Benha Students' innovation and Research Association - BSIRA

  • Home
  • Egypt
  • Benha
  • Benha Students' innovation and Research Association - BSIRA

Benha Students' innovation and Research Association - BSIRA BSIRA is committed to spread the culture of scientific research, support and motivate students to conduct scientific research

"الخطة جاهزة… ومحتاجين اللي يحركها."سيكشن الأوبريشن هو “الحركة” الحقيقية في بصيرة.هو المكان اللي الأفكار بتنزل فيه أرض ا...
17/12/2025

"الخطة جاهزة… ومحتاجين اللي يحركها."

سيكشن الأوبريشن هو “الحركة” الحقيقية في بصيرة.
هو المكان اللي الأفكار بتنزل فيه أرض الواقع، والمهام بتتوزع، والشغل كله يبتدي يتحرك من غير ما يحصل ارتباك.
لكل لجنة جوّه الأوبريشن دور أساسي بيخلي السيستم كله شغال بثبات.

🔹️ Logistics Committee
هي الخط اللي بيضمن إن كل شيء واقف في مكانه.
من تنظيم المواعيد لتجهيز الفعاليات لربط التفاصيل ببعض،
لجنة بتخلي الرحلة ماشية بانضباط ومفيش خطوة ضايعة.

🔹️ HR Committee
نبض الفريق من جوه... هنا النفَس البشري مهم: اختيار الناس الصح، متابعة الفريق، فهم مشاكله، ودعم نقاط قوته.

🔹️ PR Committee
التواصل هو البطل.. دي اللجنة اللي بتمنع إن أي سيكشن يشتغل لوحده، بتربط الكل ببعضه، تتابع التنفيذ، وتضمن إن كل خطوة ماشية مع الخريطة والبوصلة في نفس الاتجاه.

مع بعض، اللجان دي بتعمل أكبر حاجة ممكنة…
بتحوّل الكلام لحركة، والحركة لإنجاز.

لو شايف انك تقدر تدي للطريق مساره الصحيح،
ف احنا مستنيينك💙

فورم التقديم:
https://docs.google.com/forms/d/e/1FAIpQLScxlZWR4YmUBcq0a-GsL2SKagHnKXRg8a6WerPwBsnkVgoQhQ/viewform?usp=header

"البوصلة مش بس اتجاه… البوصلة طريقة ظهور"سيكشن البراندنج هو المكان اللي بصيرة بتتكوّن فيه قبل ما تخرج للعالم.هنا بيظهر ش...
16/12/2025

"البوصلة مش بس اتجاه… البوصلة طريقة ظهور"

سيكشن البراندنج هو المكان اللي بصيرة بتتكوّن فيه قبل ما تخرج للعالم.
هنا بيظهر شكلها، إحساسها، وطريقتها في الكلام.
ولأن البوصلة محتاجة “عين” و“صوت” و“فكرة” واضحة، اشتغلنا على ثلاث لجان كل واحدة فيهم بتصنع جزء مهم من شخصيّة بصيرة.

🔹️ Marketing Committee
هو العقل اللي بيترجم إحساس بصيرة للناس.
هو اللي بيشوف الجمهور، يعرف هو بيدوّر على إيه، ويحول ده لرسالة تخلي الناس تحس إن في علاقة بينهم وبين الفريق.
اللجنة دي بتخلق الانطباع الأول… والانطباع الأول هو اللي بيكمل الرحلة.

🔹️Graphics Committee
هو المسؤول عن الصورة اللي تسبق الكلام.
الخط، اللون، التكوين، كل تفصيلة صغيرة بتصنع شعور كبير.
اللجنة دي بتحوّل المعنى لشكل، والهوية لصورة تبقى ثابتة في ذهن أي حد يشوف بصيرة.

🔹️ Voice Over Committee
هي “الطبقة الصوتية” للروح.
الصوت هنا مش خلفية… الصوت هو الإحساس اللي بيقود الفكرة.
هنا بيتكوّن أسلوب الكلام، وطريقة الحكي، والنبرة اللي بتوصل للناس قبل ما يفهموا الجملة نفسها.

