02/08/2025
كلمتين في التدريس وخصوصا قبل فتح باب الحجز لدينا بسنتر English Clinic ♥
رؤيتنا ومعيارنا في التعلم💌
- انت كمُدرس مش مطلوب منك إنك تعجب كل طالب وتكون علي هواه ، لكن مطلوب منك تشتغل بضمير وبِجد وتأدي رسالتك الاخلاقية والعلمية علي أكمل وجه عشان انت بتتعامل مع ربنا وبس
- الناس كلها مش بتتفق علي حد فبالتالي مش كل الطلبة هتتفق عليك ولا كلهم هيختلفوا عليك عشان متقعدش تجلد في ذاتك وتسأل نفسك انت قصرت في ايه !
متشلش هم هي دي طبيعة البشر حتي لو قِدت صوابعك العشرة شمع
- طول ما انت شغال باجتهاد وبتقوي نفسك وبتطور نفسك ومش همك الضحك والهزار والمرقعة في الحصة .. هتلاقي الطالب اللي بيحب الضحك والهزار والدلع دا مش جاي تاني ودا خير وبركة جدا لان نوع الطالب دا بيقلل من هِمتك ونشاطك ، وهتلاقي الطالب المحترم المجتهد مكمل ودا اكبر مقياس لشغلك الصح 👌🏻
- الرزق كدا كدا هيجيلك والله .. ومفيش حد كبير في الشغلانة دي والشغلانة دي مش احتكار لحد
- المهم تراعي ضميرك لأن معيارك الوحيد ودعايتك هو الضمير وشغلك الصح مش الضحك والهزار وقلة الادب عشان تجذب الطلبة لأن الطالب الصغير دا مسيره يكبر ويعرف مين اللي كان بيضحك عليه ومين اللي كان بيعلمه صح ♥👌🏻
منقول للافادة والامانة من مستر معتز السعيد 💚
