CEC AU

#معلومه مهمه من اول محاضره بالدبلومه ..... وسؤال يرجي الاجابه عنه موضحا اجابتك من الكود المصري او اي مرجع اخر ...

ما ال Fcu و Fc ؟ والعلاقه بينهم ؟
Fcu :- تسمي مقاومه الضغط للخرسانه او المقاومه المميزه للخرسانه او رتبه الخرسانه
وهي قيمه اجهاد كسر المكعب الخرساني القياسي ( Cm 15 * Cm 15 * Cm 15 ) بعد 28 يوم من الصب والتي من المحتمل ألا يقل عنها اكثر من 5 % من نتائج اختبار الضغط أثناء التنفيذ .

السؤال هنا اي اللي هيحصل لو معرفتش اعمل مكعب بالابعاد دي وكان المتاح عمل مكعب بابعاد 10 * 10 * 10مره
ومره بابعاد 20 * 20 * 20
واخر بابعاد 10 * 20
واخيرا 15 * 30 سم ؟؟
Fc :- تسمي مقاومه الضغط للخرسانه او المقاومه المميزه للخرسانه او رتبه الخرسانه
وهي قيمه اجهاد كسر االاسطواني الخرساني القياسي (Cm 30 ارتفاع * Cm 15 قطر) .
العلاقه بينهم :-
1.25 Fc =Fcu أو Fc = 0.8 Fcu
بمعني ان قيمه اجهاد كسر المكعب الخرساني حوالي 125 % من قيمه اجهاد كسر الاسطوانه أو قيمه اجهاد كسر الاسطوانه حوالي 80 % من قيمه اجهاد كسر المكعب .

🌟ليه بنستخدم الخشب والحديد والخرسانه ؟
why we used wood ,steel and concrete

🌟ليه التسليح للعناصر الانشائيه المختلفه بيبقي عامل كده يعني تسليح (القواعد Footings – الاعمده Columns -السملات والكمراتBeams and Ground Beams – الاسقف Slabs -الفريمات Frames -والارشات Arch Girder , Arch slab ..الخ) ؟

🌟ليه بعمل غطاء خرساني للعناصر الانشائيه المختلفه ؟
يعني إيه أحمال جانبيهLateral Loads وليه اسمها كده ؟ ماهية المواد والعناصر الانشائية في البناء.

مثلا لو قعدت كده وفكرت مع نفسك شويه هتلاقي ان سبحان الله كل حاجه صناعيه مشتقه من حاجه ربنا خلقها ..يعني عندك مثلا إحناا .. مكونين من جلد .. وعظام .. وشعيرات دمويه .. وان ال Structure بتاعنا مكون من قدم (Foot=Foundation) ..ورجلين (Legs =Columns )..وقيس علي هذا الاساس ..

دلوقتي عشان أكون مجسم له شكل معين محتاج قالب عشان اشكل عليه المجسم دا .ومحتاج ماده مالئه عشان تاخد شكل المجسم … يعني ايه ؟

يعني مثلا لو عاوز اعمل مجسم دائري Circular Shape .. فحتاج أول حاجه اني أعمل قالب نفس الشكل دا Form .. وطبعا القالب دا بيكون له أبعاد ومقاسات يعني مثلا في القالب الدائري محتاج تعرف القطر Diameter والارتفاع Height .
وبعد ما القالب يجهز بتحتاج تقويه عشان لما تيجي تملاه بالماده المالئه طبعا بتعمل حمل علي قاعده Base القالب وعلي الاجناب Sides ..وبعد ما الماده المالئه تنشف بتفك القالب وبترشها مايه عشان تنتعش ..

نفس الفكره عندنا للمنشأت .. يعني لما تكون عاوز تعمل قاعده مثلا Footing فبتجيب الخشب Wood عشان تقولب الشكل من هنا جه اسم Formwork ..للشده الخشبيه .. والطبيعي ان شكل القاعده هو نفسه شكل القالب يعني مكونش عاوز قاعده مربعه فنعملها قالب دائري

🌟الفرمة والقالب.
فبعد ما أخلص الشكل العام للقالب بحتاج اني اعمله تقويه قبل ما أملئه بالماده المالئه اللي هيا عندنا هتبقي الخرسانه Concrete .. وبعد ما الخرسانه تنشف بفك الشده وارشها مايه عشان تنتعش ..وتعوض المايه الممتصه . ..

