اكاديمية التميز - excellence academy

08/04/2021

توزيعات المنهج لشهر ابريل

18/03/2021

خلال ساعات رابط النتيجة وملاحظات هامة على تفاصيل نتيجة أولى وتانية ثانوي.:اول حاجه ايه معني الالوان دي ؟
=======/==========================
باختصار
اللون الأزرق 💙يعني مستواك ممتاز
اللون الاخضر 💚يعني جيد جدا
اللون الاصفر 💛 يعني مستواك جيد
اللون الابيض ◽يعني مستواك ضعيف والمفروض تدخل دور تاني
ده بالنسبة لشرح الالوان الي كنتوا تسالوا عنها
2_ اما بالنسبة للموقع الي هتظهر عليه النتيجة اهو
https://moe-register.emis.gov.eg/
3️ طيب ايه الخطوات الي المفروض تعملها عشان تحصل علي نتيجتك ؟
-اول حاجه تدخل علي لينك الموقع الي فوق ده ( مش دلوقتي لما النتيجة تظهر )
- يختار الطالب نتائج الاختبارات والضغط عليها.
- سيطلب منك بعد ذلك تحديد المرحلة الثانوية، سواء الصف الأول أو الثاني الثانوي، ونوع المرحلة التعليمية.
- وتتمثل الخطوة التالية، في كتابة رقم الكود الخاص بالطالب في المكان المخصص، وفي الخانة الأخرى يكتب الرقم القومي الخاص بالطالب المكون من 14 رقم.
- وفي الخطوة الأخيرة يقوم طالب المرحلة الثانوية العامة بالضغط على عرض النتيجة، لتظهر النتيجة أمام الطالب بشكل فوري.

09/03/2021

07/03/2021

محدش يتعب اعصابه وريحوا نفسكم واولادكم
👇👇👇
هذا الرجل يمثلني 👇👇

منقول ( خالد الشافعي )

من نعم ربنا عليا = عيالي ما بيروحوش المدرسة إلا ع الامتحان

عذاب ومرار الساعة ٧ الصبح مانعرفوش في بيتنا

ما فيش في حياتنا باص مدرسة

المرمطة في الشوارع من درس لدرس ما عذبتش ولادي بيها

القلق والرعب ع النتيجة والمستقبل الدراسي والوظيفي مش عندي

اسطوانة ذاكر وهتنجح وهتسقط ومستقبلك واصحابك واولاد عمك واولاد جارتنا وارفع راسي ومنظرنا قدام قرايبنا = مش في حياتنا

التعليم والدراسة والمذاكرة واخدة في بيتنا وحياتنا حجمها الطبيعي والمنطقي ، تفصيلة عادية من ضمن تفاصيل الحياة ، ما فيش هلع ولا فوبيا ولا مندبة ولا مناحة

التعليم مش محور حياة أسرتنا ولا بيشغل حيز كبير من المواضيع اللي بنتناقش فيها

بأقل مجهود العيال هينجحوا باذن الله وهيدخلوا كليات عادية وطظ في كليات القمة ان كان تمنها اننا نتعدب ١٢ سنة احنا وعيالنا ونعيش في عذاب وضغوط نفسية وقلق وتوتر

عمري ما خطر في بالي إني أربط شعوري بأداء رسالتي تجاه أولادي أو رسالتي في الحياة أو معيار نجاحي كأب أو معيار نجاحهم ورضايا عنهم وفرحي بيهم بمستواهم الدراسي أو الكلية اللي هيدخلوها

الحاجة الوحيدة اللي بنحارب عليها في بيتنا والصراع الوحيد في بيتنا هي حرب الدين والأخلاق والسلوكيات

الصلوات الخمس وبر الوالدين والتحذير من الانحراف والحب بين الولاد وبعضهم وغرس القيم والأخلاق هي اللي بحارب عليها طول اليوم
الرعب والخوف والقلق ان عيالي تفوتهم صلاة أو ما يحبوش بعض أو يصاحبوا أصحاب سوء

