01/12/2023
تفتكر الصورة بتأثر ؟
من كتر مشاهدة صور الحـ.رب ف انت معرض للإصابة بالاكتئاب لان الصور ممكن تعرضك لصدمة وإحساس بالعجز والاحساس بالخوف وعدم الامان . 😣
الاكتئاب مرض زيه زي أي مرض مش حالة زي ما ناس كتير فاكرة، وله آثار كتير على حياتك واللي منها :
1- بيأثر على ادائك في المذاكرة أو الشغل وبيكون صعب تركز وتفكر بوضوح و بتبقى مش قادر تقوم تعمل أي حاجة من مهامك اليومية بالمعنى الفعلي للكلمة.
2- بيأثر على حياتك الاجتماعية وبيبقى صعب انك تتفاعل مع اصحابك زي الاول وانك تمارس الأنشطة الجماعية وده بسبب إحساسك بالقلق والخوف والتوتر طول الوقت وديما بتفضل الانعزال.
3- اضطرابات النوم بيجيلك أرق ومش بتعرف تنام أو بتنام وبتصحى كل نص ساعة مثلا أو بتنام عدد ساعات كتير .
ازاي أحافظ على نفسي من الاكتئاب ؟🤔
1.قلل من رؤيتك لصور الحـ.رب شوفهم مرة واحدة بس و مترجعش تشوفهم تاني.
2.حافظ على نمط حياة صحي وثبت مواعيد نومك ومارس الرياضه بانتظام وخليك حريص على الاكل الصحي وقلل من الاكل السريع .
3.مارس التدوين اليومي واكتب كل حاجة في دماغك وكل احساس انت بتحسه.
خليك عارف إن كتر المشاهدة ملهاش اي فايدة وبتضر نفسك في المقام الأول دورك انك تدعيلهم وتوعي وتتبرع بالطرق المتاحة.
لو عندك أي سؤال تقدر تكتبلنا في الكومنتات ⬇️.
