقلق
💬 الحلقه الي فاتت اتكلمت عن الطفل الشقى وعرفتوا حالتوا بتكون ازاي وايه هي الشقاوه☺️
ان شاء الله النهارده هنعرف كل حاجه محتاجين تعرفوها عن فرط الحركه والطفل بتكون حالته عامله ازاي ونعمل معاه ايه
ثانيا : نيجى بقى نعرف الطفل فرط حركة 👈 بيعمل اه
الطفل وهو بيلعب فى البيت فهو بيلعب باندفاعية شديده👈 يعنى اه 🤔
يعنى وهو بيجرى مش عارف او( مش منتبه) ان فى أمامه كرسى فينخبط فيه
ولو مسك حاجة بيكون عاوز يكسرها مش يلعب بيها
يعنى بيقلب كل حاجة ويجيب كل حاجة من مكانها وبيكون عاوز يكسرها مش يلعب بيها
ولو الام قالت له اسكت اسكت لا يسمعها
ولو الطفل خرج مع أمه فهو لا يدرك الخطورة 👈 يعنى اه 🤔
يعنى ان لو فى سيارة تسير فى الطريق فهو يجرى ويندفع ناحيتها ويترك يد امه
ولا يرضى ان يمسك يد امه وبيصرخ لو احتاج الى شئ يريده ويرمى نفسه على الأرض ويضر نفسه
ولا تعرف الام ان تسيطر عليه
💬 وعلى الرغم ان الطفل طول النهار يلعب ويكسر ويتنطط وفى الليل لا يرضى ان ينام بعد هذا التعب طول النهار ومن الممكن أن ينام ٣ او٤ ساعات ويصحى ويريد ان يلعب
واذا الام خرجت او ذهبت إلى أحد الأقارب لا تأخذه معاها لانه اذا ذهب معاها سوف يؤذى أصدقائه او أقاربه بالضرب
وفى المدرسة أيضا يضرب ويؤذى زملائه
ولا يستجيب للأم على اى شئ ولا بيسمع كلامها فى شئ
💫 نعرف بقى علاج طفل فرط الحركه اه هو 🤔
-اول حاجة لازم الاهل تعملها ان تجعل ابنها يلعب رياضة
او يتعلم السباحه فهى مهمة جدا جدا جدا بالنسبة له
لانه لازم يطلع الطاقة الزائدة اللى عنده
- الطفل فرط الحركة محتاج حنية شديدة من اهله
ويجب على الاهل ان تحسسه بالأمان
- لا يجب على الاهل ان تعاقب طفلهم جسدى ولا بالضرب
وإنما ممكن الام تعاقبه بان تزعل منه وبس
- ممنوع ممنوع السكريات والشكولاته والمواد الحافظة
💬 وهذا ابسط شئ للأهل عشان يعرفوا يفرقوا بين الشقاوة وفرط الحركة
👈 وكده دلوقتي نعرف نفرق بين الطفل الشقى وفرط الحركة
👈 يارب اكون قدرت أفيدكم
👈 الله المستعان🤲🏻
👈 الله ولى التوفيق🤲🏻

26/09/2021

طرق علاج صعوبات الانتباه
🚩🚩🚩🚩🚩🚩🚩🚩🚩🚩🚩🚩🚩🚩
أولا : أولا التدريب على تركيز الانتباه
1ـ تحديد وقت من10:5 دقائق ، ويتم طلب من الطفل ان يلتزم فى مقعده ويركز انتباهه فى القيام بلعبه أو قراءه قصه. ( يتم تسجيل الوقت والعمل على زيادته )

2ـ أعط الطفل مجموعه من الاشكال المتشابهه وواحد مختلف وأطلب منه ان يركز وان يختار المختلف (صور ـ مكعبات ـ خرز ـ او لعبه الاختلافات على الكمبيوتر)

3ـ يطلب من الطفل /التلميذ ان يختار ضمن أشكال متساويه شكلا مختلف فى الحجم وأحيانا غير شبيهه باللون او مقلوبه . (ارقام ـ حروف ـ مكعبات ـ خرزـ فول عدس ورز)