لو هتقدر تخلي اتجاه البوصلة مسموع ومفهوم ومحبوب..
ف احنا مستنيينك💙

فورم التقديم:
https://docs.google.com/forms/d/e/1FAIpQLScxlZWR4YmUBcq0a-GsL2SKagHnKXRg8a6WerPwBsnkVgoQhQ/viewform?usp=header

"الخريطة واضحة… بس محتاجة اللي يفهم خطوطها"سيكشن الأكاديميك هو العقل اللي بصيرة بتقف عليه.كل معلومة، كل محتوى، وكل خطوة ...
14/12/2025

"الخريطة واضحة… بس محتاجة اللي يفهم خطوطها"

سيكشن الأكاديميك هو العقل اللي بصيرة بتقف عليه.
كل معلومة، كل محتوى، وكل خطوة مدروسة بتبدأ من هنا.
وعشان المعلومة تبقى قوية ومبنية صح، السكشن بينقسم لـ3 committies:

🔹️Scientific Committee
المرجعية الأساسية .. هنا المعلومة بتتراجع بدقة، وبتتكتب على أساس علمي حقيقي، وبتتقدّم بشكل يخلي اللي بيقرأ يحس إنه ماسك محتوى يستحق ثقته.

🔹️ Statistics Committee
هي اللي بتدي للأرقام معناها .. هنا البيانات مش مجرد أرقام، لكنها أدوات للفهم واتخاذ القرار.
اللجنة دي بتحلّل، تفسّر، وتربط النتائج علشان الصورة تطلع واضحة ومنطقية، من غير مبالغة ولا استنتاجات غلط

🔹️ RT Committee
هنا الفكرة أعمق من مجرد تجميع مصادر.
هنا الأسئلة بتتفتح، والروابط بتتكوّن، والمعرفة بتتبني خطوة خطوة.
هي اللجنة اللي بتغذّي السيكشن كله بالعمق، وبتخلي أي إنجاز نطلع بيه له أصل وفهم حقيقي.

لو شايف إنك قادر تمسك واحد من مفاتيح الخريطة ال3 دول
ف احنا مستنيينك💙

فورم التقديم:
https://docs.google.com/forms/d/e/1FAIpQLScxlZWR4YmUBcq0a-GsL2SKagHnKXRg8a6WerPwBsnkVgoQhQ/viewform?usp=header

"الفكرة من غير تنفيذ.. تفضل فكرة"سيكشن الأوبريشن هو المكان اللي بتحصل فيه المعجزات الصغيرة:تنظيم، تنفيذ، متابعة، إنجاز.ه...
06/11/2025

"الفكرة من غير تنفيذ.. تفضل فكرة"

سيكشن الأوبريشن هو المكان اللي بتحصل فيه المعجزات الصغيرة:
تنظيم، تنفيذ، متابعة، إنجاز.

هيد الأوبريشن هو اللي بيخلي كل دا يحصل بانسيابية،
عنده نظرة تفصيلية بتربط كل خيط بخطة.

لو بتعرف تدير التفاصيل من غير ما تغرق فيها،
ولو عندك القدرة تخلي الخطة تمشي بثقة وهدوء..
الكرسي ده ليك💙.

فورم التقديم
https://forms.gle/J9sCgtpz3WqFE9Qv7.


"الحكاية اتقالت قبل كده.. بس مش بصوتك"في بصيرة، البراندينج مش إعلان ولا تصميم،هو التجربة اللي بتخلّي الناس يفتكرونا،الرس...
05/11/2025

"الحكاية اتقالت قبل كده.. بس مش بصوتك"

في بصيرة، البراندينج مش إعلان ولا تصميم،
هو التجربة اللي بتخلّي الناس يفتكرونا،
الرسالة اللي توصل حتى من غير كلام.

هيد البراندينج هو اللي بيوحّد الصورة والصوت والإحساس.
هو اللي بيخلي “مين إحنا؟” إجابة واضحة للجميع.

لو عندك عين بتشوف التفاصيل،
وحسّ يعرف يترجم المشاعر لهُوية ..
فالكرسي ده ليك💙.

فورم التقديم
https://forms.gle/J9sCgtpz3WqFE9Qv7


"كل فكرة عظيمة.. بدأت بعقل سأل السؤال الصح"القسم الأكاديمي هو المكان اللي بتتكوّن فيه البذرة الأولى،اللي بيبدأ منها كل م...
04/11/2025

"كل فكرة عظيمة.. بدأت بعقل سأل السؤال الصح"

القسم الأكاديمي هو المكان اللي بتتكوّن فيه البذرة الأولى،
اللي بيبدأ منها كل مشروع، وكل فكرة، وكل خطوة.