يعني اذا لو بعمل مثلا Arch Slab فمحتاج قالب علي نفس الشكل ونفس الشىء لو هعمل مثلا Frame او Beam او Slab ..الخ ..

ثم طيب دلوقتي عندي الخرسانه (جلد المنشأ ) مكونه من مواد زي الاسمنت Cement والركامAggregate مكون من رمل Sand وظلط Gravel وعندي ماء Water ..
طيب كل ماده من دول عنده حاجه اسمها “معامل التمدد ” يعني ايه ؟
مثلا يعني كل ماده عايزه تاخد راحتها في مكانها فبيحصل شد وجذب وحركات وبالتالي دا بيسببلي مشكله فالخرسانه وهيا “الشروخCracks ” لان مقاومه الخرسانه لقوي الشد Tension ضعيفه .طيب ايه الحل ؟

🌟جه الدور علي العضم الخاص بالجلد (الحديد-الخرسانه )

مثلا لو معندكش عضم تحت جلدك أي هرشه او شده او خبطه جلدك هيحصله مشاكل فعشان كده ربنا سبحانه وتعالي زودنا ب”Bones ” العضم ..

⬅️الحديد-الخرسانه

مثلا العضم بتاع الخرسانه هو “الحديد Steel” .. بيكون موجود تحتها وبيقاوملي قوي الشد اللي بتحصل وعلفكره بيقاوم ضغط كمان جامد جدااا بس لا يفضل ((إقتصااديااا)) لانه غالي ومقامه عالي .

وطبعاا لو العضم (Steel)_ دا مكشوف هيحصله مشاكل فلازم يتغطي بالجلد (Concrete). اللي هو عندنا الغطاء الخرساني Covers . يعني الخرسانه عندنا هيا الجلد Skin للمبني والحديد هو العضم Bones .

رأسك دائري .. ثم فالبديهي ان عضمك ياخد شكل رأسك الجمجمه Skeleton لانه مينفعش راسك تبقا دائريه وجمجمتك مستطيله .. نفس الشىء في الخرسانه .. لو القطاع دائري تسليحه بياخد شكله .. يعني العمود لو Vertical يبقي التسليح رأسي .. لو العمود Inclined هيبقي التسليح Inclined.. يعني مثلا قاعده مسلحه Reinforcement Footing بيكون ليها طول Length وعرض width وسمك Thickness عشان كده بنلاقي شكل الحديد حرف U ..

الانسان لما بيمشي فالشارع بتقابله نسمه هواء من كل إتجاه .. لو قوه الهواء دي عاليه والانسان وزنه مش تقيل او طويل ولو معرفش يثبت نفسه فالارض هيقع .. او لو مثلا راكب لعبه متحركه هيحصلك إهتزاز Vibration .. الاهتزاز دي بيجيلك من تحت رجلك يعني بيكون ف ال Base اللي انت واقف عليها ..

نفس الشىء للمبني .. بيجيله أحمال جانبيه Lateral Loads اللي هيا زلازل ورياح Wind and Earthquake .وكل ما طول المبني يزيد كل ما تاثير القوي دي يزيد.

🏗️🧱

🌟إزاي تستلم نجاره عامود ؟
مبدأيا لتعرف كيفيه استلام نجاره الاعمده ..Shutter and Formwork لازم تعرف ان العامود دا عنصر رأسي vertical element وقد يوجد منه المائل inclined ولكن له تصميم خاص .. بما ان العمود عنصر رأسي اذا من البدبهي ان تكون شدته الخشبيه قوائم راسيه مثبته جيدا عن طريق شكالات (قوائم خشب مائله ) وقوائم او فضلات افقيه لتثبيت نجاره الجوانب تسمي (الاحزمه ) ..فاذا اردنا التحدث عن كيفيه الاستلام :
يتم مراجعه ابعاد العمود من طول وعرض (طبقا للوح )
ثم يتم مراجعه اكسات Axis العمود (طبقا للوح )
يتم وزن اعمده الكورنور مع الاعمده بالدور الاسفل عن طريق استخدام ميزان الخيط(العصفوره والرمانه ) عن طريق جعل النجار يمسك العصفوره (اسطوانه خشب او حديد دائريه مثبت بها خيط ) بكيلوه (الجزء المسطح السفلي من كف اليد ) يده وجعل اصابعه للخارج لضمان عدم تلاعبه بالخيط .. وجعل مهندس ينظر الي الرمانه (ثقل مربوط بخيط ) لمعرفه ما اذا كان يوجد ميول بنجاره العامود ام لا
يتم التأكد من حطات العامود (حيث يوجد حطه سفليه وتسمي الحطه الثابته)وحطه علويه ( والتي تسمي حطه عيره ) عن طريق ميزان الخيط ايضا فيجب ان تستند الرمانه علي الحطه السفليه (الثابته) والعصفوره موضوعه علي سيف لوح خشب الحطه العلويه (العيره ) (طبقا للوح)

