& الرياضيات كما يجب أن تكون بطرق بسيطة وسهلة وشيقة .
29/07/2023
هنا البداية ... الله الموفق ... انتظرونا قريبا يوم الثلاثاء 👈 ٨/١ سنبدأ شرح وتدريس كورس تأسيس ( مجانى ) لمادة الرياضيات فى جميع المراحل الاعدادية لمدة شهر ومن ثم الدخول فى المناهج التعليمية 👈 ١ / ٩
ملحوظة .. سيتم تجمع وفرز الطلاب والمجموعات يوم الثلاثاء ٨/١ الساعة ( ٦ ) مساءا فى نجع السبايب بسلوا بحرى ... ذ/كرم نادى
ليه معظم الطلاب بيشتكوا من مادة الرياضيات؟؟
الرياضيات من المواد الدسمه اللي بتعتمد بشكل شبه كلي على التركيز والفهم ومعظم الطلبه بيصعب عليهم التركيز وبيتشتت انتباههم..
ولكن لو الطالب اخد جرعات قليلة على مراحل متفاوته وتدريب كتير يبدأ العقل يستوعب..
كمان كتير من الطلبه حاليا للأسف معندوش الجزء التراكمي للمادة.. يعني لم يتأسس كويس في المراحل الأولى حتي في أبسط حاجة زي الجمع والطرح والنوع ده بيحتاج تأسيس مكثف عشان يلحق نفسه قبل يطلع لمرحلة يكون فيها صعب يوفق بين التأسيس والمنهج..
عشان كده ننبه أولياء الأمور بضرورة التأسيس في المراحل الأولى وخصوصاً في ظل النظام الجديد... بجد اللي بيتأسس في الصغر هيرتاح كتيييييير بعدين ومش هو بس بل وولي أمره كمان وكمان المدرس... يعني العملية التعليمية بكل اركانها هتكون سهلة وسلسة...
طيب بالنسبة للطلاب اللي داخلين اعدادي مثلاً ولم يتم تأسيسهم كويس ايه الحل؟؟
الحل هنا لازم يتأسس ويلم أساسيات ومهارات الابتدائى وخصوص سنة 5 و 6 إبتدائى ودا ماتشيلش هم ليه لان هنزل مراجعة بسيطة شاملة كل التأسيس ده مش صعب ممكن تلمه فى يومين او تلاتة بالكتير وتدرب عليه هتلاقى نفسك مهئ وقادر انك تدخل اولى إعدادى وتفهم وتحب المنهج والمادة كمان .
وأخيرا بقول للطلاب حبوا الرياضيات تحبكم وتخلوا عن فكرة إني مش فاهم ومش هفهم حاول وعافر أكيد هتوصل إن شاء الله .. وبالتوفيق !
Mr/ Karam nady & ذ/ كرم نادى
أهلا بكم فى عالم الرياضيات . علم الرياضيات هو علم له فروع كثيرة مثل الجبر والإحصاء والهندسة وليس له تعريف او مفهوم موحد وهذا لكثرة تعاريفه وقوانينه وفروعه ، وتعتبر الرياضيات أم العلوم وهذا لأنها متداخلة فى جميع العلوم ، ويعتبر هذا العلم له الفضل فى فهم الظواهر الطبيعية والحقائق المطلقة التى حدثت وتحدث فى الكون الذى نعيش فيه ، أنظر من حولك ستجد كل شئ لا يخلو من الرياضيات ، وايضا يعتبر اللغة المشفرة التى يتحدثها جميع البشر ،المنطق والنظريات و التجارب تعتبر من أعمدة هذا العلم الذى أفاد البشرية وطور حضارة الإنسان منذ القدم حتى الأن .
إنه علم تراكمي البنيان ( المعرفة التالية تعتمد على معرفة سابقة ) أى تدريجى مثل السلم وفروعه مكملة لبعضها ، له أساسيات ومهارات بدونها لا تستطيع أن تتفوق فيه وتتنقل من مرحلة السهل إلى مرحلة الصعب بسهولة . يتعامل مع العقل البشري بصورة مباشرة وغير مباشرة ، ويتكون من ( أسس ومفاهيم – قواعد ونظريات – عمليات –حل مسائل (حل مشكلات ) وبرهان ) ، ويتعامل مع الأرقام والرموز . ويعتبر رياضة للعقل البشري مثل رياضة الجسم حيث تتم المعرفة فيه وفقا لإقتناع منطقى للعقل يتم قبل أو بعد حفظ القاعدة ، ويقاس تمكن الدارس من علم الرياضيات بقدرته ونجاحه في حل المسألة (المشكلة) وتقديم البرهان المناسب .
& بعض أهداف علم الرياضيات العامة
1. تنمية التفكير السليم والمنطقى عند الطالب .
2. مساعدة الطالب في التعامل في حياته العامة.
3. فهم وتفسير بعض الظواهر الطبيعية .
4. تنميه وإكساب قيم وإتجاهات وعادات إيجابية عند الطالب ..مثل (الصبر – النظام- الدقة – التعاون )
5. مساعدة الفرد على دراسة وفهم علوم أخرى .
6. التعرف على معلومات جديدة .
Mr/ Karam nady & ذ/ كرم نادى