24/03/2016
البوست ده طويل شوية و مفيد لاي حد عايز يشتغل شغل حكومي او برة مصر او كان بيفكر ياخد ال ICDL … غير كده ممكن تعمل scroll للبوست وما تكملش قراية !!
الفترة اللي فاتت كنت لما بتيجي تقدم علي وظيفة حكومية او سفر برة مصر وساعات شغل خاص كان بيتطلب منك شهادة ال ICDL او الرخصه الدولية لقيادة الحاسب الآلي و كان في طلبة كمان بتاخد الكورس ده ايام الدراسة قبل ما يتخرج او حتي يتطلب منه ..
طيب تعرف ان شركة مايكروسوفت اللي هي كانت بتدي اعتماد كورس ال ICDL شالته من الكورس ده والاعتماد دلوقتي بقي لكورس ال IC3 وكمان الجهات الحكومية والسفر للخارج بيطلب منك شهادة ال IC3 ؟
اتلغبطت دلوقتي ؟
طيب من غير لغبطة و باختصار ال ICDL و ال IC3 وجهان لعملة واحدة … بمعني ان اي جهة حكومية او خارج مصر عايزة تضمن انك عارف اساسيات الكومبيوتر وبتعرف تتعامل مع البرامج كويس زي مثلا انك بتعرف تشتغل علي برامج الاوفيس وتتصفح الانترنت و غيره, لان معظم الشغل دلوقتي حتي في المصالح الحكومية بقي معتمد علي الكمبيوتر و في مصالح كتيرة استغنت عن الاعمال الورقية او بتقلل استخدامها او بتستخدمها الي جانب الكومبيوتر في تخزين البيانات والمعلومات …
ايه اللي يخليك بأه تدرس الكورسات دي و ايه الفرق بين ال ICDL وال IC3 ؟
ركز شوية عشان تعرف ان مايكروسوفت لما سحبت اعتماد ال ICDL كان في مصلحتك وان ال IC3 اسهل و مدة دراسته اقصر يعني مش هيعطلك اصلا !!!
ال ICDLهي اختصار ل International Computer Driving License او الرخصة الدولية لقيادة الحاسب الآلي ودي زي ما قولنا شهادة دولية كانت معتمدة من شركة مايكروسوفت بتشهد لحاملها أن عنده المعلومات والمهارات الضرورية في مجال تكنولوجيا المعلومات وأنه قادر على استخدام جهاز الحاسب الشخصي وتطبيقاته العامة بقدر من المهارة يتطابق مع المواصفات القياسية للشهادة .
اما بقي ال IC3 فهي اختصار لInternet & Computing Core Certification او الشهادة الدولية للحاسب و الإنترنت و دي بجانب انها مطلوبة من الجهات الحكومية و في الخارج دي كمان بتساعدك تكمل دراستك للشهادات الدولية لو انت مهتم بدراستها زي ال (A+, MOS, MCSE, Cisco)... وكمان دي بقت بديل ال ICDL دلوقتي وامتحانتها بقيت مدعومة من شركة سرتيبورت certiport و دي شركه عالمية صاحبة ال IC3 ممكن تشوف موقعهم من اللينك ده http://www.certiport.com/
والميزة اللي في ال IC3 ان مدة دخول امتحاناتها سنة كاملة علي عكس المشكلة اللي كانت في ال ICDL وهي انها كانت بس فترة بداية الامتحانات ونهايتها خلال 3 شهور بس …
نيجي بقي لفرق المحتوي بين ال ICDL و ال IC3 …احمد هو الحج احمد بس مع اختلاف تقسيمة محتوي الاتنين ..
يعني مثلا انت بتدرس في الاتنين 7 برامج رئيسية اللي هما بتوع مايكروسوفت (Office) متقسمين كالتالي لو انت بتدرس ال ICDL :
الوحدة الاولي : اساسيات تكنولوجيا المعلومات ( وده جزء نظري)
Module 1: Concepts of Information Technology (IT)
الوحدة التانية : ازاي تستعمل الكمبيوتر وتدير الملفات
Module 2: Using the Computer and Managing Files
الوحدة التالتة : ازاي تستعمل برنامج الكتابة من مايكروسوفت
Module 3: Word Processing with Microsoft Word
الوحده الرابعة : ازاي تستعمل البرامج الرياضية واللي بتعمل جداول زي اكسيل من مايكروسوفت
Module 4: Spreadsheets with Microsoft Excel
الوحدة الخامسة : ازاي تتعامل مع برنامج الاكسيز وده كان اصعبهم ومعظم الناس كانت بتسقط في الامتحان ده kiki رمز تعبيري
Module 5: Data with Microsoft Access
الوحده السادسة : ازاي تعمل بريزينتاشن او تعرض حاجه باستخدام برنامج الباوربوينت
Module 6: Presentations with Microsoft PowerPoint
الوحدة السابعة : وده كان شويه نظري عن التواصل ومدخل للانترنت وازاي تتصفح .
Module 7: Information and Communication.
كده تقسيمة ال ICDL خلصت تعالي بقي نشوف تقسيمه الIC3 :
الوحدة الاولي : اساسيات الحاسب والتعامل مع البرامج التشغيلية المختلفة وادارة الملفات والتعرف علي مكونات الجهاز والفرق بين الاجهزة … الخ ومعظمه نظري
Module 1: Computing Fundamentals
الوحدة التانية : التطبيقات علي برامج مايكروسوفت وده كله عملي
Module 2: Key Applications and Programs
الوحدة التالتة : دي كلها عن الانترنت والتصفح ومهارات البحث ودي نظري وعلمي مع بعض
Module 3: Living Online
كده انت عرفت الفرق كويس!!
دلوقتي بقي نقدر نقولك انا احنا مكان معتمد لدراسة وامتحان ال Ic3
وكمان نسبة النجاح للناس الي تدربت عندنا عدت ال95 % وذلك بفضل المدربين المتميزين واسلوب التدريب يعني احنا الحل اللي قدامك علشان تاخد كورس يساعدك في الشغل والتوظيف واستخدام الكمبيوتر .......عايز اية تاني
www.certiport.com
certiport.com
اكادمية شباب المستقبل
القوصية-شارع الجلاء-امام بوابة النادي الرياضي
01091855569