🌟يتم التاكد من مسافه العمود :
برا -جوا برا_برا جوا-جوا جوا -برا وذلك للتاكد من المسافات بين الاعمده في الاتجاهين (طبقا للوح )
التاكد من عدد وجود الاحزمه (الواح خشب تحزم قطاع العمود ) وتوجد كل مسافات معينه ويراعي تكثيف الاحزمه عند كعب (رجل العمود )كل عمود(بالنظر بالعين المجرده )
التاكد من منسوب صب العمود الذي يقابل (قاع الكمره ) اي التاكد من وجود اللوح المحكوم (وهو اقصر لوح في الالواح الراسيه للعمود )حتي لا نضطر الي التكسير عند بعد الصب .
التأكد من عدم وجود فتحات في العروق حتي لا تسبب تسرب لباني الاسمنت .. وبالاخص الفتحات التي تترك عند كعب العمود نتيجه عدم استناد الالواح الراسيه علي الارض نتيحه اهمال النجار (فحص بصري )
التاكد من وجود القمط التي تساعد علي زنق الالواح الراسيه للعمود (فحص بصري )
التاكد من تربيط السواري (قالب جاهز )ما اذا كان العمود دائري (فحص بصري )

🌟إزاي تستلم حداده عامود؟
عشان نعرف نستلم حديد العمود .. لازم نعرف هو بيتكون من ايه :
الحديد الموجود في العمود هو حديد رأسي علي محيط العمود .. مثبت باحكام في الاطراف عن طريق وجود كانات Stirrups .
يجب التاكد من نظافه حديد التسليح من الصدأ Rust .
ثم يجب التأكد من اقطار الحديد المستخدم ما اذا كان كله قطر واحد او اكثر من قطر فقد يتم استخدام اسياخ قطر 16 واخري قطر 12في نفس العمود (طبقا للوح )
يجب التاكد من عدد الكانات في المتر وتكثيف الكانات واماكن تكثيف الكانات (طبقا للوح)
يجب التاكد من تبادليه اقفال الكانات لمقاومه الانفشاخ التفاجئي اذا كانت اقفالها في اتجاه واحد .
التاكد من وجود كانه بعيون لضمان توزيع الاسياخ بانتظام .
ضمان وجود البسكوت الخرساني حتي يعطي قيمه ال cover .
التاكد من التربيط جيدا .
التاكد من ابعاد العمود وذلك اذا كان العمود 30120 خرسانه فالمفترض استلامه حديد 11525وذلك بعد خصم قيمه ال cover .
معلومات معدله في استلام تسليح الاعمده

🌟ازاي تستلم صبه عامود؟
ازم تعرف اعمال ما قبل الصب 🤔:
يجب اولا رش نجاره العمود من الداخل حتي لا يمتص الخشب ماء الخرسانه وقت الصب ..
ملحوظه:قد يتزاكي عليك المقاول بان يقوم برش نجاره العمود من الخارج لايهامك بالرش. فيتم رش العمود من الداخل ولا فائده من رشه خارجيا .
يتم تجهيز فورمجي وعامل لحمل الهزاز واخر لوضعه في العمود .. وعامل اخر للتخبيط علي كعب العامود بالهامر …
يراعي وصول الهزاز Vi****or الي كعب العامود ولا يتم الاكتفاء بوضعه فقط داخل الخرسانه .
يراعي ان لا يتم الصب مره واحده بل يتم الصب علي دفعات حتي لا يحدث تعشيش .
لا تسمح للفورمجي بتحريك اشاير العمود بحجه وضع لنده البامب Pump (عربه مساعده لعربه الصب ) حتي لو كان التثبيت جيدا ..
بعد الصب :
يراعي معالجه الاعمده عن طريق رشها بالماء ووضع ال Hessian clothes (خيش مبلول )
وزن العمود باستخدم ميزان الخيط لمعرفه ما اذا كان هناك ميول ام لا .