سعادتي الحقيقة في ولد بيصلي أو بيعامل امه كويس او بيحب اخوه او ناجح في علاقاته الاجتماعية أو بيحظى باحترام الناس

مستقبل الأولاد الدراسي والوظيفي أصبح في مصر نوع من الرق والاستعباد

التفوق الدراسي وصل لدرجة المرض في مصر بقى نوع من المنظرة وساعات كتير بتبقى عاوز ابنك يتفوق عشان نفسك مش عشانه ، عشان شكلك ، عشان ترضي ذاتك ، عشان تدي قيمة زايفة لحياتك

وبعدين أصلا مافيش تعليم في مصر

والمدارس أصبحت معظمها مكان للانحراف مش مكان للتعليم
والتعليم اللي بجد في مصر تكلفته مليونية

الدراسة في مصر سرقت عمر الناس وسببت لهم التعاسة والاكتئاب وسرقت منهم سعادتهم واستنزفتهم ماديا وانسانيا واجتماعيا

06/03/2021

ملخص اللي احنا فيه حاليا

انا مش لاحق المواد ..انا في مواد مفتحتهاش من اول السنه ..انا مخنوقه انا زهقت ..انا هأجل ..
جماعه محدش يأجل بجد ، بص للمصاريف اللي دفعتها بلاش المصاريف نزولك وطلوعك كل يوم الدروس ده عالفاضي ؟ لا طبعا ..طبيعي يكون في مواد مش لاممها بس لما تيجي فتره المراجعات هتلاقي نفسك بتلم المواد مع المدرسين ..متأجلش للسنه الجايه استغلوا فرصه اننا اول دفعه
انت مش ضامن السنه الجايه يحصل فيها ايه ..كمل واتعب وهات اخرك
احمد فاروق (فيزياء) دايما بيقول جمله بتعجبني اوي ✨ بيقولنا انت اتعب دلوقتي واخبط راسك في الحيطه دلوقتي عشان متعيطش اخر السنه ✨
ودايما كنت احب جمله "التعب لتحقيق وضع تتمناه افضل من التأقلم علي وضع لا تتمناه" اتعبوا يا جماعه
افتكروا ان في ربنا سامعكوا وحاسس بتعبك 🥰
واخيرا واعتبروها نصيحه من اخ ليكم متأجلوش وابدء وهتلحق تخلص وتراجع كمان وتحل ❤️
كل ما تزهق او تمل شوف باباك/ي او مامتك هل دول ميستاهلوش يفرحوا ؟ حتي لو حد فيهم متوفي ..وريهم انك تقدر وفرحهم 💕
انا عارف انها سنه بادئه بدايه زفت وكورونا وسناتر بتتقفل واونلاين وبتاع بس احنا قدها ان شاء الله ❤️✨
اعملوا شير للبوست ده عشان ناس كتير تقراه ...
منقول #

03/03/2021

من العام القادم.. الغاء تشعيب رياضه و علوم من العلمي.
ليصبح التشعيب علمي و ادبي فقط.

