Nagwa korani

الحياة وجهين لعملة واحدة اختروا الوجهه اللي تحبوا تشوفوا الحياة بيها بس المهم تركزو الوجهه دي هاتوصلكم لفين

الحياة ملهاش كتالوج بلاش تعملي انتي كتالوج في دمغك وعايزة الدنيا تمشي بيه

ابسط اشكال الاحترام اللي ممكن تقدميها لنفسك انك تتكلمي معها كويس

حدودك النفسية هاتحميكي من انك تلبسي مشاعر مش بتعك او تتبني افكار مش بتعتك او تتصرفي تصرفات مش بتعتك

الابتزاز العاطفي سلاح ضعف الشخصية واظن ان ضعيف الشخصية محتاج يشتغل علي نفسه مش بابتزاز غيره ومن حقك نفسك عليكي انك تفهمي مش الشخص اللي تطلبي منه ايه او تتكلمي معه في ايه

كلمة (لا ) بتوجع الشخص اللي بيحب يسيطر عشان يحس بقيمته وانتي من حق نفسك عليكي انك تقوليها وقت ما تحتاجي تقوليها وكل واحد يدور علي قيمته بعيد عن اذي غيره

فكرة انك مرتاحة في روحك مرتاحة في نفسك مرتاحة في شكلك مرتاحة في افكارك ده حقك ومش من حق حد انك تبرري ده

الحب والتقدير حقك ومش لازم تأخديهم من مصدر واحد او مصدر معين لا ممكن نأخد كل مصدر من حد وممكن الحد ده لا يكون من اهلك ولا فيه بينكم صلة رحم اصلا

افصلي نفسك من الناس شايفكي ازاي وركزي انتي شايفه نفسك ازاي لان مهما كان نظرة اللي قدامك ايجابية وبيطبل لك وانتي من جواه مش شايفة ده مع الوقت هايحصل حاجة من الاتنين يا هاتفضلي مش مصدقة اللي بيقال لك يا هاتغذي الايجو والنتيجة انك هاتفضلي تبعدي عن نفسك الحقيقية

احساسك ان ربنا موجود مهما كانت علاقتك بيه او قربك وبعدك عنه او تقصير لفترة ده هو الارض الصلبة اللي انت واقف عليها ده مش دعوه للاهمال انما استشعر ان ربنا متكفل بيك مهما كان اللي بتقدمه

خوفك من المستقبل او المجهول او الخطر ده احساس طبيعي جاي يوصلك رسالة ، اقبلي شعور الخوف واسمعي رسالته بدل ما تهربي منه او تستسلمي ليه وتقومي كل المشاعر اللي تبعه

من حقك تلقي تقدير ومن حقك تقدري مجهود نفسك مهما كان غيرك شايفه ازاي او نتيجة المجهود ده كانت ايه