4ـ لتنميه ذاكره وتركيز الانتباه السمعى :-
- مطلوب من الطفل تحديد الكلمات التى تبدأ بحرف معين مثلا (و) من خلال السمع (ماما ـ ورد ـ جبل ـ قمرـ وليد ـ جوده)
- مطلوب من الطفل أن يصفق عندما يسمع حرفان او رقمان متشابهان
- احكى قصه للطفل ومطلوب ان يدق على الترابيزه حين يسمع اسم معين او كلمه محدده.
- يسمع الطفل صوت معين ويحاول ان يعرف مصدر الصوت
- يصفق المدرب بشكل معين ويطلب من الطفل ان يقلد نفس الصوت

5ـ التدريب على تركيز الانتباه للمثيرات البصريه :-
- احضار لون محدد من بين عده الوان.
- احضار صوره قطه من بين صور حيوانات مختلفه
- استخراج كلمه محدده من بين سطر او جمله
- التعرف على الجزء الناقص من صوره.
- ربط صوره بكلمه من خلال أنشطه التوصيل.
- شطب رموز معينه من بين عده رموز

6ـ التدريب على تركيز الانتباه للمثيرات البصريه والسمعيه معا:-
- يسمع صوت حيوان ويستخرج صورته.
- اختيار الحرف الناقص للكلمه المنطوقه مثال:
(ع ،غ ،م ،ل) ... زال ، (ف ،م ،س ،ط)...رد ، (ث ،ج ،و ،ع)... نب
- ظلل المربع الذى بالصف الثالث العنود التانى

7ـ التدريب على التركيز والانتباه للمثيرات اللمسيه :-
- يغمض الطالب عينه ثم يمسك بمجسم(تفاحه) ويحاول التعرف عليه.
- التعرف على دائره من خلال رسمها على يده.
- التعرف على الارقام والحروف المجسمه
- التعرف على التضادان من خلال اللمس(طويل،قصير،بارد سخن)

8ـ التدريب على تنميه مهارات الانتباه للمثيرات الشميه:
- يتم اغماض عين الطفل او وضع المثير فى كيس قماش ويقوم الطفل بالتعرف عليه من خلال الرائحه

ثانيا: التريب على زياده حده تركيز الانتباه :-
- وذلك من خلال الانشطه السابقه
- تجميع بازل بصوره متدرجه(3 قطع ـ 5 قطع ـ ....)
- استخدام المتاهات بصوره متدرجه.
- ترتيب بازل الحروف والارقام والحيوانات
- ترتيب ارقام تنازلى او تصاعدى بصوره متدرجه
- ترتيب حروف كلمه
- لابد من توافر فترات راحه بين مهام التدريب
- لابد من استخدام ساعه ايقاف للعمل على زياده حده الانتباه
ثالثا : التدريب على المرونه فى نقل الانتباه :-
- تصنيف مجموعه ضمنيه (حيوانات ـ خضراوات ـ حروف ـ ....)
- تصنيف نوعين من المكرونه فى كوبين
- استخراج الاختلافات بيت صورتين - توصيل الاشكال المتشابهه ببعض
- لوين الاشكال بألوان مختلفه (مثلثات ـ مربعات ظت دوائر)
رابعا: النشاط الزائد :-
- تدريب الطفل على الاسترخاء - الهدوء والثبات الانفعالى مع الطفل وعدم الثوره فى وجهه
- التدريب التدريجى على الجلوس فى هدوء - تجزءه المهام المقدمه للطفل
- التعزيز الايجابى (مادى/معنوى) بعد اى فتره هدوء من الطفل
- التعاقد السلوكى مع الطفل على اساس قيام بسلوكيات معينه،ويقابلها جوائز تمنح له.
- تقليد السلوكيات المرغوب فيها
تعــليمـــــــــــــــــــــــات :-

