22/08/2026
مفيش حاجة بتحصلك إلا علشان مصلحتك:
الابتلاء علشانك، والانتظار الكتير علشانك..بتحزن شوية علشانك,
وبتتألم برضوا علشانك
ربنا لمّا بيمنع عنك حاجة بتحبها فده علشانك، ولمّا بيرزقك بحاجة مكنتش عامل حسابها فده برضوا علشانك
يبعد عنك حاجة أو شخص علشان يعوضك بالأحسن، وبيأخر عليك حاجات علشان تجيلك في وقتها أحلى وأجمل وأعظم بكتير
الأمر كله بإيد ربنا، وليه حكمته وتدبيره في كل تفصيلة، وانت مش مطلوب منك حاجة غير إنك تصبر وتحسن الظن بيه ربنا سبحانه وتعالى بيقول: {إِنَّمَا يُوَفِّى الصَّابِرُونَ أَجْرَهُم بِغَيْرِ جسَابٍ}، وقال: {وَبَشِّرِ الصَّابِرِينَ }
علشان كدا، سيب كل اللِّي بتتمناه وديعة عند ربنا، واستبشر خير، وتفاءل، واصبر، وخليك متأكد إن دايمًا بعد الصبر مفيش غير الجبر والعوض