محتاجين قائد يعرف يربط بين الفكر والتطبيق،
بين السؤال والإجابة، وبين الرؤية والتنفيذ.

لو بتفكّر بعُمق، وبتشوف التفاصيل قبل ما تظهر ..
الكرسي ده ليك💙.

فورم التقديم
https://forms.gle/J9sCgtpz3WqFE9Qv7


الأشياء تحدث🚨في كل نهايةٍ بداية،وفي كل بدايةٍ فرصةٌ جديدة لصنع الأثر.الـ7th wave على وشك الانطلاق… فكونوا على استعداد.
03/11/2025

الأشياء تحدث🚨

في كل نهايةٍ بداية،
وفي كل بدايةٍ فرصةٌ جديدة لصنع الأثر.
الـ7th wave على وشك الانطلاق… فكونوا على استعداد.

"د. سارة حسني… ثلاثة أعوام من القيادة والبصيرة"على مدار ٣ سنين،اسم د. سارة كان دايمًا مرتبط باسم بصيرةفي كل ويڤ، كانت ال...
12/10/2025

"د. سارة حسني… ثلاثة أعوام من القيادة والبصيرة"

على مدار ٣ سنين،
اسم د. سارة كان دايمًا مرتبط باسم بصيرة
في كل ويڤ، كانت الثابت اللي ما بيتغيّرش

من أول يوم وهي شايفة الصورة كاملة،
مش بس بتقود، لكن بتبني،
بتأسّس لفريق يعرف يكمّل بعد كده بنفس القوة والرؤية.

سارة كانت أكتر من بريزيدنت…
كانت العقل اللي بيحسب كل خطوة،
والروح اللي بتخلي الكل يحب المكان اللي هو فيه.

٣ سنين مش سهلة،
بس هي قدرت تخلي كل سنة علامة،
وكل دفعة تشهد إن القيادة الحقيقية مش في المنصب،
لكن في الأثر اللي بيفضل حتى بعد ما تخلص الرحلة.

شكرًا يا دكتورة سارة،
على تعبك، وعلى وجودك الداعم في كل تفصيلة،
وعلى إنك كنتِ دايمًا قد المسؤولية…
بهدوءك، ووعيك، وبصيرتك اللي عمرها ما خابت💙

"د. روان عبدالرحمن"من أول لحظة كانت فيها جزء من بصيرة،كان واضح إن د. روان عندها حاجة مختلفة ..رؤية واضحة، شغف حقيقي، وال...
11/10/2025

"د. روان عبدالرحمن"

من أول لحظة كانت فيها جزء من بصيرة،
كان واضح إن د. روان عندها حاجة مختلفة ..
رؤية واضحة، شغف حقيقي، والتزام نادر.

ولما بقت Head لسكشن الـ Branding،
قدرت تثبت إن التوقعات مكانتش مجاملة،
لكن كانت قراءة صحيحة لشخص مؤمن بكل تفصيلة في شغله.

اشتغلت بشغف، ونظّمت بحكمة،
وخلّت من الـ Branding Section مساحة إبداع متكاملة،
فيها فكر، تخطيط، ولمسة من روحها في كل حاجة طلعت للنور.

قيادتها كانت مختلفة لأنها جمعت بين الابتكار والانضباط،
بين إنها تسمع لكل رأي، وتوجّه بحكمة،
وتخلي كل عضو في السكشن حاسس إنه جزء من الصورة الكبيرة.

وجودها في الويڤ رسم نجاح بشكل وهوية جديدة🩵

شكرًا يا دكتور روان،
وجودك كان عين بتشوف التفاصيل الصغيرة اللي بتصنع الفرق،
وفكر منظم يخلي الإبداع ماشي بخطوات ثابتة.🩵

"د. أحمد أنور"مش بس أثبت كفاءته كهيد سيكشن الـ Operation،لكن من أول يوم في بصيرة، كان حضوره مختلف.في وسط الزحمة، تلاقيه ...
10/10/2025

"د. أحمد أنور"

مش بس أثبت كفاءته كهيد سيكشن الـ Operation،
لكن من أول يوم في بصيرة، كان حضوره مختلف.
في وسط الزحمة، تلاقيه بيهدّي الإيقاع،
وفي وقت الضغط، هو أول واحد بيتحرك علشان يحلّ.