1ـ اقامه علاقه حميمه مع الطفل وعدم استخدام العنف معه
2ـ يجب ان يعلم الطفل بالحافز(الجائزه) وان توضع امامه لتذكره كلما نسى، وان يعطى الجائزه فور تمكنه من اداء العمل ولا يقبل منه اى تقصير فى الاداء
3ـ التدعيم الايجابى اللفظى للسلوك المناسب ،وكذلك المادى وبالاضافه الى نظام النقاط اليوميه
4ـ جدوله المهام والاعمال والواجبات المطلوبه والاهتمام بالانجاز على مراحل مجزأه مع التدعيم والمكافاه
5ـالتعزيز السلبى: اى فقدان الطفل لجزء من المعززات التى لديه نتيجه سلوكه غير المقبول ، ومثل ذلك القاء بعض الالعاب،بل وسحبها مقابل كل تجاوز يقوم به الطفل خارج حدود التعليمات
6ـ عقد اتفاق مع الطفل على اساس قيامه بسلوكيات معينه فى المنزل،ويقابلها جوائز معينه ، ويمكننا اطاله مده العقد مع الوقت،ويجب هنا أن تكون الجوائز المقدمه صغيره ومباشره ، وتقدم على اساس عمل حقيقى متوافق مع الشرط والعقد المتفق عليه
مثال: (ستحصل كل يوم على (جنيه او جنيهات)اضافيه اذا ألتزمت بالتالى :-
- الجلوس بشكل هادىء أثناء تناول العشاء.
- ترتيب غرفتك الخاصه قبل الخروج منها.
- اكمال واجباتك اليوميه فى الوقت المحدد لها
ويمكن تقديم مفاجأت للطفل فى نهايه الاسبوع كرحله مثلا اذا التزم الابن ببنود العقد
7ـ نظام النقطه : يتم وضع جدولا يوميا مقسما الى خانات مربعه صغيره امام كل يوم ، ويوضع اشاره فى كل خانه من كل عمل ايجابى يقوم به الابن سواء اكمال عمله او جلوسه بشكل هادىء أو مشاركته لأقرانه بدون مشاكل ، ثم تحتسب النقاط فى نهايه الاسبوع فاذا وصلت لعدد معين متفق عليه مع الطفل فانه يكافىء على ذلك .
- توضع لوحه النقاط فى مكان واضح للطفل
- هذا النظام يمكن ان يضاف له النقاط السلبيه والتى تمحوا النقاط الايجابيه
- هذا النظام مفيد للأطفال الذين لا يستجيبون للمديح
8ـ يتم القاء التعليمات للسلوك المطلوب من الطفل فى جمله واضحه حتى يعرف الطفل ما هو متوقع منه بوضوح وبدون غضب
9ـ ايقاف التوبيخ والتهديد والنقد والاستهزاء
10ـ تعلم المهارات الاجتماعيه
( انتظار الدور - المشاركه – التعاون - أصول الحوار - التحكم فى مشاعر الغضب )
11ـ قضاء وقت مع الابناء والسماع لاحتياجتهم ومناقشتهم بلغتهم

