21/01/2024
انت كا طالب ٣ث متبقاش اهبل وتخلى حد يستغل سذاجتك وخوفك او يلعب على حبك للانتخة. بمعنى👇
1️⃣ مفيش حاجة اسمها محاضرة هنلم فيها نص المنهج بكل افكاره وهتخرج مش محتاج حاجة تانى فى الاحياء (دا كدب) مش منطقى اللى زميلك خده فى شهور هيلمهولك الاستاذ فى يوم
2️⃣ مفيش حاجة اسمها مذكرة ٥٠٠ سؤال لن يخرج عنها الامتحان اسال اللى قبلك بيتضحك عليهم كل سنة وبيخرج عادى فا انت لازم تتعلم تحل وتفهم وتطبق كتيييير
3️⃣ متفرحش باللى يقولك سيبك من الكلام دا وخد الملخص اهو . هتفضل مرتاح طول السنة نفسيا وشعورك تجاه المادة انها فى جيبك بس مع اول اختبار حقيقى هتكتشف انك ابيض (هتفوق على كارثة فى الامتحان)
الحل والسلاح الوحيد انك تتعب وتهتم بكل تفاصيل المعلومة وتتعمق فيها وتتعلم صح وتتعلم تحل وتستنتج وتسيبك من بصمجة الاجابات وحل الاسئلة بالشبه