ايه الفرق بين تصميم عنصر تحت الارض .. واخر فوق الارض ؟🤔

الفرق هو في تعرض العنصر للرطوبه .. فمثلا :
فوق الارض (ما ب رقبه العامود والعامود والكمره والبلاطه ) لا يتعرض برطوبه مقارنه بتحت الارض لذلك يتم عمل الcover او الغطاء الخرساني 2.5cm .
تحت الارض مثل الاساسات Foundations فيتم عمل الcover من 5-7cm للحفاظ علي حديد التسليح من العوامل الخارجيه .

🌟لا يوصي بوصل الحديد في منطقه فيها عزم ؟
لان منطقه وصل الحديد (تشريك ، Overlap ) هيا منطقه ضعف في الحديد .. ومن الافضل عدم تشغيل الحديد في منطقه هو قوي فيها ويوجد به منطقه ضعف لان ذلك قد يؤدي الي كسر الوصله .

🏗️🧱

يعني ايه الحديد الرئيسي ؟وبحسبه إزاي؟🤔

🌟الحديد الرئيسي Main Steel هو الحديد الذي يقاوم الاجهادات و الاحمال Stresses and Loads التي تؤثر علي القطاع الخرساني ويعمل علي جعلها مقاومه لتلك الاحمال وامنه للاستخدام Safety ومطابقه للمواصفات Specifications .

⬅️كي نعرف كيفيه حساب الحديد الرئيسي للقطاع يجب معرفه :
١-نوع القطاع : وذلك من حيث اذا كان :
١-قاعده مسلحه ويكون الحديد الرئيسي في اتجاه العزم الاكبر .. ويكون افقيا .
٢-سمل مسلح ويكون الحديد الرئيسي هو الحديد المعلق او العلوي وهو أفقي .
٣-عامود خرساني مسلح ويكون الحديد الرئيسي هو الاسياخ الرأسيه الموجوده علي محيط العامود ولا يسمح بوضع حديد في الوسط .
٤-كمره خرسانيه مسلحه ويكون الحديد الرئيسي هو الحديد السفلي او الساقط ويكون افقيا .
٥-سقف خرساني مسلح ويختلف الحديد الرئيسي علي حسب نوع او نظام السقف المستخدم فيكون في البلاطه اللاكمريه واللبشه المسلحه في الاتجاه الطويل وان كان الاصح انويكون في اتجاه الاضافي الاكثر .. ويوجد في البلاطه الكمريه في الاتجاه القصير او اتجاه العزم الاكبر .

🌟القوي المؤثره علي القطاع
حيث يتم تصميم الحديد الرئيسي طبقا للعزوم المؤثره علي القطاع . سواء كان القطاع يؤثر عليه أحمال راسيه Vertical Loads وجانبيه Lateral Loads .. او يدخل ايضا احمال سفليه Ungrounded Loads قادمه من التربه Soil بالطبع ويوجد اكثر من طريقه لحسابه اما عن طريق First principal او ال Finite elements .

🌟يعني ايه الحديد الثانوي ؟ وبحسبه ازاي ؟
الحديد الثانوي Secondary Steel هو الحديد الذي يدعم الحديد الرئيسي Main Steel ويسهل عليه قيامه بمهامه علي سبيل المثال :

الحديد العلوي Top steel او المعلق في الكمرات Beams او في السملات Ground beams حيث يتم بواسطته تعليق الكانات ..
ألحديد في الاتجاه الطويل في البلاطات .
يقاوم الحديد الثانوي ايضا الحراره temperature والانكماش shrinkage وتقليل ال Deflection .

حساب الحديد الثانوي بانه يكون نسبه من الحديد الرئيسي نسبه من 10-40%.

🌟يعني ايه الحديد الاضافي ؟وبحسبه ازاي ؟
عندما تكون العزوم المؤثره علي القطاع متساويه علي كامل مسطح القطاع ولكن في مناطق اخري منها توجد قيم عزوم أعلي في القيمه عن تلك التي تؤثر علي باقي اجزاء القطاع .. فالبديهي انه لا يمكن جعل السياده في التسليح لتلك العزوم الكبري والتي لا تمثل جزء كبير من القطاع ولكن يجب ان تكون السياده للعزوم المتساويه وذلك للحفاظ علي الاقتصاديه .. العزوم المختلفه تسمي عزوم الحديد الاضافي .

يتم حسابه بالطرق المعروفه عن طريق اخذ قيمه العزم ومعرفه قيمه التسليح .. فقد يصل الاضافي الي ان يكون شبكه حديد او نصف شبكه حديد ..الخ ع حسب العزم المؤثر .