العاب تفريغ النشاط وتركيز انتباه
1ـ رسم مستقيم على الارض بواسطه شريط لاصق بلون يشد انتباه الطفل ومساعده الطفل على ان يمشى عليه حتى يستطيع ان يفعل ذلك بمفرده .
2ـ رسم مربع على الارض وجعله يمشى عليه لمعرفه الاتجاهات
3ـ رسم دائره على الحائط واحضار كره اسفنجيه ثم ارمى الكره فى وسط الدائره عده مرات ثم ادعه يعمل ذلك بمغرده
4ـ التدريب على لعبه البولينج يتم التدريب من مسافه نص متر ثم ازد المسافه
5ـ ارمى اليه بكره اسفنجيه متوسطه أو صغيره الحجم ويتم تدريبه على ان يمسكها
6ـ ارسم مرمى على الجدار بواسطه شريط لاصق قائمين وعارضه يقوم الاخصائى بركل الكره فى وسط المرمى ثم اتاحه الفرصه للطفل
7ـ جمع كرات ملونه منتشره على الارض فى سله ويتم تمييزها باللون
8ـ ضع كرات ملونه على الارض وسله على بعد نص متر امامه ثم يتم تدريبه على القاء الكره فى السله ،ثم زد المسافه قليلا اذا جاد التصويب
العاب لتنميه التأز الحركى والبصرى وتقلل النشاط الزائد
العاب الكره ( كره القدم - كره اليد - كره السله - الكره الطائره – الهوكى )
العاب فرديه ( السباحه - الجمباز البسيط – البولينج – "العاب القوى" وفنون القتال )
• أنشطه الجولات والرحلات والكشافه
• العاب الاطواق والاعلام والشرائط الملونه
• تجميع اجزاء الصور (البازل)
• المتاهات
• اللعب بالدمى
• العاب المشى والتوازن ولقف الكرات
• لعبه لمس الشخص الممسك بالجرس والطفل معصوب العين
• لعبه عكس بالاشاره حيث الجرى عكس اشاره المعلم بعد سماع الصفاره
الجــــــــــــلـسه الاولـــــــــــــــــــى

1ـ تدريب الطفل على الاسترخاء لمده 5:3 دقائق
2ـ تدريب الطفل على الجلوس فى هدوء
3ـ اقامه علاقه حميمه مع الطفل
وهذا فى خلال ال 15 دقيقه الاولى
من20:15 يقوم الطفل بفرز الخرز المتشابهه فى اللون والحجم من مجموعه مختلفه من الخرز
من25:20 مطلوب من الطفل ان يصفق عندما يسمع حرفان متشابهان
من30:25 يستخرخ كلمه محدده من القصه ويضع خط
من40:30 لعبه البولينج
من55:45 بازل
من60:55 استرخاء

26/05/2021

ايه خطوات تعديل السلوك لاطفال ADHD

-اول حاجه عندنا بنحدد المشكله السلوكيه : نشاط حركي مفرط تشتت الانتباه و ضعف التركز اندفاعيه عدم القدره علي ضبط النفس

طب بنركز علي ايه ؟
بنركز علي جانب واحد من المشكله ( النشاط المفرط ) ودا الجانب الاول .

- تاني حاجه عندنا بنحدد مرات تكرار السلوك دا :
بنعرف هنا مدي تكرار السلوك قبل البرنامج و بعد البرنامج .
و بنحدد التكرار دا عن طريق استماره ملاحظه ( بنلاحظ تكرار السلوك خلال اليوم سواء ف الشارع او الحضانه او البيت )

تالت حاجه عندنا اننا بنلاحظ السلوك :
هنا عشان نقدر نفهم دوافع السلوك ..
بنقدر نشوف النشاط بيزيد امتي و. بيقل امتي

رابع حاجه بنحط فروض للمشكله :
انه بيحصل بسبب اكل معين ...
بيحصل بسبب ادويه معينه..
بيحصل بسبب تعامل معيين..
و دي كلها فروض ..

خامس حاجه بنعمل اهداف للتدخل :
الهدف بتاعنا اني اوقف السلوك دا و ادخل سلوك تاني مرغوب

سادس حاجه بنحدد سلوكيات بديله :
و السلوك البديل هنا السلوك المرغوب الي هيحل محل الغير مرغوب ..
طب زي ايه
الطفل دايما بيرمي الاشياء : نلاعبه لعبه زي البولينج - زي كره السله - زي لعبه النشان ( بنعلمه بدل رمي الاشياء العاب تانيه يقدر انه يتعزز عليها )

لازم مكان التدريب او اللعب يكون متحدد للطفل ..

سابع حاجه بنحط استراتيجيات للتدخل :
- التعزيز
- النمذجه

للعلم مفيش اسلوب واحد بينفع مع الكل لان كل مشكله و ليها خصائص و كل طفل و له خصائص و في فروق فرديه ..

