فنجان إنجليزي مع Romany

فاضي شويه أثبتلك إن ال ( present perfect continuous ) مالوش علاقه بإسمه 😂😂😂

قابلت في اسيوط وأنا تايه زي كل يوم ( المضارع التام المستمر ) قلتله يا حاج 👴🏻 عيب تبقي راجل كبير في السن وتاعبنا إنت وإخواتك ومتوهنا كده.
إنت إزاي مضارع لما هو تم خلاص !!! 🥴 ولما أنت تميت وخلصت مستمر إزاي لامؤاخذه في الكلمه يعني 🤭

👴🏻 قاللي يابني إنتوا ظالميني كده دايماً وبتحكموا عليا من إسمي وشكلي مع إني طيب جداً وسهل في التعامل بس الدنيا بهدلتني 😭
ياما شفت من المدرسين اللي مش عارفين يشرحوني والطلبه اللي بيجروا من غير ما يهتموا بيا ويسمعوني
والكتب اللي بتقول عني ( حدث بدأ في الماضي ومستمر في الحاضر ولم ينتهي بعد ) بقي بالذمه عايز طالب يفهمني 🤯
بس أنا بقي هقولك عالسر اللي مخبيه عن الناس خلاص العمر مافاضلش فيه كثير يلا حسن الختام

👴🏻 أنا إسمي الحقيقي ( بقالي )أيوه يابنى ( بقااااااااالي ) مش present perfect continuous بص جرب اللعبه السحريه دي 🧙🏼‍♂ هديلك مثل حقيقي
إنت بقالك قد إيه بتتكلم معايا ؟

🧑🏻 أنا ( بقالي )خمس دقايق بتكلم معاك يا حاج

👴🏻 حوش كلمة ( بقالي ) من الجمله وحط بدالها ( have been ving )

🧑🏻 يعني إيه have been ving ؟

👴🏻 يعني ( have been + ( verb + ing

🧑🏻 يا حاج إنت توهتني ولغبطتني أكثر

👴🏻 جرب بس يابني مش هتخسر حاجه إنتوا جيل متسرع ليه كده

🧑🏻 حاضر
- ( I have been talking ) to you for 5 minutes.

👴🏻 مبروك يا بني إنت كده فهمت الزمن وإستخدمته من غير حفظ ولا هري ولا قواعد حطلي بقي كلمة ( بقالي ) في أي ثلاث جمل وبدلها بس ب ( have been ving )

🧑🏻 حاضر أجرب لما نشوف آخرتها 🧐

1- أنا ( بقالي ) ساعه بتفرج عالفيلم
( I have been watching ) this movie for one hour.
2- أنا ( بقالي ) سنتين بدرس في الكليه دي
( I have been studing ) in this college for two years.
3 - أنا ( بقالي ) ثلاث شهور بلبس القميص ده
( I have been wearing ) this shirt for three months.
إيه ده إنت سهل جداً يا حاج أنا مش مصدق

👴🏻 هي دي حقيقتي أي حاجه ( بقالك ) فتره بتعملها ولسه ما خلصتهاش تبقي تخصني وتحطني فيها علي طول يابني أنا مسامحك
غنيها بقي يابني have been ving .......have been ving....... هاااااڤ بيييييين ڤييييينج 🎵🎶🎤🎷

🧑🏻 شكراً يا حاج ده أنت أسهل من غيرك 🕺🏻🕺🏻🕺🏻

👴🏻 ربنا يخليك قبل ما أمشي عايز أقولك إن (🐈 he 🧒🏻 she👧🏻 it ) دول آخر العنقود عقبال ما تفرح بعيالك فبحب أدلعهم شويه وبقولهم ( has been ving ) 😂😂😂 جرب كده haaaaaaaaas

- Hanan has been reading for 3 years.
- Roshdy has been working in this company for 7 years.

🧑🏻 أمال ياحاج النفي وصيغة الإستفهام والفرق بين for - since !!! فحط إيده علي كتفي وقاللي
👴🏻 يابني أنا سهل أحفظهملك وأجيبهم يلعبوا معاك بس أنا عايزك تفهم ما تحفظش الإنجلش لغه يابني مش منهج. أنا إديتك الزتونه وفكيت عقدتك كمل إنت بقي 💪🏻