🏗️🧱

🔥كل حاجه تخص الاسمنت , انواعة , وكل نوع واستخداماتة , ورتبتة ,اختبارات الاسمنت , وفكرة تصنيعة⬇️
يعني أيه رتبة الاسمنت 32.5 او 42.5 او 52.5 نيوتن/مم٢ ويعني إيه أسمنت أصلا ؟! .🤔
⬅️الأسمنت : هو الماده المسؤلة عن تماسك مكونات الخرسانه مع بعضها البعض و اكسابها المقاومة يعني مادة لاحمه .
⬅️رتبة الاسمنت : هو الحد الادني لمقاومة الضغط لمكعبات مونة أسمنتيه حجمها 7×7×7 سم بعد ٢٨ يوم . مع مراعاه ان المونة دي تكون مكونه بنسب ١ أسمنت : ٣ رمل
و وزن الماء ١٠%×(وزن الرمل +وزن الاسمنت)

يعني انا لو عملت مونة بالمواصفات دي وحطتها في مكعب بالمقاسات دي وكسرتها بعد ٢٨ يوم هتديني المقاومة الي علي شكارة الاسمنت حسب الرتبة المستخدمة .
⚠️بعض الملاحظات الهامة جدا
١-كلما ذادت رتبة الاسمنت ذادت درجة نعومتة .

٢-يوجد علاقة طردية بين رتبة الأسمنت و مقاومة للخرسانه للضغط فكلما ذادت رتبة الاسمنت ذادت مقاومة الخرسانة للضغط .

٣- ثم يجب التأكد من ملمس الاسمنت أنة شديد النعومة وانة محصلوش تكلس (يعني كلكع) ودة بيرجع لعدة اسباب

أولا : هو أنتهاء تاريخ صلاحية الأسمنت و الي مده صلاحيتة ٦ أسابيع من تاريخ الانتاج

ثانيا : بسبب سوء التخزين وفي الحاله دي بنرجع نعمل أختبارات تاني علي الأسمنت ولا يستخدم الاسمنت في أعمال الخرسانة غير بعد نتائج الاختبارات ولكن ممكن استخدامة في التشطيبات عادي .

🌟الطريق الصحيح للتشوين عشان ميأثرش علي جوده الأسمنت
١-يوضع الاسمنت علي طبالي خشب وذلك لتجنب الرطوبة والمياة .
٢-عدم رص اكثر من ١٠ شكائر فوق بعض لان الضغط المتولد علي أخر شيكارة نتيجة الوزن الي فوقيها ممكن يخليها تشك .
٣-تغطية شكائر الاسمنت بالمشمع وذالك لتجنب الأمطار و الظروف البيئية المختفة .

🌟طب ازاي اقراء الرموز الي علي الشكارة واعرف بتدل علي أيه ؟
(( CEM I او II ))
CEM : ده اختصار لكمه CEMENT يعني اسمنت
I : تعبر عن درجه جودة الاسمنت ثم يعني نسبة المادة الفعالة الي هي الكلنكر ٩٥% ونسبة المواد المالئة الي هي جبس ٥%.
II : تعبر عن نسبة المادة الفعالة الي هي كلنكر ٨٠% ونسبة المواد المالئة ٢٠% .

(( OPC )) : اختصار لكلمة Odinary protland Cement
يعني اسمنت بروتلاندي عادي
( N ) : أختصار لكلمو Normal يعني زمن الشك بتعها طبيعي
( R ) : أختصار لكمة Rapid يعني أسمنت سريع التصلد
( SRC ) : يعني أسمنت مقاوم لأملاح للكبريتات وده يتم أستخدامة في الأساسات.

🌟إيه أنواع الاسمنت والفرق بنهم إية ؟
اولا : أسمنت بروتلاندي وده جميع رتبة 32.5 و 42.5 و 52.5 بيتم أستخدامهم في اعمال الخراسانات و التشطيبات .

وفي هنا غلط شائع ان أسمنت ٣٢.٥ لا يتم استخدامه في أعمال الخرسانات و انما يستخدم في التشطيبات فقط و ثم الكود لم ينص علي ذالك و قال يجوز أستخدامة .
ثانيا : أسمنت بروتلاندي حجر جيري وده رتبة ال 32.5 تستخدم فقط في اعمال التشطيبات طبقا للكود المصري أما باقي الرتب 42.5 و 52.5 يتم أستخدامهم في التشطيبات و الخراسانات .