اخر حاجه التقييم عندنا علي البرنامج
بنيجي بعد 3 شهور نشوف نسبه التكرار للسلوكيات ..

11/03/2021

الصوت الأنثوى لرجل أو الطفولى للمرأة نوع من إضطرابات الصوت
يعرف بإسم البيوبرفونيا Puberphonia
البيوبرفونيا أو الصوت الرأسي(قصور الصوت البلوغي) يخاطب أصحاب هذا الصوت بلقب سيدة أو آنسة عندما يتحدثون على الهاتف.
يصدر الصوت الرأسي في النهاية العليا من المدى الطبيعي ويمثل أقصى مساحة صوتية. ويعتبر الصوت الرأسي اضطرابا صوتيا عندما يستخدمه الرجال أو النساء كنمط رئيسي لإهتزاز الأوتار أو للتصويت.
ويضفي استخدام هذا الصوت نوعية صوت أنثوية على أصوات الرجال، وصوت فتاة قاصر على أصوات النساء.
لكن العقوبة الإجتماعية على هذا النوع من الصوت أكثر شدة على الرجال منها على النساء، ويعزى سبب هذا الإضطراب الصوتي إلى أسباب وظيفية.
ويستند علاج الصوت الرأسي على تخفيض طبقة الصوت وتحسين نوعية الصوت، من خلال الضغط بالأصابع على حنجرة المريض لإنتاج طبقة أكثر انخفاضا، وإجراء مساج للحنجرة لتخفيض ارتفاع الحنجرة المتوترة يدويا أثناء انتاج الصوت الرأسي.

04/03/2021

04/03/2021

لو طفلك بيعيط كتير,🤕 أو بيستغل العياط علشان تنفذي اللي هو عايزه, أو بيعيط على أي حاجة وكل حاجة, يبقى هتحتاجي تعرفي ازاي تتعاملي معاه في الوقت دا 🙄

1- متقوليش "متعيطش" العياط هيساعده يخرج الطاقة السلبية.

2- متحاوليش تتعصبي أو تتفاوضي أو تقوليله هعملك كذا عشان تسكت, هو أصلًا هيكون مركز في العياط ومش هيبقى سامعك وكلامك الكتير في الوقت دا هيستفزه لأن بالنسباله انتي مش فاهماه فهيزود في العياط فانتي هتتعصبي أكتر.

3- بلاش تهديد أو تقوليله "مسمعش نفس" "اصبر عليا بس" "هبقى اوريك", حسسيه بالأمان وبلاش تهديدات هو مش فاهمها بس اسلوبك بيها بيفزعه وبيعمل شرخ في علاقتكم ببعض.

4- اقعدي على نفس مستوى طول الطفل وامسكي ايديه أواحضنيه, التلامس بينك وبينه هيخليه يهدى تلقائي.

5- عرفيه إنك مستنياه يبطل العياط ويبقى هادي خالص علشان تقدري تفهميه وتتكلمي معاه, ودا هيعرفه إن العياط مش وسيلة للي هو عايزه.

6- لو الطفل بيتكلم وهو بيعيط مترديش عليه, قوليله "أنا مش ببقى فاهمه كلامك وقت العياط", "صوتك مش واضح وانت بتعيط, أول ما تهدى وتسكت أنا هقدر أسمعك بوضوح".

7- لو طفلك مهديش ومستمر في العياط قوليله "إنك عارفة إنه زعلان وواثقة إنك هتقدر تبطل عياط علشان نتكلم ونشوف سبب الزعل دا ايه" أول ما هيحس إنك مقدره احساسة ومعترفه بزعله هيهدى.

8- أول ما تحسي إنه استجاب وخلاص هيهدى خديه من ايده أو شيليه وانتي حضناه وشربيه مياه واغسليله وشه.

9- مرحلة التفاهم بقى, هتسمعي طفلك للآخر وتشوفي وجهه نظره وسبب عياطه, وتحطي حلول مناسبة للموقف. لما تسمعيه للآخر وتحسسيه إنك فعلًا عايزه تلاقي حل دا هيخليه يثق في الكلام معاكي.