22/02/2021

💢 أتاحت وزارة التربية والتعليم لطلاب الصفين الأول والثاني الثانوى إسم المستخدم وكلمة المرور وأكواد إمتحانات الفصل الدراسي الأول للعام الدراسي الحالي 2021/2020 والمقرر عقده بداية من 27 فبراير وحتى 11 مارس 2021
💢 وللحصول على إسم المستخدم وكلمة المرور وأكواد الإمتحانات يجب التسجيل بالحساب المدرسى الموحد على موقع تسجيل إستمارة التقدم للإمتحانات
💢 وبعد تسجيل الدخول بالحساب المدرسى الموحد وبعد كتابة كلمة السر ستظهر لك بياناتك الشخصية ستنزل لأسفل الصفحة ستجد مستطيل باللون التركواز مكتوب بداخله أضغط هنا للحصول على أكواد الإختبارات
💢 وبعد الضغط عليه ستظهر لك صفحة أخرى بها إسم المستخدم وكلمة المرور وأكواد الإختبارات
💢 على الطالب أخذ إسكرين شوت للأكواد وأسماء المواد وتواريخ عقدها ونقلها بخط اليد فى ورقة خارجية أو طباعتها فى ورقة A4 والإحتفاظ بها عند الذهاب للإمتحان لإستخدامها وعدم مشاركتها مع أى طالب أخر من زملائه حيث أن الأكواد خاصة بجلسة وإمتحان كل طالب على حدة
ولا تنسوا غير مسموح بدخول اللجان الإمتحانية بالهواتف المحمولة
وبالتوفيق لجميع أبنائنا الطلاب 🌹🌹
وللتسجيل من خلال هذا الرابط من هنا 👇👇👇

https://moe-register.emis.gov.eg/account/login

21/02/2021

طلاب الثانوية العامة 2021
نصيحة من ذهب :
أرجوكم ارجوكم ، الامتحانات التجريبية اللي هتتعمل في شهر 3 ، حل بمجهودك ومن اللي فهمته في المنهج الشهور اللي فاتت
محدش يغش ومحدش يروح يحل مع مدرس أو مع صحابه ، وهي غالبا هتكون في البيت وأنت بتمتحن اعتبر نفسك في لجنة الامتحان متستخدمش كتب خارجية لو هدور على سؤال معين أنت مش فاهمه دور في كتاب المدرسة فقط لأن ده اللي هتستخدمه في نهاية السنة..
كفاية الندم اللي حصل في أولى وتانية والحل مع صحابك اونلاين والمهزلة إللي عدت دي ومطلعتش منها بأي فايدة..
الامتحان التجريبي إللي هيتعمل في 3 اخر فرصة ليك عشان تحدد مستواك الشخصي اللي هيأهلك للامتحان اخر السنة وتشوف الأسئلة هتتعامل معاها ازاي..
وارجوكم كل واحد يحل مع نفسه لأن لو الكل غش زي ما حصل في أولى وتانية ويلاقوا النتيجة كلها درجات عالية ، هيطينوها عليكم في الأسئلة آخر السنة مهو بنسبالهم بقى كده يعتبر الامتحانات سهلة وبنتعامل معاها عادي لو ده حصل هنزعل آخر السنة جامد
أدخل الامتحان ان شالله لو هتحل سؤال واحد صح المهم يبقي مجهودك عشان يبقى في مصداقية في النتيجة..
ربنا معاكم أن شاء الله
Up وانت معدي خلي الكل يشوف💛

18/02/2021

الكلام ده مهم جداا
من رابعة لتانية أعدادي امتحان مجمع أسئلة بشكل اختيارات و ع الطالب أنه ميجبش أقل من 25٪ من أي مادة و 50٪ من المجموع الكلي للامتحان..
يعني مثلا لو مادة فيها اربع نقاط يبقي ع الاقل الطالب يجاوب نقطة صح منهم/ و لو الورقة المجمعة فيها 20 نقطة يبقي الطالب لازم يجيب 10 صح فما فوق ...
يعني مفيش حاجة اسمها مفيش نجاح و رسوب .. لا يا جماعة نركز كدا الواضح أنه في تسهيلات كتيرة لكن الطالب عليه ميجبش أقل من المطلوب..فا الناس تفضل مهتمة و الطالب يفضل فاكر المنهج و بإذن الله كله هيعدي الترم الاول بشوية تركيز و عدم إهمال ..
بالتوفيق لجميع طلابي الاعزاء ❤️

18/02/2021

#عاااااااااجل
عاااااجل ....

امتحان مجمع للصف الثالث الإعدادى يوم 7 مارس لا يضاف إلي المجوع ونتيجته اجتياز او عدم اجتياز ( ولا بد من اجتيازه )
والنتيجة النهائية على آخر العام