🌟طب أيه أختبارات الاسمنت ؟
١-اختبار زمن الشك الابتدائي و النهائي (ابرة فيكات) .
٢- ثم اختبار النوعمة.
٣-مقامة الضغط. ٤-الوزن النوعي.
🌟طب أيه مكونات الاسمنت ؟
الحجر الجيري و الطفلة و رمل سيليكا ورمل طباشير و ثم خام حديد و الصخر الزيتي.
🌟تصنيع الاسمنت.
-الطرقة الأولي الخلط الرطب مع الماء .
-الطريقة الثانيه الخلط الجاف بدون ماء .
يتم خلط المكونات الخام السابقه و طحنها جيدا مع وجود ماء او عدمة حسب الطريقة ثم دخول الفرن لدرجة تصل الي ٢٦٠٠ فهرنهايت لتنتج لنا المادة الخام وهي الكلنكر .

🏗️🧱

🔥اسباب انبعاج وتقوس الاعمدة الخرسانية ,انماط فشل الانضغاط في الاعمدة الخرسانية⬇️
⬅️انماط فشل الانضغاط في الاعمدة الخرسانية بناءا على نسبة رقة العمود هناك ثلاثة انماط لفشل اعمدة الخرسانة المسلحة . ومنها
🌟 اولا : فشل العمود بسبب الضغط الخالص . ويحدث هذا الفشل عند تحميل أعمدة الخرسانة المسلحة محوريا . فيتعرض حديد التسليح والخرسانة للضغوط . وعندما تكون الأحمال عالية مقارنة بمساحة المقطع العرضي للعمود تصل الخرسانة إلى اجهاد الخضوع . ويفشل العمود دون التعرض لاي تشوه جانبي . ويتم سحق العمود الخرساني . ويؤدي انهيار العمود الي فشل المواد . وللتغلب على هذا يجب أن يحتوي العمود الخرساني علي مساحة مقطع عرض كافية بحيث يكون الضغط أقل من الحد المحدد .

🌟ثانياً: فشل العمود بسبب الضغط المشترك تتعرض الأعمدة القصيرة عادة لأحمال محورية وأحمال جانبية ولحظات ، حيث تخضع الأعمدة القصيرة الواقعة تحت تأثير الأحمال الجانبية للانحناء وانحناء الجانبين . كما تخضع الأعمدة الطويلة للانحراف و انحناء جانبي حتى عندما يتم تحميلها محورياً فقط وحيث يطلق على هذا النوع من الفشل الضغط المشترك وفشل الانحناء.

🌟ثالثاً: فشل العمود بسبب عدم الاستقرار المرن عندما يتعرض مثل هذا النوع من الأعمدة الخرسانية لأحمال صغيرة ، فإنها تميل إلي أن تصبح غير مستقرة وتلتصق بأي جانب ، ولذلك يصل حديد التسليح والخرسانة في مثل هذه الحالات إلى اجهاد الخضوع حتي للأعمال الصغيرة ويفشل بسبب الالتواء الجانبي المرن وهذا النوع من الفشل غير مقبول في الانشاءات الخرسانية العملية.


🏗️🧱

⬅️نبدا بالجزء الثاني وهو جزء (Super structure)
🌟احمال الاعمدة
نيجي بعد كده للعمود Column ايه الاحمال المؤثره عليه ؟
هنلاقي ان العمود عنصر راسي Vertical element وقد يكون مائل inclined في بعض التصميمات بشروط خاصه( special specifications )

فالاحمال المؤثره عليه هيا احمال الكمراتBeams والبلاطاتSlabs لانه ببساطه العمود شايل كمرهBeam والكمره شايله وزنها Owen weight و حوائط Walls و سقف slabوكمرات ثانويه Secondary Beams والسقف شايل وزنه Owen Weight و ثم احمال حيه او متحركه Live load واحمال ميته او ساكته Dead Loads وكل دا متشال علي العمود Column وبعدين علي القواعد Footings واخيرا للتربه Soil .
يبقي يهمني اعرف ايه ؟
ابعاد العمود Dimension
تسليحه Reinforcement

طيب العامود كمان بيأثر عليه احمال افقيه Horizontal loads او نسميها جانبيه Lateral loads زي ايه؟
مثلا زي احمال الزلازل Earthquake Loads
واحمال الرياح Wind Loads
فلازم نخلي بالنا ونحط دا في الاعتبار

كمان العمود بياثر عليه Moment and Normal stresses فلازم نحط دا في الاعتبار

🌟احمال الكمرات

طيب عرفنا الكمرات شايله ايه يبقي برضه يهمني ف الكمره اعرف الاتي :
الابعاد Dimension من عرض الكمره وThickness
تسليح الكمره Reinforcement.

