الفشن التعليميه

19/03/2026

كل سنه وحضرتكم بالف خير تقبل الله منا ومنكم صالح الأعمال

24/12/2025

بالتوفيق

29/11/2025

الفشن في دولة التلاوة

29/11/2025

سوال من متابعه محتاجه مساعدتكم
بتعملوا ايه مع الطفل المهمل في دروسه ؟؟؟؟؟

29/11/2025

وزير التربية والتعليم يقرر اتخاذ إجراءات فورية وحاسمة تجاه واقعة مدرسة عبد السلام المحجوب بالإسكندرية
الوزير محمد عبد اللطيف:

- إحالة الواقعة للشئون القانونية لاتخاذ أقصى أنواع الجزاءات بحق كل من يثبت تقصيره أو تورطه من إدارة المدرسة والإدارة التعليمية

- فصل الطلاب المتورطين في الواقعة لمدة عام وعدم السماح بقيدهم بأي مدرسة أخرى قبل العام الدراسي ٢٠٢٦ / ٢٠٢٧

- كرامة المعلم خط أحمر والوزارة لن تتهاون ولن تسمح بأي شكل من أشكال التجاوز أو الإساءة التي تمسّ هيبة المعلّم

- أي محاولة للإخلال بالنظام المدرسي أو تجاوز في حق أي معلم سيقابل بإجراءات رادعة وفورية

السبت ٢٩ نوفمبر ٢٠٢٥

في ضوء مقطع الفيديو الذي تم تداوله داخل أحد الفصول بمدرسة عبد السلام المحجوب بمحافظة الإسكندرية، والذي ظهر خلاله عدد من الطلاب يمارسون سلوكيات غير منضبطة متعمدين خلالها إهانة احدى المعلمات بالمدرسة، وجه السيد محمد عبد اللطيف، وزير التربية والتعليم والتعليم الفني، باتخاذ إجراءات فورية وحاسمة تجاه الواقعة.

وقرر السيد الوزير محمد عبد اللطيف إحالة الواقعة كاملة إلى الشئون القانونية لاتخاذ أقصى أنواع الجزاءات بحق كل من يثبت تقصيره أو تورطه من إدارة المدرسة والإدارة التعليمية.

كما وجه السيد الوزير بفصل الطلاب المشاركين في الواقعة لمدة عام، مع عدم السماح بقيدهم بأي مدرسة أخرى قبل العام الدراسي ٢٠٢٦ / ٢٠٢٧.

وشدد السيد الوزير محمد عبد اللطيف على أن كرامة المعلّم خطٌ أحمر، مؤكدًا أن الوزارة لن تتهاون ولن تسمح بأي شكل من أشكال التجاوز أو الإساءة التي تمسّ هيبة المعلّم، وأن الانضباط المدرسي واحترام المعلّم هما الأساس الذي تُبنى عليه العملية التعليمية، مشيرا إلى أن أي محاولة للإخلال بالنظام المدرسي أو تجاوز في حق أي معلم سيقابل بإجراءات

25/11/2025

من هي السيدة المقصودة في هذه الآية ( وهزي إليك بجذع النخلة تساقط عليك رطبا جنيا )؟؟؟؟؟؟

25/11/2025

مين من المدرسين اللي كان ليه اثر عليك إيجابي أو سلبي

25/11/2025

قلبي حاسس ان الاوساخ دول مكانوش بيعتدو على الاطفال كده وخلاص
حكاية القناع الأسود دي بتقول ان ممكن جدا كل ده اتصور واتباع للديب ويب
اصل انك تلاقي متحرش في مدرسة اهو واحد مجرم مريض
لكن انهم يكونو اربعة ودادات تشطف العيال وتخفي اثار البهدلة
وعامل أمن ياخدهم من الفصول لحد المبني المخيف ده ويرجعهم
كل ده بيقول انها مش غلطة واحد مريض
الموضوع اكبر من كده بكتير
طفل كي جي ده بيبقى في رقبة المدرسة طوال فترة وجوده في المدرسة عشان يخرج من فصله ويمر بده كله ويرجع مش اقل من ساعة يغيبها عن الفصل
ليه محدش بيسأل عن الطفل المش موجود
ليه محدش بيراجع عدد الاطفال
بقالنا كام سنة كده المدارس الخاصة اخترعت تقليعة جديدة
قال ايه ممنوووووع ولي الأمر يشوف الفصل اللي طفله فيه
يا حلاوة
وممنوووووووع التواصل المباشر مع مدرسين الطفل
وممنووووووع ناخد أرقام المدرسات اللي بيدرسو لعيالنا
فبقى الطفل من لحظة ما تنزليه الباص لحد ما يرجعلك هو معتقل
في مكان مجهول
انتي عمرك ما هتعرفي هو في فصله ولا لا كويس ولا لا مرتاح ولا لا في امان ولا لا
والمدارس كلهم ردودهم جاهزة
ابنكم عنده مشاكل ودوه تعديل سلوك
انتو اكيد بتعنفوه في البيت
ياخبر ابنك خياله واسع حاول تكشكشهوله
اصل الاستاذ فلان ده معانا بقاله عمر
اكيد ابنك أتعرض لحاجة برة
ابنكم فيه وفيه
إلى آخره من حجج واعذار قذرة عشان يخبو اجرامهم وقرفهم
مفروض كام طفل يحصله كده عشان نفوق
كام طفل هيعيش الرعب ده لوحده واحنا متكتفين بمزاجنا عشان اوه لا لا المدرسة ام برسيتيج عاااالي ليها رولز وممنوع نفتح بؤقنا
مافيش الكلام ده
لازم يبقى عندك صلاحية توصلي لحد زور المدرسة جوا
ولاااااازم يبقى مسموحلك توصلي لحد الطفل في فصله
دول مش فراخ
دول أولادنا اللي طافحين الدم عليهم
المدرسة اللي ترفض ده
تبقى مدرسة وسخة تحت إدارة مجرمة متواطئة
كفاية خوف من المدارس بقى مش هتطردو من الجنة
ده كلها خدمات تعليمية درجة عاشرة بشهادات غير معترف بيها
بندفع فيها مليارات ويارتنا عاجبين
التعليم الخاص يا ينضف ويشتغل عدل يا يتأمم وبلاش قرف

