09/02/2025
السلام عليكم أحبائى أهل أسيوط 🌹
معاكم دكتورة ايمان درست دبلومة كيمياء تحليل الأغذيه بالاضافه لدبلومة تغذيه علاجيه والإرشاد الغذائى
الحقيقه نظرا لما انتشر من الفساد والغش الغير معلن فى المنتجات الغذائيه قررت بعون الله أعمل ستور صحى هاوفر فيه كل المنتجات الصحيه اللى بنحتاجها مباشرة من مصادرها الاوليه وهابقى اليد الاولى ليها بإذن الله علشان ابقى ضمنت الجوده وطبعا فى منتجات هابقى بإذن الله اليد المصنعه ليها
أنا الحمد لله بحكم دراستى وخبرتى بعرف اختار حاجات ممتازة لبيتى ولكن بيصعب عليا الناس اللى بشوفها بتتعرض للغش التجارى الرخيص ده والثمن للاسف صعب جدا واغلى حاجه عند الإنسان وهى صحته ،ساعدونى نعمل وقفه للاستهبال ده لا مايتسماش استهبال دا يتسمى إجرام بمعنى الكلمه وصحتنا وصحة اولادنا هى الثمن وشاركونى بدعمكم علشان نعمل الستور ده مع بعض ولبعض
وعلشان احنا داخلين على شهر رمضان الكريم
مبدأيا اقدر اوفر زبده جاموس وكمان قشطه جاموسى حاجه كده هاتدعولى عليها من بلدى فى المنصورة شغل أورجانيك على الآخر وطبعا مش هاقولكم على النظافه انتوا هاتعرفوها من ريحة الزبده اصل منتجات الألبان بتحب النظافه اوى اوى
زيت زيتون اكسترا فيرجن "سلاله واحده" علاجى وشفائى معصور على البارد تانى مرة معصور على البارد يعنى الطريقه الاصليه مافيش اى تسخين للزيت علشان ناخد زيوت اكتر يعنى مليان فيتامين E وكمان ماشاء الله غنى جدا بفيتامين K اللى دايخين عليه فى العلاج المستورد من عصارة أحد الأصدقاء بوادى النطرون مباشرة هايجيلى كميه على بعضها وبعدين اعبيه فى برطمانات بعيده عن الضوء والحراره
عسل نحل أصلى أصلى من المنحل مباشرة حاجه تغذيه رحيق الزهور من منحل هنا صاحبه محترم جدا وعارف ربنا وشفائى متاح ينسون وكراويه وحبة البركة وطبعا برسيم اللى طعمه رائع للاطفال وعلى البان كيك بيبقى تحفه طبعا والسعر ممتاز والله
رابع حاجه اقدر اقدمها ليكم عن حب وهى شوربة العظم العلاجيه داخلين على عيد الام ناخد شوربة العظم الجميلة ونهادى بيها ست الكل أنا بعملها حلو الحمد لله للى مش فاضى يعملها فى بيته والأهم أن العظم يكون بتاع عجل بلدى تغذيه أورجانيك زى مابيقولوا ودى أنا مش محتاجه اقول فوائدها لأنها غنيه عن التعريف ولكن عن تجربه لازم تدخل فى حياتنا بشكل دائم فى كل حاجه شوربه عدس دخليها مكرونة بوايت سوس مع اللبن مش هاتقول لا ، شوربة خضار شويه أندومى للاولاد بالمكرونه والشوربه وتوابل صحيه للاندومى ،باميه ،ملوخيه ،مسبك
وطالما جبنا سيرة الاندومى هانزل ليكم توابل صحيه مقاربه لنكهه الاندومى ومن اختراعاتى أنا
الحاجات دى ثقه اقدر انزل بيها واقدمها ليكم بكل طمأنينه تامه واكيد كل مااقدر انزل بحاجه تانيه هانزل بيها بإذن الله
انتظروا خل التفاح العضوى من تصنيعى بإذن الله وزبدة جوز الهند علشان دى طلعت حواراتها كتيرة واكلنا برافين كتير اوى واحنا مش حاسين للاسف
والناس الكيتو ولوكارب والفرى جلوتين وقليل الجلوتين هاعملكم اختراع بإذن الله يسهل حياتكم
وده رقمى للى عايز يستفسر أو يدعم أو يشارك فى العمل ده
01024907091
شكرا جزيلا
ودمتم أصحاء 🤲🌹
ايه رايكم
١/اكمل الفكرة وهاتدعمونى
٢/محدش مهتم