🌟البلاطات او الاسقف

نيجي بعد كده للسقف ..slab عرفنا الاحمال المؤثره عليه وزنه واحمال متحركه و ثم احمال غير متحركه

صدف ان اثناء التصميم السقف موجود عليه مهبط للطائرات Helipad ولمن لايعرف ان احمال الطائرات خطيره جدا علي المبني فيجب دراستها بدقه علي سبيل المثال يجب معرفه الاتي :

وزن الطائره محمله
وزن الطائره فارغه
ثم تاثير القوي الدفعيه للطائره عند اقلاعها .
تأثير القوي الدفعيه للطائره عند هبوطها .

يبقي المفروض اعرفه للسقف ؟
سمك السقف Thickness
تسليح السقف Reinforcement

🏗️🧱

⬅️⬅️كنا اتكلمنا علي العناصر الاساسيه لاي منشأ دلوقتي جه الدور علي الاحمال المؤثره علي عناصر المنشأ
LOADS AFFECT ON COSTRUCTION ELEMNTS

ركز معايا كده عشان نحاول نوصل سواء باذن الله ان انا بصمم ايه في المبني 🤔....
نبدا بالجزء الاول وهو(Sub Structure)
هنيجي للتربه ففكر كده ايه الاحمال الموجوده علي التربه في الحاله دي ؟🤔
هنتكلم كدا علي مثال خفيف يوضح ليك نقاط معينه وبعدين ندخل في التفاصيل 😎
⬅️⬅️مثال بسيط او تجربه علميه Science) Experiment)
جرب الوقوف علي طبقه متصلده من العجين .و مثلا طبقه اخري من الخرسانه !ماذا تلاحظ؟_بغض النظر عن تأثير او توزيع الاجهادات علي التربه الاصليه .

▪في الطبقه الاولي تلاحظ وجود هبوط علي شكل حذاءك او اقدامك (رجل المبني ها؟ مش بتفكرك بحاجه؟ ) موجود بالطبقه .
▪في الطبقه الثانيه تلاحظ عدم حدوث هبوط او اي شىء وكفاءه الطبقه لحملك .

🌟اجهادات التربةSoil Stress
طيب استفدنا ايه من المثال ؟
اولا :- ان التربه الحامله الي هيا الارض او العجين او الخرسانه
ف المثال تتاثر بوزن الجسم القابع او المرتكز اعلاها .. وتتوزع الاجهادات الخاصه بالجسم علي التربه ..
ثانيا:- ان طبيعه التربه تتأثر تأثرا كبيرا بقدرته علي التحمل وتاثير الهبوط Deformation الحاصل فوقه, يعني طبقه العجين غير طبقه الخرسانه .

تمام يبقي كده عرفت التربه ببتأثر بايه ..يبقي المفروض اعرف :
طبيعه التربه(Nature Of Soil or Sort Of Soil)
ثم قدره تحمل التربه( Bearing Capacity) اي قدره التربه علي حمل الاحمال بأمان .
والاتنين دول بتعرفهم من تقرير التربه Soil) (Investigation Reportعرفت اهميه انك تعمل جسات ؟

🌟احمال القواعد

حمال القواعد (Footings Loads) طيب بما ان التربه يؤثر عليها وزن المنشأ (Construction Weight) القواعد بقا ايه الاحمال المؤثره عليها ؟

عشان تستوعب الفكره دي بص لنفسك .. ثم رجليك الاتنين دول شايلين اي او ايه اللي بيأثر عليهم ؟
هتلاقي ان اقدامك حاملين لسيقانك ووزنك ثم وايضا التربه نفسها لها احمال عليهم ؟ طب ازاي ؟
طبقا لقانون الحركه لنيوتن Newton law ” فلكل فعل رد فعل مساو له في المقدار ومضاد له في الاتجاه ” ..بمعني خلينا نرجع لتجربه العجين والخرسانه وحضرتك هتفهم ..