10- اشكري طفلك بعد ما تخلصوا مناقشة على إنه بطل عياط علشان تقدروا تتكلموا وتتفاهموا وتوصلوا لحل مناسب, النقطة دي هتدي للطفل ثقة أكتر في نفسة وفيكي وهيحب من نفسه يجي يتكلم أو يقول اللي مزعله بدل ما يقعد يعيط.

01/03/2021

☀اللدغة الرائية☀
👦 هي ثلاثة انواع
1- تحويل او نطق صوت الراء (ر) الى ياء(ي) اوالى واو(و)
2- تحويل او نطق صوت الراء (ر) الى لام (ل)
3- تحويل او نطق صوت الراء (ر) الى غين (غ)
👶 أولا :
👦 يجب التاكد من عدم وجود عائق يمنع اللسان من التحرك بطريقة طبيعية مثل رابط اللسان الذي يعوق اللسان من الحركة لأعلى فلابد إن وجد مثل هذه المشكلة الخلقية اجراء تدخل جراحي اولاً .
👶 ثانيا :
👦 وهي المرحلة الهامة في العلاج هي تحويل نطق من ( ر) إلى ( ل) وذلك من خلال التدريب امام المرآة على رفع اللسان لأعلى حيث في نطق حرف اللام لابد من ان يطرف طرف اللسان سقف الحلق الصلب عند منابت الأسنان العليا
👦 ويكون ذلك من خلال التدريب علي نطق حرف اللام لفترة ما حتى يتم التثبيت عليها من خلال نطقها في كلمات تبدأ بحرف اللام ( لمياء) ثم بكلمات في منتصفها حرف اللام ( سلم ) ثم بكلمات تنتهي بحرف اللام ( معلم )
👦 ثم يتم التثبيت من خلال جمل تحتوي على كلمات بها حرف اللام وهكذا ويتم التأكيد على هذه التدريبات من خلال تحليل محتوى الكلام العادي او الأرتجال من خلال حوار عادي او مناقشة بينك وبين شخص اخر والتأكد من نطق صوت الراء -----لام
👦 هذا وبعد ان تم تحويل اللدغة الرائية الى نطقها لام بدلا من ياء يتم هنا في هذه المرحلة نطقها بطريقة صحيحة وهي صوت الراء
👦 وهنا تكون المشكلة اصبحت بسيطة للغاية فمن خلال التدريب امام المرآة ومحاولة معرفة مخرج صوت الراء والكيفية الصحيحة لنطقة وهي ان صوت الراء من الأصوات التي يكون ملامستها لمنابت الأسنان العليا وعند نهايتها متكرر فحاول نطق (إرررررررررر)
👦 فمع كسر حرف الألف ثم تكرار صوت الراء وأطالته لأكبر مدة ممكنة يكمن نطقه بطريقة سليمة
👦 إذا لم تتمكن فحاول بكلمة مثل ( دجرررررررا ) او كلمة ( زرررررر ) والمقصود هنا بنطق تلك الكلمات هو الشعور بالأهتزاز الذي يحدثه نطق الأصوات الأولى من تلك الكلمات مثل ( ج ) في الكلمة الأولى وصوت ال ( ز ) في الكلمة الثانية
👦 بعد التمرين على نطق تلك الكلمات مثل ( دجرا ) والشعور بهذا الأهتزاز الذى يساعد على نطق صوت الراء وتحرك اللسان وبعد التأكد من نطقه فيجب هنا التثبيت من خلال نطق الصوت في كلمات تبدأ واخرى تنتهي بحرف الراء وكلمات اخرى في منتصفها صوت الراء.......... هذا في غاية الأهمية
👦 ثم بعد ذلك من خلال جمل تحوي كلمات بها صوت الراء
👦 وهكذا...ثم يتم التأكد من نطقها من خلال الحوار العادي مع المحيطين بك وملاحظة طريقة نطقك للصوت