28/07/2024
👈اختار الفرنساوي لانك كده كده بتتكلموه طول اليوم وانت مش عارف
🗼 * أنا و بابا (papa) و ماما (Maman) و أخويا و أونكل (oncle) و تانت (tante) روحنا اسكندرية علشان نصيف و ركبنا الأتوبيس (autobus) و لما وصلنا لقينا الشاليه (Chalet) عبارة عن 3 أوض و صالة (salle) و مفروش موكيت (moquette) و فيه كل حاجة زى : الراديو (radio) و التلفزيون (télévision) و الكاسيت (Cassette) و التليفون (téléphone) و الإنترنت (Internet) و صالون شيك (salon chic) فيه كنبه (canapé) جنبها أنتريه (entrée) على الحائط تابلوه (tableau) أما أوض النوم فيها دولاب عالى بلاكار (placard) و سريرين بينهم أباجوره (abat-jour) و فازه (vase) أما الحمام فيه دوش (do**he) و تواليت (toilettes) أما البلكونه (balcon) فيها كرسي طويل شازلونج (chaise longue)
كده انا إتكلمت عن محتويات الشاليه.
🌹جنب العمارة فيه :
جراج (garage) و بنك (banque) و بوتيك (boutique) و كافيه (café) و كافيتريا (cafétéria) و سينما (cinéma) و سيرك (cirque) و إستاد (stade) و بيسين (piscine)
كده أنا إتكلمت عن الاماكن............................................
🌹كل يوم الصبح بنروح البلاچ (plage) و بالليل بنتمشى أو نركب الترام (tram) اللي شبه المترو (métro) و التاكسى (taxi) الاصفر و بسكليته (bicyclette) و موتوسيكل (motocycle) و كمان تروسيكل (tricycle) و سكوتر (scooter)
كده أنا إتكلمت عن وسائل المواصلات ..........................................
🗼بعد كده بنتمشى على الكورنيش (corniche) و نتصور بالكاميرا (caméra).
بابا بيعزمنا فى ريستوران (restaurant) و الجرسون (garçon) بيجيب لنا سلاطه (salade) و الشيف (chef) عمل لنا بوفتيك (bifteck) و بيتزا (pizza) و كريب (crêpe) عليه مايونيز (mayonnaise) و شربنا عصير مانجو (mangue) و ليمون (limonade).
عمى بيعزمنا على مخبوزات و حلويات زى :
باتون ساليه (bâton salé) و باتيه (pâté) و بسكويت (biscuits) و بونبونى (bonbons) و بيتى فور (petits-fours) و شوكولاته (chocolat) و تورته (tarte) و جاتوه (gâteau) و كرواسون (croissant)
كده انا إتكلمت عن المأكولات ...........................................🌹🌹🌹
و في السهرة كل يوم بننتسوق و إشتريت لى : 👇
بلوزة (blouse) و جيبه (jupe) و تونيك (tunique) و تايير (tailleur) و إيشارب (écharpe) و روب (robe) و ساندال (sandales) و بوت (bottes)
🌹أما أخويا إشترى له :
بنطلون (pantalon) و جاكيت (jaquette) و بلوفر (pull-over) و جاليه (gilet) و مايوه (maillot) و تيشيرت (T-shirt) و كاسكيته (casquette) و سابوه (sabots)
🌹كده انا إتكلمت عن الملابس
و فى النادى لعبنا
👈 فوت بول (football) و هاند بول (handball) و باسكيت بول (basketball) و ڤولى بول (volleyball) و كاراتيه (karaté) و يوجا (yoga) و تنس (tennis) و بنج بونج (ping-pong).
كده انا اتكلمت عن الالعاب الرياضيه
🌹ايه رأيكم إنكم بتتكلموا فرنساوى طول اليوم و من زمان