دلوقتي انت شخص اثرت بقوه معينه علي الارض او علي الطبقه الحامله لك زي العجين مثلا فكان الفعل منك ورد الفعل من طبقه العجين ونتيجه عدم توفر الظروف المثاليه كان رد فعلها ضعيف مما ادي لانهيارها Failure وحدوث هبوط مثالي Perfect Deformation

علي العكس تماما في طبقه الخرسانه انت اثرت بفعل ولكن رد الفعل كان مساوي لفعلك وعكسه فتلاشت القوه فاصبحت ساكن علي الارض بدون حدوث هبوط او انهيار . وطبعا رد الفعل دا بتستنجه من شكل الجسم المؤثر علي الطبقه وتوزيع الاحمال.
استفدت ايه ؟

نك لازم تحسب الحمل المؤثر علي القواعد ومنه تطلع مايسمي Footing Dimensions(ابعاد القاعده )المتمثله
بطولها وعرضها والعمق
وبالتالي اذا صلحت التربه صلح باقي المنشا واذا فسدت تاكد بانهيار للمنشأ لذلك هي من اهم العناصر التي لابدا من تصميمها بكفاءه عاليه

🏗️🧱

كيف تصمم (How to Design) 🏢🧱
كيف تفكر بعقل هندسي ,ما الملاحظات الواجب معرفتها قبل التصميم , ابدا تصميم منين وازاى , اضمن التصميم الصحيح بكل الجهات
⚠️value Of Engineering
⬅️مبدأيا هنتكلم عن الموضوع في كام جزئيه الجزئيه الاول وهي معرفه المكونات الرئيسيه لاي نظام انشائي ( Main Construction element)
هنبدأ من الاسفل للاعلي (Down to up) علشان نفهم الاحمال جات ازاي.....
لو تخيلنا بيت او برج سكني او اي منشأ خرساني امامنا هنلاقي الاتي :
تربه يستند عليها المنشأ (Soil) .. ثم سواء مغروس فيها خوازيق (Piles) لو كان قاعده المنشأ لبشه علي خوازيق (Raft on Piles) … مثلا .. وبخلاف نوع التربه ايضا سواء كانت رمليه ..طينيه ..صخريه ..الخ وكيفيه التعامل معها... بعد وجود الطبقه الصالحه للتأسيس عليها الي هيا التربه... هنلاقي بعد كده القواعد (Footings) او ممكن تسميها رجل المبني ..(Legs Of Construction) والرجل دي بتختلف من مبني لاخر حسب حاجات هنعرفها دلوقتي ان شاء الله
Type of footing :-
-قواعد سطحيه (Shallow Foundations) ودي زي
القواعد المنفصله (Isolated Footings) والقواعد المشتركه( Combined Footings) والشريطيه( Strip Footing) واللبشه (Raft)

قواعد عميقه (Deep Foundations) ودي زي الخوازيق( Piles) .
يبقي المفروض اصمم القواعد دي من ابعاد وسمك نتيجه الاحمال الواقعه عليها .

-الاعمده Columns :-
نيجي بعد كده للاعمده( Columns) ولو بصينا للعمود فهنلاقي منه اعمده قصيره (Short) واعمده طويله (Long)
ويتميز العمود القصير عن الطويل قي مقاومته للانبعاج (Buckling) والعمود ممكن يكون مقيد( Braced) وغير مقيد (Unbraced) ودا هنعرفه في بوست منفصل عن الاعمده تصميما وتنفيذا ان شاء الله .
-الكمرات Beam :-
طبعا عندنا الكمرات(Beams) بنوعيها سواء ارضيه (Ground Beams) تحت مسمي السملات والميد والشدادات او فوقيه( Normal Beams) , الكمرات المعروفه ..

-الاسقف او البلاطات Slab :-
بعد كده عندنا السقف (Slab) طبعا باختلاف انواع الاسقف فلو حبينا نحصرهم كده :
السقف الكمري (Solid Slab)
ثم السقف اللاكمري (Flat slab)
و ثم السقف المعصب Ribbed or Hollow block) slab)
سقف الكمرات( Panelled Beams Slab) وطبعا الجديربالذكر ان المسافه بين الكمرات ممكن تكون سقف كمري او سقف معصب .بعد كده عندنا السطح (Roof) والدروه( Parapet) الموجوده كحائط داير ما يدور ..وهنتكلم عن الاحمال المؤثره علي السطح ..

🧱

Now the beginning of your journey to the ways of excellence🔥


🧱

In order to be able to start our journey
We are recruiting .. 🔥
Our team is looking forward to have people whose spirits are full of passion and enthusiasm ..
Apply now in our committees :-
- PR
- HR
- Media
- OC
- technical committee

https://forms.gle/MRiWCqFwhy5nVH3u9


🧱