25/11/2025

لو الطفل ضاع... نتصرف إزاي؟ تدريب مهم لكل بيت 👶❤️
الفشن التعليميه
في لحظات معينة، ممكن يحصل حاجة ما كناش متوقعينها، زي إن طفل يضيع في مكان عام، وده موقف صعب جدًا على الأهل والطفل. بس اللي يطمن ويقلل الخوف هو إننا نكون مستعدين له مسبقًا، وندرب الطفل على التصرف الصحيح في حالة زي دي.

تعالوا نعرف إزاي نهيأ أطفالنا للموقف ده بشكل بسيط وعملي:

🔴 أول رد فعل: "قف مكانك"

أول وأهم خطوة لو الطفل لقى نفسه لوحده، هي إنه مايتحركش من مكانه أبدًا. يفضل واقف في نفس المكان اللي لاحظ فيه إنه تايه. الحركة هتخليه يتوه أكتر وتصعب علينا نلاقيه.

🔴 ينادي على "ماما" بشكل واضح

الطفل لازم ينادي بصوت عالي على اسم ماما أو تيتا + اسمها، يعني مثلًا يقول:
"يا ماما نجلاء، يا تيتا فاطمة أنا هنا!"
ده بيساعد اللي حواليه يميزوا إن الطفل تايه، وكمان بيساعد الأم تسمعه بسرعة.

🔴 ينادي... ويسكت شوية

مش لازم يفضل يزعق على طول. ينادي مرة أو مرتين، وبعدين يسكت شوية ويسمع، يمكن ماما بتنادي عليه ومش سامعها. ويفضل دايمًا واقف مكانه.

🔴 يكون حافظ رقم تليفون ماما أو بابا

من المهم جدًا الطفل يكون حافظ رقم تليفون واحد على الأقل. والطريقة الأسهل لحفظ الرقم هي إننا نعمله بلحن أو أنشودة بسيطة، علشان يثبت في دماغه.

ولما يطلب المساعدة، لازم يطلبها من ست كبيرة، مش من راجل. يقول لها:
"ممكن تطلبي لماما على الرقم ده؟"
ولو الست قالت له "تعالى أوديك لماما"، لازم يرد بكل ثقة:
"شكرا، ماما جاية لي هنا، أنا هستناها"
مايروحش أبدًا مع أي حد، مهما قال له.

🔴 يكون هادي وواثق

مهم جدا نعلم الطفل إنه يهدأ ويثق إن ماما هاترجع وتلاقيه. التوتر بيخليه يعيط بس ومابيعرفش يفكر. إحساس الأمان بيخليه يتصرف صح.

🔴 المساعدة من الأمن فقط

لو فيه أمن في المكان (زي حد لابس يونيفورم أو بادج)، الطفل يروح له مباشرة. يقول له إنه تايه ويطلب منه الاتصال بماما.

🎭 خليك مستعد... درب ابنك بمسرحية!

أحسن طريقة نعلم بيها أطفالنا التصرف ده، هي إننا نعمل موقف تمثيلي في البيت، كأننا في مول أو حديقة، ونجرب معاه كل الخطوات دي، كأنها لعبة. ده بيثبت التصرفات دي في دماغه، وبيخليها تطلع تلقائي لو حصلت بجد.

الموضوع مش تشاؤم ولا "فأل وحش"، بالعكس، ده وعي واستعداد وإدارة أزمة، والمستعد دايمًا بيعدي المواقف الصعبة بأمان.

وفي النهاية، إحنا بنعمل اللي علينا، والباقي على رب العالمين.
اللهم احفظ أولادنا، وبارك فيهم، وخليهم دايمًا في حفظك ورعايتك يا كريم 🤲❤️

استنوا رايحين فين؟؟ شير لكل أب و أم🌹

24/11/2025

من المسؤل عن حماية أبناؤنا أثناء اليوم الدراسي

24/11/2025