مدرس لغة عربية

01/08/2023

البيئة المحيطة والضغط النفسي من عوامل انخفاظ مستوى درجات طلاب الثانوية العامة

انتشار وسائل تضييع الوقت وانشغال العقل مثل لعبة بابجي و التيك توك والانستجرام والتليجرام من الأسباب الرئيسة في فشل أكثر من نصف الطلبة

الغش موجود من زمان جدا وصعوبة الامتحانات موجودة منذ بداية الثانوية العامة

ولكن اختلف الجيل واختلف معه التفكير والاهتمامات

أكثر من ٦٠% من طلاب الثانوية العامة في هذا الزمان غير مؤهلين لخوض مرحلة الثانوية العامة

ولكن فشخرة ولي الأمر وحبه لوهم التعليم العالي والشهادات الكاذبة بتدفعه لإلقاء ابنه في مرحلة أعلى من قدراته الذهنية والنفسية لخوض هذه المرحلة ...

مرحلة أشبه بكابوس يُلقى فيه الطالب لمدة ليست بالقليلة من أجل خوض شهر اختبارات نفسية وعصبية وذهنية وليست أكاديمية 👌

وهم الدروس الخصوصية المتمثل في بعض الألقاب الوهمية مثل :
وحش الفيزياء
وأسطورة الفلسفة
وفيثاغورث الرياضيات
وسيبويه اللغة العربية ... إلخ

الهدف من الدروس الخصوصية هو تسهيل وفهم بعض أجزاء المنهج التي يجد الطالب صعوبة في فهمها ومذاكرتها .

وليس الهدف منها الفشخرة ( أنا باخد عند سيبويه اللغة العربية يبقى هجيب ٨٠ في العربي )

أصل يا حبيب قلبي الأستاذ مش هيدخل يحل مكانك في الاختبار 😂😂😂

لإن الدروس عمرها ما عملت بطل
الدروس عمرها ما عملت طالب متفوق

الدروس وسيلة مساعدة وليست هدف بحد ذاته 👌👌

وهم التابلت اللي ٩٧% من طلاب الثانوية العامة بيستخدموه في غير موضعه المخصص له 👌

وهم كليات القمة 👌

الطالب يغش في الإعدادية ويجيب مجموع الثانوي العام

يقوم ولي الأمر يفخم في الابن ويلقبه بلقب دكتور ومهندس
والدكتور راح والمهندس جه ويرميه في قاع الجب ويرمي عليه ٤٠ و٥٠ ألف جنيه دروس خصوصية والطالب قدراته العلمية والذهنية غير مؤهله لخوض مرحلة الثانوية العامة.

والأب عارف الكلام ده ولكن يعاند نفسه ويدخله الثانوية العامة ويدخله القسم العلمي ويضع فيه آمال الدنيا كلها إن الابن _ غير المؤهل لهذه المرحلة _ هيجيب ٩٩% وهيكون دكتور العيلة

ويرهق الولد ذهنيا ونفسيا وصحيا وفالآخر الولد خرب البيت ومحققش حلمنا وجاب ٥٠%

كل هذا سوف تحاسب عليه أمام الله 👌

راجع نفسك وشوف قدرات ابنك وشوف هدفه ايه وساعده على تحقيقه 😊👌

وبالنسبة للطلاب عايزكم تفهموا إن مفيش حاجة اسمها كليات قمة وكليات قاع

واللهم العظيم كلها كليات وكلها بتحتاج مذاكرة ومجهود وتعب مع اختلاف المسميات 👌👌

لا تحزن على كليات القمة 👌👌 ولكن كن قمة في مكانتك 😊❤️ 👌

استقيموا يرحمنا ويرحمكم الله 😊🌹

21/05/2023

22/12/2022

مسرحية درس نائب الفاعل

14/12/2022

12/06/2022

التربية من أربعة أعوام إلى اثنتاعشرة عام
سواء مسلم أو مسيحي
1_ بنت أو ولد لا لعب أو بقاء برة البيت بعد الساعة 8 .
2- 30 دقيقة قراءة في اليوم أو أكثر .. ( كتب مختار لهم ثم هم يختاروها )
3. الأب لا يكثر من قول " أنا طالع عيني في الشغل" ويقضي وقت مع عياله
4. لا للضرب إلا بعد الحوار لابنك و لا تحضنيه لما ينام .. ابنك محتاج الحضن وهو صاحي !!
5. لا للمهرجانات ولا للأغاني تشتغل في بيتنا .. في كلام ربنا
6. خد ابنك الصغير او بنتك معاك المسجد أو مكان العبادة .. حببهم في بيوت الله.
7. مفيش أفلام .. في كارتون محترم ذو هدف و قيم
8. بنتك متتسابش مع ولد او رجل حتى لو موثوق فيه .. وبلاش تهاون في الموضوع ده !
9. الساعه 9 يكونوا في سريرهم
10 .آية الكرسي قبل ما يناموا .. وبعدها حضن كبير أو زكار الصباح و المساء
11 . يكون موجود جدول للصلاة .. واللي يلتزم يجيله هدية
12 . ولادك ميسمعوش عن خناقة بينك وبين أبوهم ولا حتى صوت عالي
13. إبنك يشوف احترامك لمامته .. علشان يحترم زوجته ..
14 . مفيش تدخين جوه البيت ولا قدام ولادك حتى من الضيوف
15. الاستحمام وغسل السنان كل يوم
16. لما يتكلموا اسمعوا لهم حتى لو كلام تافه ..
لو مفيش انتباه لكلامهم النهارده .. مش هيتكلموا خالص بكرة !!
17 . مفيش نت نهائي في السن ده غير تحت اشرافكم
18. حاولوا يشاركوا في رياضة في سن مبكر
19. نعلمهم يحبوا الناس كلها .. ومنغتبش خلق الله قدامهم
20. علموهم يثقوا في نفسهم وشكلهم ( خصوصا البنات)
21. علموا الولد يحن على اخته ويخاف عليها
22. علموا البنت تحب أخوها وتخاف عليه

استعينوا بالله ❤
الجيل الجديد ده محتاج وقفة بجد ..
احنا في ناحية والافلام الهابطة والمجتمع في ناحية !!
مش عايزين جيل متحرشين جديد
مش عايزين جيل محطم نفسيا ومش واثق في نفسه !
مش عايزين جيل واخد الدين عادة ..
عايزين نعلمهم الأخلاق.

03/01/2022

الأفعال الناسخة ( كان وأخواتها ) الصف السادس الابتدائي

إشراف
أ/ أحمد راضي

23/09/2021

درس الضمائر للصف الثالث والرابع الابتدائي 👍👍