د. أحمد ماكنش بيأدي المطلوب وبس،
كان دايمًا بيرفع السقف،
ويخلّي الكل حواليه يشتغل بطاقة أعلى وتنظيم أدق.

لو في مشكلة، تلاقيه سبقها بخطوة.
لو في نجاح، أكيد هو جزء من سببه.

وجوده في الـ Operation Section ماكانش مجرد قيادة،
ده كان توازن بين الشغل الجاد والروح الجميلة اللي بتخلي الكل يحب اللي بيعمله.

شكرًا يا دكتور أحمد،
على طاقتك، التزامك، وعلى بصمتك اللي بقت من روح الويڤ واللي صعب تتكرر💙

"د. محمد عبدالونيس"فيه ناس وجودها بيبقى علامة فارقة، ناس بتسيب أثر من أول لحظة، وبتخلي النجاح مش صدفة، لكن نتيجة تعب وتن...
09/10/2025

"د. محمد عبدالونيس"

فيه ناس وجودها بيبقى علامة فارقة، ناس بتسيب أثر من أول لحظة، وبتخلي النجاح مش صدفة، لكن نتيجة تعب وتنظيم ومجهود حقيقي.

ود. محمد عبدالونيس كان خير مثال لدا💙

من Wave Student في الويڤ اللي فات،
لـ Head Academic في الويڤ ده…
انتقال مش بسيط ولا سهل، لكن هو قدر يثبت إن القيادة مش مجرد منصب، دي موهبة وروح بتعرف تلم الفريق وتوجهه صح.

من أول يوم كان باين تنظيمه ودقته،
كل حاجة محسوبة، وكل تفصيلة ليها هدف.

بس الأهم إنه ماوقفش عند حدود المطلوب منه،
هو رفع السقف، وخلّى أي حد ييجي بعده قدامه تحدي أكبر،
لأن الطموح خلاص بقى على مستوى أعلى.

بصمته مش بس في شغله،
لكن في الأسلوب اللي اتبنى بعده،
وفي روح الفريق اللي اتأثرت بيه.

شكراً يا دكتور ونيس،
على مجهودك، قيادتك، والأثر الجميل اللي سبته.

"وراء كل إنجاز، فيه قادة بيصنعوا الفرق"في كل نجاح بنحققه، عمره ما بيكون وليد الصدفة، وراه دايمًا مجهود كبير من ناس واقفة...
05/09/2025

"وراء كل إنجاز، فيه قادة بيصنعوا الفرق"

في كل نجاح بنحققه، عمره ما بيكون وليد الصدفة، وراه دايمًا مجهود كبير من ناس واقفة في الصف الأول. المرة دي مش هنسميهم جنود مجهولين، بالعكس.. لازم كل الناس تعرفهم وتفتكرهم.

قادة لجاننا كانوا دايمًا القدوة قبل ما يكونوا مسؤولين، مش بس بينظموا وبيتابعوا، لكن كمان بيفكروا، يشاركوا خبراتهم، ويقفوا جنب الفريق في كل تفصيلة. يمكن الناس شافت النتيجة بس، لكن إحنا عارفين إن وراها تعب كبير وشغل متواصل.

شكر خاص لكل قادة اللجان:
Marketing – Voice Over – Graphics – HR – PR – Logistics – Scientific – Research Team – Statistics

كل واحد فيكم كان علامة فارقة، مابخلش لا بمعلومة ولا بخبرة ولا حتى بوقته. قدرتوا تخلقوا بروحكم ودعمكم جو من التعاون والفخر إننا كلنا جزء من الفريق ده.

وبكل تقدير، بنشكر مكتبة الجامعة، الراعي الرسمي لينا، على دعمهم وتشجيعهم المستمر. وجودكم معانا ماكنش مجرد دعم، ده كان أساس النجاح.

استعدوا للي جاي.. عشان الجاي أكبر وأعظم إن شاء الله.

Address

Benha

Website

Alerts

Be the first to know and let us send you an email when Benha Students' innovation and Research Association - BSIRA posts news and promotions. Your email address will not be used for any other purpose, and you can unsubscribe at any time.

Contact The School

Send a message to Benha Students' innovation and Research Association - BSIRA:

Shortcuts

Share

Category